牛角日本燒肉專門店 (荃新天地2)

营业中

休息中

After going to the beach, we were craving for bbq so I suggested this restaurant as it was very close to the station. We ordered beef tongue, gyu-kaku cattle streaky, hokkaido scallop with salted butter, pig streaky and cold noodles in morioka style. The beef tongue doesn't really have any flavour but fortunately the sauce will solve the problem. They were very easy to chew.The cattle streaky and pig streaky were my favourite! The texture was tender and they were marinated with miso sauce. They

今日同老公去食燒肉，平時我地通常2點半後先去，因為下午茶時段有7折，但係今日因為要去健康院覆診，所以就早咗少少，兩點就去到。黎之前已經知道午餐有第2客半價優惠，仲有一個開心著數大行動，只要喺Facebook share呢個優惠就可以1折嘆一客上級牛肋肉我當然唔會錯過啦~尋晚喺facebook share咗 - $6.9叫左兩個A餐前菜嘅牛蒡絲略咸上級牛肋肉 - 原價$69 (1折$6.9)肉質同味道同午餐嘅普通牛肋肉真係好大分別，牛味濃，口感軟糯，正~肩脊肉有啲un, 牛肋肉中規中矩個人認為腹胸肉係午餐最好嘅肉，所以每次都叫一碟唔雙拼老公負責燒，我負責食我地加咗分別$15同$18轉咗牛角飯同溫泉蛋飯，午餐嘅飯係任添，我同老公都各添咗一碗。埋單好抵，因為多優惠，仲要有1個鐘免費泊車，抵!

平時閒日好少可以食到牛角下午茶，其實價錢真係好抵，午市價再有７折，真係不得了！！今日提早收工就馬上衝去會一會先！點左７折既一口牛粒，今次牛粒不如理想，有筋加上份量少左ＤＤ，不過味道還是好吃的！黎燒肉每次都有少少碰運氣既峽感覺，偏然Ｄ肉會好好味，有時就一口筋咬不開！日本珍珠米白飯，口感軟硬適中，盲算用黎撈汁食都可以吃掉２碗！最後３個人賣單３舊，但有種任食既感覺，真係好爽，諗起上次晚餐價無乜叫野都一人４舊，今次真係破天慌地抵食～！荃灣分店坐位寬闊，坐得非常舒服！

今日到處人生人海，由其中式酒樓排隊排得誇張，唯獨牛角這間。可能是下午茶的關係，枱與枱之間闊落，四野無人像包場一樣，下午茶還有半價餐。我們三人行每人點了二個餐牛肋肉x2，豬頸肉x3，一口牛。未燒前已看到肥膏部份都頗多還加了醬汁芝痳，燒熟後入口一定會像和牛的感覺。一口牛未燒前肥膏部份較少，肉身佔大部份。跟餐+12元就可轉"OK"便利店賣的西爪汁(OK店$16)。牛肋肉一如燒前判斷一樣，入口有少少即容的感覺，肉味香濃配白飯一流。豬頸肉跟普通越式餐廳吃到的沒太大分別，只是用燒的方法而已，沒加特別醬料腌制。一口牛味道不錯，不過個別有幾粒特別"un"，肉身帶點肥膏。

托皇上鴻福 …全公司上下員工先可以係xmas休假一天…難得輕鬆…先可以避開繁忙既午膳時間…預早拎位 嘆返個悠閒午餐…係呢度點菜…可以傳統式搵waiter...亦可自助式用平板…之前係板長亦有此服務…唔通日本仔係要 玩科技?？而我地比較懶…除左搵waiter點菜之外…只係好懶咁選左兩個set …同加左少少野...waiter亦好有禮貌地介紹枱面果3款醬係咩黎>>蒜汁，鼓油，燒汁唔駛等好耐...D野食就黎齊啦...飲品方面…都係幾款果汁溝埋+雪碧…味道ok啦…肉類都係醃製過既…味道ok...  蝦算新鮮…蠔唔係縮好多…帶子大小不一…如果多d牛油就更加香…栗米甜…但最好都比埋牛油啦 …牛舌厚切…好難 燒得全熟而唔“韌”…冬菇好厚身…燒好耐都 唔乾…朋友無論去邊度食野…都總係要order甜品既…真係小朋友呀……好彩兩件cake都係細細件伴雪糕…有雪糕就無咁“溜”啦…小朋友實食得哂…cheese味ok...朱古力味重…脆脆硬硬咁幾特別…

我們一家都是原始人，特別喜歡燒烤，什麼大時大節，懶理新年中秋也會破格吃燒烤，火雞不好看不好吃，又大顆兒去烤烤。有老有嫩，八歲至近八十歲一齊亂叫一通，結局滿枱生的熟的，牛肉牛排骨牛舌豬頸肉雞肉雞翼，塩燒汁燒，一盤盤蔬菜，有菇粟米矮瓜南瓜洋葱翠玉瓜，兩個爐烤，哇啦哇啦，大吃大喝，肉的質素十分好，新鮮而件頭合理，絕不似盛八的肉小得小家可憐寒酸，特別好味是厚切塩燒牛舌和豬頸肉，啖啖油香，燒汁的肉我平日嫌甜不愛吃，但牛角的恰到好處，我竟也吃得很起勁，蔬菜也不求其，全都十分新鮮多汁，另眼相看是翠玉瓜，第一次吃烤的，竟比炒煑美味得多。吃完生的，立即進攻熟的，一班原始人你又叫我又叫，我至今還弄不清吃的是什麼，最好吃是冷麵，吃完烤肉再一吃冰涼的麵，十分爽，最平凡是那個海鮮燒餅，吃不到海鮮，溫溫吞吞，不值。Ps服務不行，年輕waiter濺了水在我衫上，然後倒了一地水，莫期望一句對不起，連回來抹亁也沒有，最後要提waitress 才來抹乾。點菜的Ipad壞了，口說換，卻也再沒來。那下午店其實沒十個客人。

近排在網上fb，openrice，都時常見到不同的牛角食物相 ，剛巧元朗又新開了間牛角，便心思思想去試一次，不過 今次不是去元朗店，而是去荃灣店， 原因是朋友破例話佢去取位 ，人流比想像中少，入到去，可用高科技點菜，即iPad ,或人手式，我呢d古代人，當然是人手式，餐牌太花多眼亂，樣樣都想點，最後決定最簡單快捷方法，點一個肉，一個海鮮拼盤，加多一碟和牛舌，甜品，特飲 ，店員好細心，會介紹有咩醬料，辣唔辣，同會提供手機袋給客人保護手機燒肉拼盤，有豬，雞，牛，蔬菜，應該全部都有調味，好入味，其中冬菇同雞肉是我覺得最好 海鮮拼盤，有蠔，蝦，青口，魚，蔬菜，元貝，蠔有牛油，烤起來特別香，蝦也唔錯 和牛舌，呢個有黑椒調味，燒好時，外爽口內嫩元貝有牛油，要整盤放在烤爐面燒，牛油又香，又重元貝味 除了燒烤，還有甜品 朱古力軟餅，好甜要拌埋雪糕先好食  芝士味濃，一流  特飲都ok,我飲牛角特飲，各種生果味，加埋雪碧有種好特別的果香汽水味 ，朋友的晨曦看似也不錯

看了一套超低能的電影，心情竟輕鬆了很多，做人有時不要太認真，生活可能會更開心。完場後，找地方吃午餐，天寒地凍，不如近近地落樓下的牛角，整番餐日本燒肉?走年輕路線的牛角，用I-pad之類的電子餐牌，是理所當然的事吧!或許是星期六的關係，沒有套餐，唯有散點，那價錢便算不上便宜了（印象中，旺角分店禮拜日都有套餐供應的）。就點了一份牛角名物四品盛合，由三款牛肋肉，加上牛舌組成。始終薄薄的牛舌，口感總及不上厚切的，不是我所好。連骨的班，感覺上亦沒有油花滿溢的牛肋肉好。我始終喜歡油份多而甘香的。腹胸肉，是牛角剛來港的名物，我們又來了一客。幼嫩的口感，肉味濃郁，相信很多氦喜愛。還不太夠喉，朋友話叫多份海鮮煎蛋餅，我沒有異議。煎得香口的蛋餅，海鮮成份雖不多，但沾上醒胃的醬汁，也可以接受。其實仲想食甜品，但餐牌的選擇有欠吸引，還是另覓地方好了。

香港人對於日本料理真的有很大需求，無論逢星期幾經過，日本餐廳的門口都總是排著長龍，牛角也不例外，自從­牛角進駐香港以後，香港人終於可以嘗試到真正的日本燒烤喔。位於荃新天地的牛角也算是新開的店舖，這天我和­伴侶特意前來享用紀念日晚餐，無論是門口的接待或是侍應都很有禮貌，笑容滿面，而且牛角已經先進到可使用­E-MENU點菜喔，既方便又快捷，這邊廂一按下掣，那邊廂侍應就把列印好的單據放在桌面上。而上菜速度亦­非常值得稱讚，我只是去了一趙洗手間回來，桌面上已經放滿了食物。牛角的食物質素一向都非常高，我特別喜愛這裡的牛肉，肉質鮮嫩，牛吞亦很有嚼勁，而且非常入味，不用點醬汁­也很可口。想吃得健康一點不妨叫點菇類或菜類配襯，而亦可參考韓式燒烤食法，把生菜包著肉類進食。我們最後­亦點了一道甜品，可以在燒炸爐上燒著甜品，感覺也太有趣喔，而且侍應亦很細心地替我們換過鐵網，讓我們可以­安心燒甜品。熱烘烘的魚餅（可選紅豆或吉士味）配上忌廉，咬下去的那一口甜，嗯，實在會讓人會心微笑喔。

想食牛角好耐啦,但由於屯門那間評價唔係太好但其他良好評價的,又怕要等位,所以一拖再拖今日心血來潮又覺得荃灣呢間唔洗等位,所以就嚟一試!終於如我所願係唔洗等位! 再來就係好唔好食啦~全餐都好好食,料都唔錯,係D蝦冇咩味同蝦味但又最貴係佢...另名牛油帶子都可以改善一下,因為一上嚟就已經係半生熟但係凍既,變左要煮熱D帶子,D肉就冇咁滑,一係就保住肉質,食唔夠熱既帶子我建議帶子都係生上好D最後係我地差唔多食完既時侯,我朋友有D事出左去,佢個碗仲有食物而我就已經食完,玩手機之制,待應竟問都冇問我想收走我朋友D食物,我開聲制止, 不到30秒竟有另一待應又來收蹀,而且也沒問過我,我只好再次制止我諗係咪趕收工呢? 你話如果只剩下兩、三枱客,我還可以理解但現場有五、六枱客,這行為實在令我太不解,令我良好感覺既一餐留下一點點壞印像

星期四行街見到張海報9:30 PM 後半價割引，真係好吸引仲要有位，入去坐底原來是小部份食品半價，飲品七折 坐底不久服務員送上一部平板電腦給我們落單， 我們點了數個特價食品 , 什麼牛肉粒。。雞 羊架等，好快食物來到 先烤牛肉粒唔講唔知，放入口都未必知係牛肉 . 雞肉還可以 羊架夠(so) 味，但真係好肥唔係太合口味，其實呢間野真係食醬汁陣味多過肉味 . 致於兩杯飲料就不錯。整體來說二百幾蚊兩位味道質素又麻麻，我另願比多小小光顧其他烤肉店 或其他牛角因為試過其他牛角不是這樣的，可能這間差點吧！

當晚點了2個併盤(五品盛合及海鮮盛合)，有肉類海鮮類，可以品嚐更多不同款式。最好味反而是單點的上級牛肋肉，色澤紅潤，脂肪分布均勻。五品盛合有腹胸肉，豬頸肉，牛舌，雞腿肉,肉質嫩口 牛味香濃,仲有佢既特製醬料,不錯。海鮮盛合可能燒得沒有技巧，所以比較乾身，味道也不夠鮮甜。甜品鯛魚燒 (紅豆)， 味道頗淡，中間的紅豆蓉太硬了, 吃起來一舊舊的。

我同2位同事 大約6點幾到了..本身想食放題,但原來這間沒有供應的,不過我們最後選擇了散叫菜式..牛角好特別..會有職員給我們一個裝手機既膠套,,真係幾特別十細心~我地叫了前菜沙律,味道好食之後叫了燒豚肉,牛肉同大腸,估唔到樣樣都好食個牛筋飯都唔錯,D肉好正~差唔多全部野都好食,除左牛角雪糕味道有D燶燶地既味道...芝麻綠茶雪糕用鎚磨D芝麻...好食=]

早排行開商場~見到新開無耐既"牛角日本燒肉專門店"~已經講定搵日試下反正另一半超like燒烤食物~依日就去試下呢食店環境好光猛..座位舒適~服務有禮貌+殷勤放低每款食物時..都會簡單講解點樣燒~依樣真係唔錯另外..檯面仲有3款調味醬~如果要辣醬..就需要另費我地點左"海鮮盛合"(有生蠔,青口,魚柳,元貝,蝦, 粟米及冬菇..各2件)生蠔連鍚紙兜同燒..味道都幾有蠔鮮味蝦+青口普普通通..無鮮味魚柳..元貝都唔錯~起碼無雪味燒冬菇好味~粟米唔甜"上級牛肋骨"另一半話好味..肉質鬆軟"豚肉燒"..燒起好香脆+肉質鬆軟"鰻魚"肉質爽彈~燒起皮層好脆好香口"肩脊肉"..另一半話依個仲好味~有牛香肉質又係好鬆軟最後..點個"雞翼"~無乜特別另一半獨享既啤酒~整體食物+環境都好ok呢只係每款食物既份量~真係好少

年初三中午帶著寶貝在荃灣公園暢快放電過後，路經新開張的牛角，而很難得的，竟然無人等位之餘店內食客也不多! 接待見到我們帶著幼童前來，貼心的安排我們往角落就坐，以免寶貝騷擾到其他客人。隨便點了個海鮮盛合、鹽醬豚肉燒、鴨胸肉、蔬菜盛合、牛油帶子和蜜糖香腸。海鮮盛合：蝦最好吃，其他只是普通，特別是魚肉，感覺比較「削」鹽醬豚肉燒、牛油帶子：大致ok。鴨胸肉：其實應該是煙鴨胸，感覺過鹹。蜜糖香腸：感覺不到蜜糖味，但寶貝喜歡吃。蔬菜盛合：不小心會很易燒乾，和預期中有落差。因為吃得剛好，所以沒有如過往追加牛角飯和牛角雪糕。結賬$350，和預期相近。不過不失，給笑臉原因是很難得不用擠著一起，很悠閒不用急趕的在牛角用餐。