牛站(駅)麻辣火鍋放題

营业中

休息中

之前已經食過，今次再encore！呢間分店環境真係不錯，樓底夠高座位寬敞舒適，坐得舒服👍🏻今次揀左中午，仲可以由十二點食到四點添湯底揀左鴛鴦鍋：沙爹鍋、椰子雞鍋沙爹夠濃帶輕微辣，椰子雞清甜足料！偏向台式火鍋，出面任拎既食材都係偏台式！有芋泥貢丸、糬來寶，呢兩個好食！大愛麻糬🤤當然仲有肉類qr code任點推介美國特級肩胛肉眼，肉味濃雪花平均，薄薄地幾秒就食得夠晒嫩滑，好襯沙爹湯🥳豚肉雞肉亦都好出色👍🏻其他火鍋料任點例如蟹棒、福袋、鴨血、魷魚、牛柏葉表現都不錯，幾新鮮👍🏻飲品當然係任飲！仲有珍珠奶茶亦有自家製冷泡茶，試左白桃烏龍幾唔錯有清香既白桃，無糖茶，岩晒！仲有甜品雪糕雪條😚今次仲試左隻貴價雪條添🥳$198 4小時任食，性價比夠高✨🍽 牛站（駅）麻辣火鍋放題 @beefstationkt觀塘觀塘道414號1亞太中心6樓

今日中午來呢度食左～1/7好多人，但係啲員工都好有耐性同禮貌，特別係門口問幾位个个帶位同个个著裇衫塊面幾白嘅員工～要讚一讚野食特別中意佢地好多菜，gdgdgd！肉都好好一分錢一分貨！甜品都正！我朋友食左个台式椰汁芋圓糖水同一个大福，佢都讚正～可惜我唔食糖同碳水，沒福消受如果不生酮甜品，真係加價都要來！我朋友都話值得再來，我就來過好幾次了～係有時叫分享俾啲朋友啫！整體而言，所有野都好滿意！順帶一提魚皮同響鈴用發熱器熱住保持脆口！比起好多店有心！唔洗食諗嘅魚皮

之前食過牛站覺得唔錯 今日同媽咪來挑戰午市四小時火鍋放題😎 自助區非常之大 火鍋配料 冷熱飲品 甜品選擇多多多 🤩We are ready 湯底有十二款選擇 選了鴛鴦湯底🥣香濃蕃茄豬骨鍋 X冬瓜瑤柱豬骨鍋 蕃茄酸酸甜甜幾開胃 冬瓜清甜又清熱😮‍💨午市套餐有四款價錢 來個經濟實惠2號餐✨牛肉豬肉雞肉樣樣齊🤤重點食美國特級肩胛肉眼 肉質不錯👍🏿 美國豬梅肉片 巴西雞肉片 象拔蚌片 蝦仁棒棒 秘製滷大腸 鴨血 豬血糕 海鴨蛋福袋 爆漿糍粑 鹽酥雞選擇都算多 每樣食一啖都已經好飽😬爆漿糍粑亦係我心水推介❤️‍🔥最愛冷泡茶❣️白桃烏龍 人參烏龍 味道濃而不澀 解膩一流甜品區甜品多籮籮 絕對挑戰我個甜品胃☺️

朋友介紹下*牛站麻辣火鍋放題*-食過真係會想再encore要黎觀塘亞太中心分店～6樓全層 超大間💪🏻自助區勁闊落～拎野食都開心D🤣自助區食物種類非常豐富，菜類丸類炸物類，還有前菜沙律、生果～呢度甜品唔Hea嫁*有泡芙、虎紋芋泥蛋糕、布朗尼、芋圓仙草凍最緊要雪糕有哈根達斯🤣🤣回本之選我地食SRF美國極黑和牛片120分鐘放題（$288)湯底簡左鴛鴦鍋絲瓜蜆肉鍋 + 美顏花膠竹絲雞鍋～滋補之選牛肉質素好好～油脂分佈平均 食落好嫩好香海鮮：蝦、沙鯭魚、沙白、帆立貝、青口、八爪魚～樣樣新鮮😋熟食區仲有麻辣小龍蝦～牛站真係超多野食💪🏻下次再來😍😍

終於終於再黎呢到打邊爐啦!今次都係食SRF美國特級肩胛肉眼片套餐$298/人，食足120分鐘!湯底叫左蕃茄豬骨湯同埋香辣沙嗲鍋🔥蕃茄豬骨湯夠香夠濃，用黎滾蔬菜就岩曬～至於香辣沙嗲辣度適中，用黎滾牛肉海鮮就夠曬味💕呢個套餐除左SRF美國特級肩胛肉之外仲有美國極黑和牛片、美國安格斯牛板腱、封門柳仲有羊肉豬，全部都好新鮮🩵中意食牛肉味濃既朋友一定要試下封門柳，超正👍🏻出面自助櫃既野食依然係款式多到食唔曬😌由前菜,火鍋配料,飲品到甜品可以話係應有盡有，每款食兩舊都已經要捧住個肚走!!唔夠食既可以簡單用QR code 點餸，都有好多即食小食可以揀架😍夏天又點少得榴連甜品呀，有榴連糯米糍同榴連炸彈，榴連迷必食😍之前見到朋友去其他分店食LUNCH有得任食乳鴿，依加連觀塘分店都有啦！下次我都黎食個LUNCH先，仲可以食足4小時架～

其實早前食過一次牛站，之後都keep 住有幫襯最近食佢，見到佢比上次又多左D 野有D 驚喜開心位，再出個post推薦俾大家~今次同朋友揀左個SRF 美國極黑和牛片套餐 $298因為呢個套餐仲有得任食乳鴿出面既自助bar 環境仲係保持到幾乾淨，要讚下~前菜都仲係好多好豐富仲多左個麻辣魷魚鬚帶子裙邊菜都仲係我最喜歡既~此外，熟食有炸午餐肉﹑魚皮﹑魯肉飯等菜同面食都放晒係出面既自助bar 飲品吧有幾個大櫃之多根本係多到唔識揀港式飲品係基本，仲有好多其他唔同﹑平時少見既飲品當然仲有餐廳自家製既無糖茶飲今次試到一樣新野，大推薦！就係CHI FOREST 既white peach sparkling water 我特登去睇下佢既糖度係幾多，原來係０糖，真係幾驚喜因為入口有桃味，味道少甜﹑有氣，完全唔似０糖的飲品呀呢隻我encore 左兩罐我見呢款都去得相對其他快，真係好飲，大推甜品的corner 除左有十多款自製既甜點都有現成的豆腐花同乳酪等此外，店家仲提供獨立裝好既「珍珠奶茶」﹑椰汁鮮奶芋圓﹑台式手工芋圓原來，佢仲有軟雪糕，有牛奶同巨峰味係雪糕位都搵到D驚喜野da dino 雪糕仲係度今次見到仲

觀塘亞太中心牛站食麻辣火鍋放題，午市去好抵食，食足4小時，慢慢食慢慢傾計。餐廳企理面積好大， 木色系既裝修， 休閒舒適。👍揀咗價錢188既“美國特級肩胛肉眼”，埋枱坐低用QR code 揀湯底，加左$48要鴛鴦鍋，有辣有唔辣，秘制麻辣鍋同勝瓜蜆肉鍋。秘制麻辣BB辣都突顯到麻辣鍋嘅風味，配埋麻油更加香，勝瓜蜆肉清甜，仲有蜆食。呢個套餐牛豬雞都有，QR Code 點到，另外出面有自助區拎火鍋配料，牛站有好多款食物都有驚喜，自己好鐘意👇。套餐兩款牛都唔錯，厚薄適中，肉香肉嫩，食左好多碟。紫薯芝士年糕，外層煙煙韌韌，淡淡紫薯味，包住流心芝士🧀鴨🦆蛋王福袋，福袋包着煙韌年糕，年糕再包着鴨蛋黃，一啖咬開流出蛋黃加湯汁汁。鴨血係好配麻辣火鍋架。紅糖糍粑，新鮮熱辣，近排食既紅糖都係包係入面，一咬開係湧出嚟，小心辣嘴。多款甜品，選擇太多試唔哂🥲。雪糕櫃有好多唔同口味既雪糕雪條，試左乳酪雪糕，好好味😋。飽曬，下次嚟再試其他野先。

There are 3 buffet dinner sets with different prices.We chose the HKD$248 per adult ones that can enjoy US selected beef 美國精選牛US beef Chuck 美國牛肩胛片Brazil Ox tongue trim 巴西牛脷托US Pork 美國豬梅肉片Australian lamb 澳洲羊肉片.those protein on an unlimited basis Seafood are also served on an unlimited basis such as shrimp,fish maw, baby cutle fish..etc.The shrimp is fresh.The fish maw is very thick and collagenic,highly recommended!!For cooked snacks,there are spicy crayfish，Taiwanese salted fried chicken,sasame

難得放假，和家人一起吃個大餐，這間台式火鍋店裝修不錯，環境舒服，燈光夠亮，看著很整潔，一家四口一起吃，依然坐得很舒適。.湯底選擇多，我們左想右想，最後選了清甜椰子雞鍋及冬瓜瑤柱豬骨鍋。椰子清甜，冬瓜消暑解膩，兩款都不錯。.餐廳以QR code自助落單，等待食物的時候，可以先到自助區拿食物。自助區火鍋料選擇都頗多，當中我最愛就是香港很少有地方可以食到的玉米🌽貢丸，口感十足，還有也是非常特別的珍寶魚蛋、貓抓型蝦丸、糬來寶、腸灌蛋、濃芝豆腐燒。而且還有燒乳鴿任食，這點很有驚喜。.蔬菜類選擇也不少，當中個人最愛萵荀、羽衣甘藍和紫蘿蔔，爽脆甘甜，也很新鮮。.喜歡甜食的朋友，記得最後留點胃吃甜品，榴槤大福、紅豆和果子、法式燉蛋和維他山水豆腐花都很不錯。🍦雪糕選擇也多，有多款口味的Häagen-Dazs、Da Dino 香港手工Gelato 、雀巢和阿波羅雪糕等等的，大胃王可以慢慢一個個挑戰。.其他食物照片參考：

📍#牛站（駅）麻辣火鍋放題 (觀塘)觀塘觀塘道414號1亞太中心6樓♡人均消費: $686 @ 2▪️▪️▪️▪️▪️▪️▪️▪️▪️▪️▪️▪️▪️▪️牛站打邊爐選擇豐富，而且食材新鮮，值得一試😝✨湯底▫清甜椰子雞鍋▫香濃蕃茄豬骨鍋湯底係食火鍋嘅靈魂，椰子雞鍋的湯味道清甜，湯底內有一隻大雞髀～肉質不錯。蕃茄豬骨湯正常水準，唔會好淡。✨海鮮▫️紐西蘭青口▫️鮮甜海蝦▫️鮮甜沙白▫️日本帆立貝海鮮方面都可以值得一試，特別推薦沙白，粒肉大粒又鮮甜。✨美國安格斯牛板腱肉質細嫩，牛味十足，不錯。✨美國牛肩胛片牛肩胛肉肉質鮮嫩、牛肉脂肪分佈均勻而不油膩，肉汁豐富。✨西班牙豬五花片一層油花一層瘦肉，口感Q彈.✨燒乳鴿皇比較驚喜嘅係打邊爐都有燒乳鴿皇，而且烤得恰到好處，不錯👍🏻▪️▪️▪️▪️▪️▪️▪️▪️▪️▪️▪️▪️▪️▪️

今時今日嘅觀塘已經成為咗另一個旺角，同樣都係有一棟，經常人山人海，而且食放題嘅熱點，😍就去亞太商業中心，🤭裏面就包含咗大量嘅放題，以及燒肉或者火鍋，實有一間啱晒口味。🤤而家嘅火鍋店水準亦都越來越高，亦都引入埋和牛嚟吸引更多嘴刁嘅食客，選擇亦都當然應有盡有，咁就令人充滿食慾。 🤩呢次我又要推薦一下牛駅麻辣火鍋放題。重點推薦嘅原因就係呢度如果食中午放題套餐嘅話仲係做到冇限時四個鐘任食，直頭可以飽到連晚餐都唔使愁。🥰另外而家喺觀塘分店叫指定套餐仲有得任食乳鴿，喺酒樓一隻都唔平，所以有得喺呢一度任食當然就可以變得豪放🤤餐廳裏面，總共有三個套餐選擇，如果能性價比嘅話，2號都的確係夠晒滿足，就會係主打美國牛以及SRF美國極黑和牛片，當堂都升呢左唔少🥳遊走一轉出面嘅自助吧，款式確實係多到數唔晒，前菜就有經常見到嘅味付螺肉、中華沙律、仲有麻辣八爪魚呢啲前菜。😚至於個飲品櫃更加係選擇多到不得了，最特別嘅當然就係佢哋嘅自家製冷泡茶，另外年0度啤酒都有，咁就可以劈得勁都唔怕醉😂SRF美國極黑和牛片— 🥩係時候要介紹是日主角，呢款美國極黑和牛片切得大大片，一碟兩塊大份量十足，🥩喺個湯底度淥到大約七成熟都冇問題

🎈牛站任食火鍋主打美國牛肩胛及安格斯牛板腱火鍋配料、丸類、新鮮蔬菜、雪糕雪條都係任食，性價比高🎈湯底幾時都話打邊爐湯底好重要🥘呢度有齊麻辣鍋、滋潤花膠竹絲雞或者清新椰子雞湯等特色湯底🎈火鍋配料套餐任食美國牛肩胛片及美國安格斯牛板腱主打嘅美國特級肩胛油花均勻有油香🥢牛板腱相對脂肪較少但肉質細嫩，牛味濃郁豬梅肉片厚薄適中，仲有嫩滑雞肉🥩肉類質素相當唔錯，自助區有日本雞蛋供應以生雞蛋點肉片，口感更滑嫩🫧🎈火鍋配料以QR code落單，可以逐件點食幾多點幾多唔會浪費😊有象拔蚌片、鹹蛋黃福袋、蝦仁棒棒、鴨血、滷大腸等特色配料🎈自助區熱門火鍋配料都有齊，多到數唔晒包心丸都有好幾款，芥茉魚籽丸、芋泥貢丸、燕餃、鴨血、蜂巢豆腐、仲有王子麵，的確有台灣風味🥬蔬菜種類驚喜地多，必備當然有生菜、娃娃菜，特別欣賞有羽衣甘藍冬瓜、南瓜、芋絲都係我最愛之一☺️🎈甜品、飲品款式夠晒多，有冷泡茶、汽水、珍珠奶茶等最窩心有暖櫃放咗啲紙包飲品🫶🏽唔想飲凍飲都無問題回本位仲有任食嘅Haagen Dazs 雪糕🍨仲有餐廳自家製的慕絲蛋糕，記得留肚食甜品🫶🏽

當我見到牛站嘅自助吧嘅食物種類高質豐富嘅程度，就知道一定有回頭。無論火鍋配料、飲品、小食、甜品都係比其他放題有更多選擇同埋都算，食完一輪都飽哂，推介💁‍♀️SRF美國極黑和牛片120分鐘放題($288)💕湯底係鴛鴦鍋：絲瓜蜆肉鍋 + 美顏花膠竹絲雞鍋絲瓜蜆肉幾特別，都有唔少蜆肉👍個人最愛竹絲雞嘅湯底 肉類：美國極黑和牛片、美國肩胛肉、美國安格斯牛板腱、封門柳、羊肉肉類第二round都係一樣質素海鮮拼盤：蝦🦐、沙鯭魚、沙白、帶子、青口、八爪魚🐙，好多款式，質素又唔差火鍋配料：特長蟹柳、墨魚滑、蝦仁棒棒小食：炸物、雞腎、螺肉、八爪魚、泡菜、肉燥飯、水果🌟最特別仲可以點乳鴿食，都燒得唔錯飲品：自家茶飲、紙包罐裝🧃、汽水🥤、果汁、椰青水、咖啡機☕️甜品：特式雪條、雪糕機🍦，有一款好特別嘅雪糕，原來係來自北歐拉脫維亞嘅雪條，市面有賣都唔平架，食咗就加速回本

我同家人打邊爐來來去去都個幾間～依家加咗一間on list📝佢就係牛站！第一次去牛站食晚市火鍋放題。原來人氣都好高！地方好大，Full house之餘，仲咁多人排隊🙌🏻好彩我預早book咗枱😹夠鐘就可以準時入席🫶🏻呢道火鍋放題有3款等級。我地揀咗放題2：SRF美國極黑和牛片 💲288。包埋任食乳鴿，都幾特別！湯底都有成十款，我地揀返美顏花膠竹絲雞鍋🐥入面有烏雞、紅棗、杞子、花膠，好滋潤。SRF美國極黑和牛片好大片，有柔嫩的肉質，豐富的肉汁。美國安格斯牛板腱口感都好好！香氣濃郁，有嚼口。海鮮有帆立貝、海蝦、沙鯭魚、沙白、水魷魚、菊花章魚、象拔蚌片等等。好多選擇！我就最中意沙鯭魚，外邊比較少有。肉質好滑嫩。涼伴小食同炸物都可以用手機點選。藤椒魚皮好爽口，香辣惹味，我地食咗兩碟👍🏻醬爆糍粑炸得外脆內軟，包裹住紅糖，咬落去紅糖溢出，好滋味！自助區可以自取的食物都有好多。蔬菜、丸類、炸物、冷盤前菜、漬物、甜品、雪糕、飲品、水果。仲有Haggen Dazs雪糕任食😍真係超正呀！中午放題套餐做緊無限時任食，下次可以中午嚟食先！【牛站（駅）麻辣火鍋放題】📌觀塘觀塘道414號1亞太中心6樓

餐廳提供10款火鍋湯底，我就揀咗鴛鴦鍋～香濃蕃茄豬骨鍋+絲瓜蜆肉鍋。蕃茄湯真·香濃，酸甜味令配料瞬間提鮮；絲瓜蜆肉清新，蜆肉嘅海鮮精華令火鍋料夠哂入味。套餐方面選了美國特級肩胛肉眼餐，中午放題套餐推廣中，有無限時4小時任食🤩真係超吸引！餐廳嘅肩胛肉肉質紮實的，油花豐富加上牛味濃厚，富有嚼勁，滾耐啲依然鮮嫩。仲有美國牛肩胛肉片，巴西牛脷托，豬梅肉片，雞肉片，花雕醉雞翼等，肉類選擇高質。另外套餐內必點，台灣鴨血，秘製滷大腸，士林豬血糕，花膠，象拔蚌。見到餐單，真係樣樣都想食，樣樣都想試。手機落單已經有超豐富嘅食材配料，而餐廳仲設有自助站，所有蔬菜，肉丸類，麵食類都整齊清潔哋排列。設有30款以上嘅飲品，仲有珍珠奶茶🧋，雪糕更有20多款選擇，另外還有甜品小食區‼️依個觀塘分店指定套餐都有得任食乳鴿，乳鴿控千祈唔好錯過。真係要去多幾次先可以試齊所有美食！