牧羊少年咖啡館 (K11購物藝術館)

营业中

休息中

又收工慘慘豬甘，自然openrice找新野食。見第一post就係劣評，又話服務問題，要試下咪人講就信。點了日前在上環驚為天人，人生第一次見到，order到，飲到花生drink，太正，下次睹我寫上環間野係邊(提示，大快活旁)當晚餐，點雞翼同花生drink，一個人食甘上下架啦(不論量及價錢)雞翼，與全世界的餐廳一樣，㕮家中都雞翼先會唔紅色，我見佢店無客，少到廿五人不到，估阿廚哥甘得閒煮熟曬啦掛，唉乘一百，又㡳紅心雞翼，痾你唔到但唔係全熟。芝士gd，火侯gd，個芝士盤太個啲啦點點jack。用手淋上去，唉，個盤係辣油浸完，用手咪自己中招，炸功可。drink，一個字，無，兩個字，無味，三個字，咪點呀。香港唔係個個甘有錢，你估好似我旁個對情侶，女友爭比錢話你請左我睇戲我比咩。太貴了。最後，員工服務。。。。。。一入去大把位，無人帶位ok，我接受。我張枱無餐牌，唉，竟然要自去人地枱攞menu。(小胖哥哥咪掛住一枱客忽視我啦。)之後一見我打openrice，即刻有返服務，人哩，現實到哩

某個星期六約了朋友下午茶，朋友選了這家在尖沙咀K11內的cafe，説是她台灣朋友推薦要去試的，所以雖然要等位還是乖乖的等🤣這家cafe主打各種特別調配的咖啡飲品，睇menu選真的有選擇困難症😂最後我選了2008年台灣咖啡大師比賽亞軍的作品- 橙色歲月，柑橘果汁加入純咖啡中，最啱最近30+的炎熱天氣！侍應特別提示杯邊有加有橙味的糖粉，飲用時需要轉杯😊好喜歡這杯咖啡，造型似在飲cocktail，當天把相放facebook呃唔少like下🤣橙色歲月 $65這杯是朋友點的熱帶風情 $62，朋友也是很喜歡！香草醬雞肉露荀意粉 $82味道不錯要是下油少點會更好吃蘋果伯爵果醬窩夫餅 $82這個非常喜歡！一個個獨立花瓣型waffle，每粒都有脆邊，cream份量對我來說剛好，最特別是中間的伯爵果醬，伴雲尼拿雪糕，灑上一點點茶粉，淡淡的伯爵茶香味，非常好吃！一定要找機會再來吃這個窩夫啊！

一入餐廳，明明有大把位、又無留位牌，店員都黑口黑面，死要我地坐高枱…我地梗係死都唔肯。食到最尾d枱都係無人坐，真心唔明店員用意，又令個客唔開心。個沙律都幾新穎，用yogurt 做sauce…但嫌d生果切得好大舊，同朋友share果陣唔太方便。另外個薯皮味道係幾好，可惜賣相出左問題。有咩理由大大細細咁？搵d大細一樣既薯仔唔通真係咁難？如果三舊都係細咪好蝕？相反如果格黎果枱三舊都係咁大咪好着數？露荀青蘋果醬意粉其實做得一般，不過其實完全食唔出有青蘋果味，就連個露荀都係就咁擺上面就算、唔會同個粉一齊炒下入味d。好彩麵質唔差，鋪面的松子仁亦係加分位，香日鬆脆令口感好好多。最後個蘋果茶都幾好味，雖然係用茶包、但仲一壺都仲好夠味。D餐具都好靚，令人賞心悅目，但同餐廳style則好唔襯。

Returned to this cafe for a quick afternoon coffee and snack as I remember, their coffee is not bad. Ordered the smoked salmon toast, a latte and a banana special coffee drink. The toast was alright, would be better if the toast was toasted. The drinks took a long time to arrive, and so we asked for glass of water. We were told water is self-served, which is fine if they don't take service charge. Overall the food and drinks are not bad. However, charging customers a 10% service fee and then exp

星期六誤打誤撞來到呢間，睇到介紹知道係牧羊少年系列咖啡店同台灣人合作而開的。兩人食左一碟青醬意粉一碟松露意粉醫肚，假日無得叫餐，一係$80 食意粉，一係$60 食小食類。因為肚餓，就叫左意粉。青醬雞肉意粉係好食既，olive oil 唔會太多，雞肉係雞胸但唔柴，熱度足夠。松露野菌意粉比較油膩，負擔重，食唔完另外叫左個啤酒（本土鬼佬啤）加咖啡既組合飲品。由於係凍飲，加埋老實講有藥水味，結果飲左半杯都飲唔落。

餐廳在K11 B2 層的一角，店面不算大，枱和枱之間都幾迫，有部分是高枱，也有正常的餐枱，還有在店外沿著牆邊的吧枱，地方一D都唔side。星期五晚七點，都唔算多人等，大約二十多分鐘便有位，幸運地是全埸唯一的一張自成一角二人枱，但成間餐廳都好嘈，講野要大聲D。限食1小時四十五分鐘，正常呀。餐廳比人一種好casual 和 young 的感覺，menu 的食物選擇不多，小食，沙律，意粉等等每類都是只有幾款，反而甜品（主要是waffles),咖啡，飮品類更多。menu 全部有相，而且影得好靚，增加了食慾我們點了 ：三文魚凱薩沙律本來想試藜麥紫薯沙律，朋友不喜歡，所以叫番呢款好大路的沙律，正正常常，沒什麼好comment...香草醬露筍鷄肉意粉見到好多人點，上碟好香香草味，全碟都是綠色，賣相靚，這個真的很好味，每一啖都提醒你是食緊香草，而且好多露筍片如果你不喜歡香草就不要點這個啦水牛雞亦這是從牛柳粒和它之間二選一，結果雞亦勝出。雞亦幾大隻厚肉，皮脆肉嫩，魔鬼令人又愛又恨非你莫薯是咖啡飲品，是餐廳之前的得獎作品，咖啡➕上蕃薯泥，咖啡好香，飮到蕃薯蓉但咖啡味還是很出眾，幾夾，飮得多咖啡試下不同的味道

已不是我第一次光顧這間咖啡店，除了位於K11 這間店舖，其他分店我亦有試過。 不過，去過這麼多間分店，依然覺得K11這間水準最佳。 而且，這間分店的咖啡選擇多又具有得獎創意咖啡，很想試光所有款式！ 先點了一碟黑松露醬野菌意粉 $82 之前也試過這款意粉，但今天的水準稍微下降了，醬汁味道很重忌廉味，但黑松露味不足，意粉質地尚算彈牙，而且野菌很新鮮。如果當是忌廉意粉，其實還不錯，不過既然這是一碟黑松露意粉，就令人有點失望。蘋果伯爵果醬窩夫 $82 每次來到都會點窩夫，頗喜歡這裏窩夫的質感。外面微脆，窩夫內部不會太紮實，但又不是空氣。蘋果的清新爽甜，伯爵茶果醬的茶香，忌廉的香濃幼滑，杏仁片的鬆脆再加上雪糕和楓糖醬的甜味，整個組合我都很喜歡！ 熱帶風情 $62 整片菠蘿用作裝飾，賣相吸引！新鮮菠蘿汁加上黑咖啡，微澀中帶點酸甜，配合杯口的砂糖一起喝，層次頗豐富，整體不錯，略嫌咖啡味道不夠突出。熱鮮奶咖啡 $38同行友人選了基本的latte,分量比想像中大杯。奶泡打得不錯，但入口奶味較重，咖啡味濃些會更好。

昨晚同同事收工一起去尖沙咀食晚飯上open rice 發現左呢間餐廳評分不錯就決定出發喇，一出mtr尖沙咀站就去到k11位置相當便利由於係六點幾就七點，所以一去到就有位餐廳佈置好優閒，同埋佢係cafe不設限時幾個朋友聚餐吹水既選擇我地嗌左個薯皮，雞翼，意粉同沙律價錢都不貴，每樣野都唔過百食物質素方面都相當不錯，我自己最推介佢既意粉，大碟之餘都好足料另外我最欣賞既係佢既碗碟好精緻，對於中意影相既我，真係著迷進食既心情都變得更好

位於尖沙咀K11嘅分店，佈置好用心，最初係俾佢啲碗碟吸引左去呢。由於係晚餐嘅時間所以都等左一陣。呢度嘅意粉不過不失，蘆筍嘅意粉味道OK， 不過份量就比較少，另外都帶咗個野菌意大利粉，如果醬汁再濃d就會比較好，食物嘅味道比較淡，如果用料再多啲就比較好。飲品就點左啤酒同埋水果茶，兩款味道都正正常常。佢嘅熱香餅不得了，因為個味道真係比較伏，好少去餐廳會食到唔好食嘅熱香餅，熱香餅唔夠鬆軟，價錢嘅性價比都比較低，下次都會選擇pancake專門店會比較好。不過佢嘅擺盤好靚，因為影相嘅話一定唔錯。只不過味道真係有待加強。我認為佢嘅食品種類可以增加，用料亦都可以提升，除咗食物嘅外型之外，味道只有一半嘅分數。可惜了！

上網得知牧羊少年在K11開了分店，品牌更以台灣獲奬咖啡師Gabee 命名，因此特地相約友人品嚐。驟眼舖面雖少，但欣賞這裡的開放式廚房，讓烹調過程一覽無遺。為了嚐到不同款型的食物，我們點了沙律和意粉。沙律賣相色彩繽紛，份量比想像中多，略嫌紫薯只有三兩塊，適合想食很清淡的人吃呢～眼見很多檯都叫了這'青bb'意粉，吃著不太油膩，可惜配菜較少。最後當然要試試此店獨有的fusion咖啡，「花生風暴」，發現花生醬mix咖啡其實都幾匹配的😂但自問喜愛傳統咖啡的朋友，或許會覺得太甜、掩蓋了咖啡味。另外，想跟朋友暢談的話，這裏未必是很好的選擇。因為用餐時間只有90分鐘多，環境也比較嘈雜，但食品精緻卻是值得一試的！

之前行K11 已想試試，好像很有特色的西餐.... 前天與朋友一起吃。兩個人, 點了一個三文魚沙律，一個意粉加兩個小吃，食物份量ok, 意粉味道有小小淡，小吃有小小過油，但overall 都幾好吃！ 我朋友更點了他們本地自家製的手工啤試試看，我無飲但朋友說不夠fresh, 只評為尚可呢！但我認為整體來說都是好吃的一間cafe , 唯一不好處是水是自助型式，要到水吧自己裝，但奈何餐廳提供的杯子好細，要喝就要走動多幾次了。

食過佢幾間分店，呢間店都不錯，雖然細左d，但都見到佢地嘅佈置都好有心思，以木為主，顯出休閒感，當日點了露荀雜菇意粉同凱薩沙律，一如以往水準👍👍呢度有高檯高櫈坐位，坐得都幾舒服😍😍

小咖啡店近日成門成巿，食物環境都差不多，今次試一下牧羊少年芝士大蝦意粉芝士味濃，大蝦爽甜，難得的意粉標準al dente，芝士汁掛粉，沒有水汪汪，也沒有滯滯的感覺三文魚白汁意粉三文魚有咸香，份量足，白汁不會杰杰的一pat，有少量洋蔥及磨菇，若多點洋蔥相信更能去油膩感芝士炸雞翼這個不得了，放縱一下吃炸雞翼，雞翼帶辣，香脆得隔離枱都望了幾眼，肉滑不硬，芝士醬也味美，就是都很油，炸得不夠乾身咖啡很香，很滑，不是一般連鎖咖啡店貨色，花茶也不錯呢，是英國的teapigs下次我會試試店內的甜品！隔離枱的waffle又香又靚啊！

心思思, 又想飲返杯好咖啡, 就自自然地去了牧羊少年~~今次特別D, 點了一杯未叫過, 也未曾在其他地方飲過既咖啡!就是橘皮丁香咖啡~~ 添加了少許橘皮橙酒、丁香, 非常適合冬天飲用!好清新又好醒神, 奶泡都添上香味, 在味覺嗅覺視覺都有種滿足感~~個人好滿意~~ ((下午就飲酒XDXD, 但酒味不會太濃的!))午餐點的大蝦意粉都OK, 味道份量都是正常, 個人覺得牧羊少年的咖啡CP值最高!而吃的, 就比較平均.

又去K11，今次是去「牧羊少年創意咖啡館by GaBee.」，品嘗大師級的創意咖啡。GaBee便是台灣著名咖啡師林東源所創的品牌，來這間跟他crossover合作的店子，便是要嘗嘗他所發明的得獎作品「啡你莫薯」，簡單來說是在咖啡中加上番薯的玩意兒。店員叫我飲到咁上吓要攪勻它。果然攪勻佢後味道更佳，意想不到地咖啡和番薯竟然柔和地結合起來，有種起沙般的感覺。同場加多幾十蚊叫個迷你版All day breakfast，D蛋又炒得幾滑喎。PS⋯⋯近日我再去到台北林東源的店子，叫了同一杯「啡你莫薯」，發覺香港那邊都做到原店的八成水準，賣相更似足九成，算不錯了。