影片
港铁旺角站 E2 出口, 港铁旺角东站 B 出口
继续阅读
电话号码
35962963
61068003 (WhatsApp)
开饭介绍
主打鲜切潮汕手切牛肉放题，选用当日抵港新鲜牛肉供应多款稀有部位，如五花趾、吊龙、匙柄等，满足牛魔王口味；加上任食逾百款火锅配料、海鲜、自家手工丸类、小食及雪糕，性价比极高。
继续阅读
营业时间
今日营业
12:00 - 00:00
星期一至日
12:00 - 00:00
以上资料只供参考，请与餐厅确认详情
有关奖赏计划
旺角琼华中心开咗间主打手切潮汕牛肉嘅火锅放题，朋友试过话水准不错，呢晚一齐嚟试吓。餐厅环境阔落，星期五晚再加埋新开张，都要等一阵先入座。我哋点咗$338嘅餐，如果7:45pm前离座，则$298。餐厅主打手切潮汕牛肉，咁当然唔少得点咗佢几款唔同部位嘅牛肉，包括封门、吊龙、雪花及匙柄等。现场有师傅即时手切牛肉，感觉特别新鲜好味。个人推介吊龙及雪花，厚薄适中，牛味浓郁。另外亦点咗美国牛板腱，质素亦相当好。 套餐仲包咗一个海鲜拼盘，入面有桶蚝、鲍鱼、龙趸、沙巴及海虾。各款海鲜新鲜好味，性价比相当不错。手工咸蛋黄炸鱼皮、牛丸、炸午餐肉等亦系必食推介，炸鱼皮入口香脆，而牛丸则超弹牙，够juciy。自助食物区提供菜类，饺类、丸类、小食、面食等，款式相当齐备。饮品选择好多，有啤酒、港式奶茶、花茶、柠檬茶及汽水等，听见隔离枱狂讃佢嘅港式奶茶，奶茶控可以一试。甜品当然唔少得有雪糕及雪条，充满港式情怀。
继续阅读
冲咗旺角琼华中心新开嘅 「牛牛鲜」！全场坐满晒仲要系岩岩开业，好彩有订位！150分钟潮汕手切牛＋海鲜放题，港人唔使返北上，落旺角就食到正宗潮汕风味，弥敦道地铁上盖，方便到呢～ .🔪 🥩手切牛部位多到选择困难症发作！师傅即埸手切嘅潮汕牛真系无得顶！五花趾纹理靓到似山水画，涮8秒爽脆弹牙；匙柄gym L最岩；雪花脂肪咁靓，我最爱，牛油香炸裂，自己一个人encore左5碟😌；吊龙嫩滑带筋，蘸沙茶酱食到停唔到口！最过瘾系牛胸油，脆口到「咔咔声」，好似食紧牛脂薯片！美国肥牛、西班牙黑豚肉全部零雪味，新鲜到怀疑紧系咪放题🤯！ .🚢 龙虾海鲜劲食鲜每枱送嘅海鲜拼盘浮夸到爆！鲜活龙虾肉爽甜弹牙、肥嘟嘟桶蚝一咬爆汁、厚肉鲍鱼弹牙、蛏子或扇贝、龙趸、鲍鱼、桶蚝、海虾、沙白、龙趸、海虾、沙白！脆肉鲩鱼片绝对要encore，涮完仲脆过薯片～ .🦐 手工滑类系心脏暴击！手打虾滑睇到粒粒虾肉，黑松露虾滑香到邻枱望过嚟～马蹄墨鱼滑咬到粒粒爽甜，嘉美鸡件滑溜唔「鞋」口！QR code落单几分钟极速上菜，疯狂追单都零漏单手速快过打机👏！ .🍺 酒鬼mode：加$38任饮Asahi！重点！仲有十几款罐装汽水、果汁！最癫系连红白酒都一支支任拎，打边炉吹水啤一啤，爽过做神仙！食完正餐仲有雪糕雪柜任挖，怀旧雪糕＋雪条，第二个胃即开🎉！ .🌌 环境：灯光光猛＋抽风超强！装修灯光光猛，坐得阔落唔逼狭，而且仲会有插头位俾你电话充电！抽风系统劲到食完唔会一身「火锅味」，服务员收碟快过闪电，新开业有咁嘅效率真心惊喜～
继续阅读
上个月cancel咗个潮州之旅，而家对潮汕美食嘅执念好重🙂↔️。所以特登去咗间主打食潮汕牛嘅火锅放题。✨精选海鲜拼盘（1份）＋潮汕手切牛肉放题7:45前离座 $2988:45后入座$318正价时段 $338（150分钟）我哋出去拎蔬菜𠮶阵睇住师傅砌紧潮生牛拼盘，所以唔嗌牛肉住。过咗阵果然上咗个拼盘。拼盘有齐五花趾、吊龙、匙柄、雪花、牛胸油。每款大概有十片。我见其他枱食完拼盘都会嗌多5-10碟肉。最嫩最高质一定系雪花。追求口感同浓郁肉味就可以试下五花趾。🦐精选海鲜拼盘包括：龙趸（1件）鲍鱼（1只）桶蚝（1只）海虾（2只）沙白（2只）/每位食得出鲍鱼、海虾、沙白系新鲜货，可惜冇得任食记得试埋小食！我哋试咗生炸潮汕南乳鸡翼、即炸潮汕牛丸同埋避风塘粟米。南乳鸡翼咸香又有脆皮。避风塘粟米🌽炸得够干身香口。+$38仲有得任饮Asahi生啤🍻最后记得食埋雪糕呀😆
继续阅读
琼华中心9楼新店 牛牛鲜 整体感觉干净舒服。店内环境简洁，座位之间唔会逼，坐低就闻到阵阵牛骨汤嘅香气。 招牌汤底系潮汕牛骨汤，饮落清清地好自然，同牛肉好夹。 新鲜手切牛肉选择丰富，有吊龙、雪花、匙柄、五花趾。特别系吊龙，切得厚薄适中，渌几秒就食得，肉质嫩滑得嚟带少少咬口。海鲜拼盘嘅龙虾系游水货，不同市面急冻货。蚝同蛏子都新鲜，蚝肉饱满，蛏子爽口冇沙。 自助区嘅蔬菜选择几多，除咗常见嘅款式，仲有水莲同冰菜呢啲特别少少嘅选择。鸭血、黄喉、鹅肠，呢啲平时要单点嘅菜品都系任食。小食方面，推介招牌潮汕生炸南乳鸡翼，即叫即炸系唔同啲，咬落好Juicy。手工咸蛋黄鱼皮系必食，非常惹味。反沙芋头外脆内粉，甜度刚好。饮品有特色嘅系自家制奶茶，白桃乌龙同铁观音，冷泡茶茶味清香，饮落几解腻。场内指定啤酒、红白酒任饮，加钱有得任饮生啤。服务方面，店员换碟密密手，态度友善。两个人食足两个半钟，食埋雪糕雪条，好满足！
继续阅读
同朋友喺旺角行完街，随意拣咗呢间新开潮汕火锅放题「牛牛鲜」试吓，平平哋三百几，食落几有惊喜。 佢哋嘅海鲜拼盘唔花巧但胜在够新鲜。新鲜海虾够弹牙，鲍鱼都几大只。一坐低就送上一个有齐四个部位嘅牛肉拼盘圈。牛骨汤底足料，估唔到有咁多牛腩，牛腩软腍好食。明档手切牛肉系亮点，师傅即点即切，放题嚟讲出餐唔算慢。特别钟意吊龙，渌几秒就食得，肉质嫩滑得嚟带点咬口。自助区嘅火锅配料都几多，最正嘅系牛骨髓同黄喉都系任食，牛骨髓煮耐啲会变到好creamy，黄喉就爽脆有口感。 自助区蔬菜选择都几多，芋头煮耐啲会变到好粉糯，冰菜唔系度度有，几有心思。饮品方面，朋友都钟意饮自家制奶茶，香滑唔会太甜。我就钟意白桃乌龙茶，清新解腻。雪糕区最正有大热嘅笨NANA雪条。整体黎讲，呢度嘅食材质素对得住价钱，人均三四百，环境干净坐得舒服，服务都算勤快。唔系咩豪华体验，但胜在够实在。放题嚟讲高CP值，特别系钟意食新鲜手切牛肉嘅话，可以黎试吓。（话晒出面单点手切牛肉加埋海鲜，要食饱，人头都要去到来500以上。)
继续阅读
您可能会有兴趣的...