牛皇莫

营业中

休息中

完全沒想過及沒吃過這麼非常硬，又要夾硬吞落肚，當然给1碟150元给我這樣的質數我可以接受，但是340元左右1碟真的接受不了。另外其他食材算合格。280元的崩沙腩是沒有想再吃一次。牛肉品質好會再叫的。服務非常好，有講述牛肉應該的吃法，那豉油用牛肉煮過。

呢到係兩次order嘅相兩次都係燒肉有牛頸脊，封門柳，牛腩頭 同 牛舌封門柳好有牛味濃，清甜，唔油膩，個人非常喜歡！牛頸脊無得頂，油脂平衡，入有非常濃牛味，又唔會好漏牛腩頭有和牛感覺，入口溶化，好濃牛味，如果唔好油膩就一片都好夠😂牛舌又係好有牛味，好正！老闆仔熟知唔同部位唔同煮法嘅優劣聽佢意見試左幾款都非常滿意仲介紹左比同事朋友每個都盛讚老闆仔會根據當日來貨同食法，再比建議有信譽，有品質保證值得幫襯👍🏻

天氣咁凍，一定要食返碗熱辣辣嘅牛腩麵嚟保暖，今日喺屯門返工，朋友介紹我嚟到呢一間牛皇莫，佢話好耐冇食過呢度嘅野食，仲話呢度嘅牛係非常之好味，所以就叫咗一碗清湯牛腩麵，專門試吓呢度嘅牛腩有幾好味，果然牛味好濃郁！

每次天氣涼少少都會借啲2打邊爐，食過啲高質素真係好難返轉頭。今次又有超大花竹蝦，本來介紹做刺身蝦，但我地麻麻地，所以直接用黎打邊爐，超正👍今次肩胛肥牛就比上次食薄咗少少，唔夠質感。但蝦丸、墨丸同響鈴都仲係保持水準。水餃比雲吞好，雲吞豬肉過多，有隻仲無蝦😂

今日23/11/2019 Sat, 預早同老公慶祝生日，所以一早係openrice卜定老公想食嘅呢間牛王莫，想試下牛專家嘅出品牛，得唔得。我地一行四人，都準時係7點前到達，點知入到去，佢同我講話無卡位四人枱，叫我地坐張8-10人枱，我緊係唔願意坐，唔想搭枱同其他人坐啦，咁佢就話要等20分鐘先有卡位，叫我地等陣。（你話係咪激死，我一早卜左枱，都要等枱, 其實佢間野唔係爆場，只係7張卡位坐滿，4 張6-7人枱及3張10人枱都無人坐）我地7點4入座，總算有枱了。一坐低，一家人商量一輪後，就叫了如下:** 椒鹽鴨舌味道ok 但太淋，唔夠乾身，唔夠辣，麻麻地，因為覺得似是番叮。** 清湯鍋湯底一般嘅湯底，叫得就無期待，因為想慳番d湯底錢黎食牛肉** 唐生菜好新鮮，乾淨，大棵，好。** 牛白肉 $98 份量唔多，食落好爽脆，正，老公至愛。** 自選3拼 大 $318+$10牛頸脊+肉眼邊+挽手一定要食*牛頸脊 - 好正，食落嫩，軟滑，入口溶化，好正我最愛。*肉眼邊 - 肉味最濃，好食*挽手 - 油脂感最高，有甜味，好食。**自選雙拼 大 $323腩心+腩頭好長，大件，新鮮，呢碟兩款都麻麻，有d 要

牛皇莫係我成日食嘅其中一間今次就食咗佢個番茄豬膶牛肉湯飯番茄湯濃郁豬潤爽口彈牙但就太細塊牛肉就係鮮牛肉都有5-6舊飯就大大碗 唔夠直程可以嗌佢多飯咁我就會加小小辣椒油撈落個湯度在一羹飯一羹湯咁樣食食極都唔厭連啲湯都飲晒咁滯👍🏻👍🏻👍🏻👍🏻👍🏻

又係公司每月飯局，今次去我聽左好耐但係一直都未去過ga牛皇莫，話說間餐廳位於蝴蝶村冬菇亭，望落去同一般火鍋食店好似冇咩分別，不過如果有去過蝴蝶村街市買餸可能就會幫襯過。一入街市望埋去最大果間肉檔就係牛皇莫的。佢自己標榜係牛肉批發商，所以牛肉就一定會係靚牛。由於我地有幾位都係熟客黎，一坐底落單我都聽唔切佢落左乜，跟住等左一陣就開始有野送上黎。 等緊食時就望下佢餐牌都好得意，寫到牛肉專家添XD，第一道居然係象拔蚌刺身，食落爽口鮮甜，足足夠我地十個人食。第二道係牛腩，亦都係其中一道招牌，叫得專家又係招牌，真係堅好食。如果有碗飯就一流，肉質，牛味都正！再黎就係打邊爐牛肉，呢個我唔識叫，因為係由店主發板今日重有邊個位置靚就出果幾part，又係牛肉濃，食落新鮮。後記：雖然呢間係位於菇亭，但佢一定唔係食平價，係食質素之選。服務方面我唔知點評價，因為係熟客服務。環境我地亦都係開左間獨立房，一定係坐得舒服。重有係佢有賣牛腩但係冇粉麵檔果一種好難聞味道，感覺乾淨企理。所以唔係公司飯局自己食都再返轉頭。

朋友介紹呢間餐廳食本地鮮牛一流，所以我咁遠水路都入黎屯門碼頭食。餐廳老細發板幫我地叫左6款鮮牛，我同朋友食完都覺得唔錯幾正，雖然本地牛味無和牛美國牛咁香咁濃，但肉質都真係唔錯既！而且老細仲好詳細介紹每隻牛係咩部份，食落有咩特別添！服務認真一流！！！係香港食本地鮮牛既地方唔少，不過真係食到好食既就真係唔多了。要食好既，可能要出去貴價餐廳先食到，又或者買貴啲既牛自己煮。但係如果唔介意呢到咁偏僻既話，可以黎試下既！

平時打邊爐 多數主打美國安格斯或日本和牛但試完呢間本地牛之後 真係返唔到轉頭呢間餐廳係食本地牛既我地試左牛頸脊 肉眼邊 腩心 封門柳仲有兩隻個名唔記得今次一行13人 大戰十一大碟牛職員每上一碟都介紹返係邊個部位兩個鍋：坑抓湯底清甜 有芹菜香 牛根湯底第一次食 濃香 牛根淋 膠質重我地仲叫左少少丸 菜 餃不過啲牛好大碟 湯地本身又有牛根同坑抓肉所以其實淨食牛都好飽服務方面真係好好， 個個職員同太子仔都好nice，主動幫手，又問我地鐘意食邊個部位。最後每位$510，雖然唔算好平但性價比高，因為呢啲本地牛真係好高質👍🏻

夜晩一家人揾飯食…竟然有間鋪叫自己係牛皇…好，就試下你有幾皇…坐底乜都唔洗諗…整碟牛先啦…一上枱…果然一流…同啲雪藏牛完全唔同…先睇賣相…非常之靚…比得上A5 和牛…再淥一淥，入口非常之香…又淋…又有牛味…一食難忘…一枱六個人…總共食左三大碟牛…其他嘢都幾好墨魚丸爽脆，虾滑鮮味，魚旦彈牙，樣樣都咁好總括而言，响呢度打邊爐係一流…價錢都好合理…唯一差啲嘅地方係個鋪位係冇洗手間，要行得幾遠下，呢個係商場嘅設計…都冇辦法啦

天氣開始涼，又係打邊爐的時候。星期六7點去到，都仲有好多位，我地7人安排坐大枱，坐得舒舒服服。一坐底，即時叫個「炸黃金魚片頭」$58，熱騰騰，好彈牙。我地可以有2個爐，見到「金銀菜豬肺湯」$108，比較少有機會試到，感覺上滋潤一點，冇咁燥熱。另外，叫了「鴛鴦鍋」$88，（沙嗲鍋+皮蛋芫荽鍋）。豬肺湯底，有好大嚿豬骨，菜乾要滾一滾先冇咁韌。叫得牛皇，當然要叫碟靚牛喇!首先，來個「牛頸脊肉」（大）$318。切得比較薄，又軟淋，所以容易咬。打邊爐少食牛什，有啲從未食過，所以就叫個「牛上什五拼」（黑栢葉、牛心頂、牛脷托、牛骨髓、牛白肉）其中牛骨髓和牛白肉，我地都從未試過。其實都好快淥一淥就食得，係牛骨髓要長少少時間。不過，我自己覺得這兩款都一般，食梗啲肥膏咁，唔太合我口味。即使五拼已經有黑栢葉，但邊到夠食，另外再叫多碟。切得好薄，縮埋好易找不到。肥牛點指叫一碟咁少。之後，我地再叫「牛腩心」這個相比「頸脊」有咬口得多，增加了實在感。我個人推薦「牛腩心」多d。早段order的「椒鹽雞軟骨」和「炸魚皮」漏左單。椒鹽雞軟骨係辣的，嗜辣者先食到!炸魚皮就不了，新鮮炸起，冇得頂我地仲叫了「脆肉鯇魚腩」、「

一個月前左右嚟過食一次的了，不過上次冇寫食評，今晚2隻細食怪再嚟打邊爐，今次叫鴛鴦鍋(蕃茄薯仔+沙爹)，沙爹湯底都算香濃，蕃茄薯仔湯底好足料，蕃茄粟米豆腐白蘿蔔樣樣齊但係一舊薯仔都冇😂 不過侍應哥哥好有禮貌，佢入廚房攞返幾舊薯仔俾我地😂 至於牛肉三拼(肉眼邊+腩心肉+頸脊肉)，放入口我都唔知邊樣打邊樣了，有一種超冧好好味😋 野菌籃冇乜好講吧，我自己中意食冬菇😋 仲有叫了稻庭手打烏冬，打邊爐必食!! 2隻細食怪食到好飽全部食哂😋

蝴蝶邨小食亭裝修好之後，都未黎過食野，朋友話想試下呢到嘅牛皇莫，我地8點去到，平日唔洗等位，室內用餐嘅人唔多，大部分座位都係卡位，好闊落，坐得舒舒服服，胃口都好啲侍應推介我地揀特價嘅牛坑腩爪清湯鍋（$98）湯底有淡淡嘅黑胡椒味，配合牛坑腩爪味道好夾另外我地叫左：香茜牛肉餃（$60）味道同平時飲茶嘅山竹牛肉球差唔多澳洲珊瑚蚌（$118）珊瑚蚌咬落好爽，值得一讚，推介台灣香菇貢丸（$50）貢丸夠晒彈牙順德脆肉鯇魚片（$48）爽脆鮮甜，無乜骨呢下好雞肶菇（$40）雞肶菇出奇地好食，我地食個不停炸魚皮（$50）十分脆口，放落鍋一秒夾番上黎食啱啱好響鈴卷（$42）炸枝竹（$32）吸晒湯底精華，又點可能唔好味呢總括黎講呢間餐廳係貴左少少，但勝在食材新鮮又足料，一分錢一分貨，我覺得絕對可以再encore

初次認識依間餐廳，係同事話佢嘅牛肉火鍋好好食。但我地冇乜機會響依度食晚餐，又見中午都有啲lunch set叫下，就黎試試佢。好抵食呀，依個咖哩牛根牛肚飯勁足料，個咖哩用咗好多款香料黎整，味道好特別，第二度一定食唔返依隻味！！連凍飲先$48咋！平時我仲會叫咖哩牛肉飯，佢啲牛肉勁新鮮，試過就知正呀！！唔鐘意食咖哩嘅仲可以食常餐。可以揀多士或奶油豬配火腿奄列，再配一碗麵。我推介蕃茄豬潤米，個蕃茄湯無味精，好甜，豬潤爽，好食過深水埗嗰啲好多呀！！

《牛宴必在屯门吃》🐂🐂🐂🐂🐂街坊街里一定知道<牛皇莫>最出名牛肉～佢地牛肉真系超级新鲜！什么部位也有。牛嘅切法切得薄适合打边炉。而且环境舒适有包箱。看相就知道有几新鲜！他們還有早餐午餐供應，牛腩河粉濃濃湯底無得輸～不要再去中環九記排隊，試試屯門的牛皇莫！