牛繁 (海之戀商場)

营业中

休息中

話說當年東京之旅都幫襯過牛繁店鋪主打國產牛肉合理價格今時今日唔駛親身飛去東京都食到而且「牛繁超值二人套餐」的價錢都相當化算.套餐可以一試過試盡五款唔同部位的牛肉《蔥燒中落牛肋肉》60g《特上牛胸腹肉》100g《蔥燒骨間牛肋》60g《上級和牛腹肉》100g超愛這一款《薄切肩胛片配月見汁》100g烤香的肩胛片蘸上蛋汁 吃起來更滑口.《櫻姬雞頸肉》100g雞頸肉口感鮮彈有嚼勁醬汁選了柚子胡椒柚子清香帶出微微的辛辣 清爽不油膩.《醬燒豬頸肉》100g醬汁滲透著豬頸肉的每一吋烤得焦香的的豬頸肉肉質爽脆拌著秋田小町米飯食滋味非常.《牛繁溫泉蛋沙律》必點‼️大量的蔬菜清爽解膩咁就食多兩件燒肉都唔怕喇.《泡菜》相當新鮮的泡菜 沒有死咸無論伴肉一起食還是送飯都很好.總結黎講肉既質素唔錯選擇豐富而且份量相當多單是肉類已有620g期待下次升level 挑戰極上和牛套餐

除咗屯馬開通真的很興奮之外呢間喺海之戀入面直頭落雨都唔怕 可以直達而且天橋連住好幾個商場都幾方便牛繁超值2人套餐 (Set A) $568份量好夠話唔定加個飯 3個人食都仲得😆指定牛肉特上牛胸腹肉 (100g) 🙆🏿‍♀️上級和牛腹肉 (100g) 🙆🏿‍♀️蔥燒中落牛肋肉 (60g) 🙆🏿‍♀️蔥燒骨間牛助肉 (60g) 🙆🏿‍♀️推！2款腹肉都有唔同嘅口感左一比較有嚼勁而左二油脂分布清晰之餘食落柔嫩軟腍另外2款牛肋肉亦完全唔一樣右上係一大片正方形嘅size小妹覺得好驚喜😍😍😍係屬於軟腍口感 而且肉味香濃而右下係一口size嘅粒狀要好似牛仔粒每個切面都燒佢嘅脂肪含量量高 肉眼都睇到咬落柔軟 但脂肪同少許筋位夾雜就比較有嚼勁油脂感豐富 燒過後更邪惡🤤薄切肩胛片配月見汁 (100g) 🙆🏿‍♀️薄薄哋好快食得 口感鮮嫩而肉質較為結實月見汁配有醬油調味點完之後滑溜可口自選豚肉/ 雞肉櫻姬雞頸肉 (100g) 🙆🏿‍♀️推！之前喺網購過 煮完覺得口感好正今次就encore燒過後除咗肉汁豐富 鮮嫩柔軟佢嘅肉質仲好Q彈 而且有咬口另外想講我哋揀咗柚子胡椒口味每嚿食到中後後真係有啲柚子味滲出嚟醃得幾入味👍🏿豬

荃灣海之戀多左好多餐廳，今次食依間燒肉都幾好食！有燒肉套餐揀，方便又抵食，叫左牛繁超値2人餐($568)，有五款牛之餘仲可以揀兩款豚肉或者雞肉、前菜同沙律，非常豐富！前菜揀左日本泡菜同和風菠菜，日本泡菜味道相對比較淡同無咁辣。菠菜爽口調味後甜甜地又係幾開胃沙律就揀左薯仔沙律同生菜配泡菜、味噌醬、蒜片可以用黎夾住肉食！套餐包左蔥燒中落牛肋肉 60g、蔥燒骨間牛肋肉 60g、上級和牛腹肉 100g、特上牛胸腹肉 100g同薄切肩胛片配月見汁100g整體黎講啲牛都好嫩好多汁，特別係個肩胛片肉質結實有彈性，多汁得黎唔會太油膩，好好食！豚肉鷄肉就揀左櫻姫雞腿肉 100g同豬梅花100g ，依款雞肉維他命E成分比普通雞肉多3倍仲好嫩滑。豬梅花係肩胛肉，油脂分布均勻，食落味道濃郁得黎唔油膩今餐真係好豐富

近來越來越越多主打一人平價燒肉的店，全部都話幾十蚊就有得燒，哈哈，其實元老級燒肉店牛繁一直都係做緊呢個價嘅午市套餐，個餐嘅食物仲比其他店豐富添。是日黎左海之戀店，呢間雖然唔係一人燒，個午市客人唔多，自私燒都可以擺張大枱。用qr code落完單就周圍望下，數數埋埋都係得五、六枱客，加上樓底高，抽風又做得幾好，店內無乜油煙。⭐薄切牛胸花套餐唔使十分鐘就上齊成個餐，賣相都幾好啦。⭐和風前菜&餐湯前菜係麻油菠菜同芽菜，餐湯係蔬菜蛋花湯，兩樣都偏鹹😂預你拌飯食？⭐牛胸花+秘製燒汁加大左份肉，要左200g，咁平都唔預有咩靚肉啦，入口唔鞋又唔算太肥，我覺得食得過。個爐有大細火，唔黐底，都幾好燒。⭐秋田小町米碗白飯堅好食，軟綿綿。⭐烏龍茶冰凍烏龍茶正好去膩👍加埋一唔使一百蚊，幾抵食吖。

平時都係食開一個人的lunch set 。今晚兩人於是叫咗二人Set A ($596)。好多嘢，有4款牛肉，另外有雞肉豬肉(可加錢要海鮮），我哋叫咗豬梅花肉和雞三角（雞軟骨），有兩款配菜兩款沙律，有好多選擇。另加咗溫泉蛋飯，次次食都會叫呢個飯因為好好食。我媽平時食好少飯都要添飯。呢個餐二人食好飽好抵食。好彩只叫了一個飯唔係實食唔哂。呢個餐如果for 細胃口女仔3個都夠食。我哋今次選的肉都有醬汁，如果下次再食會走醬汁，試真啲個牛嘅原汁原味。佢地有另一款2人餐就貴啲因為有和牛及海鮮。

前菜✨和風菠菜麻油味好香，沒有多餘嘅水份！✨和風山菜有啲似菇類，這個山菜不是生菜呢！幾開胃！✨薯蓉沙律超滑好似雪糕咁！✨大崎蟹柳沙律蟹柳椰菜嘅比例大概係一比四！感覺好fresh!✨蔥燒中落牛肋肉蔥可以放喺爐嘅左邊或者右邊，唔使怕跌晒落爐入邊！牛肋肉牛肉味好重！✨蔥燒骨間牛肋肉多啲牛筋部！充滿骨膠原🫶🏻✨上級和牛腹✨特上牛胸腹肉接近入口即溶，而且感覺唔會太油膩！✨薄切局胛片 配 月見汁因為牛肉係薄切燒嘅時間要控制得好！月見汁做咗調味，所以將燒熟嘅牛肉點落啲月見汁！牛肉同埋蛋香加埋超級滿足！✨樱姬雞腿肉雞腿肉已經先調味，唔會好乾！✨豬頸肉份量好大，好似食極都仲有！同埋有少少辣感覺好惹味。都係幾抵食，兩個人食到捧住個肚！無論係肉類定前菜質素都幾高！

一月同男朋友去完東京食日式燒肉，早兩日傾開到依家都覺得好掛住，醒起呢間店成日都好多人，趁平日少d人一於去試試，點個2套餐食😋前菜：二選一，點左和風菠菜同和風芽菜，兩款都好爽口，味道清新開胃。沙律：同樣二選一，一款係大崎蟹柳沙律，d蟹柳撕成絲連同椰菜絲加埋沙律醬，每啖都好新鮮好夠味。另一款係元氣捲心菜，d椰菜都好多，一樣爽口。肉類方面點左一碟特選豬頸肉，未燒已經見到好靚，用塩醬調左味，燒熟之後又香又惹味，d肉食落好彈牙。另一碟係櫻姫雞腿肉，menu 寫北海道名物，用左柚子胡椒調味，燒出嚟d油香芬芳撲鼻，食落連同胡椒味，雞肉又唔嚡。到成餐既主角，就係牛！一碟係4款唔同既牛肉，2款牛肋肉、牛胸腹肉同和牛腹肉，每樣食入口都係一句話，好好味，厚薄適中，脂肪比例啱啱好，燒到外面焦香，食入口軟滑。另外有一碟薄切肩胛片，真係夠哂薄，一放落爐轉頭就食得，唔駛等，好嫩好嫩口。味道來講，其實同響日本食都差唔多，個二人套餐都夠食，如果多返杯野飲同雪糕就同日本食完全一樣😆，不過性價比都唔錯。

難得同媽媽👩🏻平日放假去行開Donki，經過見到呢間燒肉有午市二人套餐就入去try try😆餐廳有空間感，座位唔會迫～抽風都做得唔錯，食完唔會一身烤肉味🥰🍴午市限定！二人前燒肉套餐🍴🥢和風芽菜 🥢和風波菜🥬兩款前菜都係用左麻油去整嘅，好香🤩望落好似唔大，但其實份量都幾多🫣🥢大崎蟹柳沙律🥗呢個係用左日式椰菜再加左D粟米粒同埋蟹柳絲🌽🥢燒肉汁特上和牛腹肉🐂呢個係高級版肥牛，雪花分佈得唔錯，而且好重牛味😍🥢上級和牛里脊肉 配 月見汁🐄🥚呢個肉配埋壽喜燒汁好夾，肉質厚實😽🥢味噌特選豬頸肉🐖肉質爽口，而且醃得好入味🤤🥢鹽醬櫻姫難腿肉🐓雞腿肉嫩滑，而且唔會好肥🤩♨️🥚🍚大人氣！牛繁溫泉蛋拌飯（+$18.0）呢個飯落左好多飯素😍，啱晒唔鍾意齋食白飯嘅我呀😌份量都好大🫖🍚茶漬飯（+＄18.0）淡淡嘅茶味配埋落飯都幾開胃😽🍹炭燒烏龍茶🍹蜜桃乳酸梳打（+$12.0)

好想食燒肉，但放題又太飽🤣所以就去食個set dinner 過下口癮🤤又唔洗夜晚食太多叫左個set A 2人餐，佢啲牛嘅分量都多😮同埋牛嘅質素都唔差👍🏻好𣺉仲好香牛味😜叫左冇醬汁嘅牛就係為咗食佢嘅原味🤣之後自己落椒鹽！肥米最鍾意食薄切肩胛片配月見汁，佢嘅牛勁香🤤再加蛋黃真係好好食😋櫻姬雞三角原來就係雞嘅三角軟骨😍平時肥米都好鍾意食個個位🤤佢個豬梅花都好好食🤩一啲都唔韌Set包埋前菜同沙律，前菜就正常發揮😂食完牛要轉下口味，食沙律同前菜就啱晒~# 牛繁📍荃灣大河道100號海之戀商場2樓2025號舖

最近見牛繁廣告幾吸引 放工就去試下 食燒肉當然同朋友分享 叫多幾款肉呀嗎🔥二人前燒肉套餐 $468🔥❅ 前菜 ❅對和風山菜有啲好奇 未食過🥬叫返和風菠菜同泡菜有保證啲 份量都幾滿❅ 配料 ❅想叫薯蓉沙律 更想食大崎蟹柳🦀沙律配粟米🌽 仲有溫泉蛋沙律 和風蕃茄等選擇❅ 燒肉 ❅🐮上級M9薄切和牛里背脊肉配月見汁三款中整體鍾意牛里脊 油肪分佈平均燒完沾一沾蛋汁多一層口感🐮特上M9和牛腹肉最腍身 和牛味較輕🐮特上霜降和牛五花 再追加多碟燒汁牛五花 比前兩款肉地厚 油脂更多入口順滑🐔柚子胡椒櫻姬雞腿肉 個人鍾意清新加微辣 配白肉 醬汁唔會蓋過原味🐷辣味噌特選豬頸肉 朋友連譚仔大辣都食到 叫份辣野畀佢醬汁雖橙但辣度適中 我五小辣無噴火呀 ❅ 飯/麵 ❅蛋飯拌飯都吸引 不過食秋田小町米飯🍚先突顯食材香❅ 飲品 ❅朋友話食燒肉啤一啤先爽🍺因為揸車就無啤到 叫杯烏龍茶解膩同可樂gur 下

4個人食晚飯，但叫咗個6人餐😂價錢就$1888，如果係會員就1788，加一服務費就以正價1888去計 ，最後埋單每人500蚊有找。店員服務好好，一坐底就推介食邊個餐或者推介邊樣野好食，原本我地坐4人枱，但見我地四個人揀咗個6人餐於是就安排我地去坐6人枱，等張枱大d夠位擺食物。個餐有牛小排 ，牛胸腹，厚切牛舌，牛肩肉眼，薄燒牛舌，豚肉雞肉盛合，仲有d漬物前菜。D肉整體上嚟講係高質既，4個人食剛剛好夠食飽肚，但如果6個人去食就可能要額外散叫。

作為無時無刻都想吃日本料理的港女，今次選了間在海之戀的燒肉店，店鋪闊落又幾企理，兩個人都坐到偏大的位置，平日晚上6時多未見人流，但坐坐下就差不多滿座了！點了一個「牛繁超值2人套餐」$568，個套餐都包了很多肉～除了牛肉有5款，還包自選兩款豚肉/雞肉+兩款沙律。蔥烧中落牛肋肉蔥烧骨間牛肋肉上級和牛腹肉特上牛胸腹肉薄切肩胛片 配 月見汁～這款最有印象，因為真的超好吃，簿簿一片但有勁多肉汁，點生蛋來吃真的冇得頂！另外4款肉雖然分不出，但燒完又不韌，都好好吃！我們喜歡吃飯就加錢要了個「牛繁溫泉蛋拌飯」$28，份量超大兩個人分都好夠吃，喜歡加了很多飯素，燒肉配飯真的一流！自選方面選了豬五花、豬頸肉，好好吃🥹豬五花肥瘦均勻，燒到嗰邊燶燶哋、脆脆口勁好食。豬頸肉醃得好味，原來100g有好多條，差點吃不完🤣沙律的選擇每款都好似很不錯，掙扎完之後選了：大崎蟹柳沙律～日式那款椰菜絲加白色偏稀的沙律醬，幾清新而且減低吃肉的罪惡感🤣薯蓉沙律～日式那款波波薯仔沙律，我的最愛！店員很主動幫忙和加水，短短個零鐘已經主動換燒烤盤兩次，件件燒肉都燒得好靚！

今日放假同媽咪去shopping ,午飯時間同媽咪食好西，決定食燒肉，啱晒係牛魔王嘅媽咪。呢間燒肉店好通風，座位唔逼夾，冇乜油煙味。見menu 午市二人前燒肉套餐好豐富，點來試吓。前菜：選擇咗未食過嘅和風山菜同埋我喜歡的和風芽菜。原來山菜係好似茶樹菇的根部咁，幾特別，芽菜爽甜。大崎蟹柳沙律幼細椰菜絲加上蟹柳絲及沙律醬，好味。壺漬牛肋條 （燒肉汁）厚厚長長的牛肋條同埋三色椒放入壺內醃製，好入味，牛肋條剪成細細件俾啲耐性慢慢燒先至外面焦脆，咬落去牛味豐富，juicy。特上M9和牛腹肉(燒肉汁)呢個我哋大愛，啲牛肉嘅肉色超靚，油花豐富。放上火爐燒即刻香氣撲鼻，牛油香氣四溢。慢慢燒，唔怕燒到韌，燒到外面焦香，入面仍然油花十足，肉質軟淋，牛油勁香，夾埋啲生蔥一齊食，超邪惡。櫻姫雞腿肉 （鹽醬）大大件嘅日本雞腿肉，肉質爽滑，完全冇雪藏味，啖啖肉。識食一定食埋啲脆雞皮。特選豬頸肉 (味噌)好惹味香口，切成幼幼一條，好快燒熟。肉質爽脆，又入味，會食唔停口。秋田小町米飯第一次食呢款日本米，超好食，勁軟糯有咬口，一啖飯一啖燒肉，正。炭燒烏龍茶好大一杯，食完啲熱氣嘢，飲啖清涼凍飲，喉嚨好舒服。

上次食過外賣，好食+cp值高好味& 很多今次去堂食，食左800+個套餐 （晚上） 肉無咩牛肉味（完全無特別） 份量少，前菜很多沙律醬，雞肉兩碟，係咁多了， 講啦加左$45紫菜飯，紫菜勁少 埋單 $1000+ 服務：侍應黑口黑面

荃灣地區有很多美食餐廳 其中不少係以日式燒肉聞名牛繁為日式燒肉連所店 在多區設置分店荃灣區的牛繁整體感覺舒適 装修風區以灰色配搭木系餐桌為主 四周佈置了不少日式風格海報及木餐牌 充滿日系風味餐廳更提供獨立房同大廳兩種用餐選擇符合不同人需要 超級推薦一夥人來喺柔和黃光下吃燒肉和喝喝啤酒猶如置身旅日本嘅居酒店一樣 可以同朋友暢所欲言 是一大樂事牆上更貼心咁有掛鉤比客人掛外套 (///▽///)菜單方面 佢地提供多種高質量同口味嘅肉類同小菜更有多個套餐配搭可以按喜好選擇😆➺ ʟᴜɴᴄʜ ꜱᴘᴇᴄɪᴀʟ ʏᴀᴋɪɴɪᴋᴜ ꜱᴇᴛ 二人前 💰468ᴀᴘᴘᴇᴛɪꜱᴇʀ前菜（2款）- 酸辣青瓜 + 泡菜酸酸甜甜有啲辣 辣味中等 清脆爽口 配搭肉一齊食非常開胃口ꜱɪᴅᴇ ᴅɪꜱʜᴇꜱ（1款）- 元氣捲心菜諗住食巨多肉一定要有啲菜去配搭！捲心菜切到啱入口嘅ꜱɪᴢᴇ 大大兜上面灑上蒜片同乾煙肉粒 （同友人想食熱菜拎咗去炒又出奇地再好食啲🤣）ʏᴀᴋɪɴɪᴋᴜ ʙᴇᴇꜰ （2款）（本身想嗌牛五花同牛腹肉但冇曬(｡ ́︿ ̀｡))- 上級ᴍ9薄切和牛里脊肉配月見汁因為薄切關係所以輕輕一燒所以好快就熟！沾上已攬勻蛋汁