牛角日本燒肉專門店 (海運大廈)

营业中

休息中

同朋友兩個人星期日晏就去食,排隊唔洗30分鐘有位！叫左3碟牛,1碟豬頸肉,1碟雞,蜜糖芝士串,2杯野飲！燒肉汁比起塭醬好味好多！下次可以叫曬燒肉汁味😂蜜糖芝士串都會再encore,可惜一碟得3粒！埋單每人2百幾,價錢正常！可以再去！

Outdoor work唔係搵開食既location，lunch食乜都真係諗爆頭，剛好見到「牛角」無...人...排...等...位...即時9秒9衝埋去攞飛仔等店員安排入座la。Lunch set都有好多選擇，平時主要食烤牛肉set，今次就揀左款豬牛mix+腸腸既set試下。牛肉既quality就實係上等好野，唔係都唔會成日排長龍，未試過烤豬肉既朋友仔真係要試下，呢度既烤豬肉，真係好香口鬆脆，而呢款set既腸腸，唔係一條普通既廚師腸，真係腸黎架，唔肥唔油，好爽口，正👍🏻

今日同屋企人食飯，一共五大一細。尖沙咀呢間牛角係海港城 3 樓 LCX 入面，方便飯局前後行一陣街。舖位唔算大，食嘅人都好多。由於我地 6:15pm 已經到齊，等左一陣位就有得入。如果七點後到，就應該有排等了。HSBC 信用卡做緊晚市盛合 (二人前) 嘅 promotion，一共有兩款。有一點要留意嘅係，每枱只可以點每款盛合一次。由於我地有六個人，嗌左兩款二人前嘅盛合，其他就要散嗌。之前都食過幾次牛角，食物質素有保證，呢度就唔特別寫。如果你好肚餓，戰鬥力驚人，當然應該揀 90分鐘放題。唔係的話，HSBC 呢個盛合都幾抵食。

20190627 海港城搵野食，lunch時間周圍都係人，間間都要等位，同事預早download咗牛角個app，早半個鐘頭攞定飛 我哋放lunch嚟到就已經有位叫咗兩個lunch set因為同事唔食牛， 所以叫咗個雞加豬嘅燒肉定食有豬頸肉+雞俾肉（每樣4件），另外個餐跟埋一碗湯，沙律，飲品同一個白飯另外我就叫咗個（泡菜豆腐海鮮鍋），配牛角飯，沙律同一杯飲品因為朋友有牛角會員卡，原來午餐仲有九折優惠，買單兩個人都唔使$170 Lunch來講算好抵食

牛角烤肉竟然跟素食者扯上關係？不說不知，原來牛角日本燒肉專門店有素食燒烤，而且已經推出蠻久，不過應該很少素食者專門去吃而已，一起跟我這個大鄉里去八卦一下吧。現在下午茶時間有折扣，外面超多人排隊，而且聽講越夜越多人，看來香港人真的好喜歡吃烤肉。不過大鄉里我本人才第一次來牛角。 膳良豬拉麵 HK$52 / 味噌膳良豬青瓜 HK$29等烤肉的時候，可以先吃些不用燒的小菜，餐廳最近也引入植物性「豬肉」 Omnipork，這個植物肉的好處是它本身沒甚麼味道，可以自由調味。如圖中三個新豬肉吃起來都不同味，帶甜的味噌新豬肉青瓜意料之外合得來，清新開胃。 辛辣味噌膳良豬凍豆腐 HK$29這個凍豆腐超好食，上面的辣肉醬吃起來好刺激，我和肉肉子爭著吃。 未來漢堡扒 HK$68 / 迷你沙律 +HK$18「烤肉」的主角來了！原來是原塊 Beyond Meat 拿來烤，久沒來燒肉店的人覺得很新奇，這塊素扒可以hold住自己的形狀，烤起來也不會太困難，你還可以自己控制生熟度，想吃半生熟的 Beyond Meat 也以啊 XD。

今次來牛角係為咗換龍珠精品！對上一次換唔到勁失望！不過我哋嗰時都有照食燒肉放題！超好食～今日第一日即刻過嚟食！先叫咗$100嘢食先，就可以同店員換購啦！叫咗個午餐豬軟骨拉麵，個麵份量勁多，豬軟骨都淋，都幾好食！跟餐有杯飲品我叫咗熱柚子蜜，好甜可以沖多杯都得！仲有個綠茶雪糕紅豆餅！燒熱兩邊就食得啦！外面暖暖地入面雪糕凍冰冰，好好食！食到超飽～成功到手！據說限量1500套《龍珠超‧布洛尼》布洛尼行動電源，有變色功能同埋無線叉電、一張布洛尼閃咭、龍珠超站立企牌⋯1套$238 下晝三四點估唔到都爆場，我都等左一陣先有位～

上次都想食尖沙咀分店呢一間牛角，但因為要等太久所以冇食，今日七點半拎飛，最後都要等兩個鐘，九點半先安排入座，10點半係last order。雖然等左好耐，不過見證到waitress細心嘅一面。有個女仔拎住好多嘢，佢會幫佢拎埋入座，我一坐低嘅時候，佢又好細心咁問我需唔需要披肩，因為冷氣都有啲凍，要平衡返鐵板嘅熱力。今次係牛肉、豚肉雞肉入面，就覺得雞肉係最出色嘅，而最好食嘅永遠都係牛角飯！下次如果想食，真係要去其他分店或者在早啲攞定飛！

中午放飯過到嚟海港城呢邊食飯雖然有啲遠，不過我朋友話想食牛角嘅燒肉。佢有啲午餐嘅套餐都係燒肉餐，一百幾蚊一個餐。啲肉嘅質素同晚餐散叫嘅一樣，不過午餐嘅性價比就高啲，味道一樣好味。唯一套餐更嘅湯好似同水一樣，飲咗一啖都唔想飲啦。

香港店都可以吃到日本正宗和牛。呢道既牛係佐賀和牛，係九州地區高品質既和牛，既然一場黎到，仲要等左咁耐，就一定要叫日本和牛，因為其他牛肉大部分地方都可以食到。和牛我揀左西冷和薄燒月見和牛，A5級既西冷雪花紋路好靚，油脂都好豐富，烤既時候一定要小心，油脂滴入爐中會有火花，燒大概7分熟，只需要加一點點海鹽和黑胡椒就可以最大程度發揮出牛肉既香，而且非常嫩，小朋友都食到。薄燒月見和牛，同樣係A5級別，切得好薄，輕輕一燒就熟，配上生雞蛋同甜豉油調，味道好有層次，好好食。生蠔，蠔肉好新鮮，用錫紙盒加黃油燒，得D蠔肉變得更鮮甜，更香口。黑胡椒蜜糖豚肉，揀左豬五花，用黑胡椒同蜜糖醃入味，將五花肉既油脂不斷燒，配上韓式辣醬，入口香而不膩，香甜可口。燒栗米同蘑菇都好好食，素菜必點呢兩樣。再叫左一份拉麵同韓式辣豆腐湯。拉麵係日式傳統豚骨拉麵，有水煮蛋同叉燒，叉燒半肥瘦，水煮蛋夠流心，都好好食，連湯都冇剩。韓式辣豆腐湯有D魚肉同蜆，令個豆腐湯增加左鮮味，再加一碗飯，辣辣地既湯配飯好開胃。

一間好多人等位的餐廳, 夜晚如果無訂位真係可能要等兩至三個鐘先有得食, 所以食之前真係要唸清楚, 訂左位先. 呢隻公仔係喺等位時影嫁!佢叫MOU MOU君.超礦物海藻野菜沙律 – 清新!野菜亦好新鮮! 沙律仲加埋骨膠原, 食沙律有埋護膚功效!哈野菜盛合 – 普通蔬菜盤, 沒有什麼特別.牛角冷麵 – 冷麵唔夠凍, 可以再好D.牛角溫泉蛋飯 –整體唔係特別出色, 但珍珠米加上爽脆紫菜同滑溜既溫泉蛋, 得出來既化學作用咪就係滿足既感覺嘞!王樣豆腐 – 唔夠滑, 同無咩味但都過得去啦.牛肋肉 – 平平無奇, 只係知道自己食左...

又食牛角😛不過今次影多咗 所以再po每次必點牛舌 特別係辛味醬🌶真係好好味薄薄地一大片咬落去口感十分良好.今次試咗腹胸肉😍d蒜蓉多到離哂譜架一咬 啲肉汁好唔俾面咁係個口裡面爆發🤩肩脊肉相比之下就有d韌 不過佢係最厚既不過下次都係寧願嗌多碟腹胸肉好過🙂因為係牛舌 所以味噌味牛舌都好好味😂燒完d味噌俾牛舌完美吸收哂 擺入口同時有兩種味道出現🤤都幾特別但係作為辛味醬死忠既我 依然會同你講辛味醬出色d🤓.另外仲嗌咗豚肉燒(鹽醬)、白飯、香蔥溫泉玉子飯個人認為喜好豬腩肉既你 可以嗌豚肉燒🐷因為佢肉同肥膏既比例係完美1:1 燒完都幾香口架食燒肉配飯是常識吧☺️唔食飯會好膩架嘛衰鬼加加埋埋三個女仔食大約人均$150

新年放假，當然要黎牛角食燒肉happy 下尖沙咀分店望住海景，景觀應該幾好，可惜我地食當日有架大郵輪停泊左係度，擋哂個景😅 講返室內環境，枱同枱之間距離唔會話太近另外，店內的油煙處理做得唔錯，店內無乜燒烤的油煙味，食完亦唔會殘留係食上今次試下新推出的《牛角十品燒肉盛合》，餐內有5款和牛實物肉的大細同餐牌有少少差距～不過整體上都可以接受👌🏻當中的三款日本和牛最好味油脂適中，油味同牛味都好香另外重叫左額外三款食物同兩杯飲品雖然餐廳名叫牛角，但係豬肉類同雞肉類燒物都幾好味鹽醬真心好味！最後講講服務，我地食既時間岩岩開始晚餐時間，開始多食客，但店內服務員人手充足，重會周不時留意下我地枱上有無吉碟要收走感覺良好！

話咁快又到老公牛一啦~ 不過今日我請唔到假陪佢！唯有收工同佢去食飯！佢個人都好鍾意食牛燒肉！所以選擇咗一間高擋的燒肉店食生日飯！當晚訂了晚七時半準時入座！一入座環境非常好， 裝修好日本feel ！叫咗個不知名的牛舌，牛舌稍為薄身！燒幾下就食得，好爽口同彈牙！澳洲和牛西冷，睇相都已經好正！油脂分佈均勻！講算高級同埋幾靚！入口即溶嘅感覺！口感嫩淡淡牛脂香味！店長推薦所以加份和牛牛舌！較厚身切成長條型，所以亦方便易吃！而且肉質較為爽，肉感香口！相比之下勝之前不知名牛舌，肉質比前者更為嫩，味道Juicy！牛胸腹肉及牛肋肉肉味比較重⋯⋯而肉質相對澳洲和牛來説無咁稔！我地叫左一份海鮮大阪燒！材料都好足！個汁酸酸地甜甜地，口感很豐富！店長好好招待, 慢慢教我地方法點燒！另外店員都會主動黎睇下我地要唔要幫手！同埋抽風系統幾好！食完出黎件衣服都唔會好大煙味！老公今天生日快樂！另外可以自己燒表演本小姐廚藝！過程很開心，十分過癮！！！

牛角的午市套餐質素相當不錯！備有不同種類的套餐可供選擇。其中的牛角飯更是一直以來的心水之選！溫熱的白飯淋滿了牛角自家的醬汁，飯面鋪滿了紫菜及芝麻，比跟餐的普通白飯美味得多。套餐的話更可無限添飯，非常貼心。而黃豆粉抹茶雪糕更令人感到喜出望外！抹茶雪糕上碟時仍處於低溫狀態，未見溶化，佳！黃豆粉中和了雪糕的甜味，卻不會搶走抹茶的香味。在品嚐過灼熱的烤肉後，來一口冰凍的雪糕，非常圓滿。套餐價位約在$100-$120 之間，視乎點的套餐內容，在海港城而言價錢算是中規中矩。

星期五難得放假休息下 行下尖沙咀 我朋友同我講話牛角平日有下午茶 下午茶時段由3至5點 下午茶個menu同午市set lunch無分別 啲staff話下午茶係多左個折扣優惠 一人叫左一個餐 黎到牛角一定要食燒肉我呢個係五品既燒肉套餐 有五種不同啲牛肉 分別係不同既部位 一食就知道係靚牛肉 肉好嫩 我個人好怕好生既肉 就算燒到好熟 啲肉都唔會好老 再加埋牛角主打既牛角飯 完全係一大享受其實午餐既價錢都唔算貴 100至140蚊到就食到燒肉 有沙律 燒肉 飯 湯同餐茶 再加上下午茶時段有7折優惠 平均70至90蚊一個人就食到 真係好抵食