牧羊少年咖啡館 (葵青劇院)

营业中

休息中

難得同兩位unbiological sisters聚舊記得之前一齊試過K11的分店，今次我提議葵芳店，喜歡餐廳以love travel作主題。我怕假期人多，比約定時間早到半小時，好快就可以入坐。原來兩點半先有下午茶，先點了洋甘菊，待齊人再點食物。姊妹帶了仔仔出來，幸好餐廳的空間勉強可容納比較大的BB車。呢個靚媽生完都甘fit, 最正係佢一邊餵奶，一邊飲住手工啤「浪人啤酒」。兩位姊妹都係十月之星，一早已向餐廳職員點了兩個甜品，並要求寫上祝福字句。當我同職員表示可以上甜品時，原來未落單，好失望啊

跑完步過黎食早餐，估唔到都幾full，結果要坐出露天位，好在唔係好大雨，把大遮都算遮到。買早餐要先去cashier俾錢再送餐，款式唔多，亦唔係好啱口味，而且偏貴，最後叫咗個豬柳炒蛋薯餅配牛角包，連飲品，要$40，其他出前一丁加飲品都成$38可能去麥記食只係$25等咗15分鐘個餐送到，豬柳同薯餅都係現成貨，牛角包夠熱夠脆，炒蛋不過不失反而杯蜂蜜綠茶最好飲，調得剛好葵芳有好多選擇，除非做文青，否則可以選其他餐廳。

今日同男友行下新都會廣場，行完當然係搵嘢食啦 今日嚟到葵青劇院隔離餐廳，好彩一早訂左位，因為知道平時都好多人排隊。餐廳有室內同室外，好有氣氛我哋睇完餐牌就決定order雙雙對對套餐幾好味喎份量都唔少，生菜青翠嫩綠，沙律醬足夠足料烏冬好有口感有兩隻大大的帶子份量足，味道好，賣相都好靚，值得推介有五隻，隻隻都肥美點埋芝士醬簡直係一流套餐包兩杯飲品，我地揀左清涼之吻同埋熱朱古力榛子好有果香同茶味最欣賞佢有薄荷葉同香茅，賣相都好靚香濃朱古力味，溫度夠熱，加埋面頭的忌廉，令整杯熱飲味道升級，仲好邪惡添忌廉好香好滑蛋糕好香濃芝士味，新鮮軟熟總結: 呢個套餐加埋一＄387，唔算貴，因為大家都食到好飽，食物飲料質素高又吸睛，餐廳環境唔錯，坐得舒服有空間感，好適合一班人來食飯傾計好難唔再幫襯喎

上星期六去葵涌廣場行街，朋友想飲咖啡，所以係附近食哩間既brunch～ 佢有indoor 同outdoor，我地覺得坐出面會好熱，所以選擇等坐入面，但等等下其實坐出面都唔會好熱，anyway 等左咁耐等埋佢喇。侍應帶我地坐最入面個張枱，一坐低覺得有d 迫，但香港有邊度唔迫架唉～ 不過佢張枱布liu到隻腳好唔舒服，所以我地整起左哈哈跟住嗌左1個餐，1個all day breakfast，4杯咖啡～ 2杯跟野食半價，2杯正價～ Latte 味道幾好味～ 紅湯味道正常，餐包d香草味太濃，個人鐘意茶記既紅湯多d 我自己鐘意慢慢飲湯，但係我地傾計途中總共有3個唔同既侍應過黎話幫我收碗，我都唔知點好，唯有講左3次我未飲完Overall 野食一般，但咖啡okay，埋單加埋一2人$264～ 順帶一提，當我地坐係outdoor area 等入面既枱既時候，見到一位企出面既侍應又要帶位，又要serve outdoor 食客, 所以佢好唔得閒，令排隊等攞飛既人再等耐d，但偏偏有好幾個侍應就企係indoor 既門口位傾計，之後見到有人排隊等攞飛，佢地行出黎又好似唔俾得飛，企左係度咁等帶位同事落完單先俾到飛人，

朋友推薦，所以前往葵芳吃神早餐地鐵站一出，轉彎走人行隧道，以上地面，就到了，只需3分鐘平日去，只有2-3檯客人，餐廳裝修得很有文藝風，一個悠閒的早上，加上一份性比高的早餐，很滿足呢！早餐價錢很便宜，我點了豬柳漢堡.炒蛋.薯餅.牛角包不得不讚薯餅，非常香脆可口，與麥當勞一比，我以後都不想吃麥當勞薯餅了😏另外牛角包亦不錯，酥脆，值得一試。早餐配一杯飲品，我選擇了花茶，花茶是茶包茶，還有多多綠茶可以選擇，飲品選擇挺多的這家餐廳最大特色是早餐價錢便宜，食物好吃，一個早餐連飲品$38

從未光顧過「牧羊少年」的任何分店，以我認知，它是一間文青cafe。平日愛到cafe的我，在找餐廳吃午飯時看到它，而且它午餐價位不高，便決定在此用餐~可能因為鄰近有寫字樓，午市來的人的旨在吃個午餐和「吹水」，所以餐廳頗嘈吵，不太感受到預期中的文青風午市套餐大概$70(另加一)，包括餐湯、主菜、飲品，幾划算羅宋湯&餐包：餐包暖暖的，味道不錯羅宋湯雖然很足料，但非常酸松子仁香草羅勒醬墨魚仔意粉($68)：以分來說，是值得一讚，但以味道計，便有改善空間。香草羅勒醬的香味並不突出，而醬汁有點太油；墨魚仔有很多，但肉質太軟，而且無味。如香草醬能弄得濃郁一點應該會更好。奇異果鮮打茶：幾特別的一杯飲品，看不見奇異果，欲隱約感覺到奇異果的味道，幾有趣

行完葵廣過黎食下午茶，下午茶款式都幾多，叫左法式多士拼雪糕，賣相相當好，但多士唔夠鬆軟，應該係浸蛋汁時間唔夠，有點失望。飲品可選是日特飲，今日係多多綠茶，味道不錯！

熱情曼谷！清新的芒果芭菲！。最喜芭菲豐富的層次感，濃郁的雪糕和忌廉，香口的脆片，然後是清新的啫喱！像是一首曼谷城中聽到的小調，熱情流灑，到清脆響亮，最後輕彈小撥，餘音嫋嫋。（好，我是偽文清上身，才來這一段的聽陳蕾氏的琴箏😂😂 #如果你知道我在說甚麼 #你老了 #範文 ）。然後是非常邪惡的水牛芝士雞翼。外皮炸得十分鬆脆，而且吃起來不會滿口都是油，配上微微帶酸的醬料，感覺十分棒！濃與淡的掌握！鮮打果茶，每次喝都覺得十分清新，尤其是嚐到一粒粒的真正水果，覺得更值回票價。

同朋友去完迪欣湖野餐 都仲未肚餓 但又想坐係到慢慢hea下 傾下計 於是去葵青劇院附近嘅牧羊少年咖啡茶館享用呢個晚餐 當時都仲係6點左右 吾係咁多人係外面等位 所以好快已經可以入座喇 芝士火腿蜜桃沙律配牛油果醬個牛油果醬好特別 加埋落沙律到酸酸甜甜 好開胃芥末豬仔脾燒過嘅豬仔脾好香口 再加上芥末 好入味豬仔脾下面仲有啲薯蓉嫁 我同朋友見到都爭住食牛肝菌意大利飯呢款就真係麻麻 一心想試下個味道 個問題可能係個醬汁到 真係吾推介呢個

游完水，就去左葵芳食野。入左葵青戲院既牧羊少年餐廳。有室內同室外既枱，今日太熱，揀左室內。環境幾有格調，燈光暗暗地，有post card decoration ，又有書架，幾有文青feel可以一路飲野，一路拎本書睇下今晚叫左個set dinner ，有紅湯﹑牛油包，味道都還可以。叫左個小食，薯皮3吃，有蝦啦﹑有肉醬啦﹑仲有菇，薯皮小脆，薯蓉正，配料都好味，同薯蓉薯皮好夾由於唔係太肚餓，所以叫左個帆立貝南瓜汁意大利飯。飯身偏硬，帆立貝又似雪藏左一段時間，冇乜味，個飯又食唔出南瓜汁，又多洋蔥，整個飯都麻麻地。呢間餐廳真係食個環境多，野食似乎小食吸引啲，主食一般般。

環境幾浪漫嘅咖啡店，有書畀人睇不過如果睇書呢間分店嘅書冇太子嗰間咁多，同埋夜晚去燈光比較昏暗唔係太適合睇書。雖然係咁，都好有格調，適合情侶知己慢慢閒聊。衛生環境ok,非常乾淨。食物三式焗薯最好吃，入面既涵有牛肉，蝦，同肉醬。牛肝菌醬意大利飯超難吃，主要係個牛肝菌醤累事。芒果煙肉沙律：除了芒果同有沾到汁的有味，其他菜乾爭爭無味，但牛油果醬好味。整體黎講，哩個價錢只係一般味道，價格好貴，要食都係爲氣氛同環境而食。

其實食物都唔錯，又唔算太貴，而且都好多選擇。不過個重點係態度可以改善下，侍應大部分都係年青人，佢分室內同室外,唔知係我唔好彩定點啦，我每次都係坐室外，因為室內無位，而每次都咁啱係夏天，攞位時禮貌地要求如果室內有位既可唔可以轉，而侍應都話無問題既。可惜既係其實係無一次侍應會有做到，而每一次都喺我去洗手間經過室內位時見到室內係有位既，我明白要轉枱係好麻煩好論盡，但當你啲侍應自己都熱到企哂喺室內既門口近冷氣既地方既時候你地可唔可以又諗下你地啲食客呢，不過好老實，我覺得佢地係唔記得多啲，因為講左甜品後上催同提左幾次先有啲反應，唉。

四月二日，距離上次同女朋友一齊食飯寫食評既日子原來過左成個月不過今日女朋友終於有時間肯同我去拍拖食飯，真係好耐未試過有一餐飯食得咁滋味滿足，當時覺得，風的氣味是甜的，燈的微光是暖的。女朋友仔學完普通話，就一齊去食牧羊少年咖啡茶酒館，佢地有分為店內座同店外座，初時驚太陽曬到或者大風，於時揀左店內，不過走果時後悔冇揀店外，享受陽光。同女朋友食左個鴨胸意粉同咖哩雞肉飯。先講個鴨胸意粉，一眼睇落去隻碟咁大，以為份量幾少，但其實份量足夠。我女朋友唔算大食，都夠飽。佢個鴨胸整得幾好味，d 肉幾滑，好似我女朋友隻手咁，一d 都唔會又乾又鞋，但係黑椒味可能重左少少，女朋友仔食落覺得辣左d。但整體黎果到幾好味。之後就係個咖哩雞肉飯，咖哩係日式，所以甜甜地，一d 都唔辣，岩哂我呢種唔食得辣既人。佢d 雞肉就比較大塊，切細少少會比較好d。相比起d 鴨胸肉，佢d 雞肉就比較粗糙，而且雞肉味普普通通。成個飯真係得d 咖哩好味，其實飯都只係普通飯，唔係特別有咬口。至於餐湯，個羅宋湯真係幾好飲，酸辣比列適中，好味。而左食物，服務態度同環境都幾有情調，可惜女朋友鐘意光猛d。今餐真係食得好開心，因為同女朋友一齊☺️我好鐘

一早約了人，朋友要遲D先到，葵芳廣場未開，好想搵個地方可以坐下，睇下書，最後發現這間餐廳。 望去這間餐廳是一個遊牧的帳蓬！還有5分鐘才到11:30，可以趕得及早餐✌🏼️😄這個是最蛋很滑，火腿是厚切的！夾着waffle 吃很好味！😋雖然只有一小時入座時間，不過這種悠閒的感覺已讓我叉足電！😊

牧羊少年咖啡，我一路都覺得幾好飲，今次竟然有意外驚喜……甜品呀！好豐富既窩夫，真係可以當正餐食哦！濃濃朱古力窩夫、曲奇雪粒、餅仔，成碟一個人都食唔晒。咖啡方面，榛子拿鐵無咩榛子味（可能俾甜品搶了風頭）