牛車水餐廳 (美孚新邨)

营业中

休息中

間鋪非常之方便，一出地鐵行條樓梯仔就見到。自己係叫到附近住開，都會間唔中過黎食下，個環境唔差，幾闊落，坐得都舒服既。不過D野食水準相比係以前就有D參痴，價錢都偏中上。整體不過不失啦。

一入去坐低，無人俾餐牌，叫又無人應，自己去隔離台攞都唔緊要，攞完一坐低就有條友走埋黎又話唔係呢張，呢張下午茶，喂大佬，我拎番黎睇都未睇係咩，就同我講唔係，咁你又唔俾我?落order阿姐悔悔氣氣好似差佢錢咁，態度極差

好日唔出街，見到細個時食過既牛車水，即刻入去回味一下個晚餐😅叫咗個肉眼扒配帶子，最鍾意食餐包既我，餐包一上，即食😨點解會有陣臭味？！酸臭咁🤢已經好失望😓紅湯都仲有以前既味道既......個肉眼扒一上，三塊油淋淋既薄扒+萬年油炸既帶子（極硬）🤢味道唔駛講，全部無樣得！！！連杯凍奶茶既味道都係怪的！！！！仲要侍應不停推住架好臭既車收杯碟，仲要只推唔會拉住，即係一推過黎撞到人都唔知！陣陣臭味響周圍，可以點食野？！我會好記得，以後都唔食 牛車水🤬真係第一次食到要寫食評！$112 食垃圾咁，未食過既朋友真係諗清楚先！唔好嘥錢！！

快手有得食，餐旦治$27，沙爹牛肉麵加厚多士和火腿及炒蛋$31沙爹牛肉都好味，麵唔好食，下次要試米粉，炒蛋似係用來做蛋治薄薄的，煎旦應該隱陣D！街坊要平又快，呢度可以嘅！下午茶choices多會好D，不過質素都要睇廚，不太穩定

咁岩係美孚出閘搵下野食，近近地見有個餐廳就入去試下。叫左個2人餐 $160再加一 可以簡兩個小菜/煲仔 有湯跟飯同兩杯野飲。都幾多選擇既，平均都係$80 幾一個人。豆腐海鮮羹 味道偏咸，海鮮就得幾粒細蝦仔 係有d豆腐同芥蘭可以食下，都係味噌湯咁 。本來以為黎兩碗 點知原來成盤上 飲完一碗再加飯當湯飯食。白飯都係好大碗 有兩碗 唔會太軟或硬 豆腐火腩煲味道適中 汁唔會好杰 火腩都唔係得個幾舊 但都幾膩西蘭花班塊班塊幾滑 無雪藏味 好快就比我同個朋友清哂 味道算淡 再重蒜味d會更好食 最後都係食唔哂 相信3個人黎食都會好夠飽另外提一提 餐廳環境就好一般 感覺唔多乾淨 仲有d焗 有問店員開左冷氣未 😂

The extensive menu means there is something for everyone.  Rice/pasta/noodles/sandwiches/steaks; Singapore, Malay, local style food.Drinks and soups always arrive within 5 minutes of ordering; food within 10 - super fast!Afternoon tea set menu overlaps with the lunch set menu, so you can pay for the smaller or larger size. We arrived at 5:45pm for dinner so were able to order off the lunch set menu.I've been there four times this year - their ox tongue is wonderful, as is their steak.Highly reco

今日朝頭早去咗牛車水食早餐。餐廳氣氛寧靜，就諗住入去試試。我哋叫咗兩個早餐，每份餐都送嘢飲，凍飲都唔便加錢。我哋叫咗沙嗲牛肉麵，啲麵質好硬，牛肉好硬，沙嗲無味，真係超級難食。而另一個就叫咗雞中翼拉麵。拉麵就俾咗普通公仔麵，都算啦。雞翼好硬，成隻黑色咁。麫就大大份，湯又淡(唔知咩味，好難食)，完全係好難食。成世人都未食過咁硬的雞翼。火腿炒蛋就好啲，火腿熱辣辣，炒蛋好滑，多士就好硬，好難食。下次唔會去食啦！

雞中翼喇沙米粉- 黃色的湯底極濃稠，面層的湯杰身如醬，底層的則較稀。呷一口面層的湯，黏黏糊糊的，主味是黃薑和紅辣椒的香辣，以及蝦米粒的鹹香。再喝一口底層的湯，依然由濃郁的香料味主導，但多了一股淡淡的魚香。仔細觀看，發現湯中有白色的魚肉屑及黑色的魚皮屑。- 細嚼蝦米粒，有丁點雪味，有點可惜。因蝦米的鹹香，在味道濃重的湯底中，有著平衡膩滯、加強食慾之效，故十分重要。建議在儲藏、解凍、烘乾等方面多加留意- 全熟蛋的蛋白尚算滑，不死實；蛋黃亦入口即化，不乾涸- 芽菜了無生氣、腍滋滋地夾雜在米粉中，完全起不了平衡濃湯之效- 豆卜吸湯，惟中間略凍- 炸魚片切成約3cm厚，咬落彈牙，魚味濃郁鮮甜，帶油香- 豉油雞翼的皮淋到噗起，肉死實極嚡口，味微鹹不鮮，部份雞肉更有微微血水味*餐牌選擇很多，包括咖哩、喇沙、泰底金邊粉、海南雞、焗飯意粉、扒餐、湯飯、中式小菜、炒粉麵飯。價錢大眾化，大都是$40+至$50+，份量大，一份餐夠兩個胃口細的人食，正宗抵食夾大件

早 午 晚餐 今天又加價了 份量加了 但食物品種及品質仍然沒有改進 不過 比較其他同行茶餐室 還是有些少優勢 期待日後多些研究食物質量 挽回或已失去的舊有撑埸客。。。。。。。。。。

一個不想煮飯的晚上，獨自一人，經過美孚，美孚地鐵站萬事達廣場出口，樓上有大家樂，前行有海皇粥店，但晚市時段都太多人了，這家牛車水餐廳難得仍然有坐位，就隨隨便便地解決晚餐吧。點了海南雞飯套餐，套餐有海南雞，油飯一碗，例湯，菜，以及餐飲。這個餐份量很充足，對於一向胃口不太大的我來說，也算是太大份了。跟餐的例湯比較油，很明顯看到湯的表面浮著一層油，試了一口，就是一般例湯的味精味。油飯普普通通。海南雞還可以的，本身我很怕煮得不夠的雞，雞骨中有血的更加接受不到，幸好這個雞煮得剛好，肉質保持嫩滑之餘又不會太生。整體來說是不過不失吧！茶餐廳的價錢，茶餐廳的格局，但餐牌上的選擇比一般茶餐廳會比較多。

今日放假冇野做 自己一個落黎食早餐，叫左個牛扒肉丁一丁，飲凍飲都係$32， 食物質素可以接受，牛扒早餐黎講好大塊 轉出前一丁同凍飲都唔需要加錢。餐廳又夠大 卡位多 坐得舒服。

大概平日夜晚9:00到，同朋友叫左生牛肉金邊粉同埋星洲炒貴刁，點知上菜黎左星洲炒米，個炒米份量頗多，但味道欠佳，仲有少少干。D生牛肉有的老，金邊粉應該炒更加好食。間餐廳有啲污糟，應該唔會黎第二次

餐廳外表睇上黎似係懷舊冰室類型，上openrice 㩒一㩒，嘩負評多到咁既 但人係要有探險精神，加少少自虐，就入左去食個晚餐第一個要講既係衛生，見到卡位與卡位之間既間隔牆係舖滿塵埃，確實幾影響胃口。餐具擺櫃桶，其實而家好普遍，但配合呢個環境感覺有點噁心羅宋湯對我黎講係相當有驚喜，茄味十分鮮濃，而且配有大量已經煲淋晒既雜菜，我覺得係極之好飲西蘭花炒帶子幾十蚊都唔會期望有幾咁鮮甜，但就明明已經打晒芡汁，點解都可以成碟餸無味，但餐廳唔姑寒，帶子份量唔少既宮保腰果炒雞丁醬汁唔錯，帶有少少辣幾惹味。但係唔知點解啲腰果係淋既，明明係碟餸既重點，結果成為敗筆

雖然看到先前已經不少負評，但其實，向來都不會對這些餐廳特別防備，因為人家說負評，不代表你一定吃到很垃圾的食品；人家覺得服務態度不好，但你仍然以禮待人，也不一定會遭到惡言相向😏。結果就第一次來到這間牛車水餐廳，心想，下午茶應該也不會差到需要大力給予負評吧。點一個喇沙，雖然端來的時候都有點兒愕然，怎麼這個喇沙湯底非常之杰身，好像很濃郁的汁醬，下面都有一片魚片，一兩件豆卜，以及三、四片豬頸肉。米線極軟林，份量不少，越浸越林。豬頸肉三四片，肉質挺乾身。🤨 咖央多士的做法，其實都相當簡單，只需要將一片多士烤到香脆，上面搽點咖央醬。🤔茶走，茶走的奶茶味道不算太濃，煉奶也不太多，因此甜味不太濃。以下午茶的價格來說， 30多元有麵有飲料，以美孚這個食物選擇不太多的地區，都不算太過分，但又未至於要恨給負評。

今天要去美孚上堂，未夠鐘在附近找地方食下野。經過一間叫牛車水餐廳，叫做有位坐，就入左去。地方夠大，大到D姐姐都吾見我坐底，哈哈。講返食物先，很多選擇，最後叫了火腩海南雞大碗飯。原來仲有湯送，我選了羅宋湯。估不到是湯夠熱，又足料。好多餐廳D湯只出煙，但不夠熱的。個飯終到了。比我想像中多，有5件腩仔，仲有隻脾位嘅海南雞，仲要跟足海南雞三款汁，做足功課， 唯一美中不足的是個椰菜花，如果係菜心會好D。味道方面正常。最後跟餐一杯凍奶茶，全餐$56絕對成正比的。