牛角日本燒肉專門店 (奧海城2期) (已結業)

午餐極上和牛燒肉 HKD169 金會員重有85折 昆布湯，迷你沙律，牛角飯重可以任添！（我建議＋11蚊轉香蔥溫泉玉子飯，真係超正！留心蛋再加幼切香蔥，完美！）最貴極上嚴選和牛燒肉都係HKD 168 極上和牛牛肋肉肩脊肉腹胸肉丹麥雞胸肉豚肉牛舌款款都咁好食！ 有肉味有肉汁！ 唔使下下去食燒肉放題嘅！ 飲品重有多種選擇， 燒肉必食之選

係群眾既提議下，呢日既happy friday決定食燒肉餐！一開始我是拒絕的，但係．．．實在太吸引了！星期五梗係要賀賀佢！（日日都用呢個做藉口）牛角既lunch set都有好多選擇，唔單止燒肉，仲有飯同麵set，但一場黎到梗係要燒燒佢！價錢亦好合理，燒肉set由70幾到100幾都有，我就揀左個＄99（另加一）既大set，有迷你飯or ramen／沙律／燒肉一款／生菜／同飲品，亦包左泡菜等既配料汁碟等，望落已經好豐富！登登！我order左牛肋肉，一小碟有5﹣6片，可選原味／醬油／蒜油，我揀左蒜油，主要腌料係洋蔥，厚薄均勻，好易燒亦唔會燶，燒完唔洗點醬都好夠味啦！另外可夾埋泡菜、乾蒜粒、甚至飯一齊用生菜包住食，大滿足！！！迷你系列我揀左雞肉飯，雞肉岩岩好，唔會太硬，但略嫌有D唔夠調味，所以自己加埋D醬汁食；日本飯真係好好味，好飽滿又有D黏度，而且話就話迷你但其實都唔細！2個女仔share呢個餐都可能夠食！（當然我係1個人食晒！xD）特別特別要讚既係，呢個set既跟餐沙律係非常大！非常多料！非常green！芸芸沙律中我揀左海藻沙律配甜醋醬，貪佢酸酸甜甜可以消滯，而且海藻有豐富纖維同維他命，出

講咗幾個月既牛角放題終於有機會試到喇，因為我係會員有$200copon，所以搵藉口去食順便同朋友慶生，我哋呢班放題怪今次豁出口狂擦燒肉，叫咗最貴果個”極上食之放題”，主要因為有海鮮同其他食物，不過食得90分鐘真係唔多夠，要不停燒同時不停食，真係無限loop！ 極上和牛西冷／和牛牛肋肉／肩脊肉（每位一客)⭐️⭐️牛油帶子⭐️⭐️⭐️廣島蠔⭐️⭐️⭐️⭐️車海老⭐️⭐️⭐️⭐️厚燒牛舌⭐️牛舌⭐️⭐️⭐️網燒一口牛⭐️⭐️⭐️⭐️骨付牛肋肉⭐️⭐️⭐️⭐️牛角上級牛肋肉⭐️⭐️⭐️⭐️味噌大腸⭐️⭐️⭐️雞肝⭐️⭐️⭐️⭐️石斑魚柳⭐️⭐️⭐️七味燒魚翅⭐️⭐️燒冬菇⭐️⭐️⭐️⭐️牛油金菇⭐️⭐️⭐️牛油本菇⭐️⭐️⭐️溫泉玉子飯⭐️⭐️⭐️⭐️⭐️黑糖牛油蕃薯⭐️⭐️⭐️⭐️Aashi - + $10/head（不需全枱叫） 星期一至四​​​​：成人每位$338 (會員唔需要加一)星期五／六／日／公眾假期：成人每位$368 後記：品質同散叫差不多，唔會因為任食而將價就貨，唯一缺點係唔夠時間食。

既然完左show，梗係要獎勵下自己去食日式燒肉-牛角！雖然燒肉有好多間可以揀，但係最就腳都係呢間，收左工撘東涌綫話都無咁快就到。星期日8點幾見只有小貓2,3隻排緊隊，一拎飛仲即刻入得。叫左海蜇柚子醋沙律，牛舌，上級牛肋肉，原味雞翼，網燒一口牛，王樣！腹胸肉，味噌豚肉燒同白桃燒酎活乳酸梳打。最值得食嘅係牛肋肉同腹胸肉！我麻麻地柚子醋，下次唔會再叫，豚肉燒都好一般。白桃燒酎總覺得怪怪地，下次都係要梅酒。呢間其實下午5點起係有晚市放題，包雪糕1客同飮品，好抵。係我地自己蠢無揀。

好耐之前第一次食牛角後就愛上左佢雖然每次都係食差唔多既野 但都唔會覺得厭最鐘意係d鹽醬 一定點勁多開頭上肉都唔算快 有時好肚餓既時候就覺得要等好耐但上上下就會變得好快可能好多肉都放係冰櫃到 上到檯既時間見到仲比冰圍住 燒既時候好硬要燒耐d

終於可以平日放下假，餓住肚，直接3點嚟牛角食下午茶。一直聽講好抵食，今日就食下先。可能落更時間，啲職員開始無乜，得番一兩個，本來落左單，等左好耐連嘢飲都無，原來個職員完全無落單。。。真心反哂眼！個職員態度都麻麻，而且對自己同事態度都頗差，呢方面扣左好多分。係咪下午茶7折態度都要7折番呢。。。嘢食陸續上枱，叫左牛肋同肩脊肉，燒完食啲口感都不錯，呢個價位都算係咁。兩大盤沙律同生菜，好正！我地一個叫豚肉飯，一個叫烏冬，豚肉飯係ok，不過烏冬就麻麻啦，建議可以叫飯或麵類。我地仲叫左香葱牛肉麵，麻油略為多咗啲，啲葱味無乜。我叫左活乳酸飲品，不過不失。每人都係一百多啲，係抵食㗎，係個態度都7折埋笑左

今日去牛角放題，朋友話買4送1，好抵食，平時食牛角慳住慳住，碟碟都貴野，今次第一次放題，90分鐘，好忙，無停過！用ipad點餐，好方便，而且好快就送到，今次叫最貴既肉，當然係好食啦！和牛好香，豬頸肉都好正，豬腩肉比較乾，雞肉唔夠入味，牛舌好韌，不過帶子、蠔、蝦都好好味叫到全台都係😭好幸福！最大愛係哩碗飯，溫泉蛋紫菜蔥燒肉汁芝麻，無得輸，幾飽都好，都食到兩碗個半鐘無停，不過就無任食甜品，如果有牛角雪糕就好啦，每人有一客豆腐雪糕，都好香豆味！最後食左10兜番薯，番薯係焦糖化左，加埋牛油煎煎，番薯香甜，外表香脆埋單每人200幾蚊，抵到爆，不過飽到第二日都未飽完！

今天去了牛角吃燒肉。牛角燒肉一向有保證，我們叫了牛肋肉、豬頸肉及蝦。牛肋肉本身有調味料、所以輕輕一燒就好了。豬肉同蝦就要燒得耐一點，尤其是豬肉。蝦燒完之後，變得很爽口也很鮮甜。豬頸肉也十分爽口。另外，也叫了一口牛肉粒。這個比牛肋肉難燒，燒得太耐又會老，而且肉質比較厚身，很難燒得均勻。這裏燒肉味道的確唔錯，下午茶就更加便宜了。環境地方坐得很舒服，除了燒肉，這裏也有拉麵及飯等食物，可以方便唔食燒肉嘅朋友。

牛角、牛涮鍋一直都是我最喜的食店。首先，其食物質素穩定，CP值高，而且又可手機app拎票，最適合我這種怕等位人士。加上，會員制度可儲分（已是三年會員，師奶仔咁儲儲儲分@0@），一年輕易換2、3次牛涮鍋午市一人無料放題，抵抵抵。今晚首次點這個一人盛套餐，一碟有牛、牛舌、雞、豚、溫泉蛋蔥牛角飯、沙律、前菜、$32以下飲品，質素雖然沒有很高，但最適合甚麼都想吃，但有選擇困難症人士。肉質素一般，但款多抵吃。丹麥豚肉扒比想像好吃，富有肉汁、肉味，對比豚腩肉、豚頸肉更勝一籌。前菜沙律，份量可不少呢。溫泉蛋牛角飯的材料普通，卻有種說不出的魔力，每次必點！吃燒肉配Asahi，一樂也。牛角、牛涮鍋談不上甚麼特別美食，但有種特別的感情，由2013年到現在2017，吃著吃著第四年了，從大學到現在工作@0@每次想不到吃甚麼，就選它吧。我想，還是會繼續下去吧。

本人是最鍾意食牛的食肉獸，久不久都會受不住誘惑來到牛角吃一餐，牛角在烤肉店中，是比較經濟實惠的一間，晚餐時段，人均消費200至＄300已經可以吃得很飽，當然不是吃和牛，但牛肉的質素也不錯。今天來到大角咀分店，過了下午三時，已經是下午茶時段，下午茶餐Menu已不見了，不過我很少點下午茶餐，因為份量比較少，吃不飽，滿足不到我這個食肉獸，但點午餐有七折，本來午餐已經很經濟實惠,再七折簡直係好抵呀！牛肉很好吃，份量也不少，今餐真的很滿足！七折後只需約 $170，這時段的客人也不多，坐得很舒服。

19/9/2016今日係牛角宵夜任食既第一日，即日都Book到枱，非常開心。我地選擇左$228任食因為最平個套餐無牛所以完全唔考慮第一日做放題非常混亂仲要人手落單但野食質素完全無下降係超級抵食仲要員工非常細心我懷孕7個月佢見到我大肚唔使出聲已經比杯水我（一般客人係上茶的）好忙但員工好友善

推介所有牛番薯魚豬頸肉銅鑼燒（抹茶味）不推介牛肚豬腸雞二百幾蚊晚市放題食個半鐘 B已經好夠食食到咁多款牛 真係好抵食叫左好多碟肉同番薯都幾油 建議食既時候飲烏龍籌好快派哂 建議早少少book位

睇完戲黎食LUNCH，原來午餐第二客有半價，仲有好多套餐選擇。個人鍾意食燒肉餐:揀左兩個B餐:有飯有湯有沙律:牛角啲肉類永遠咁有水準，牛肋肉好入味又好有牛味，雞腿肉又彈牙，豚肉有肥肉好易燒又好食~牛肋肉拼雞腿肉:牛肋肉拼肋肉:餐飲仲可以揀即磨咖啡，我最愛:折完後每人六十幾蚊，都算好抵，平時單點一碟肉都要咁既價錢啦~呢度店員服務幾好，親切友善!

牛角必點的厚切牛舌，切面變色後即可吃，彈性十足。再次強調牛舌一定要厚切。然而最貴的和牛肉眼卻完全不能讓我滿意，肉切的過薄，脂肪部分一燃燒後整片肉就會斷開，難道是我技術不夠…吃到嘴裡，油的味道過大，如果繼續烤久一點又會略微發苦…搞得我對自己味覺都失去信心了。與厚切牛舌相反，豬頸肉我則偏向薄，油脂正好，口感十分的干脆不拖泥帶水。最後推薦grapefruit sorbet收尾，清涼的柚子一口下去完全解膩，非常完美。

我地經常外出午餐，奧海城呢邊有好多選擇，今餐我地黎左已新開張一段時間的「牛角」「牛角晚餐食得多..」「原來牛角午餐有好多款定食餐供應呢...」Menu 如下：如果時間夠，仲可以午餐食好d, 食燒牛呢 XD今日時間比較趕，所以點左 雞腿肉香蔥拉麵 $59～定食包左沙津，飲品 （飯餐會多個昆布湯）沙津菜新鮮配清新醬汁，醒胃！以環境、定食、服務、食物份量這裡算唔錯。我呢個麵質感滑身，湯底清淡一點配雞腿肉，醬汁似照燒汁，配搭不錯，若雞肉再滑一點，更討歡心。飲品選擇非常多, 除檸茶、檸水、奶茶、咖啡. 其次仲有烏龍茶等等，我呢杯活性乳酸梳打，淡淡乳酸味。 食完飯, 呢到仲有糖食~******************************Yan_PIG 推介度:    (5  為最高)