牧羊少年咖啡館 (K11購物藝術館)

营业中

休息中

與朋友相約在牧羊人聚一聚。七時半到達牧羊，當時外面仲有幾個位。但座位係單向的，不方便3人聊天，所以再等下一張枱。等了15分鐘左右就安排入坐。店內的長方枱是木制及梯型的，本身很有格調。但可惜枱面上仍然有上一手的食物碎。紫薯藜麥沙律，藜麥少得可憐。沙律算大份，除了有紫薯，還有迷你紅蘿蔔，蕃茄及生菜配上黑醋。奶油啤酒咖啡，送達時店員提醒不要再倒啤酒入咖啡中。當我想飲咖啡時，習慣地用匙攪拌了一下，可怕的事發生了，當啤酒遇上咖啡會好似火山爆發的不斷爆出來。。。雖然攪到好狼狽，但啤酒係好好飲。白汁雜菌意粉，一上枱時，就見到意粉偏埋一邊，賣相0分，但味道好好，每一條意粉都掛到白汁。香草羅勒露筍意大利粉，又一碟斜埋一邊既意粉，好彩味道都好好，露筍只有2條。最後點了蜜糖窩夫，很鬆軟，上面咖色一粒粒係好似脆米既野，增加口感tst的牧羊人，如果不增加食物種類，我應該唔會再去食。。

見到佢個英文店名立即令我想起《鋼之鍊金術》 這齣卡通， 所以找朋友一齊試下門面裝修同一般咖啡室無異， 不過窗同牆上都畫有咖啡圖畫及鼓勵句子「阿鋼」愛德華就見不到， 門口迎接我地是bear 扮招財貓的figure 公仔我地點左黑醋紫薯甘筍沙律， 露筍菠菜天使麵， 西瓜咖啡， 三文魚 egg benedict,  甜品： 芝士餅， 黑森林黑醋紫薯甘筍沙律： 黑醋頗酸， 紫薯甘筍沙律菜等配料都很爽脆， 芝士味一般露筍菠菜天使麵：露筍偏軟， 很多油， 麵吃不出菠菜的味道， 好左還有松子增加了口感西瓜咖啡：一流， 杯中的西瓜球， 不但只令這杯飲品更靚， 最重要是它們的甜味中和了咖啡的苦味，啖啖咖啡都 有西瓜的清甜味煙燻三文魚 egg benedict：三文魚煙燻味重， egg Benedict 的蛋呈流心狀， 味道一流, 敗筆在個包唔夠鬆軟， 伴碟薯片則軟哂 芝士餅：芝士味濃， 餅乾碎餅底夠實夠脆 黑森林： 好傳統的做法， 用霖酒提子， 黑朱古力做， 感覺不錯

創意咖啡為主，就睇下有幾創新。店舖地理位置有點輸蝕 ，靜悄悄的在角落𥚃。裝潢有點美式餐廳感覺，有高櫈高枱，有普通座，位與位之間相對較迫。門口右面外有條窄巷，有數個吧枱位置。吃過晚飯跟友人想繼續聊天。順道經過，誰知己爆満，唯獨是窄巷吧枱還有兩個位置剛好。雖然不太舒適但只飲一杯飲品吧了！不用太執著吧！果然創意無限，什麼啤酒咖啡呀！香橙咖啡呀！淨睇名字和相片足以另我心大心細。最後還是選中了玉米卡布。外觀跟普通的cappuccino 沒多大分別，中間位置浮現了數粒粟米粒。嚐了一口, 味道帶點苦澀但又感受到粟米湯濃稠的味道。每啖每口也充滿著粟米衣的感覺。口感層次非常複雜，又似香滑的粟米湯，但又似香醇的咖啡？噢！太悩人了，到底是什麼呢？這就是說成功在於創意。

難得行過有位，其他牧羊少年食得多，究竟呢間有幾創意呢？當然要把握機會試下。二人餐都幾抵食，見好多pair 人都有order。Caesar salad 好味，菜新鮮，魚夠大片；但如果麵包切得細一點更好。這多士有點怪。「蜜糖多士」是指這種特別的多士，裏面應該沒有實體蜜糖存在。材料整體唔係好夾；不過份量好足夠，補番數。個芝士醬唔係好夠芝士味。蝦大隻但無乜鮮味，似雪藏蝦。此碟稍嫌遜色。呢杯正到暈，如果你好「花生醬+朱古力」呢個組合的話，呢杯是必試New York Cheesecake 好失望，口感差很遠反而這個焦糖朱古力 Cheesecake 比想像中好，整體唔會太甜，質感比之前那個合理Menu 裏的確比其他牧羊少年店多些創意野，尤其是飲品，我們應該會再來

Went there with my girlfriend to get some late lunch. You can tell right away that this palace isn't really meant for a restaurant, it's jam packed and noisy.  We had two orders of pasta and that was it, we thought a simple dish like pasta wouldn't take anything longer than 15 minutes to make, we were totally wrong. Not only do I see their PRE-COOKED PASTA  SAT IN A PLASTIC BOX without anyone touching them, even the cooks themselves didn't seem bothered about our orders. At this point i started

牧羊少年我之前都食過，味道感覺都唔錯。今次K11開分店特登來試一試，點知係一個字，極。失。望。環境裝修得好靚，水吧用木櫃砌出一幅特色牆，而且一望入去就可以見到食物的製作情況，感覺都幾有feel！餐具同枱櫈都好有心思，成間餐廳嘅感覺都幾好幾chill!不過，可能係地方細，加上人多，入面係超級嘈，比酒樓更嘈，連同對面嘅人傾計都覺得有困難。其實我哋食咗飯，諗住黎呢一度食甜品，所以叫咗個pancake! 賣相好好，見到都覺得好好味，我強調只係 見到！味都係10個差，pancake一d都唔香，又厚又硬... 我一路食一路後悔點解自己要85蚊食舊咁既野😫 最後食左半份就走喇！望望周圍，雖然餐廳客似雲來，但每張枱都食淨好多野😓 食物賣相係重要，但味道始終係最最主要，希望餐廳唔好忘記！

行完K11欣賞藝術品, 食牧羊少年繼續扮文青.下午5點幾, 入座都8成滿, 大部分人都係食件cake嘆咖啡.餐牌上唔太多選擇揀, 另有2人餐&4人餐.(但冇影)叫咗, 足料, 有水準.牛角包最好食, 超鬆軟, 食完個口回味住牛油香.炒蛋都唔錯, 用牛油牛奶炒, 所以好香好滑.腸仔漢堡扒正常出面街食到的味道.煙三文魚反而一般, 只有咸味, 缺少咗煙燻的香.另叫, 份量都頗多.有7-8舊牛肋條, 4條甘筍仔, 最底係薯蓉.牛肋好淋, 易咬, 入味.配4塊彼得包, 食落有少少麥香的甜.雖然比較薄, 但口感紮實, 會食上癮.飲品要, 擺滿甜甜的水果, 好幸福.除咗有茶香之餘, 仲有少少酸, 唔太甜.我覺得比茶木好飲, 雖然細杯咗d, 如果份量多返d就perfect!!

每次經過K11，都被呢間cafe吸引，因為佢裝修得不錯，而且menu上的coffee都好吸引，同時亦好想試試啲野食是否色香味俱全。今日，終於有時間來這裡食下午茶~我們選擇左甜甜waffles 伴合桃碎, 芝士醬汁脆炸雞翼，熱咖啡和個人最愛的peppermint tea。真係色香味俱全，甜甜waffles 伴合桃碎選用楓糖漿，甜而不膩，合桃碎看似肉碎!!! 但卻是脆脆的，且與楓糖漿十分相合!!!Waffles 雖大大件，啱曬為食既我地! 但未達至外脆內軟~ OK LA芝士醬汁脆炸雞翼賣相非常good，雞翼肉質鮮嫩，脆漿厚薄啱啱好! 而且味道都好好!! 再加個濃味芝士醬汁真係一流!! 值得encore~咖啡當然梗加OK~好rich~ 個peppermint tea 都有驚喜! 有醒神之餘仲帶甜甜味道~唔錯~總的來說，今次幫襯過後，相信一定會有第二次幫襯題外話 : 花花碟好靚~ 啱曬閨蜜同行!!!有特色~

自己一個人晚餐，其實都有好多選擇，不過能夠吸引到我的， 一定要有特別的飲品或食物。第二次來到牧羊少年， 上次坐在bar枱旁，今次坐到店外的位置， 也沒所謂，有另一番感覺。平時得一個人時，我一定不會點窩夫餅，因為我覺得有人同我share食會開心d，今次太肚餓，不理太多了， 點了繽紛水果花形窩夫餅$88，繽紛的顏色讓人愉快,水滴形窩夫餅方便用手拿來吃，好鬆軟但略欠蛋味，除了忌廉，還澆上了蜜糖，甜甜蜜蜜的。橙色歲月，是將各種新鮮柑橘類果汁融入咖啡中，與檸啡有異曲同工之妙，特別在杯口沾上了糖粒，輕輕呷一口，細嚐著糖甜、橙香與咖啡， 咖啡味不太重，整體味道是清新又有果甜的。

約咗朋友去尖沙咀食飯，想搵一間可以坐得、食得、飲得既餐廳，最後揀咗呢間。 可能算早到既關係，雖然要等位，但好快就等到。 店舖以Open Kitchen 形式設計，坐位多數為4人枱，分左右兩邊，一邊係高枱(近廚房)，另一邊係低枱。之前去過太子果間，兩間的格局好唔同，呢間光亮好多，但比較擠迫。 我地一行三人，叫咗個二人餐，話就話二人餐，其實都幾多野食，因為佢有一份沙律、一份三文治、一份意粉、兩件意大利餅及兩杯飲品。 紫薯葡萄沙律↓ 佢以黑醋取代沙律醬，簡直係我既喜好，因為我本身對沙律醬有D抗拒。單係賣相，有齊各種顏色，紅、橙、黃、綠、紫，已經令人胃口大開。 煙三文魚炒魚三文治↓ 若果3款食物本身併埋無咩特別，但食落先發現，麵包用了丹麥麵包，所以味道比白麵包較甜，卻配合一齊令人有喜出望外。 黑椒煙鴨胸炒意粉↓ 味道一般，相對三文治來說，比較平傭。 黑森林+藍莓Cheese↓ 朱古力中間夾著紅莓醬，減輕朱古力既甜漏感覺 雖然唔係咩有名的蛋糕店，但Cheese 味夠而不漏 檸檬生薑茶+Caffe Cappuccino 對於咖啡控既我，呢杯味道唔酸，奶泡又打得好幼滑既Cappuccin

见到review都OK就来试下，因为系creative cafe就点左杯橘子皮咖啡林住暖暖地，点知...上来个阵晤冻唔热甘，味道好怪，酒味太浓，加埋香料真系唔三唔四，实在饮唔落。点左下午茶既法式可丽饼，份量一个人食唔晒，而且味道单一，饼皮最尾被滴雪糕浸淋晒，无晒胃口。想要杯热水，竟然被告知系门口啊自己去拿啦！咩话？！加一白收噶？！感觉唔会再来咯

從尖沙咀站步至尖東站，總是會路過K11購物藝術館。只要那天不趕時間，K11總成為我閒坐的落點。K11內有不少咖啡店和甜品餐廳，當中有這一家。牧羊少年創意咖啡館 by GABEE，是牧羊少年系列之一，現在牧羊少年已由小店發展至一個品牌概念。說實的嚐過一次後對牧羊少年的觀感只屬一般而已，尤其是食物的質素。是次光顧，也只是為了GABEE，這咖啡界的光環。GABEE，是台灣咖啡大師林東源先生的咖啡館，作為GABEE的概念店，主打就是由林東源監督的創意咖啡。當中「啡你莫薯」和「橙色歲月」都是台灣咖啡大師比賽的得獎作，也能在這兒嚐到。選了啡你莫薯($68)，「啡你莫薯」的國語發音跟「非你莫屬」一樣，將苦澀咖啡跟甜美蕃薯結合，無屬是意境或味道，都會輕易成為客人的首選。高身杯子上，面層綴着一片以黃糖燒過的蕃薯片，冷奶泡之下是淺層咖啡，而底層是蕃薯蓉。店員提示要先嚐烤蕃薯片，再沿杯邊喝一口咖啡的原味，最後才用匙子攪拌底層的蕃薯蓉。並無百分百按章照做。嚐一口脆甜的蕃薯片，再呷一口甘醇咖啡，加上綿密的奶泡，甜美的甘薯，豐富而帶層次，咖啡的部分甘苦帶微微酸度，甘薯的部分帶溫暖的甜美。不是單純的一杯咖啡，而是咖

下午和朋友去觀禮，觀完禮後返到尖沙咀已經下午4點鐘，冇食午餐的我肚子已經發出聲響，而且距離晚宴既時間還有幾個鐘，所以選了一間可以食得比較飽肚的餐廳~ 去到唔駛等位，但限時食1小時45分鐘~ 我地點了一個意粉及一個All Day Breakfast~(1) 車打芝士汁鮮蝦意大利粉 $78意粉份量細少，但入口芝士味濃郁，而蝦都都挺有鮮味，味道唔錯~(2) All Day Breakfast $98份量比想像中大，有牛角包，腸仔，煙三文魚，炒蛋，茄汁豆，火腿，沙律菜~ 牛角包香脆可口，入口又不會太油膩~ 腸仔的味道比其他all day breakfast好食，質感唔錯~ 煙三文魚、茄汁豆及火腿中規中矩，唔太差~ 炒蛋味道一般，而且炒得唔夠滑，有d實~ 蕃茄略燒過，令到味道更香，而且蕃茄多汁，新鮮得黎味道幾好~ 沙律菜幾好味，再加上少少芝士粉及沙律醬，味道好夾~依間餐廳位於商場的角落，不算太嘈吵，坐得還算舒適~

偏見之謂偏見，就是努力正視之後，仍然難以矯正。對水果味啤酒，一向有偏見。領教過一些東歐出品，藥水一般味道，自此敬而遠之。這天還是看到手調兩字，才稍添勇氣。手調西瓜味啤酒，效果不錯，原來。選對了啤酒，大抵就成功過半。本地出品的Gweilo 啤， 入口帶點檸檬味，入喉又有微微苦澀，兩者都不易被西瓜味完全掩蓋；再者，西瓜之味本身亦非霸道。啤酒、西瓜，相處融洽。也許是西瓜汁與啤酒密度有異，初呷時，西瓜味濃一點，細嚐才隱隱嚐到Gweilo 啤酒味。到得中途，啤酒味漸與西瓜味春色平分。臨到飲盡，就差不多百分百Gweilo了。另，西瓜國果肉冰涼，保持啤酒低溫，卻不會沖淡味道；試想換作冰塊，效果不堪。最後，一讚：飲品奉上時，留了少許啤酒連瓶齊上。之前沒有嚐過的，大可先來一口原味的，再作比較。

已經唔係第一次來，再光臨的原因好簡單！就係為左呢杯咖啡！無他既，實在太少餐廳有好飲咖啡的lunch set!!!!呢度仲有兩種咖啡豆可選-南意同北意，岩有要求既你！咖啡香中帶濃，醇口回味！個人比較喜愛北意～三文魚意大利麵，煮得非常 al dente ! 即是煙韌得來仲有咀嚼感，個人好喜歡這口感喔！汁收得好，也不會搶了三文魚本身的味道！可惜店面位置不多，午餐時間常滿座喔！要是人多就未必容納得到了！2-4人最好！