牛角日本燒肉專門店 (V City)

营业中

休息中

牛角質素穩定就唔洗多講，但係8號風球下嘅牛角質素又係點呢？！即刻同大家講下。🔹今次食嘅係lv2, 咁就平啲，但都可以食下牛肉過下牛肉癮，最重要係有牛舌，燒好即刻放入口，夠哂牛香味同彈牙，一流！🔹豬肉就係日本豬，以平價plan 黎講，我其實係食豬為主，因為再食貴啲嘅plan, 就會主攻牛肉同海鮮！豬肉絕不失色，可能因為佢係日本豬嘅關係，食落唔會好油膩，而且豬肉味都幾出👍🏾🔹仲有其他好似多春魚，泡菜，牛角飯，同埋雞肉，都係保持水準。雖然大家可能會話，都係雪藏野姐，有咩水準分別啊？但係其實佢哋係解凍溶雪方面，同埋跟單上菜嘅數量同食物質素都冇因為打風而下降質素，值得一讚！㊙️Lv.2 黎講，必食日本豚肉片同牛舌

平日嘅牛角lunch set抵食又高質 所以長期都好多人所以 今日我哋嚟食下午茶有7折 再抵食啲4個人嗌咗4個set share牛角極上四品燒肉盛盒 $169(牛肋肉 + 一口牛 + 牛頸脊 + 牛板腱)特選牛五品燒肉盛盒 $135(牛舌 + 厚切牛舌 + 牛胸腩 + 牛肋肉 + 肩脊肉)燒肉定食 $145(牛頸脊+牛舌 + 香蔥溫泉玉子飯)燒肉定食 $124(豬頸肉 + 大腸 + 雞腎+ 香蔥溫泉玉子飯)四個set嚟講盛盒原本已經包咗一個牛角飯同埋有好幾款肉肉擺盤有誠意啲 望落都幾吸引感覺開心啲又抵食啲~牛角飯真係無敵仲可以免費追加 輕鬆啪飯飯~抵食

今日🥳生日去食🍽下牛角🦬先都唔係太多特別野🤷‍♂️可以選擇，都少少咁介紹下啦！牛角生菜拼盤🥬五品野菜盛合🥦🥬🥒特選燒肉六種盛合🥓🥩石頭泡菜牛肉飯🍚牛油本菇🍄幸福時光甜品盛合🍩蘋果汁🍹Asahi 生啤🍺燒嘅食物🍢🥓：簡單野，加左照燒汁。10星🌟為滿分一定有8星🌟甜品：比小朋友👶食簡直好，份量適合，小朋友👶又開心。10星🌟為滿分一定有9星🌟飲品：蘋果🍎汁🍹好好飲🤩👍，唔係一般嘅蘋果🍎汁，直得一試👍，生啤🍺冇特別。10星🌟為滿分一定有8星🌟☂️以上為個人意見☂️🙇‍♂️(如有意見分歧者煩請見諒)🙇‍♂️

牛角lunch同男朋友出九龍灣搵野食，見到有牛角，經過之前勁多人嘅經驗（食唔到），今次識玩，一早兩個幾鐘之前用app攞定飛，見到差唔多就去拎得位。叫左"特選牛五品燒肉盛合”($149+10%)，有以下各兩片：· 肩脊肉· 牛肋肉· 牛胸腩· 薄切牛舌· 厚切牛舌肉質都係高質素，因為今次唔係任食 所以食肉都要就住就住，肉質非常柔軟嫩滑，充斥著濃濃的油脂香氣，肩脊肉最好食，最淋又有香口。另外仲有前菜沙律，湯，牛角飯同飲品，加咗錢要咗個牛角溫泉蛋飯($10+10%)，我同男友實在太鍾意食啦，牛角飯午市係免費追加，我地一人食左兩碗，撈埋牛角飯一齊食好滿足。總括來講，呢個套餐都值得一試，價錢合理人均消費：$160(Lunch)抵食：💰💰💰💰味道：😋😋😋😋😋環境：👍🏼👍🏼👍🏼👍🏼服務：😉😉😉😉

10.06.2021最近先知「牛角」原來有外賣，上次試過一次，食完心卦卦，今次再用deliveroo 叫「牛角流薄燒牛胸腹丼」，套餐本身包三款飲品，有道地極品纖解茶、罐裝可口可樂、飛雪500ml礦物質水。雖然個牛肉飯要$79，加隻蛋$9，貴咗少少，但牛肉實在好鮮甜美味，份量足夠，另外飯加咗菜碎、甜醬油，好好味，而且飯量好多，一大碗，實在好飽。我加咗隻溫泉玉子，飯更加香滑。另外同事叫咗「溫泉玉子蒜香牛肉丼」，本身已經有隻溫泉蛋，大多話不錯。唯一上次隻溫泉蛋係用細細個嘅塑膠盒裝住，送到來隻蛋已經漏咗出嚟，我有同Deliveroo反映，等緊回應，好彩今次隻温泉蛋無事。其實「牛角」外賣選擇不太多，主要係牛兩款，另加豬軟骨丼、豬肉丼各一，同前菜、沙律；仲有一啲未經煮熟嘅食材。上次同事試過「海蜇柚子醋沙律」唔係唔好食，只係$61，無乜特別卻價錢偏貴。如果鍾意食牛嘅，我覺得值得試吓。

今日政府就宣布食肆放寬好記得幾個月前2人限之餘重限6點鐘要離開🙈牛角就做左優惠套餐 有無限添牛角飯食 有一盆肉（但就無得添🙈）有飲品一杯當日4點幾入去食 食到5點幾6點先走 （第一次食牛角叫餐 心諗會唔會唔夠飽 點知飽到不得了） 呢到甘多野食都係3xx 埋單 過左2個月唔知重有冇呢d餐睇落好似好少野食 但係份量好足夠最重要D肉唔係難食如果而家重有呢D餐可以試試去淨係個牛角飯都夠飽🙈🙈唔洗驚餓住走🙈

今日突然想食燒肉就諗起平日牛角下午茶時段有7折, 就去左附近既VCITY牛角嘆返個下午茶先, 去到唔洗等位就入得, 坐低就用手機點左個F餐, 等左一陣食物好快就黎到, 沙律正常, 麵豉湯都幾好飲, 呢SET有5款牛肉, D牛肉質素都幾好係份量少左D, 只能夠過下口癮。 自己燒肉自己食, 注意火喉控制呀, 燒得熟得濟就唔好食。 每次都會食兩碗牛角飯(任叫), 加埋D醬油撈勻真係好好食, 叫左杯凍檸茶都OK, 最尾緊係要食埋個牛角雪糕做結尾啦, 滿足。

一間大型的燒肉連鎖店，鋪面的裝修足夠寛落舒服，不過座位就相對較窄，感覺上就有啲迫菜名：B餐燒肉定食（牛肋肉+雞爽肉/丹麥豬扒+牛胸腹）$85加一整體成個餐都各有優缺優點：牛肉和雞爽肉的肉質和味道都非常好，令我更了解到雞頸肉原來可以燒而效果唔錯缺點：份量有啲少，每款肉類得四塊，對於啲食肉獸來講一啲都唔夠。白飯用咗珍珠米但係煮得有點過，有點黏口。除餐附送嘅昆布湯飲落去同市面上嘅昆布烏冬既湯一模一樣同埋味道有啲過鹹。沙律就冇乜特別都係沙律菜加現成胡麻醬。整體而言花差不多$100食呢一個餐性價比吾高，但可以過下燒肉癮

相信牛角唔洗多介紹，外賣自取除左有折扣之後仲有得網上訂餐，比埋錢之後約好時間去拎，預好時間既話就唔洗等，好有效率今次揀左外賣牛角燒肉飯，有埋細枝裝纖解茶送，可以加減溫泉蛋，75 折之下都係大約 $ 45 左右，十分抵食。牛角既燒肉一向都咁出色，質素亦好穩定，唔驚中伏，燒牛肉好香牛味，牛肉亦唔會太乾，薄得黎份量又唔會太少。個飯加埋燒肉汁同紫菜都好好入口，個人就略嫌燒肉汁唔係幾夠。另外外賣番到去想熱辣辣食可以根據佢建議叮一分鐘

疫情反覆，已經喺屋企呆得太久了！今日同老公興致勃勃一於出街食飯relax下😍近近哋就喺v city牛角，因為仲有啲coupon未用呢🤭🤭第一次喺牛角食和牛，原來質素一啲都不差！感覺又唔會太貴喎！因為真係好膩嘅關係，一人一塊已經很足夠，雖然未去到入口即溶但係真係非常正，牛味濃郁會員有九折，人頭二三百蚊都非常之夠飽了，好過喺屋企成陣牛味呀😂😂

平時食開奧海城果間好好食，連外賣自取左好多次，但今次食屯門呢間，d食物水準真係差好遠，可以用難食形容Tim，d飯林曬，又唔夠汁，連d肉都少同唔好食唔會再食.......

疫情下，冇得去旅行🧳，身處係香港，只有嘗日本料理，感受下呢份情懷啦！慢慢睇住食物烤熟，的確讓自己放慢心情，而且這時候邊食邊玩，肉越燒越好，零失敗看著鮮嫩的牛脊肉熟透，香噴噴地放入口，能夠把少少嘅疲累忘記帶走呢

牛角燒肉我諗大家都唔陌生啦, 以前好鍾意LUNCH HOUR去食,抵食D,但而家番工, 真係就唔到時間,而晚市又比較唔抵, 錦我就會叫佢既外賣牛肉飯!!!仲要一定要加蛋TIM!!!!!外賣自取仲有折扣!好抵 雖然一定唔夠堂食自己燒錦好食, 但已經好好了

牛角而家有分放題或者自點形式，今日我地要食自點形式，大小B都好興奮🤩，因為佢地都好喜愛燒肉🥩。現在好方便不用專登去排隊，只要用商場apps就可以排隊取台號，坐下後職員細心講解有甚麼優惠，我們再以用手機點餐（現在無手提真係不用搵食了🤭）石鍋泡菜豆腐海鮮湯▶️熟食，好開胃的，而且內裡有不同海鮮（魚，帶子，蜆）香蔥牛舌▶️正呀😆簿燒！最後加上香蔥包上食得👍🏻三味牛肋肉▶️肉質鬆軟，而且有3種口味😍芝士雞腿肉▶️雞肉滑嫩😉，芝士另外燒再加上（麻麻地，芝士不夠多😔）雞比菇▶️燒至金黃有少許水份，好正呀🤗廣島蠔▶️未夠牛油味，麻麻地😞多春魚▶️燒至金黃脆口，尚可網燒一口牛▶️ 燒極都有少少硬同出血最後叫了2碗 牛角飯▶️（內有紙菜）大小b好開胃地食哂🤣😂🤣😂備註：🩸個人覺得食自點比較好，材料會好一點，價錢也相繼合理🤩🩸其實食日燒，都要睇負責燒的是否用心（大小b當天燒得好好呀😍👍🏻👍🏻）

是我在疫情中常常買的飯盒，在疫情時有折扣比較抵食，現在價錢比之前貴（因為沒有折扣了）。雖然有點偏貴，不過我覺得足料又好味，夠大碗，男人吃也能醫肚，附送飲品，不過外賣刀叉要加錢，回家吃的話，建議環保一點，用回家中匙筷。 飯盒一定要配解茶，讓飯後幫助消化，是一絕配。牛一可以電話及網上下單，我會建議openrice app先下單，有時會有優惠，相對化算，也不用在店門口白等，通常下單後約15分鐘便可取餐。注意： 如果家附近有兩間牛一，一定要看清楚你想叫取外賣是那一間牛一。