牧羊少年咖啡館 (葵青劇院)

营业中

休息中

來過數次，餐廳分開室內外兩部分，無論室內室外都很滿意，真正咖啡館的味道。特別選定過了最繁忙的時段，才品嚐一個悠閒早餐。早餐與晚餐不同，要親身到收銀處落單。製作花了一段時間，但慢工出細貨，果然沒有令我失望。包熱帶軟，薯餅即炸，很脆沒帶半點油，可見油夠熱才下鍋漢堡扒很美味，沒有乾的感覺，也沒有燶味，轉眼被消滅了。炒蛋可算是整個早餐最完美的，滑得來有蛋味，很多餐廳為了滑而將蛋溝稀了，卻失去了蛋味，這裡拿捏得很好!!跟餐點了肉桂蘋果茶，香味&味道也很美滿。 唔夠喉，再點了焦糖mocha，咖啡與朱古力味很平衡，焦糖甜度剛剛好，劃上一個完美句號。

本來今日係來葵芳村影紅花風鈴的，但係今年天氣反常，又冷又熱，搞到D花期亂晒！來到得幾朵花，離滿開可能仲要兩個禮拜。大失所望，咁去搵間野食個 Tea 飲杯咖啡， Hea 下啦！本來冇乜期望，入到黎反而眼前一亮！裝修和佈置都係我杯茶，好有懷舊文菁 Feel！可以輕輕鬆鬆 Hea 下。Lunch set 和 Tea Set都有幾多選擇，特別係呢度個 Lunch set 做到 5:30。我呢~ 就叫左 Tea set 食小D又食平D。不過呢個蜜桃海鮮蕃茄蓉意大利粉就真係叫人失望，話明蕃茄蓉，我一粒蕃茄都見唔到，個汁係用茄汁開嘅.........雖然D蝦仁幾大隻，但係得七成熟，仲要凍凍地。我平時自己炒蝦仁都唔會全熟，大約九成熟，咁先會脆口D，但呢幾隻對我來講就真係太生喇！份量比較少，不過 Tea 黎講都OK嘅！反而杯 Latte 就唔錯，拉花拉得幾靚，咖啡豆新鮮，冇煙味，唔太苦，唔加糖都OK！雖然餐要加$6轉嘅，不過都底比。見到隔離枱碟沙律都幾ok，我唸呢度唔食廚房野，叫輕食嘆咖啡都應該幾唔錯！

同朋友行完葵廣,就想搵個地方坐坐傾下計~我地選擇左牧羊,貪佢靜靜地~太耐冇去,個門口已經唔係在劇院入面,反而係戶外,等都唔駛等就已經有位,星期5晚7點半鐘唔駛等位感覺真爽我地揀左戶外位,正!坐低下睇睇餐牌,同以前唔同晒~冇左以前飲開果啲飲品~咁我就點左一杯熱朱古力榛子,朋友點左一杯拉茶,我地再點左個吞拿魚雜菌面一齊SHARE食,其實係葵廣掃街已飽晒飲品好快來到,好好奇朋友果個拉茶係乜東東,原來係普通茶包沖茶,味道好似有啲香料味,唔識形容,絕對唔係我地諗既奶茶到我果杯,個樣好靚仔,飲第一口,即卡:「X,好X甜」真係甜到不可接受,自問愛朱古力同甜,都飲唔落食物到,吞拿魚雜菌面,賣相好靚(唔記得影相)我覺得味道幾好,雜菌味好濃好香~份量都足料,但小小失望就係唔夠熱...有冇朋友覺得同以前唔同左?

滿心期待去試呢間野, 但好失望。唔係難食但唔值, 雖然水牛雞翼一d辣味都無, 但個醬料好重芝士味, 值得一讚。薯皮係呢餐最好食既野另外出面10枱客, 得一個人仲要掛住望個電話, 真係唔會再黎。

在葵青劇院旁，這家很有文青feel的牧羊少年。咖啡。茶。酒館，早前去了一次，雖食物水準一般，但有著台灣氣息的一間店，我就幾喜歡了！原來這是在台灣得獎咖啡店Gabee學習的⋯⋯在台灣我有去過呀⋯⋯咖啡創意玩味一流，水準亦一流。這是玫瑰花咖啡咖啡味不是很濃，但與玫瑰味也很相配！這是鮮果乳酪配沙律沙律是一般，但鮮果乳酪卻也不錯！不太甜，酸酸地，作為下午茶是不錯的健康之選。最後多點了一壺薄荷茶這個反而有一點點驚喜，因為不是全部用上了乾薄荷葉，當中有一點新鮮的薄荷葉，飲起上來有很fresh的味道。近來知道在K11真的與Gabee合辦了新的店⋯⋯當中把Gabee的Signature也帶了過來，有時間一定要去試試。

葵芳依間分店我都去過幾次，每次都覺得好外國feel，好似你做咩都冇人理既感覺。依樣都有好有唔好。。。d侍應係堅唔理你嫁有時嗌人都幾難但環境冇得輸，佢有分入面同出面，我鍾意坐入面，有bar個種抒情歌聽，好relax。葵芳有得嗌tea set，今次嗌左西多士配雲呢拿雪糕，是日特飲係益力多鮮打綠茶。是日特飲就唔洗加錢嫁，周不時都飲到d特飲幾得，今日就爭d，個益力多開頭諗以為好甜，其實冇嘜味,再加埋綠茶好淡味，一般，試過就夠。個西多就好d，最衰佢冇涵啦，真係煎麵包，個楓糖都夠味，如果有得轉雪糕口味就好啦。不過整體唔差。一個女仔成個食晒好飽飽。

牧羊葵芳分店係正劇院旁邊,係到食嘢覺得特別有氣質,舒服,距離熱鬧煩擾葵涌廣場也好近,形成好大對比.呢到分室外同室內,兩種唔同感覺,室外通爽,寬闊,坐在太陽傘下,聊天飲嘢,完全忘記身處非常熱鬧葵涌區,而室內比較人多,好多人行來行去,攞書睇,攞水,攞調味料,行去落單,所以較難有安靜時候.餐牌花多眼亂,組合形式,有些只可3選1或2選1,混淆不清,有很多規限,唔太習慣,點餐要自己先行到收銀處直接落單付錢,餐飲食物會有職員送上,好多人客都搞不清,有點混亂,排在我前面嗰位客人,因點餐出現好多問題,跑來跑去,改嚟改去,收銀處又hold住咗,其他職員又唔住動提供協助,很混亂,浪費好多時間.當日叫了一份牧羊早餐,set死咗係橙汁,唔可以改咖啡或茶,早餐有炒蛋,炒菇,一塊煎蕃茄,少許茄汁豆及一塊多士,多士切了四份串連一起,感覺賣相高檔咗,橙汁及乳酪,每樣份量少少,這set早餐炒菇及炒蛋最好味,因為新鮮炒起,仲熱騰騰,菇好清香,爽口,蛋也炒得很香滑,其他平平無奇,烤多士外皮唔夠脆,只係輕輕烤過.另叫了一碟蜆肉意粉,有餐湯,餐包付送及熱latte,其實覺得有點貴及份量少,吃完並未覺得很飽肚,而味道也很普通,沒

相約友人下午聚一聚 來到葵青劇院旁的牧羊少年 露天位置設有白色帳篷 室內位置裝飾得十分悠雅散發着文青氣色😂加上店員親切態度 未食已經加了不少分👍🏼點了忌廉三文魚意大利粉及南瓜意大利飯 配上cappuccino☕️三文魚意大利粉 濃濃的忌廉汁配上三文魚上層灑上芝士碎 伴起來吃入口creamy 三文魚味道更充斥著整個咀巴 不腥唷！意粉煮得剛剛好 不會過軟過硬 有口感😋再來南瓜意大利飯極濃的南瓜蓉配上南瓜籽 是南瓜迷必點菜色上層還有少許豆苗伴碟 加添幾分色彩每一粒飯都包著南瓜蓉 微甜加上南瓜籽跟豆苗 令意大利飯更有'𡁻頭'👍🏼飯後來一杯cappuccino 單看拉花已覺是誠意之作咖啡香滑易入口 上層泡沫間的空氣不會過多令喝起更加有質感👍🏼👍🏼

今日Lunch嚟到了牧羊少年, 食左一個頗為滿足嘅Lunch set~牧羊少年Lunch set都有好多個選擇, 而我就揀了「煙三文魚鮮菌忌廉意大利粉」, 仲有餐湯同餐包附送, 並且要了個餐茶「熱洋金菊茶」。餐湯要了紅湯,即羅宋湯, 味道上都可以, 略嫌唔夠辣~如果辣少少會更惹味！煙三文魚鮮菌忌廉意大利粉～眼見份量真係好少喎…仲擔心唔夠食! 煙三文魚嘅份量都唔少, 初嚐味道上啱啱好…由於係煙嘅關係, 就會愈食愈感到略咸, 但忌廉汁又甜甜地, 配埋意粉一齊食, 又會中和返個咸味, 令到味道上又變返啱啱好喎! 意粉處理得好好, 口感唔會覺得腍, 又唔會覺硬, 彈牙中帶點煙韌感! 應該係烹調時間調教得好, 所以非常合我心意!忌廉本身會有令人有飽肚感, 所以眼見碟意粉雖少, 但事實個份量係啱啱好, 加上之前嘅餐包同餐湯, 真係唔飽就至奇喇!最後來一杯暖暖嘅洋菊花茶~ 好會嘆哦!

今日lunch 與同事黎呢間出名既餐廳。我地12點到左 所以唔洗等位 而環境都好ok睇完menu 我決定食bruch . 由於花茶唔洗加錢 所以我吖左 Rooibos creme caramel. 個Caramel 茶好有驚喜。好香caramel 味。飲落有少少黏口 微甜加茶香 慢慢品嚐~bruch set A 睇落個樣都幾正薯餅新鮮炸起 但不太油膩 好好食豬肉腸反而好普通 肉咪唔太濃加拿大煙肉… 同火腿差唔多味… 冇咩特別炒蛋好滑 加起茄汁焗豆 味道好夾牛角包好期待 但竟然冇再翻焗就比客人食 林林地 其實我有少少唔滿意。牛角包一定要熱同脆口的…好在最後食返個心太軟 平均返個心情朱古力味濃 雲呢拿雪糕一熱一凍配合 岩岩好~

聖誕快到了~約了幾個好朋友來這裡聚會一下~因為這裡比較有feel~^^有戶外之餘~也有聖誕樹增加氣氛~點了杯熱的榛子巧克力~味道不錯哦~有濃濃的鮮忌廉在上面...攪拌後更好飲主食點了個煙三文魚忌廉意大利麵~另外還點了個水牛雞翼意大利麵的白汁牛奶跟芝士味都配合得剛剛好...水牛雞翼是油了一點~不過味道也算不錯了這一餐也算蠻有聖誕氣氛的~可能是坐在外面的關係吧~哈哈

很文藝的感覺選擇不算多但很精美這個優惠都不錯，但我們星期六去沒有優惠吖。下次會星期一至五去我的蜜桃茶 朋友是蜜桃蘋果沙雖然是罐頭蜜桃 但很香甜朋友的沙冰很美觀 上面吞拿魚忌廉意粉很幼的意粉像angel hair 香香的吞拿魚忌廉很入味下面是南瓜意大利飯意大利飯有點硬但味道不錯朋友和我都嘩然 這個價錢份量不少 香噴噴的朱古力Waffle朋友就是因為這裡甜品的買相而來他很滿意我們說會再來內裡餐廳環境店員會問想選擇室內或室外(起初我想是露天的室外嗎?原來係帳篷內，如果有秋天的話都可以試試)位置起眼不難搵 星期六晚book位都唔難是下午茶 晚餐的好選擇下次會再來試試其他甜品希望會再嘩然

平時工作咁忙，辛苦搵來至在食，放假緊係要對自己好啲，所以我揀左黎牧羊少年嘆返個靚早餐 你可以選擇坐出面或者入面都得，因為今日比較熱，所以我想入去涼下冷氣！ 呢句野好正，下次要搵一班好朋友黎坐出面，嘆住咖啡，傾下旅行既開心野先 入面有書櫃，書本既種類好多，一個人黎飲杯野睇下書都唔錯架！入到去，店員好有禮貌既招呼，已經令我感到好滿足！餐廳仲播好多柔和既外國音樂，環境上令我更relax,更加想坐耐啲嘆早餐！口早餐除左有全城喜愛既allday之外，仲有另外五款唔同既選擇，完全照顧晒唔同人既胃口！我自己叫左窩夫果個餐，因為我對窩夫有獨特既情意結！個炒蛋好滑，完全唔會炒到老！而且價錢只係四十蚊！抵到爛！環境舒服，服務態度好，食物唔錯既地方，未試過真係要一試！餐飲我就叫左杯蘋果肉桂茶啦，成壺俾你自己倒，唔係只俾一杯你，我差唔多成個鐘先飲得晒，哈哈！肉桂味好香，唔錯！佢既下午茶都好吸引，下次我要試下！

Vi禁岩想去葵青劇院買飛睇畫劇，所以就黎左呢間牧羊少年咖啡喇內在環境十分雅致，唔會太迫，幾relaxing今次Vi係下午時段黎，所以有得點下午茶食～ 本身想要waffle 但又想留肚食dinner 所以點左d 輕量甜點法式多士配雪糕($38)Lam脷: 2/5抵食: 2/5相機: 3/5雪糕係雀巢雪糕，一食就食得出多士比想像中差 唔熱而且無蛋味, 好彩有糖漿釣下味煙三文魚炒蛋多士配沙律($40)Lam脷: 4/5抵食: 3/5相機: 3/5呢個多士真係唔係「厚多士」，好好食呢！三文魚大大塊,炒蛋好滑，唔會太咸，正呀！推介推介！可惜太細件喇，反而沙律份量好多, 配埋芝麻醬幾開胃 朱古力碎片茶($34)Lam脷: 2/5抵食: 2/5相機: 4/5聞落去勁重朱古力味！！好神奇！！但飲落去完全無朱古力味，係普通茶既感覺 如果太多紅茶味，朱古力味冇訂企～～哈哈！！呢度有好多旅遊書比食客拎黎睇，冷門地方都有如果想去旅遊既朋友仔不妨黎呢度睇下啦

這個星期天跟車爸爸往葵涌廣場掃街前去牧羊少年食咗lunch先,來到門口見到這個水缸我竟聯想到是否吸水陣呢haha~戶外坐位加上帳篷貫徹了旅遊餐廳的理念~我倆被安排到室內用膳甫坐下見那美豔檯布食慾即時大增^0^揀了兩個午餐後侍應送上熱烘烘麵包籃有鬆軟香口芝麻麥包和不夠軟熟蕃茄包~是日什菜湯酸香足料內有很多脆肉瓜和蕃茄味道很濃和,如能再煮熱燙多點應更為理想~逢星期六,日及公眾假期餐飲要加$15車爸爸的蜜桃綠茶散點$33蜜桃須目罐頭貨但碰上綠茶也算清甜可口,而我要是日特飲益力多綠茶散點$39自少愛飲益力多加入綠茶合拍得來添多一分傻氣~松子仁香草蘿勒醬墨魚仔意粉$68蘿勒醬調較得很好既香且不搶味吃著意粉同時咬到粒粒松子仁更添咬口及香味,唯獨那墨魚仔都係一般餐廳通病"沒味道"要讚下那橄欖油為整碟意粉增添不少風味~英式咸牛肉伴牛角包伴薯條$67牛角包未算酥軟內餡夾雜新鮮生菜蕃茄洋蔥味道很清新爽口,咸牛肉車爸爸話一般貨色但最正係薯條炸得脆口乾身加埋上了味粉真係食到停不了口喔!!