牛霸小麵店 (已結業)

在灣仔覓食 看到一條巷內有間店 走進內發覺地方很大 裝修也不錯 有很多盆栽裝飾掛在天花板 一大面綠草牆 感覺令人舒服點了🔸士林小香腸滷肉便當 $60小香腸煎香了 甜甜的 很好吃 滷蛋也不錯 可惜只有半飯 飯面有些滷肉飯和汁 混在一起吃很好吃 整碟吃光😋跟餐點飲品-$15 加了🔸柚子茶 $8跟平常喝的差不多其實有點飽 但是很想吃甜品 所以和朋友點了一款一起吃 我們點了🔸招芋頭麗芋泥芋圓冰 $39份量很大碗 芋泥和冰混在一起吃 吃完一口想再吃一口 芋頭圓有3色 紫色、淺紫色和橙色 很有咬口 微甜😊

今日行完工展會朋友帶我去灣仔食下午茶，呢間小店在灣仔球場隔離在行入小小，行到球場隔離有一個易拉架寫住牛霸小麵店，呢間系台灣菜。餐廳怖置以草和木椅給予人很文青，燈光又明亮，地方又大又舒適。冬瓜茶加珍珠，珍珠幾煙韌。鹽酥雞肉躁麵（乾拌麵），鹽酥雞炸到好香口雞肉又嫩又入味，乾拌麵又入味撈埋肉躁更加美味可口。紅燒牛肉麵（蕃茄湯底），紅燒牛肉肉質好淋好入味，麵條又好爽彈，湯底香濃好美味路邊小香腸，香腸好香又有咬口又不肥膩洛神仙草芋圓，好大碗夠兩個人食，底下有沙冰仙草好滑潘，芋圓和珍珠都好煙韌又夠甜

灣仔台式午餐近近地喺公司附近食呢間即使喺近後街非當眼位置Lunch都係要等位既👉🏻叫左五香九牛米粉大大碗牛肉都煮得淋湯底不太多味精👉🏻朋友試花枝丸乾撈拌麵試左個花枝丸幾香口 即炸熱辣辣店內環境ok但始終店外係後街 留意衛生情況嚕😌

位於灣仔，經常經過的大街上，走上樓梯後，一條小巷的盡頭，便是一間台式食店。它的名字是「牛霸小麵店」，顧名思義就是主要吃牛麵的。當然，我們點了招牌的牛三寶牛肉麵（牛筋、 牛𦟌、牛腩）$70、魚酥皮蛋豆腐$38、芋丸涼粉冰給檸檬冬瓜茶。我倆一致認為，這裏的食物份量十足及價錢實惠。另一半很喜愛喝檸檬冬瓜茶，他很喜愛這裡所沖調的味道。食物方面，大大份，味道也不錯。而倆一致認為這裏的甜品比台式甜品專賣店更好吃！

好少寫食評黎過呢間兩次～很喜歡呢間餐廳的環境～有與世隔絕的感覺食品質素整體不錯，鹽酥雞炸得剛剛好，脆口飲品就普通，台灣奶茶類飲品味道很一般～晚市少人～可以係度同朋友坐成晚～依家晚市仲有85折好抵食～我d 朋友一致覺得呢間餐廳非常好～下次會再來！第二次食時Staff好Nice～雖然我地坐左好耐，佢地態度都好好，有個見我地自拍，主動問我地洗唔洗幫手影相～呢間餐廳性價比非常高～值得推介～唔熟灣仔就可能位置會比較難搵～

今日平安夜，女友不想同人逼，又同我慳唔想食貴的聖誕大餐，反過來想簡簡單單食台灣菜，我們來到灣仔這間"牛霸小麵店"。餐廳裝潢十分文青feel，全木系的枱櫈，打卡的草牆背景配烏絲燈膽，簡潔舒適。餐廳采用電子落單，一掃單上QRCode就可以，圖文並茂，十分方便。餐廳亦有提供點單紙。紅燒牛筋牛肉腩麵 $75紅燒湯底色澤好深，看似十分香濃，輕喝一口，味道香濃之余不會過咸，牛筋腍軟入味，牛腩亦不韌，麵勁度夠，整體不錯。熱黑糖薑母茶+$7凍蘋果西打+$7薯仔豬軟骨便當 $69豬軟骨吸引，份量不少，醬汁豐富，入口腍軟入味，下飯一流；配菜還有豆角、茶葉蛋和青菜。五味秘製小茄子 $35另外還點了小茄子，上面灑上滿滿的肉鬆，茄子質感腍軟，蘸上醬汁和肉鬆一同食用，味道口感豐富。招牌芋泥芋圓冰 $39我們點了一款走冰的招牌芋泥芋圓，芋圓份量多，質感Q彈有口感，芋泥更是女友最愛，甜度適中，質感軟糯。

一開始被綠油油的環境所吸引，餐廳隱藏在角落位置，一眼望埋去綠油油，感覺像是城市中的綠洲，原來是食台灣菜的。麻辣花枝丸乾拌麵套餐，肉醬是秘制的，拌麵一齊食非常惹味，而花枝丸爽口彈牙，又唔會好油，麵條很有嚼口。另外套餐配有貢丸湯和麻醬淋青菜，湯底幾清甜，貢丸亦十分之爽口。飲熱台灣咖啡，咖啡味尚算濃郁，如果奶可由自己加更好。蕃茄牛肉麵，蕃茄湯底十分之濃郁而且有蕃茄肉，另外牛肉方面有牛𦟌和牛筋兩種不同的口感，炆得夠腍，好易就咬開。飲熱黑糖薑母茶，薑味十足，在冬天時飲暖粒粒的。另外我們亦加了一個火爆芝士鹽酥雞，表面是金黃芝士，鹽酥雞拖着芝士，食法特別，而且口感酥脆可口的。

灣仔集成後街有間叫牛霸食台灣野，行到攰攰哋所以入去揾野食，餐廳環境 裝飾得幾靚，有田園cafe feel, 感覺幾 relax, 草嘅特色 wall非常吸睛，而且樓底幾高幾光猛！feel. nice，見到 menu有多款便當 and牛肉麵， 價錢唔貴，份量又大！ 叫咗一碗紅燒牛肉麵，湯頭非常濃郁入味，牛肉片嫩滑香淋。鹽酥雞便當，炸雞炸到非常香脆又唔油膩， 感覺好有層次！仲叫左杯奶蓋紅玉加珍珠， 調教得幾好飲唔會太甜其適合我口味！

happy friday接個朋友仔放工，行行下見到兩次易拉架，牛霸小麵店，晚仔有8折一於試下原來最近係灣仔地鐵A3出口，一出向左行。好多comment都話佢隠世細小店，真係好岩佢係喺一條小巷入面，雖然要花少少時間去搵，不過我反而中意佢夠靜，大家都會好享受同朋友相聚時光我地叫左一個古早滷肉飯一個紅燒牛肉麵滷肉飯好有肉味，我成碗飽食哂呀！至於朋友嘅紅燒牛肉麵因為加左酸菜，個湯有d酸味，如果中意食酸野嘅人可以試下呢個牛肉牛筋都好淋最後當然要黎個甜品，我地叫左仙草芋圖，下面係冰底，真係好多份量，兩個人我建議叫一碗就夠，睇左個size仲覺得唔夠先再叫都未遲。如果有得加埋奶就仲perfect滿足嘅一餐

難怪咁隱世，個位真係幾難搵～見到球場之後行入去就見到。今晚早食飯，黎到仲未有人。環境好fresh, 有木枱又有樹葉。晏就食左麵，夜晚就揀左個古早滷肉飯便當。味道都ok, 係飯量偏多食唔哂，但個滷肉肥瘦均勻，有台灣滷肉飯嘅精萃，個飯多啲汁會更好。男胖子就食牛肉麵，賣相好得，當然食落都唔差，麵質係粗嗰隻，牛肚同牛腩都整得好香，紅燒湯底好味～追加左隻滷蛋。火爆芝士鹽酥雞，幾創新，亦整得唔錯，但食得多怕熱氣。見到有芋泥芋圓冰緊係要食埋，但製作時間要半個鐘，食完飯等多陣就出到啦～芋圓大大粒，口感軟熟，有水準！個芋泥好綿密，唔太甜。美中不足係下底啲冰，一路食一路溶變水，浸住啲芋圓芋泥有啲怪。。。

牛霸小麵店 灣仔安樂里1號利昌大廈地下低層D號舖係呀又來食DINNER啦, 佢架小食飯麵都非常抵食又有水準, 雖則係小巷中, 都槳於再來啦I love sweet sour tomato soup noodle 蕃茄豬軟骨湯麵 $62 加$3轉成蕃茄湯, 色澤好紅, 因加了糖飲落酸中帶甜味,愈飲愈開胃!麻醬淋青菜 $28 因菜唔夠, 叫左一碟,個麻醬都幾香架!!! 我自己本身係好鍾意食nut butter~岩曬我! will come again

收工同事帶路食新嘢，今次嚟到灣仔暗巷呢間隱世台式餐廳試試。餐廳用scan QR code嚟落單，環保慳紙。魚酥皮蛋豆腐 - 表面灑上大量木魚碎及淋上醬汁，皮蛋食落味道酸酸鹹鹹。豆腐應該係用百福牌，豆味濃郁。蕃茄牛肉麵 - 牛肉炆得好腍好入味，湯底加咗酸菜，而麵就韌韌地，有口感。滷肉鹽酥雞便當 - 鹽酥雞塊外酥內軟，雞肉肉質嫩滑，滷肉汁味道合格有餘。八寶芋圓冰 - 一開始食味道太甜，要整碎啲冰溝淡去，味道先啱啱好。支匙羹成枝冰剷咁，成件事好夾。

朋友公司後面有間好神秘小店,無咩人發現,自成一角店內好文青FEEL,而且地方好闊落木傢具設計為主用手機掃描QR CODE再按指示下單好先進紅燒牛筋牛肉腩麵 $85牛肉十分軟稔牛腩、牛肚軟棯棯有咀嚼感紅燒湯底辣辣麻辣牛肉麵 $85麻辣不論辣度或份量適中都幾大碗，分量幾多百香椰果冰茶 $10加珍珠$3加椰果$3涼拌溫室小黃瓜$25有點醋酸酸地甜甜地食落好清新,少甜少少軟身酥炸花枝丸$32好香口,炸到好香好脆口感彈牙 

這次來到這間隱藏於灣仔鬧市小巷中的台灣麵店，麵店內裡裝修有一種很溫暖的感覺，有一幅牆是草牆，很特別！麵店除了有台灣麵可以選擇外，也有些台式便當，不過這次我們選了兩碗也是牛肉麵！紅燒牛肉麵，湯底跟在台灣吃到的牛肉麵湯底一樣，帶有少少辣，湯底濃郁！牛肉肉質較淋而且入味，還有些蔥粒和酸菜，令味道更惹味！牛魔王湯麵，這款湯麵包括了幾款牛的部分，牛筋、牛展、牛腩、牛肚，牛筋炆得夠淋夠入味，牛展和牛腩肉質鬆軟而且入味，牛肚爽口，麵底有點煙韌，幾有咬口！秘製小茄子，茄子上有肉鬆和蔥花，而他們的秘製醬汁甜甜的，味道特別又有口感！荔枝玉露、桂圓紅棗茶，荔枝玉露味道唔會好甜，好香荔枝味，而且入面還有些椰果，好有口感!而桂圓紅棗茶好有龍眼的味道，飲落較甜但感覺較滋潤。估唔到小巷內竟然有間台式麵店，而且食物質素都不錯，可以再來!

安樂里呢條巷仔成日都會經過，但原來入面開咗間走清新風嘅台灣食店《牛霸小麵店》!有兩個朋友分別嚟過呢間餐廳，都話OK。口碑唔錯，等我都嚟試下啦！味道唔錯，價錢相宜，環境幾舒適，仲可以比你慢慢坐，可以一試！店舖走清新風，燈光光猛，牆身好多綠色嘅草，好fresh啊🌱🌿用電話落單，只需scan單上嘅qr code就可以登上落單嘅頁面。食物清晰列出，好容易用，非常方便。主要都係有便當、湯麵、拌麵、小食等等嘅菜式。鹽酥雞滷肉便當 ($60)珍珠奶茶 (+$10)叫飯同麵都可以加錢加配飲品。滷肉入味，撈飯食好正，不過略嫌份量唔多，好多飯無得撈鹽酥雞炸得酥脆，惹味可口👅肉燥香蔥排骨乾拌麵 ($62)香芋奶茶 (+$7)香蔥排骨同鹽酥雞一樣炸得酥脆，面頭嘅椒鹽好惹味，有肉汁有咬口，厚肉又唔肥👍不過拌麵就略嫌乾咗少少🤭餐廳嘅珍珠奶茶通常都麻麻地，估唔到呢到嘅珍珠奶茶又沖得唔錯！珍珠夠彈牙有咬口，茶味香濃，不過如果記得叫埋少甜會更加啱我口味😛香芋奶茶嘅芋頭味唔算濃，亦都食唔到芋頭蓉🤭台灣夜市小拼盤 ($48)拼盤入面有台式香腸、花枝丸、鹽酥雞、木魚炸豆腐。台式炸物唔知點解硬係特別香口同惹味，呢碟嘅花枝丸同鹽