牛牛台式鴛鴦火鍋

营业中

休息中

呢度嘅火鍋食咗三次都係咁正，超級推介佢嘅麻辣湯底，好食到不得了。肉食係嘅朋友一定要叫佢張點餐紙入面嘅肉，牛肉勁有肉味，脆肉鯇魚超正，仲可以無限次任點，認真抵食！其他火鍋配料嘅選擇都唔少，有唔同嘅丸類、炸魚皮、響鈴、冬瓜等等，都係大家平時打邊爐都會叫嘅嘢食。依家仲有好多唔同嘅甜品，除咗佢嘅甜品櫃之外，仲有差唔多10款口味嘅雪糕，例如：朱古力、椰子、菠蘿、綠茶、哈密瓜、士多啤梨，仲有另外一個雪糕櫃，入面有雪條，款式都好多。飲品選擇都有好多，有熱有凍。個人認為蔬菜選擇可以再多啲，同埋如果可以食耐啲，咁就完美喇。