犇殿台灣火鍋 (德福廣場1期)

营业中

休息中

收工趕10點前堂食既節奏對於一個唔係返office hours 既打工仔黎講十點前堂食 隨左放假都無咩機會收工同朋友食飯難得有一日 難得的清閒 收工9秒9衝去打邊爐其實之前12點堂食都食過任食打邊爐黎講呢間真係高質素對於一個唔鐘意食任食放題既人黎講呢個真係值得一食再食牛同豬既質素好出面任拎既丸類 配菜 都多野飲都多選擇 仲有雪糕雪條好似牛有分幾個級別既價錢唔記得個日叫邊個但一人都係240 抵食服務就有待加強其中一個朋友去令位 同叫野食先點知因為得佢一個 就算佢坐底左都唔比叫4個人既野搞到我地又要食又要趕 全程都好趕急

今日同太太拍拖日， 見好耐冇打過邊爐今日嚟到呢間舖頭， 其實之前夜晚食過一次都尚算可以， 今日晏晝再食多次， 今日揀咗個90分鐘任食放題 選擇最經濟個個， 入咗之前職員已經同我講解咗最經濟嗰個會比較肥， 其實都唔會話太介意因為都預咗會咁嘅價錢會畀啲肥質素， 坐低之後冇幾耐就嚟咗碟肥牛， 心諗 嘩使唔使肥到咁， ok唔緊要再叫多三，四碟 ，終於頂唔順三四碟都係咁肥， 咁嘅出品都可以出到畀客人無言以對， 如果一兩碟我都可以 忍受一下， 但碟碟都係咁簡直侮辱， 即係要我食脂肪啦， 全部都係脂肪， 簡直係八成脂肪兩成肉， 正確嚟講係九成脂肪一成肉

唔知係邊到得知佢個外賣二人套餐好抵，終於搵日試左有三個餐選擇，分別係肉類嘅等級唔同，我地最後揀左A餐埋單二百蚊都唔洗，咩都包哂，有肉有菜有丸有面佢個菜籃同佢show出黎一樣咁巨型，唔係得一種菜，入面連羽衣甘藍都有好dum本，有好幾款無咁悶，丸類同面類都唔差，面有兩款，一人一個岩岩好！如果對肉有dd要求可以揀貴d嘅餐，我地只係抱住試下嘅心態就揀最平，但其實都唔差同埋分量都唔少架，成個餐兩個人食絕對飽！依家疫情大家都係少出街打邊爐～

因為疫情關係 堂食時間亦都好短😩想買啲靚啲嘅牛 樓下街市又冇😞😞於是上網搵咗好多間打邊爐嘅外賣😋😋😋搵到呢間位於九龍灣嘅店舖佢哋嘅打邊爐套餐真係好抵食👍🏻👍🏻👍🏻睇吓你自己想要邊隻牛啦揀番個套餐👍🏻👍🏻👍🏻我就係外賣自取嘅拎到返去仲係好新鮮👍🏻👍🏻👍🏻除咗啲牛仲有少少配菜俾埋你兩個人食係絕對夠啲牛就好新鮮 配菜啱啱好唔會太多唔會太少👍🏻👍🏻咁樣食平過自己去街市買最緊要佢啲肉係有質素👍🏻👍🏻👍🏻

第一次walkin試呢間，發現夜晚好多人，可能要提早預約先得。入到去見到裝修好靚，至於食物質素都相當抵讚，佢既肥牛係雪花肥牛，薄薄一片入口即溶，另外佢既任食區食物種類相當多，工作人員換食物既速度都好快，基本上全部都係滿既

今年妹妹生日不想出外用膳，叫了外賣自取，這個在家吃到飽，2人火鍋套餐(澳洲M6和牛) ，牛肉豬肉雞肉份量足夠3個人吃，蔬菜麵食都有幾款，只是鴨血得兩薄片，另外魚青滑多骨。基本食物都很滿意，可惜期待的台式火鍋味道「一品酸菜白肉鍋」，變了「藥膳紅燒牛骨鍋」，這個充滿中藥味的湯底，徹底破壞了好的食材，不是人人可接受藥膳味道，慘慘！！其實開飯食評都有人講食肆比錯湯底，但到現場攞食物時，地方太窄真的沒有辦法即時檢查湯底。

今日同朋友食，原本打算食牛陣，但見呢間新開，果名又有3個牛，咁就以為應該d牛級數唔錯啦，仲有見咁耐無一齊食就叫左個最貴298蚊澳洲M7和牛，點知就中左伏，牛無牛味，肉質鞋到哭呀，無油花，學食神講係失敗中既失敗，得罪講句同街市買幾十蚊d手切肥牛差唔多，全場唯一好食既係一開始黎果碟神仙肥牛（但1人得3片）同Haz雪糕（法國製），其他包括台式小食（士林小香腸）就不過不失。野飲種類唔夠多，台式火鍋店連最近好興既台式花茶都無提供，極度失望。

犇殿响九龍灣開咗一排，之前成日排長龍，見近期二人限聚，人流少咗，一於去試吓！先講環境，店內通風極佳，完全冇焗促悶熱嘅感覺，一向怕熱嘅我連外套都冇除低過。同一般嘅火鍋店差唔多，店內劃分飲品區、蔬菜區、熟食區、甜品區、醬料區。區區分明，雖然地區細咗少少，但樣樣齊全😅。卡位闊落，兩個人坐好舒服。第一次幫襯，叫咗個中價位嘅套餐 - 美國極黑牛三叉套餐＋酸菜白肉鍋。鍋底同埋第一轉牛肉秒速上枱，其餘小食，配料就自己網上落單，落單同樣秒速上枱，效率一流。湯底酸菜白菜，味道酸酸地，好開胃，湯底吸收肉味後，愈打愈甜。 加湯底亦係加返酸菜湯，所以湯底到最後都好濃郁。火鍋料黑牛小排，牛味濃郁，肥瘦啱啱好，有咬口之餘又唔會好柴。牛三叉肉大大塊，好有滿足感，可惜佢肥瘦唔均勻，一係全瘦，一係好肥。手工水餃，大大一隻嘅菜肉餡，包得好結實，皮同餡之間冇虛位，絕對真係手工自己包，一定要試吓！👍🏻蛋餃，坊間嘅火鍋店比較少見，建議試一兩隻。蝦滑、墨魚滑、時日海鮮（白蜆，鮮蝦），海鮮類算新鮮，份量唔多，一份一粒，想食就要點多幾份喇！😅熟食大腸麵線，大腸太大嚿，但鹵得入味。可惜麵線衰在湯底，淡而無味，麵線太軟身唔清爽，都係算啦

現在超過限集人數， 想去餐廳食飯 有限制， 以往食特色火鍋一向都要去餐廳食,但係而家， 各大火鍋店都要爭相推出外賣， 這天又嘗試這一間台式火鍋店, 點了二人澳洲 m7 牛套餐，加4～6人 一公斤美國牛套餐, 份量也相當充足(很重)， 要兩個人才可以拿到， 店家很細心用保溫袋裝好牛肉, 但是保溫袋的質地 薄， 行不遠時已經爛了， 唯有抱住回家。二人套餐有四款牛肉，4～6人 餐有一公斤牛肉， 另有蔬菜盤,雞件，還有各式丸及炸魚皮，炸響鈴及麵條。火鍋湯底很重要，選了美人鍋，內有北芪，杞子，桃膠等，還有半隻雞， 這個湯底味道鮮甜, 雞也很香滑，牛肉質素很好， 值得推薦。

晚市今堂食好耐都冇得打邊爐。平時好多人排隊本來佢個lunch set抵食啲不過都冇機會食。見到佢有做過外賣套餐都好抵下，食到飽套餐。經過openrice到order冇得揀藥膳湯，就揀咗人參湯。問咗經理佢話有500 gram牛肉一定食到你飽。等咗一個鐘終於有得攞，湯底呀肉呀菜呀像呀基本上有齊曬，返去開個爐就得認真方便。各樣肉都算ok新鮮啲配菜都ok嘅，湯底幾好味。食完曬同埋XX club相比係冇咁飽,但係以咁嘅價錢都係唔錯㗎。

超左小小時，服務員每五分鐘叫人走一次，仲有小小係碗食埋都唔比，仲嚇人再唔走要比多$50。其實佢個爐一超時就收左，我地無可能再加野食，而且周圍都有空位，真心唔明點解要狂趕人走，態度仲要勁差，保證以後唔會再食。

OpenRice 買外賣，二人餐係幾抵食。但係返到屋企發覺佢比錯湯底我我本身想食麻辣，俾咗個牛肉湯。打返去同佢講，佢話對唔住，只可以下次免費轉鴛鴦湯底，價值$30咁大把。M7澳洲和牛係唔差嘅，但係啲員工就真係太唔小心。其他兩種牛和豬肉都唔差。個麵就碎晒，響鈴返到去都係林晒。整體配料都係正常水平，主要係個M7牛肉比較出色.買外賣嘅，記住即場檢查清楚，返到去就冇仇報。如果個經理識做嘅，起碼都補償多少少野，你咁樣叫我下次仲點幫襯你。

心血來潮想食火鍋，於是訂外賣收工食。預訂取時間抵達不用等，整個套餐一個大袋包好，整潔妥當，坐一程港鐵也可以。倆口子胃口不大，還可以隔天煮牛肉麵粉絲。最重要唔使洗，返到屋企有得食，今天會再試另一個鍋底😋😆

材料唔齊，欠菠菜。雨衣甘藍有好多其他材料還可以我選擇羊肉爐，但得一塊半肉、好食都算啦、但肉質，唉唉唉收左我$5餐具費，但無比餐具囉，咁收黎做咩？蛋整體10分滿分有8分的。值得再購買

天氣寒冷，最適合就係烚吓烚吓。因為疫情，晚間禁堂食，亦因避免聚集，沒有叫齊屋企人回家做節，見犇殿推出自取嘅2人餐，上個月就在冬節及除夕兩晚訂嚟試吓。第一次，在冬節，訂了$198的美國黑毛和牛嘅餐，湯底係藥膳鴨髀湯，好足料，牛嘅味道都濃，豚肉唔太肥，燒酒雞夠滑，湯底有成隻鴨髀，其他配料都唔少，有菜、菇、丸、腸、蟹柳、魚肉、響鈴、粉、麵等等，結果，食唔晒，剩了少部份第二天午餐食。第二次，在除夕，訂了$258的澳洲M7和牛餐，湯底是桃胶土雞湯，同樣是份量十足，澳洲和牛比之前滑，湯底還有1/4隻雞。結果，也是食唔晒，第二日午餐繼續。以這個價錢，真係好抵食，且質素都不錯。其實，佢哋仲有個$398有1kg和牛嘅offer，加$100仲可包埋其他配料，應該夠3、4個人食，如是喜愛食牛嘅牛魔王就可考慮吓。