牛角日本燒肉專門店 (V City)

今日突然想食燒肉就諗起平日牛角下午茶時段有7折, 就去左附近既VCITY牛角嘆返個下午茶先, 去到唔洗等位就入得, 坐低就用手機點左個F餐, 等左一陣食物好快就黎到, 沙律正常, 麵豉湯都幾好飲, 呢SET有5款牛肉, D牛肉質素都幾好係份量少左D, 只能夠過下口癮。 自己燒肉自己食, 注意火喉控制呀, 燒得熟得濟就唔好食。 每次都會食兩碗牛角飯(任叫), 加埋D醬油撈勻真係好好食, 叫左杯凍檸茶都OK, 最尾緊係要食埋個牛角雪糕做結尾啦, 滿足。