犇殿台灣火鍋 (德福廣場1期)

营业中

休息中

今日同男朋友食揀咗最貴嘅澳洲M7和牛晚餐，入坐時間囉係17:29食90分鐘，係門口同侍應講咗要鴛鴦鍋，都見住佢mark低咗嘅，但入到去就俾咗個單鍋🙄頭兩次手機落單d嘢都幾快到，因為冇客。但個鍋要好耐先滾🙄差唔多要10分鐘……之後到18:25再一次落單，等到18:40都仲未有。有個女侍應走過嚟叫埋單仲同我講55分要走。心諗90分鐘唔係18:59分先夠鐘咩🤔到18:40分d嘢仲未到就同d侍應講有嘢仲未嚟啦，佢就求其攞兩樣小食過嚟，咁都算啦。我同男朋友食緊雪糕嘅時候，個女侍應帶埋佢個手下嚟掃晒我哋啲枱嘅嘢走，想講個客仲食緊嘢你就係咁𢴇嘢真係好冇禮貌，重點係見到岀面冇客等緊！我同女侍應講我哋張單寫住18:29分入座應該係18:59離坐，佢就用好似施捨嘅語氣同我哋講「俾多5分鐘你啦」，真係好激氣！服務差之餘d嘢食仲好難食！午餐肉又凍又乾，最貴嘅牛又冇牛味，麻辣湯底一d都冇味，d牛大大塊好難入口！成餐最好食係雪糕🍦俾咁貴價錢食雪糕我不如去食雪糕火鍋la🙄🙄依家見呢間鋪長間唔洗等終須知點解啦👏🏻

同朋友去九龍灣打邊爐🍲我哋揀咗最貴嗰個和牛套餐決定一嚐神仙和牛台式火鍋最緊要湯底🍲鴛鴦鍋揀咗麻辣鴨血鍋同口湖扁魚蛤蜊鍋麻辣鍋味道濃厚🌶豆腐同鴨血夠入味海鮮蜆肉鍋鮮味十足~推介☺️神仙和牛油脂豐富 入口即化 好正啊！澳洲M7和牛好大塊 脂肪分布平均~海鮮拼盤配料豐富🦪扇貝、鮑魚、蠔肉、蜆肉、蝦、墨魚等 ~各款海鮮非常新鮮🤩另有多款台灣直送配料澎湖墨魚滑、蝦滑、手工蛋餃、米血糕等配特色湯底好好味啊仲有台式小食，鹽酥雞、台灣腸、滷三寶、滷肉飯 好滿足啊🥰滷肉飯水準都唔錯 同台式餐廳嘅水準差唔多 打邊爐配滷肉飯又幾好味😋

午飯時間試60分鐘美國極黑牛三叉放題60分鐘的套餐只包兩份牛肉同一支飲品午膳來說份量還可以的牛肉都新鮮肉嫩，自助bar都有多種蔬菜，丸類選擇，基本火鍋料都有麻辣湯底係台式風味，唔會太麻太辣~

👧🏻Caca小教室📚今日同大家講嘅係「犇」字，呢個字嘅意思係牛牛都跑走呀～咁點讀架呢？三隻🐮🐮🐮？讀作「奔」～所以呢今日我去呢間位於九龍灣嘅台式火鍋店，係🐮🐮走唔甩嘅地方叫做「犇殿」！食返個牛牛盛宴先！👧🏻Caca今次食乜野？90分鐘吃到飽·澳洲M7和牛🐮放題🈶自選美白凝膚🐮乳鍋-牛乳湯帶出牛肉更嫩滑而又不搶每款牛嘅鮮味，仲有養顏功效🥰🈶神仙🐮肉-🉐🉐🉐超推牛味十足，肉質滑溜溜🈶手切琵琶牛肉、美國黑毛和牛、美國牛板鍵、美國極黑牛三差、安格斯牛小排、美國牛胸腹板肉，我竟然一啲醬油都無點過，就知有幾好味啦🙈🈶海鮮盤（海蝦、扇貝、蠔、蜆、鮑魚）🈶豬梅花肉、羊肉卷🈶自助吧，多款火鍋丸類、疏菜、響鈴、鴨血等等，應有盡有🈶特別驚喜麻辣味雪糕、沖繩海鹽雪糕要試試呀😬😬

一月尾嘅時候去試左呢間火鍋食午餐，雖然已經係平日，仲係下午三點多，還是要排隊😯，所以都有點期望。點了仼食牛胸腹板肉套餐$138，可無限食雪糕，飲品，台式芋圓，火鍋配料。酸菜白肉鍋比起其他台式火鍋，這個湯底真係被比下去了，可能個酸味唔啱我😌白肉都算多。配料都新鮮，有幾款丸可選。牛肉都有一半係肥肉，店員點餐前有提醒，但冇諗過真係咁肥。芋圓麻麻地，質感同味道都好普通。之後再加牛肉，咁嘅色，但問過店員話正常😳🤔🤔，我就未試過呢種色嘅肉了，所以冇再食了雪糕🍦以為係法國H 字頭個款，點知係下面呢款。。。宜家唔知有冇轉返呢。應該都冇下次了😥

編位勁差 俾3人個d組合入哂坐4人枱 然後5人又安排2張4人枱 叫到4人個d 不斷同你講 個1個未走 你等多30分鐘/45分鐘💩食物方面 完全係抄牛x人 價錢5算平 服務態度好差 食物質素一般🤢

每次收工經過德福，都見到餐廳出面大排長龍，有好幾次拎完飛，都已經知道等到last order都食唔到，唯有放棄。難得今日6點零已經收工，即刻沖去試吓先！喺門口見到有幾高同價位嘅Menu，最後揀咗美國極黑牛三叉，有三款牛，食落正正常常，牛三叉好大塊，幾好味，有驚喜，其餘兩款不過不失啦！ 問職員有咩湯底推薦，佢話牛乳鍋同牛骨鍋都多人揀，我哋揀咗牛骨鍋，湯底都幾重藥膳味，我覺得還好，比較鍾意牛大人嘅牛骨湯多啲。配料都算出色，特別係手工餃大大粒，有雲耳鮮蝦好足料！滷肉飯都幾有誠意，肥肉炆得好入味好淋，直情入口即溶，同牛大人嗰種肉碎滷肉飯唔同風味！飲品同雪糕都係正常嘅貨色，唔多提。本身都幾鍾意Mr. Steak集團嘅餐廳，因為服務態度幾好，職員有提示湯底煲滾之後要轉4度火，上菜速度快，冇漏單，有次湯底開得太大火滾瀉，職員都主動過嚟幫我哋抹乾淨，整體服務良好。

食咁耐放題未試過畀人係咁催趕住夠鐘走， 個碗仲食緊嘢啲嘢都仲未食完，並非座响度Hea吹水，亦完明白90分鐘係要離場，但係佢冇講幾時last order， 難聽啲last一分鐘都仲俾人order ，仲有兩碟生牛肉仲未食， 浪費食物，個碗仲爬緊個水餃都未食曬，係咁催，一夠鐘就要你走話出面有人等緊，但係出到去出面冇人等。我3大人叫$248嗰隻餐，食物質素，各款牛肉都ok，水餃ok， 其他普普通通 ，炸魚皮淋， 台灣小吃可以講冇樣， 唔會再幫襯。無下次。

尋晚公眾假期，間間都排隊等候，來到呢間見到無人排隊，念住試下啦，反正唔使排隊直接入座唔明成個場都無乜客，仲要趕客，成鍋食物，我地筷子仲係半空，都可以直接係你面前攞走個鍋，完全唔俾時間人食，不停在你面前收碗筷，就差手上杯野飲未搶叫停唔準飲，一邊收野，一邊黑面提你夠鐘走，第一次食放題俾人趕，都唔明咩服務態度，抵你地無生意，食物又唔係特別好食，新鮮，怪不得無人排隊食

經常見好多人排隊，難得今日時間可以早到，於是一試，點知食完一肚氣，服務態度極差。尤其有一個女侍應，佢竟然同我講「晚市係咁嫁啦！係咁趕嫁啦！」事緣係咁的......大約還有10分鐘侍應開始問收拾枱上的食物，我地話食埋食少少先，之後還有5分鐘時另一位侍應提醒我地還有5分鐘，可以去拎甜品，之後過了無耐，侍應就摩打手收哂枱上所有碟及鍋。準時90分鐘枱上已無一物.......於是我地向收拾碗碟的女侍應反映，其實只是剛剛夠鐘，於是她說「晚市係咁嫁啦！係咁趕嫁啦！」我心諗咩料，如果客客氣氣話，吾好意思，晚市時間比較趕急，我會無野，但咁既服務態度，完全接受吾到，所以呢間店，無下次！食物方面，肉類正常，不過不失，但海鮮麻麻地，蝦好細隻，又吾新鮮，我咁鍾意食蝦既人都只食左2隻。熟食就偏凍，我明白是預先煮好，但世上有keep warm 既方法，我食5點幾已經凍左，咩玩法？所以綜合食物及服務吾會再去食，同價錢，大把其他選擇

首先講一講 呢間係90 分鐘任食邊爐！！！野食又黎唔齊，淨係識趕客30 分鐘提我一次，15 分鐘提我一次，5 分鐘提我一次，2 分鐘提我一次，夠鐘提我一次！（態度勁差咁提我走）最嬲係不斷提我地夠鐘果位店員拎住佢個咪同出面帶位同事講左幾次：有兩台戴緊口罩喇！！！（佢對住自己同事態度都可以好差！我地同後面果台不斷比佢趕走）以後唔會再去！（趕到一張相都無影過）野食黎唔齊唔緊要 但唔該態度唔好咁差！！！！！！！！！！！！

見佢咁多人排，就諗住試下好唔好食啦 見咁多人排，以為實無死6點半拎飛 二人枱，等到大約七點八先有得入座 揀左個最貴嘅套餐，係食m7澳洲和牛雖然叫和牛，但出奇地韌，同埋好「鞋」唔好食到我無再叫第二碟最後我係試哂佢咁多款牛肉 結論係全部都好唔掂 ，一碟比一碟「鞋」唯一好食個碟牛係贈送個一碟， 但兩個人得六塊牛以外嘅食品，豬同雞都還好 ，火鍋配料亦都算多選擇但如果為左食牛，真心唔建議食佢 我自己亦都唔會再幫襯呢間野，出面有更多更好嘅選擇。

Lunch time 食 90分鐘任食邊爐真係好過份🙈喺門口等緊朋友到嘅時候， 店員都好有禮貌同埋好熱情咁樣介紹有咩湯底， 原來佢有十款湯底揀， 最後就揀咗鴛鴦湯底 牛乳同埋麻辣 。麻辣湯底就會有埋鴨血， 另外我哋嗌咗90分鐘任食就會有得食雞牛豬羊😋😋出面仲有好多醬料同埋好多配菜任夾， 而店員都清理枱面得好快，又會主動加湯。幾好。

同友人傾計，突然講到外賣火鍋，問起有酸菜白肉鍋，毫不猶豫就想試，不過前一晚睇open rice,發覺暫停服務，無得訂，有點失望。今日5點幾又講開，望一望open rice, 有得訂喎，最快時間係90分鐘，或者7點3，時間就埋放工岩岩好，即訂！訂左個最平既二人餐，主要係想試下個酸菜白肉鍋。都算準時，19:16有得拎都幾重下仲有一大盒蔬菜🥬兩個人食唔曬，入面有兩個粉，再加咁多肉，唔係大食既，我唸3-4個人都可以至於味道就有點失望，可能太掛住台灣啦，始終覺得不及台灣的好味。雖然未算入口即溶，但啲牛肉都唔錯，幾有牛肉味。個啲乜餃都幾好食，我就最喜歡食個關廟麵如有有得揀多一個就好啦。整體來說都可以。只是下次會試下其他湯底呢。

1。有歲半BB同行，入坐後有服務員質問bb有無度高(90cm以上需收費)。我話無，但我b得81,亦有在等位時詢問你們服務員。咁而家使唔使出去度番！聽到佢叫咪問同事我地有無度高，佢同事覆佢唔使度，佢就行開左！（我都驚你哋收我錢啊大佬😡，歲半打邊爐食得啲咩！要收我錢我絕對唔會入去食！）2。8:20夠鐘，8:15我地食緊半個雪榚，準備食完走。佢黎話夠鐘了，我地話：好快，食埋個雪榚，但佢已經迫不及待咁執晒你枱前所有嘅嘢，一副趕你走嘅樣，我地走時睇錶，剛8:20分還有其他小細節總括而言食物質素很一般，服務態度10分差，價錢不便宜，即係又貴又唔好食永冇下次😡嬲到要第一次出post