牧牛冰室 (已結業)

話說冰室在香港有很多，可是好吃的又不是有很多選擇，那這次又再來這家牧牛冰室！因為他的滑蛋真的很出色👍🏻所以這次帶朋友一齊來品嚐地道冰室😉店𥚃的裝修就簡簡單單好光亮的感覺，有冰室的卡位好有feel ,另外餐單有很多選擇！那我們就叫了雪菜肉絲米粉跟炒滑蛋餐肉配牛油多士，炒滑蛋火腿通粉，蕃茄鮮牛湯麵配甜奶多士，熱奶茶☕️每一樣都好好吃👍🏻店員也挺好的，準確送餐👍🏻👍🏻一定會再回頭的冰室😉

放假有時間周圍行吓，過咗大角咀搵個老朋友，一齊食早餐！🙈去咗呢間有啲似牛奶公司嘅牧牛餐廳✌🏻見佢真係好多人，入到去都冇晒位，仲要等2分鐘先有得搭枱坐～🤣 應該係比較平，所以多人幫襯～我哋有幸坐到卡位，我order左早餐！西式嘅~ 叫咗雞扒配炒滑蛋腸仔，有埋野飲，叫咗凍檸茶！服務都好快～ 好似好趕時間🤣🤣 雞扒超大件！仲係熱嘅，外皮好脆！啲肉都好嫩，一咬就爆汁！不過早餐嚟講，就幾熱氣🤣 炒蛋超級滑～腸仔就一般般，但係係值得試吓既餐廳👍🏻👍🏻

豐富的早餐對我好重要，都影響一整日心情。以前大角咀有間排第一嘅茶餐廳，但因重建執左。終於俾我搵到間可以替代下！佢早餐有少少貴 (對比其平民早餐），但呢度好食兼大份，抵返唒！首選早餐有二:蕃茄粒粒餐肉螺絲粉，多士，飲品。佢嘅餐肉真係好大粒，煎過有脆口口感，好好味！配上酸甜蕃茄湯底，好夾。唔同其他店得煎一兩塊禁樣。 (對女生黎講，可以同朋友share 黎食。)同樣排第一首選:炒蛋。(你可以揀*蛋治/ 炒蛋多士餐）。厚！滑！有蛋味！。望唔望到？配上脆口多士食，我覺得比澳牛更好味 (仲要呢度坐得舒服，好少趕人走；早少少黎食唔太多人～～)(相對底食！正！好味！)

前排去大角咀探婆婆，因為時間太倉猝，所以食咗個好快嘅午餐，嚟咗都幾受歡迎嘅牧牛餐廳點解會話佢受歡迎，因為佢長期都好多人食，可能夠快同埋味道唔差，所以就比較多人我叫咗雞扒腸仔飯，佢係有傳統嘅茶餐廳嘅煎蛋餐肉豉油飯之類嘅選擇~ 所以我就回味一下 等咗大概10分鐘左右，就有得食啦！雞扒好大份，而且感覺仲係啱啱整完，腸仔感覺係煎出嚟~ 佢比我自由咁樣落豉油份量，我就落咗少少試吓先~ 食落都係回味無窮，好似以前細細個食嘅飯咁樣，雞扒煎得好，一咬落去就感覺好多汁，同埋熱辣辣超好味 係環境比較迫，要搭枱，同埋要食完就讓枱既感覺

星期六，係放假的一天。可以訓到10點幾先起身，再慢慢落街嘆返一個豐富早餐，係人生一大樂事牧牛餐廳，最出名我諗應該就係炒滑蛋。我叫左一碗泰辣雞丁配米粉，炒滑蛋配多士，再加一杯檸檬茶先講米粉，米粉同平常茶餐廳有分別，比較幼身，容易入口。泰辣雞丁更加唔會咁易係其他餐廳叫到，依一個配合非常出色，雞丁的味道令米粉提升層次。炒滑蛋更係令我驚為天人，蛋味香濃，非常滑身，配上多士更加係天衣無縫 （好似仲有款芝士炒蛋，下次一定要試！）美食再配上一杯凍檸檬茶，為我難得的假日增添回憶（圖中是我朋友的沙嗲牛肉，都非常出色）

今日放假，晨早流流就同媽媽去咗大角咀嘅牧牛餐廳食早餐 本身以為同牛奶公司差唔多，但係原來似茶餐廳多。早餐嘅款式都多選擇仲有麥皮，多士餐之類，我就冇影到！ 我就揀咗叉燒螺絲粉配炒蛋腸仔多士媽媽就揀咗麥皮早餐，話要追求健康生活叉燒螺絲粉算係唔錯，佢嘅叉燒未到好新鮮，但係早餐來講算可以，唔會太多肥油部份，都係肉多！螺絲粉煮得好好，好軟身至於湯就一般般，不過早餐來講，就冇咁高要求，所以都算幾好！牛油多士一般般，但係炒滑蛋就好正，真係食落好滑嘅感覺，有少少牛油味，可能係佢出名嘅原因！服務速度都好快，叫完餐冇耐1分鐘左右就有得食！環境都算企理乾淨，人多就要搭枱，但係都算寬闊

去咗大角咀食下午茶，其實都好多選擇，見到呢間好多人，都要排隊等位，所以就湊熱鬧去試下！坐低就見到午餐同下午茶餐牌，都幾多款式揀！之前聽過呢間非常出名炒滑蛋！所以就叫咗沙嗲出前一丁加炒滑蛋腸仔等左冇耐，就已經到咗！出前一丁煮得好好食，啱啱好，唔會太硬，亦唔會有發脹炒蛋真係名不虛傳！好滑，食到有牛奶味😍好想叫多份 環境方面，坐得舒服，只係比較狹窄！繁忙時間需要等候5-10分鐘左右唔算好耐，但就要搭枱！ 服務都算快，有禮貌

今次係我第三次食牧牛冰室，之前成日都係食同一條街嘅文華雞飯，早排同同事食過一次就番唔到轉頭喇！今次點嘅係快餐D - 鹽焗手撕雞飯，好清新，雞嘅份量都幾多，仲有好多青瓜絲，食落好健康

平時返工已經趕頭趕命,假日都想來一個醒晨早餐, 今日去了大角咀牧牛冰室, 點了一個早晨全餐, 仿鮑片通粉, 炒滑蛋多士配腸仔, 熱檸水。仿鮑片通粉不過不失, 重點在於炒滑蛋同多士, 牛油多士香脆, 炒滑蛋很綿, 香滑, 完全沒有過火, 可以比美很多茶餐廳的滑蛋, 總括而言,假日可以吃到一份滿足的早餐, 是一件幸福的事。

近來因為工作忙碌，少了和家人在屋企附近 下午茶gathering。 今日終於有時間盡享天倫之日 等埋一對仔女放學一起下午茶。 大家商議過後，不想在連鎖餐廳吃下午茶。故走到嚟呢間聽講是佐敦有名牛奶公司師傅開的冰室 。嚟到呢間冰室，當然要試試出名的蛋治啦……還有我的至愛……咖啡！小朋友就叫你見吞拿魚三文治，敝傢伙 忘記了新聞說過所有牛油都有致癌成分， 唔記得走牛油添！但是到了三文治來的雞蛋果然跟出名的牛奶公司一樣軟滑好味 ，再加埋個雜果沙律冇得頂呀…… 總括來說這間冰室的出品 ，果然偷師在出名的公司！好在住在這裏附近不用長途跋涉去佐敦排隊才可入座

這間冰室開咗都有一段日子，每次（週末）路過都見到座無虛席，又唔想等位，一直都冇試。今日訓醒，又想食炒蛋多士，於是就行咗過來～ 雖然唔洗等位，但剛入到去，只有非卡位，我哋一邊睇餐牌研究食乜好，一邊留意住有冇坐卡位嘅食客埋單可以轉檯。醒目嘅姐姐留意到lee點，一有卡位吉出來，即刻安排我哋轉檯。眞係要俾嗰like佢～！未夠兩點，唔可以嗌茶餐，但縱觀午餐同茶餐，價錢嘅分別就不算大，份量就要食過先知，無所謂啦～ 我哋分別嗌咗瑞士汁撈公仔麵餐同埋番茄湯粉餐。雞扒好大件，皮脆肉嫩，拎上來嗰陣，熱到入唔到口，好明顯係即炸嘅。撈公仔麵嘅瑞士汁份量夠多，麵身夠入味，個人來講美中不足嘅係麵身腍咗d～炒蛋眞係冇令人失望，雖然睇落以為overcooked，但食落眞係兩回事。腸仔就普普通通；牛油多熱辣辣夠香脆～ 👍🏼👍🏼7字概括：茶香奶滑冇澀味。另外一個餐係番茄湯粉餐。認真講，麻麻哋，湯頭比較稀，味偏淡；所以通粉都唔係好入味。叉燒不過不失。加$2轉奶醬多熱辣辣，脆卜卜，練奶香甜，花生醬黏口惹味。明知邪惡都會繼續食～熱檸茶就唔會再嗌嚕，中曬通病，太澀了～🤦🏻‍♀️衛生狀況有改善空間😑😑😑總括而言，出品質素都不錯，不過

由於食開嘅華發轉手，又唔想食金家樂，見大角咀群好多人介紹呢間牧牛，於是去咗試下。價錢適中，份量就好足。滑蛋唔錯，多士又夠脆。通粉中規中矩，再加杯飲品先33元，之後食早餐呢間牧牛都應該係首選。

個人口味的關係，早餐我很喜歡點“沙爹牛肉”的，所以好多時都會四出去試下不同餐廳的沙爹牛肉，每間都有不同派系及處理方法，值得細味欣賞。至目前為止，個人口味的三甲是：元朗永順/屯門祥景/大角咀牧牛。永順及祥景就不在本篇詳加討論了，以免喧賓奪主。牧牛是近幾年在大角咀新開的店，但整體裝修和口味，可以好肯定是業界前輩信心之作，令我好奇而吸引我入去的，時源於牧牛竟然是不設晚市的，其餐牌的所有供應是到每日下午五時半至六時便完結。在吋金呎土的香港地地舖，有信心只做早午下午茶市便收工，的確要很大力量才可成事。其早餐是最吸引我一吃再吃的，炒蛋也是屬於三甲之作，整體連同兩片厚油多士，再加上一個濃味沙爹牛肉麵，的確是一個 Good Morning。

之前去過大角咀，發覺那裏有甚多好評的食肆，但那次時間匆忙，未及細看和試吃。昨日有空，便專程去逛逛。在幾條街上閒遊，見到有興趣的食店，便上openrice看看網友的食評，才知原來大角咀亦是個美食雲集的地區。走著走著，見到對街有個特別的招牌，寫著牧牛冰室，又看到網友的食評，原來是間類似澳牛的茶記。自從內地客迫爆排隊，我已極少去澳牛了，於是決定到這間試試。這裏地方不大，但環境整潔明亮，食客都似乎是街坊和熟客。下午茶的款式不多，我因尚未肚餓，又見到網友激讚這裏的炒蛋，於是便揀了$27的三文治餐，選擇炒蛋和鹹牛肉兩款，配奶茶。先來奶茶，單單是看已經知道合格了，再一試：熱濃香滑，完全是滿分之作！再加上，盛茶的咖啡杯較薄，所以份量便比用厚杯的多了，更要讚！當那份蛋牛治上檯時，那種澎湃的感覺，即使未吃已經感到滿足了！兩片厚麵包，夾著滿滿的炒蛋和鹹牛肉，切開後中間甚至瀉出流在碟上。店員亦細心地，已用餐紙圍著其中一件三文治，以方便食客拿起食用。吃進口，不得了，嫩滑的炒蛋加上牛肉的鹹香，令我無法停口。吃兩啖麵包，唊一口奶茶，甚麼邪惡感都已抛之腦後，那份享受只能用個「爽」字來形容！我極同意網友的看法，如果是澳

平日返工趕頭趕命...都無時間食早餐!放假一定會食份超滿足早餐先夠皮.早晨全餐 - $33叉燒意粉 + 炒滑蛋 + 餐肉配牛油多士其實總覺得出街食叉燒意粉伏伏地, 不過另外3款都唔太啱食, 可能有心理準備, 叉燒味道, 色澤總算正常, 意粉仲有咬口, 唔係發漲晒.炒滑蛋的濃香雞蛋味 + 滑溜溜口感, 的確會令人諗起澳牛的感覺, 餐肉厚身少少就會開心啲.唔洗加$已經係牛油多士喇, 今次多士嘅燶度好合我心意(第一次食塊包仲係好白).配埋包熱奶茶☕️😋.滿足咗心靈