影片
老板娘态度差到不得了，从未遇过咁差嘅餐厅。出面排哂队，老板娘在餐厅内大叫食客慢慢食，由得客人在外排队。我们四人原本念住快啲有位，就同老板娘讲可分枱坐，之后见有四人枱准备走，我们就说先让后面排队食客入座，我们等四人枱。点知老板娘就呼喝我们说，你哋又话分枱坐，而家有枱又唔坐！块面黑过镬㶶！感觉餐厅只想客人排队制造长龙，有枱又唔放食客入。食物方面，沙嗲牛肉面，沙嗲汁好重味，食完好口渴，牛肉有点硬。茶餐厅比他好，真心不建议浪费时间排队，比钱食嘢睇老板娘发晦气，同受气！
继续阅读
难得嚟到西贡，就search下有乜好食，好多网站都介绍要食呢间沙嗲牛肉面，又话咩沙嗲牛肉关注组推介，咁就嚟试吓啦。夜晚7点几嚟到，都冇乜人，得一枱客。自己画纸仔点餐，点完比佢落单，食完先比钱。我哋一个叫沙嗲牛肉炸面，一个叫沙嗲面珠登汤面。好快有得食，5分钟都唔洗。沙嗲牛肉炸面$58沙嗲面珠登汤面$55沙嗲偏浓同稠，炸面都系有啲似捞面，只系面系炸，汤面睇落好多汤，但其实都系超稠，好似汁捞咁。系好浓沙嗲面，不过超稠，啲面都系一团团咁食。50几蚊，得碗沙嗲牛肉面，乜都冇，饮品都冇，出面茶餐厅，50几蚊食到成个常餐，沙嗲牛肉面加埋方包奄列饮品，呢度抵唔抵食就见仁见智，我又唔觉得佢个沙嗲牛肉面有咁好食，讲真好多茶餐厅都好好食。
继续阅读
早前见到报道呢度有匈牙利牛肉饭食，以前好多豉油西餐厅都供应匈牙利牛肉饭，慢慢就好似消失咗咁，所以今次专程嚟西贡想食返以前嘅味道，匈牙利牛面珠登饭 $65先到，味道回忆返晒嚟，牛面珠登仲好软腍，好味喔。餐厅另一名物系牛脷，厚切牛脷扒饭 $108配沙嗲汁、黑椒汁或匈牙利汁，友人就拣咗沙嗲汁，牛脷都系煮得好软熟，厚切又有口感，亦有牛脷独特嘅香气，沙嗲汁香浓，跟牛脷都夹，唔错唔错。店子提供配汤面、捞面，甚至炸脆面，有机会都嚟试下先～
继续阅读
您可能会有兴趣的...