牧羊少年咖啡館 (葵青劇院)

营业中

休息中

同好姊妹食當然要揀間好啲既野嚟食啦😌😌我自己未試過呢間所以試吓。一開始諗坐室內定外，天氣涼涼地，就試吓個特色坐室外啦👍🏻👍🏻因為打算食完去掃街既關係，所以淨係叫左兩個主菜：香草墨魚仔意大利粉，蘑菇漢堡飯。前者係好好味👍🏻後者個漢堡唔錯但個汁醎咗少少，所以麻麻地😐😐環境算okay 市區中搵到間室外既都幾難得

今晚同朋友行完葵芳直接決定黎牧羊晚餐，天氣唔算太熱，所以都接受到坐出面。首先講甜品，因為係三樣野食中最出色👍朋友話冇乜人介紹呢度甜品，但最驚喜同平就係呢個朱古力心太軟，雪糕仲要係movenpick黎，有2球咁多，可以同朋友一人一球。心太軟暖笠笠，切開朱古力漿慢慢流出，整個心太軟甜度適中，飯後甜品黎講幾出色😋下次同朋友tea可以考慮食下甜品唔一定食pasta。芝士肉醬薯條薯條夠咸，不過芝士肉醬唔夠濃，可以酸啲，酸忌廉味道新鮮，但係芝士肉醬同酸忌廉範圍擺得耐啲薯條腍哂，最好分開上。日式帆立貝唔算太特別，只可以話帆立貝新鮮夠大粒，唔係一定去到必食，想食海鮮可以試下。

一直都很想試,假日終於有時間所以約埋姊妹tea一tea餐廳環境很好 很舒適地點都很易搵,係葵青劇院隔離不過如果多人等位的話就不太好因為等位是露天地方當日天氣十分炎熱很曬'加拿大煙肉薯餅三明治配洋蔥圈''英式咸牛肉牛角包配薯條'直得一讚薯條很好味

我們每次去葵青劇院，也會光顧這間餐廳。它裝修很溫暖，尤其它的碎花窗簾，很有家的感覺，不過桌與桌之間比較緊密，坐得不大舒服。如天氣涼快些，也可以坐室外的帳篷幕。我們叫了二人餐，另加一客芥末豬仔骨，因為份量都頗豐富，所以三個人也吃得很飽了。煙三文魚凱撒沙律，羅馬生菜幾新鮮，味道也不錯，但只有三塊三文魚，少了一點吧。芥末豬仔脾，豬仔脾燒得香口而且很入味，墊底的薯蓉也很香滑很好味。香蒜黑椒煙鴨胸意大利粉，意粉炒得乾身又彈牙，鴨胸切成小塊容易入口，但味道有少許過咸和過辣。日式咖哩吉列豬扒飯，豬排炸得很鬆脆，日式咖哩偏甜而不是太辣。茘枝蜜瓜鮮打綠茶，喜歡它不太甜，味道幾清新。焦糖拿鐡，不單拉花的圖案很美，咖啡味道也不錯。甜品是藍苺芝士和焦糖芝士蛋糕，兩款都好重芝士味，很有質感。

假日與朋友見面，找個中間點到了葵芳，朋友提議到牧羊少年，我到過幾次，正有此意。牧羊少年位於葵青劇院，以旅遊為主題。有戶外戶內區域，偽文青味道不言而喻。戶外雖有帳篷遮擋猛烈陽光，但在盛夏之末仍熱氣迫人，因而選擇了室內座位。通道兩傍各有座位，未算擠迫。由於小弟自問掌握做全日早餐的技巧，所以已經很少外出吃全日早餐。我和友人各自點了一份午餐。麵包室溫的，我只吃了一片，沒什麼特別感覺，只在主菜來到前填一填肚。餐湯酸味剛好，內有翠肉瓜等湯料，亦非常開胃。我點了拿破侖煙豬腿意大利粉，賣相不錯。先嚐一口豬腿，味道少少鹹。意大利粉煮得偏淋。叉子夾起意粉，沾上忌廉芝士汁，拿破侖汁企身，入口口感豐富。蕃茄汁中和芝士的膩口。雖然意粉偏淋，整體還算不錯。友人點了意大利包。我只嚐了薯條。粗粗的外脆內軟。食物基本都可以，餐廳提供了一個舒適的環境，讓我和朋友好好聚舊，亦大大提升我們的用餐體驗。

First visit to Hong Kong and found this breakfast restaurant to be a 2 minute walk from where I'm staying and glad I found it! Food was delicious as well as the Irish coffee I had with it (so good, I had a second Irish coffee) A must if you're a breakfast lover!

每逢周一都係公司既免費員工午餐日，今日我地去左依度食西式午餐，叫左依款set B all day breakfast配是日特飲，份量相當之多，我食一半已飽。依個餐有兩條德國腸，味道略為咸左少少。炒滑蛋口感軟滑但淡而無味，要加少許胡椒粉先好點。蕃茄係經烤焗過，味道鮮甜。蘑菇焗得少許乾身同帶苦，確實麻麻。牛角酥口感酥脆，味道好香濃牛油香。焗豆都係罐頭食品，無特別是日特飲-蘋果蜜桃梳打綠茶: 味道清香，好重蜜桃同蘋果味，仲有粒粒蘋果係茶內，幾好飲整體而言，午餐價錢略貴，雖然份量多，但食物質素一般，再黎食的確要再諗一諗

我好耐之前去過太子分店個間，對佢評價幾高……得知葵芳都新開左，就去食生日飯環境佈置依舊都幾有特色，仲有個戶外帳蓬區，不過天氣甘熱，我當然坐返室內啦😄食物種類都算多，亦有套餐我叫左個牛扒加主食個湯普通，冇咩特別，只有微暖芝士煙蜜糖火腿蜜桃沙律配牛油果醬牛油果醬幾特別，不過食得多有啲濟叫左壼檸檬薑花茶，聞落幾重薑味，亦有檸檬陣陣清香，飲落冇咩味，好一般士多啤梨奶昔，好smooth ,亦都好重士多啤梨味，幾好飲咖喱豬扒飯，豬扒炸得好脆，咖喱亦都唔辣，幾好食呢個牛扒真係好失望要五成熟，出黎係差不多全熟甘，肉質都幾un,食到一半我都已經放棄左總括黎講，個人認為我對佢充滿太大期望，食物影相令，食落就一般

新都會廣場附近，葵青劇院隔離，位置有d隱秘，有分室內同露天，咁熱就當然唔會選擇室外啦有全日早餐 午餐同下午茶揀，價錢唔算貴，但禮拜六日需要加15蚊先有杯野飲，Latte更加要加21蚊，飲品價錢有d偏高食物上嘅速度有d過快，岩上完湯，都未飲，馬上又上正餐，重點係檯好細，顯得好逼好唔方便份量一般般，唔算多，牛肉寬條麵偏硬，但牛肉醬幾好早餐份量偏少，味道還可以主要吃環境

開飯啦。很多年前在葵芳試過一次牧羊少年。之後就一直沒有來過，沒有辦法，誰教開了那麼多食店，選擇困難症的我決定再戰牧羊少年。英式窩夫配雲尼拿雪糕。窩夫焗到外脆內軟，有蛋香，伴碟的忌廉球甜味不重，但有奶香，點一點，嗯，好味。蘋果香甜，雲尼拿雪糕份量都不少，吃出不是雀巢出品。下午茶是送一杯指定飲品。我點了蘋果蜜桃綠茶。是鮮打果汁來的。加拿大煙肉三文治配洋蔥圈。原以為很細份，但一上台。嘩，都好大一份。洋蔥圈是剛炸起，放入口仍好燙口，粉漿不多，咬落口脆卜卜，正三文治都好足料，有洋蔥，生菜，蕃茄，大大片芝士加煙肉。不會話好食到飛起，但以這個價位是超值是次消費連加一$95（星期一至星期五比假日抵食，星期六，日，假日會另加$15，下午茶時段會送杯飲品）

想食呢間好耐 終於同朋友嚟撐枱腳揀室內位可能要等耐啲 但室外比較惹蚊而且都係好熱兩個人嗌咗個二人套餐（$298）再用優惠價叫多個水牛雞翼（$48）火腿同蜜桃好食 沙律菜唔夠汁 如果可以多啲汁/軟身啲會好食啲 舊芝士幾濃味 我叫咗凍Mocha 好creamy好重朱古力味 而且好飽而朋友就叫咗凍cappuccino 佢話有啲酒味（我試咗幾啖又真係有啲，不過menu又無寫含酒精）所以唔太啱佢心水黑椒味好重，而且配埋香蒜唔係個個頂得順 不過我覺得都幾好食嘅煙三文魚意粉 正常不過不失啦水牛雞翼炸得幾好食 上枱嗰陣都係熱辣辣脆卜卜嘅 美中不足嘅係朋友食咗一隻係未熟 仲流緊血水嘅···cheesecake其實真係好細好細件 一啖都食得晒 不過花紋幾靚 味道就無乜驚喜。呢到嘅staff無催過我哋走 又無特登過嚟收我哋啲碟 係一個適合傾偈嘅地方。

終於試到呢間CAFE, 不過我覺得似餐廳多D, 無咩可以HEA的FEELING。原來DINNER TIME無ALL DAY食, 只好叫MAIN COURSE LA鰻魚PIZZA: 都幾多鰻魚粒, 加上木魚絲, 鰻魚汁, 幾好味~ 可惜餅底係美式果種厚批, 其實有D 似PITA BREAD, 所以都幾飽肚, 個人就喜歡意式紙咁薄的餅底, ANYWAY, 味道取勝。芝士肉醬薯條:肉醬唔太咸/油, OK, 芝士醬味道OK, D 薯條係薯仔切出來粗粗那種, 有口感, 但咸左D。

半夜同好姊妹Girls Talk食糖水，一定要揀1間充滿黑夜情調而又遲關門的餐廳。好姊妹帶了我去【牧羊少年咖啡．茶．酒館】。踏進餐廳門口，餐廳內燈光昏暗，只有絲絲浪漫蠋光，黑漆漆的，私隱度高。談心一流！由於只是宵夜的甜點時間，SIS點了雲尼拿雪糕球併流心Chocolate Brownie。 我點了水牛芝士蘑菇雞肉意粉。我太大食了。T.T我太喜歡吃水牛芝士。攪拌意粉後，配上雞肉，味道不錯，不過不失。 熱忌廉朱古力朱古力夠濃夠甜，嗜甜如我很喜歡它。忌廉沒有擳過多，不會太甜膩。上面灑上些許朱古力醬，令奶滑的忌薕更甜美誘人。 當晚，我倆談心至11時。當時還有一，兩張檯。

牧羊少年咖啡喺香港亦有幾間分店，但小妹此終鐘情葵芳分店，雖然位於市區，鄰近地鐵交通方便之繁華地區但位置正正喺葵青劇院旁另有一番特別既藝術氣色，加上門口有一大給人休憩既地方，一走近呢個範圍即令小妹感到格外輕鬆 餐廳都分為室外室內既座位，兩者格調不大分別。先講室外，雖說室外但其實並不是露天而是有瓦遮頭的，門外看就似一個帳幕，外型特別。帳幕內座位比室內既多，燈光亦較暗，用暗黃色既燈令氣氛特別浪漫。雖然係無冷氣但有風扇下都不太熱，而有點要注意既係室外座位係禁止吸煙的。室內既座位，燈光亦以暗為主，水吧枱下有小盆栽既擺設，右邊收銀枱既擺設就較為多，除有啲小書本外還有民族掛畫。而最吸引小妹既係餐廳內既餐枱布同窗簾，全用碎花圖案，感覺到古民族既味道配上柔和既燈光整個人都放鬆哂，好舒服，所以這裡必是閒聊傾心事既好地方。講反到食方面，晚餐除了可散叫外仲有2人及4人套餐選擇，套餐價錢比散叫更抵，包括有沙律，主食，甜品及飲品 可以令客人食得滿足又開心小妹今次叫咗2人餐，份量夠足以2人食得飽飽。 凍coco朱古力(榛子)朱古力係有種力量令人開心，呢杯單靠賣相都已經達到，入口除香濃朱古力味加cream既甜味

一直都好想黎呢間旅行主題cafe 剛好今日唔太多人有機會去試試葵芳呢間有室外室內座位 室外有風扇又有蚊怕水站俾客人用好貼心大熱天時都係室內岩我多啲 裏面環境好有懷舊文青feel, 一個下午可以好悠閒地睇下旅遊書 同朋友一齊plan下行程 牧羊絕對係一個好地方英式waffles配香蕉朱古力同朱古力雪糕- Waffle好香脆又唔會太乾身 配埋朱古力雪糕同香蕉岩岩好另外仲試左出面較少見既路易博士奶油焦糖茶下午茶時段包埋花茶 / 果茶 / 特飲添 <星期六日加hkd 15>