牧羊少年咖啡館 (葵青劇院)

营业中

休息中

平時工作咁忙，辛苦搵來至在食，放假緊係要對自己好啲，所以我揀左黎牧羊少年嘆返個靚早餐 你可以選擇坐出面或者入面都得，因為今日比較熱，所以我想入去涼下冷氣！ 呢句野好正，下次要搵一班好朋友黎坐出面，嘆住咖啡，傾下旅行既開心野先 入面有書櫃，書本既種類好多，一個人黎飲杯野睇下書都唔錯架！入到去，店員好有禮貌既招呼，已經令我感到好滿足！餐廳仲播好多柔和既外國音樂，環境上令我更relax,更加想坐耐啲嘆早餐！口早餐除左有全城喜愛既allday之外，仲有另外五款唔同既選擇，完全照顧晒唔同人既胃口！我自己叫左窩夫果個餐，因為我對窩夫有獨特既情意結！個炒蛋好滑，完全唔會炒到老！而且價錢只係四十蚊！抵到爛！環境舒服，服務態度好，食物唔錯既地方，未試過真係要一試！餐飲我就叫左杯蘋果肉桂茶啦，成壺俾你自己倒，唔係只俾一杯你，我差唔多成個鐘先飲得晒，哈哈！肉桂味好香，唔錯！佢既下午茶都好吸引，下次我要試下！