牧羊少年咖啡館 (葵青劇院)

营业中

休息中

今晚係葵青劇院度睇劇，睇劇之前當然要開返餐好㗎啦，本身諗住去葵廣或者新都會廣場食個晚飯就算，男朋友提議不如去葵青劇院入邊嘅牧羊少年館度試吓啦，於是就行過去試吓啦！本身係食晚市，佢六點鐘就開始，佢有分戶外及室內，我哋揀咗室內，不過要等位，大概等左5分鐘到就有位啦，室內環境好寧靜，擺設好靚，我知道本身呢個餐廳嘅老闆係以旅行做主題，餐廳入邊都擺咗好多唔同地方嘅特色裝置，亦都有一個書架，相信係歡迎客人可以飲住杯咖啡睇住本書，好悠閑咁過一個下午。我哋叫咗個二人餐，分別包小食一款，主食兩款，是日芝士餅，同埋飲品兩杯。小食我哋叫咗墨魚丸配波波腸，賣相唔錯，每人都可以食到三至四粒，波波腸同墨魚丸鋪左蜜糖，食落更加嘢味！主食就叫左一個黑松露雜菌意粉,同埋一個芝士魚子意粉,個人覺得雜菌意粉比較乾身同埋味道較啖,反而非常鍾意芝士魚子意粉,好香芝士味,同埋魚子係粒粒都咁大粒,男朋友都鍾意食呢個魚子意粉d,大家可以考慮吓揀魚子意粉!兩碟意粉份量適中,都係可以食得飽!食到咁上下，就叫侍應上埋是日芝士餅，相信餐入邊包埋嘅芝士餅比單點細件，不過我就覺得啱啱好，芝士餅普通，不過包埋餐嘅就唔好咁多要求啦！另外我再叫左個蘋

難得閒日有時間出黎 梗係去呢度食個lunch 啦 因為假日黎食無野飲送架黎到已經係下午茶時段 叫左三個餐 天氣太熱 要晒凍野飲呀🤦🏻‍♀️是日特飲係奇異果番石榴汁 黎到個樣似啤酒 🍻但略嫌無咩果汁味另外兩杯都係蘋果唔知加乜同士多啤梨加某生果汁 好飲過奇異果啦 個名太長唔記得跟住到野食 叫左素all day breadfast ， 燒物拼盤同香蒜黑松露野菌意粉拼盤有驚喜 細細盤但食落不來都幾漏 蟹餅同煙肉荔枝卷都好好味 素all day breadfast : 問店員可唔可以轉走甘旬 因為唔食嘅 回覆係唔比轉 真心唔明又唔係一齊煮熟晒分唔開 點解咁簡單都唔比轉？ 已經係全素啦 轉菜都唔得？ 意粉： 好多菇 除左油左啲之外意粉軟硬度都掂 不過三樣嘢黎講都係拼盤最好食

餐廳環境好舒服，算靜，同朋友傾計最岩。個白汁意粉好普通，冇咩特別。水牛城雞翼質素比以前差左，炸到好乾，但個芝士醬系好食既。最好食都系曲奇鬆餅，個鬆餅唔乾又香，配雪糕一流。另外，佢既水蜜桃紅茶都好飲。

次次要諗lunch要食d咩！真係好頭痕😢一諗唔到，我地就會話起牧羊食，因為價錢唔算貴，質素又ok，環境又舒服(一定要坐入面)❤已經數唔清，我地係第幾次食牧羊la😝今次見到呢個幾得意，就點呢個la，一入以往都冇令我失望，幾好食，口感又得意👍👍我中意有d果仁起入面嘅感覺😋麵包皮會比較乾🍔但食落又ok嘅，覺得太乾嘅話就飲杯野la~呢度嘅野飲雖然唔算好突出，但多數係fresh嘅，飲落都幾舒服🍹

星期日都要返工。。返工前去悠閒食個lunch ，過下"牧羊"生活🙈order咗兩個意粉，分別係明太子鮮蝦意粉三文魚子和風蜆肉意粉~ 三文魚子意粉嘅和風汁味道偏甜，配菜有好多菇菇同蜆肉，呢個配搭簡直冇得輸~而明太子醬配意粉，亦都係冇得挑剔，穩勝嘅配搭😎其實牧羊嘅 portion 細細，正常嘅男士應該唔夠飽，不過Lady唔算大食,分咗一半畀男人佢先夠飽😅而今次觸礁嘅竟然係杯榛子咖啡，Lady再三向侍應妹妹confirm ，因為杯咖啡真係一d榛子味都無。。而侍應妹妹都有向lady解釋，因為怕榛子糖漿嘅味道會蓋過咖啡嘅香味 ，所以冇落太多~亦都extra加番畀Lady，但加咗之後依然唔係好覺有榛子味🙈另外一杯朱古力沙冰嘅朱古力味就好濃厚，就算飲到最後都唔會覺得杯嘢"淡茂茂"無哂味👍

when browsing through the Kwai Fong hood I saw a nice little restaurant (even featuring ventilated outdoor tables !) and a delicious looking "Japanese style miso pork rice " bannner caught my attention. Hence I sat down and ordered . it was horrible, worst food this year so far! A classic example of missleading advertisement. See for yourself ! .. and yes it does taste like it actually looks

已經食左一段時間宜家先寫番個食評星期六晏就去左呢間食 係朋友推介消閒好地方 當日去既時候即刻有位 而且一路都有好多空位 所以我地放心咁慢慢食慢慢吹水當日我地嗌左4個set lunch 包括：芒果乳酪雞包、牛肝菌意大利飯、肉醬意粉、忌廉意粉（唔記得確實個名）落完單好快就上左餐包同湯俾我地餐包唔熱食落好乾 所以我地食完一舊都無食到 可能烘一烘熱會好好多湯方面就係羅宋湯 酸酸地飲完就開左個胃啦飲完個湯主食都陸續黎到忌廉迷既我即刻食左忌廉意粉見 汁唔算多 唔會話好creamy 意粉煮到岩岩好 整體黎講正正常常而肉醬意粉一上到黎見到得d醬係上面都擔心緊會唔會唔夠 但其實可以撈晒成碟 條條意粉都有醬 反而呢碟又煮得幾好食而牛肝菌意大利飯都ok離落去細細碟但其實好飽肚 但味道方面就普通啦 唔會話食落會有驚喜最後就係食個包 包就正正常常 個醬夾埋包黎食又幾好味 可以試下

Lunch⋯⋯食好啲，可以揀呢到！坐都幾舒服，可能lunch time無乜人～明太子蝦意粉：唔會太咸，唔錯，蝦係細細，都有爽口，意粉軟硬度適中洋甘菊茶：淡淡洋甘菊味，有安定寧神既作用，聞一聞再飲，份外舒服

一入到去見個待應好忙執枱，執到都唔知道我地二人等緊位，直到我主動上前講聲兩位，明顯人手短缺🙊因為係網上見到可以坐outdoor .今日天氣又幾好，所以就黎試試。全日早餐不過不失串燒拼盤就差差地，不過$4x 幾蚊！是但啦.....煙肉荔枝，荔枝係梅既雪藏蟹餅貨蕃薯...無言！

今日木嘴黎到葵芳，諗住呢間野幾文青咁，於是就一戰啦，點知就係中伏既開始。首先侍應係好懶散，明明唔多客亦有足夠既人手，但佢地掛住傾計，叫左一陣先過黎。ok唔緊要，我當佢地自細受外國文化薰陶，返工追求chill住做野。但係大佬，佢竟然幫我地點餐點到一半，見隔黎有另一枱舉手想落單，就聲都唔聲走左去果邊。個感覺有d似行屍走肉既walking dead，無靈魂，唔覺自己本身係幫緊我地落餐。服務態度就算啦，木嘴黎食野都係求野食正正常常可以飽肚，點知呢間野既野食真係突破木嘴既底線，令我不得不重出江湖寫食評。我地叫左三樣野，蘑菇意粉，炸魚薯條同咩海鮮意粉咁。首先個炸魚，嘩一咬落去個皮係淋既。要口感無口感，要味道無味道，如果叫我蒙住眼食呢碟野，我應該無可能估到呢條係炸魚。呢條魚究竟係咪喺遠古時代捉完炸完，之後擺到今日先再拎返出黎叮黎俾我食嫁...跟住兩個意粉都係超乾，蘑菇意粉好少少，但海鮮意粉係乾到d意粉仲痴埋一舊，應該都係叮出黎，你叮還叮，但係咪唔識加水叮？唔知大家睇圖感唔感受到果種乾，果種dry，仲dry過幾十年都無愛情滋潤既阿婆。我木嘴自問要求唔高，但真心寧願番屋企食叮叮意粉算了。

難得有點時間忙裡偷閒，可以同姐妹短聚！黎到時間已是下午茶時間，估唔到都係咁多人，都要等左一陣先可入座，因為我們想坐室內！之後被安排坐的位置同隔離枱客人好近，不過都冇辦法！簡單點左三款食品: Ice Mocha水牛雞翼 : 炸得好通透, 即係好熱氣囉, 但又好好味既, 因為外層食到好濃烈的芝士味道, 肉質又好juicy, 同滑! XX 青檸梳打: 朋友叫既, 唔記得係咩, 不過屬於解喝之選.英式早午餐: 一份豐富既All day breakfast, 炒蛋整得好好味! 食完都覺得好飽了. 竹炭三式迷你漢堡: 入面各自夾左煙三文魚, 炸蝦, 火腿, 竹炭漢堡焗得香脆可口! 

今晚諗住清清地食個沙律，叫個凱撒煙三文魚沙律，勁多沙律醬，咸到飛起，完全不能入囗，要求換個一碟啦，再上枱時面包糠一粒都冇，幾片菜，一舊三文魚，七十幾蚊超蝕，隻碟仲要爛嘅！！吾係慳到咁呀，用隻爛碟上枱！失敗，吾會再去！

呢排係拜山既節奏 好早起身 然後諗起聽日原來星期一👾好似無放過假咁😵牧羊少年既烏冬原來都唔錯😳🍥🍜之前黎親都食意粉 今次點左燒牛肉烏冬！份量都幾多 絕對抵食🤤

一到餐廳，侍應就問我地想坐室外定室內，難得天氣咁好，我地當然揀坐室外啦我地兩個人，叫左一個小食、一個甜品同兩杯飲品呢個芝士肉醬薯條份量好多，但個人唔太鍾意薯條上面既肉醬同yogurt不過薯條好熱辣辣，加上有芝士，都算好食之後就到兩杯野飲夏天的尾巴俾人好fresh既感覺，仲可以食埋上面既生果粒朱古力沙冰一向都係我既最愛，呢間餐廳既朱古力沙冰非常濃味，冇令我失望最後就係呢個朱古力窩夫啦份量非常足，兩個人食好飽啊窩夫同曲奇雪糕好夾

This restaurant used to be very popular that I needed to wait for half an hour for a seat but tonight, it was quiet. There were lots of seats available. Then I released the reason at the end; the food wasn’t as good as before. Caesar salad with smoked salmon was very ordinary, the lettuce was a bit dry and there were not enough sauce. The smoked salmon was quite big though. Baked potatoes were alright, the one with prawns didn’t have any taste at all. The best was the bolognese one, it had more