牧羊少年咖啡館 (香港單車館)

营业中

休息中

連將軍澳也有牧羊系列！不用出九龍就喺屋企行過去十分鐘距離，支持一下。空間感大，唔會坐得好迫。不過餐廳採用自助落單，落完單店員會送上食物。凍莫卡先係份量好大杯，而且甜度掌握得好好！單是面頭上的忌廉已經令人好滿足。小食方面，點了一個蜜糖波波腸八爪魚丸。以上兩種材料用蜜糖封煮，食落去甜甜地好開胃，而且小食都有好多款，但我同男朋友去太少人share唔到。蕃茄煙三文魚意粉酸酸甜甜嘅番茄汁意粉，從來都係我嘅至愛。好多煙三文魚喺意粉底，而且意粉好彈牙煙韌，加埋蘑菇，滿足晒我三個願望。既然來到Cafe ,又點可以唔叫甜品呢。甜品方面，就叫左一個窩夫。有四件厚厚的嘅窩夫，即叫即整所以仲係熱辣辣。加埋兩球曲奇雪糕，非常滿足。不過上菜有點慢，而且也有漏單的情況，希望情況有改善。

約咗朋友晚上去單車館打波，懶得諗去邊食，朋友話直接在單車館餐廳食啦~本來預咗cafe，食物質素一般般，但原來都有驚喜。諗住打波唔食太飽，叫咗個牛柳粒同千島海鮮pizza，輕食一下。當然... 俾我見到雪糕waffle，甜品是不能少的...食物:牛柳粒份量都幾足，外皮未係好脆身，但味道足夠，有黑椒既香又有蜜糖既甜，一啲都唔un。嘩，Pizza一上枱，原來都幾大塊!! 最欣賞廚師的細心，每一小塊都有齊所有配料: 蝦、墨魚仔、蟹柳，好均勻分配，樣樣都試到。隻蝦真係超大隻，隻隻都爽口，個千島醬亦好多、好出，甜甜酸酸好鬼惹味。唔知係咪汁太豐盛，個pizza未係好脆身，但咁足料就已經補足返啦!雖然食個pizza係有啲飽飽地，但我呢個肥妹總有食甜品既胃。叫咗比利時之戀~ 即係朱古力味waffle雪糕~ 呢個甜品真係超級好食 朱古力waffle唔係得色無味，每一囗都好重朱古力味! 外脆加厚厚內層，淨食waffle已經好享受~~~~ 夾埋曲奇雪糕，冷與熱既配搭，perfect!! 掛住食雪糕同waffle, 我都忘記咗仲有oreo餅...呢杯蜜桃奶酪，應該就係飲得既yougurt，蜜桃味唔止清新，仲真

這間牧羊少年咖啡館的位置相當隱蔽，在單車館裏找了一會兒才找到其所在地，在平日與好友們共聚晚餐，餐廳內只有幾位客人，環境很清靜，亦顯得餐廳格外寬敞，只是燈光較暗，有浪漫的氛圍，也可以放鬆心情。回到正題，我們一行人點選了「雙雙對對」與「大吃四方」兩款二人和四人套餐，幾乎把每款食物都品嚐了一遍。意粉方面，每款意粉的汁都很香濃，本人最推介黑松露野菌意大利粉，這款意粉真的有很濃郁的黑松露味道，醬汁亦不會太濕或太乾，可以說是剛剛好，而且份量亦很多，絕對值得一試。小食方面，沙律的菜有些苦，pizza亦相對普通，但芝士肉醬薯條就相當足料，芝士味十分濃厚。甜品的藍莓cheesecake味道不錯，而配有窩夫的「比利時之戀」也不錯，暖暖的窩夫有淡淡朱古力的味道，而且外脆內軟，配合雪糕一起吃就特別好吃。本人點了抹茶拿鐵，拉花很有心思，奶味很重、很香，咖啡味就不太濃，在晚餐喝很合適。雖然牧羊少年咖啡館價錢較貴，但食物的質素，以及舒適的環境很值得，如果在這裏悠閒地度過一個下午都不錯。

牧羊少年餐廳未係將軍澳開之前已經好鐘意去呢間餐廳食，因為佢環境好，食物質素高，好適合一班朋友係到食飯傾偈。今次叫左一個雜扒餐，薯條同意粉：扒餐有豬扒，雞扒，司華力腸，揀左配薯條，味道不錯，豬扒也不會太“唉”好鐘意佢既薯條，上面淋左芝士醬，yummy yummy雜菌意粉都好好味，意粉軟硬度岩岩好，濃濃既忌廉味以前好鐘意食佢既水手城芝士雞翼，但係依加好似冇左lu，可惜可惜！

因為做媽劇停，人生無乜點停過，一個event接住另一個event，可以安靜落黎嘅機會真係無乜。係將軍澳做完嘢，可以約朋友見面，搵黎呢間係單車館開嘅餐廳。星期五晚唔算多人，幾好。環境係超舒服，好適合一整天坐係度工作或者放空。客人係自助形式去拎餐具，調味料。二人餐好似都幾抵食，但無想食嘅pizza，都係分開點。久違嘅黑松露薯條，一上枱好香，唔係講笑，食落同樣咁勁黑松露味好正，醬唔係「結」個種，但好味。叫咗千島pizza，估唔到咁大個咁厚，我地有啲意外。每塊都有蝦，有蟹柳，八瓜魚咁平均分佈，有心思，千島醬係我地想要嘅千島醬，好食！好耐無食長通粉，叫咗卡邦尼，個人喜歡個汁結啲多啲，朋友話呢個ok，唔會太「漏」。超喜歡呢杯士多啤梨奶酪，好好飲，打碎嘅肉係底，而且啖啖濃士多啤梨味，唔會好水或者淡味。可以係度飲杯嘢食下甜品應該都唔錯，重點係要停一下。

今次已經係第二次嚟呢一度嘆下午茶，喺將軍澳其實可以好休閑同埋有靚景嘆個下午茶嘅地方唔多，牧羊少年呢度無論食物、室外室內環境、店員服務都係冇得頂呀！黎過一次就愛上左呢個地方。地點好方便，喺香港單車館隔離，好易搵，隔離有個大公園啱晒一家大細同埋郊遊。咖啡館十分闊落，算係咁多間牧羊少年最寬敞嘅一間，座位亦都好多。坐近窗邊更加可飽覽成個水池景。下午茶亦都唔馬虎，無論味道同埋presentation都值得一讚。黑松露薯條十分足料，薯條炸得啱啱好，旁邊嘅黑松露醬亦都調得好惹味。香麻雞翼配胡麻醬，呢個配搭好新鮮，雞翼炸得外脆內嫩，十分香口。香蕉巧克力窩夫餅—呢度嘅窩夫係必食item。窩夫外脆內軟，加埋雪糕一凍一熱咁食，冰火交融的感覺，超正！呢度嘅飲品亦都唔野少，有好多嘅選擇。我叫了一杯ice mocha ， 咖啡同埋朱古力的比例調配得剛剛好。熱茶系列亦都好好，有個茶壺可以自己慢慢斟，慢慢嘆，呢個洋甘菊茶啱啱就可以消暑解渴。最後仲送＄5優惠券，可以下次用添，好抵

去到 佢有個門口係花園果邊開左咁咪入去lol點知個staff 喝住我地<幾多位呀,出面排隊>第一我唔知你邊度排緊隊無指示第二唔想比人係呢度門入ge點解唔鎖住而唔係講到我想打尖lol我以後都唔會再黎食all day 好大碟d 茄汁豆好似唔洗錢咁但塊火腿凍ge最出色係牛角包lol炒蛋過熟 呢個係熱ge2條腸都只係暖漢堡扒同m記一樣味道成碟野熱ge 係蛋 蘑菇 同牛角包坐個位麻麻男朋友杯咖啡等左好耐先黎但杯latte 係幾好飲ge

因為單車公園有櫻花盛開，於是便到公園一遊，由於沒有預備野餐，所以便打算賞花後再找吃的。路過單車館，見到這間環境不錯的咖啡館，下午茶有著落了。餐廳位於單車館內，是單車館內的唯一食肆。餐廳一面是落地的大玻璃，日光充足，雖然坐位算不上好坐，但環境也算舒適。下午茶時間人不算太多，在門口等了約兩分鐘便有員工帶領入坐。可能是假日的原因，餐牌上有很多菜式都已售完。最終點了一份香蕉朱古力迷你窩夫和一份全日早餐。窩夫相信是即叫即整，熱辣辣之餘亦十分香脆，配上新鮮香蕉、朱古力雪糕、朱真力醬及忌廉，説不上十分好吃，但是新鮮熱辣。全日早餐頗豐富，有牛角包、炒蛋、腸、火腿、豬柳、茄汁焗豆蘑菇及蕃茄，材料都是一些現成的食材，就是肉比較多，很飽肚。飲品選了兩款果茶，蘋果桃綠茶及士多啤梨果茶，蘋果桃綠茶是是日特飲，鮮果味香，茶內有果肉，相信是現打。但士多啤梨果茶則是綠茶加上士多啤梨糖漿。食物質素一般，説不上很好吃，但價位不算很高，環境亦算開揚，如果要到單車公園的話也可到此一吃。

和朋友吃過晚飯，想吃飯後甜品，經過這間餐廳，之前吃過鹹食覺得不錯，便決定一試它的甜點。點了一份心太軟朱古力蛋糕($49)，一份比利時之戀($75)。心太軟蛋糕切開時朱古力漿有如泉湧，蛋糕口感綿密，朱古力味香濃，但略嫌味道太甜，欠缺了朱古力應有的苦味，旁邊的雲呢拿味雪糕味道不過不失。比利時之戀有三大件朱古力窩夫、兩球曲奇味雪糕，及Oreo餅乾。窩夫沒有朱古力味，但有少許蛋香，口感外脆內軟，味道不算太甜，搭配曲奇味雪糕，甜度恰到好處，旁邊的Oreo餅乾換成餅碎會更加方便。

呢排試玩共享單車，但無奈港島區嘅單車路線真係少之又少，踩馬路又太危險，所以我哋今日嚟到將軍澳體驗一下。踩單車前醫下肚先，經過將軍澳嘅單車館，見到有牧羊少年咖啡館嘅poster, 記得好幾年前喺太子都食過都覺得唔錯，咁就揀呢間啦。入到餐廳，裝修佈置同其他分店都有啲唔同，可能因為喺場館內裝修各方面都有所局限，少了一份感覺。我哋叫咗一個全日早餐$78早餐賣相已經麻麻地，香腸感覺似白灼，牛角包🥐唔新鮮，連炒蛋都係凍嘅。成份早餐完全唔精神。黑松露蘑菇意大利粉$64意大利粉雖然份量都幾多，松露醬都幾香。但意粉偏乾同硬身，醬汁唔夠。亦都係唔夠熱。

近年好多人都想將咖啡館文化帶嚟香港，有人引入五花八門嘅咖啡沖調技術，又有啲搜羅嚟自世界各地嘅精緻咖啡豆⋯⋯不過相信其實香港人最嚮往嘅，係坐喺咖啡館裡面，嗰種油然而生嘅悠閒感。 牧羊少年咖啡館，分店都好多。之前從未去過任何一間。因為個名嘅原故，期待佢係一間充滿書卷味，又或者係個性鮮明嘅咖啡館。將軍澳店位處單車館，落地玻璃加上高樓底，望出去係一個環境優美嘅水池，幾開揚。但睇返室內佈置，行入餐廳時令人覺得好似去咗一個canteen咁⋯⋯時空錯亂之際，有態度殷勤，戴住寫上”The Alchemist, Paulo Coelho”圍裙嘅侍應為你服務，你又會醒番起自己唔係身處canteen喎！ 講番食物，叫咗一個黑松露醬野菌意大利粉同英式早午餐。見佢Menu寫住閒日叫Set Lunch有一系列指定飲品送，週未就$12可以加一杯。 食物嚟得非常快，呢吓「媲美」canteen英式早午餐有牛角包、香腸、豬柳、火腿、炒蛋、磨菇、煙三文魚、番茄同茄汁豆，都算大堆頭。但唔知係咪因為大堆頭但又要保持快上餐嘅效果，肉類相信係一早整好然後夾上碟，所以感覺半溫不熱同肥膩，亦煎得唔夠！不過唔駛擔心，係熟嘅，只係咬落唔香

香港任何日子任何時間到處都是很多人，今天終於找到一處同朋友輕鬆聚一聚、吃一吃、吹一吹水的好地方！就是在將軍澳單車館內的牧羊少年！😁😋👍👍今次點了午餐牌，沙律菜十分新鮮，卡邦尼長通粉味道很好，咖啡有質素還有拉花，環境寛敞，外望人工湖，有人放電船仔！可以搵個周末再encore!😍😍

紀念補日再次一起同BB牧羊🤤今次叫左個忌廉黑松露意粉好好味!好濃既黑松露同芝士味😍😍😍意粉係我最愛既幼身意粉有d似天使麵！除左意粉，我地仲好健康咁叫左個炒雜菜☺️加左胡麻汁就perfect la! 雜菜十分豐富，有不同顏色既菜💐之前存下既積分仲夠換埋個胡麻煎餃子🐿正🤤秋葵是熱熱地咁上的，餃子上既柴魚片飄飄下好得意😍

上星期六 一年一度的結婚週年同牛一梗係要又要食好西!往年都係去高級酒店食自助餐,今年帶埋小朋友一齊去,都係搵近屋企又好味的餐廳好了!將軍澳實在太少選擇, 去到星期四都未諗訂邊間, 忽然醒起有次帶小朋友去單車館玩,發現原來牧羊少年會係單車館開新店! 上Open Rice望下,原來已經開左一段日子! 於是即刻訂位! 到左星期六,帶完小朋友係單車館放電就去食飯! 呢度環境好有情調, 佈置有文青feel 地方闊落,拍拖或同閨蜜傾心事就啱晒! 我地嗌左 主菜: 千島海鮮薄餅 +鮮忌廉黑松露野菌意大利粉 ,小食 就有: 田園炒蔬菜配烤胡蔴醬 + 芝士薯條。食品新鮮制作,所以都等左10分鐘左右,時間可以接受。Pizza底好簿又脆,海鮮材料量多,芝士同千島醬一點都不吝惜,舖滿成個pizza,所以個pizza好飽肚! 意粉都唔輸蝕,芝士同黑松露都好多,成個意粉好香濃, 每口意粉都食到菇菌類既啖啖肉。 唯一美中不足係佢用的意粉係天使麵,如果用普通意粉,芝士可以做到掛麵的效果,味道可以更濃郁! 小食的芝士薯條都唔錯,薯條係粗身的, 芝士係半溶的,如果可以加小小香茜或煙肉會更惹味~粗薯條除左茄汁,我就鍾意加T

係美孚飲完茶就去將軍澳做點正經野，跟住搵左住將軍澳既朋友tea 一tea, 當然由佢呢個地膽介紹啦，佢揀左係單車館入面既牧羊咖啡館。入面都好大。好闊落。而家將軍澳發展得好好，好效區，有個小池，比人玩下模型車船，又有一大片草地，可以比大家放假時間輕鬆輕鬆。我地叫左小食加$12 就有埋野飲，叫左芝士薯條同埋松露薯條，我就鐘意松露薯條多d.仲叫左蜜糖雞翼添叫左lemon and ginger tea 仲有一壺蘋果玉桂茶。