牛涮鍋

营业中

休息中

#牛涮鍋一年四季都可以打邊爐真係好幸福‼️揀左重口味既黑蒜油同麻辣湯底油左小小可能係晏就時段食，所以選擇比較少肉同丸都普普通通，唔特別不過值得讚既係餐廳好企理、好光孟菜洗得乾淨，擺得好整齊最尾仲可以整番個乳酪食（蘋果/雲呢拿味）雪糕唔岩，都有其他甜品評分： 7 / 10

晚餐黎過好多次，午餐就第一次。4點幾黎到，佢有個一碟肉套餐，啱晒成日多肉少菜嘅人。要講下服務，似乎晚餐時間的服務態度比較好。午餐時間門口接待員，不等我們坐下，係門口登記會員卡，已經開始計時，雖然佢會遲15分鐘收枱，但都係做得唔夠好。

黎呢到食牛肉放題火鍋 當然黎到要食肥牛啦 佢d 牛肉都唔錯wor 味道帶甜都幾好食 另外出面都可以拎好多嘢食 有魚蛋菜都幾多選擇行所以都覺得幾抵食 地方都坐得幾舒服值得一試㗎

本人與家人（2大1嬰兒）前往Moko分店，手持B50號票，但一直未獲編入坐，負責門口接待先生一直只說「要就你地小朋友丫嘛」為由，需要我們多等，本來我們都照等待，直至再叫B51, B52，才發覺他們都是3位，此時我們向他問個明白及表明要投訴，他雖一路嘗試解釋，但態度非常惡劣，與客爭辯，愈說愈大聲拿了電話後打回店舖欲找經理投訴，但有一位負責收銀男性說他要招待其他客人，找來一名自稱CS的女性接聽，態度更不願自評「咩貴姓，我地無貴姓」，這是所謂的服務？希望你們不會遇上這種服務，或許如沒事情發生，應該都能順利享用晚餐，但當有事情發生時，店舖職員處理……

單憑賣相根本無法將美國進口牛肉與美國上級進口牛肉區分，對比餐牌上的相片，反而覺得整碟都是前者，幸好入口仍算軟腍，肉味不過不失，亦不會帶有牛臊味，而之後追加的牛肉，總是覺得好像比第一碟好。丹麥皇冠這個品牌的豚肉，水準一向有保證，豚肉片入口香滑味美，與青檸骨膠原鰹魚湯的味道匹配；至於來自美國的雞腿肉亦不錯，個人覺得配黑蒜醬油湯更滋味。以當晚情況而言，追加肉類效率甚高，而且質素亦算穩定，除了第一碟牛肉感覺怪怪之外。環境方面，這是「牛涮鍋」的旗艦店之一，店內充滿童話氣息，為大家帶來一份歡樂、溫馨的感覺，而且座位舒適闊落。

朋友生日即興約咗去食牛涮鍋火鍋放題我哋今次去咗旺角分店嘅牛涮鍋未入座之前會叫我哋揀選湯底 之後我地揀選咗美國進口牛肉放提入到去環境都好大，座位好闊落每張枱上面，每人都有一隻碟畀客人去自助食品區到拎嘢食蔬菜種類豐富，飲品方面亦都好多款式。特別推介係有沙律櫃，有唔同款式嘅沙律提供值得一讚！牛肉質素一般，不過不失，任食黎講都算係咁甜品方便選擇都好多，有泡芙，雪糕，芝士蛋糕等選擇百幾蚊既價錢可以食到咁多野，抵食之選！

忙碌完一整個上午，同事突然即慶想吃火鍋， 查OpenRice食肆即 彈出 牛涮鍋。 大家都同意，就去呢間啦。 去到門口，見到有個小小的信用卡10% off 優惠，就拎張飛等入座。 4個人(4人枱）等了約十分鐘，原來午市入面大把位，不過唔明點解佢哋俾個靠牆位我們，四人吃自助火鍋 只有單邊出入感覺很不夾，不過不是大問題，只是入座前冇提過，是坐下來就計時，不是點好東西有個鍋上枱先開始計。（係自己冇注意） 食物選擇多，好多素食者恩物，都算新鮮，不過 用店內的電子落order system, 要求加湯，等到差不多乾水冇人埋，最後 唯有自己去找湯壼自己加，加完一邊，再加另一邊先有店員發現主動幫手加湯。 最後，想講下 ，選擇食肆除了好食材、價位、 環境、服務，良心食肆也是重要的因素。（見題外話）

間唔中係午餐時段係依間食，order左午市精選套餐60分鐘放題，食最平嗰個只需要$72 ，就包一份雞肉之後配料任食，我最鍾意食佢個羽衣甘藍，其他嘅配料正正常常丸類比較多，佢嘅配料區喺門口附近，次次都要出去攞比較麻煩，嘢飲方便，好似七仔咁有得自己斟，不過啲冰另去擺，唔太衛生，佢仲有個乳酪區可以任食，午市來講都叫幾抵，多數都係卡位，可以慢慢傾計，距離地鐵站好近，幾步路，d staff 冇咩服務可言,規規矩矩

今晚約左舊同事喺太子Moko食牛涮鍋, 已經唔係第一次黎了因爲我係佢地member！限時90分鐘嘅放題來說佢質素一向ok的. 今次揀中價(HKD168) 嘅美國🇺🇸進口牛肉set, 三款肉食包括美國進口牛肉, 丹麥🇩🇰皇冠豚肉同美國🇺🇸特選雞腿肉; 湯底方面我地揀左較健康嘅蕃茄濃湯. Bonus就係咁啱安排左舒服卡位.👍🏻•飲品: 除左大路Zero, 忌廉, 雪碧, 可樂之外, 隔離個部有唒提議配搭嘅soda機好似更正, 橙汁, 蘋果汁, 蜜糖菊花, 水蜜桃🍑汁, 點mix都好飲. 今日唔飲得凍飲嘅我都唔係無選擇架(當然, 可以汽水soda唔加冰🙌🏻), 我喺咖啡機整左杯咖啡☕️, 原來隔離有d茶包可以加熱水沖.•出面個大雪櫃提供嘅火鍋好特別, 蟲草花, 豬肉餃, 烏冬, 魚肉芝士, 墨汁魚丸, 獅子狗卷, 牛涮鍋限定魚腐⋯款式多到食唔唒.•Yogurt雪糕機好玩好好味, 隔離甜品櫃放滿多款bite size蛋糕同puff.•日式拉麵好食!

間唔中都會打下LUNCH邊爐，因為平過夜晚一大截，仲可以慢慢消化！lunch 邊爐黎講，牛涮鍋係我最喜愛之一，因為除左邊爐配料，仲會有沙律，沙律選擇都唔少，連藜麥都有，1d都唔求其Lunch有一人一碟肉，任食配料，有勁多唔同既菜/丸/瓜/豆腐等等，大推麻薯魚蛋，仲有烏冬薯粉一定食得飽😂😂😂飲品有咖啡/茶，同埋汽水機可以自由斟甜品都有幾款，除左自己唧既雪糕，仲有大福/芝士蛋糕等等，質素都唔差👍🏿👍🏿👍🏿

難得今日約咗幾個同樣鐘意食美食嘅靚女一齊食lunch,當然要食得盡興D啦。要食得盡興，"牛涮鍋"確實係一個好好嘅選擇牛市嘅牛涮鍋都有半任食套餐，雞、豬、牛任君選擇(一碟)，最平嘅六十幾蚊就有，而且仲有多款蔬菜、菇類、丸類、飲品(果汁，汽水，熱茶)、甜品(西式糕點，大褔餅，雪糕)任飲任食。除了食物種類繁多，仲可揀2款湯底，本人曾試過豬骨湯底、蕃茄湯底、同甜醬油湯底，各有特色。但當中甜醬油湯底最能突顯食物嘅鮮味。而甜品方面，軟雪糕最為突出，味濃而幼滑，一定要留肚食番杯總結嚟講，又經濟，食物又好味，又多元化，下次gathering一定會再去牛涮鍋

難得HAPPY FRIDAY，當然要食好少少慰勞自己！雖然係旺角返工，但來來去去都係中餐西餐，有點沉悶，於是其中一位同事就提議不如打邊爐吧原來呢位同事每逢假日，都會去呢個名叫《牛涮鍋》餐廳享用午市精選套餐60分鐘放題，價錢每位$100左右，可叫一碟肉，湯底自由選擇，食物飲品任飲任叫，聽落真係幾抵食幾吸引！於是，我地一行五人準時十二點浩浩蕩蕩出發去餐廳到達後，侍應問我地選擇邊款湯底及肉類。經過我地一輪激烈討論同投票後，最終決定選擇蕃茄湯及甜醬油湯，而肉類就選了牛肉豬肉及雞肉不消五分鐘，侍應便端上了火鍋及一碟碟肉，而同事亦十分踴躍，走來走去去取飲品及不同的食物，而我個人特別喜愛吃它的冬菇，餃子，芋絲同芋圓吃了約四十五分鐘，大家便開始放慢節奏，而我當然不會停下來，捧著肚子繼續吃。以為這樣便滿足？不！我還要試它的甜品！值得一提的是，甜品款式有很多，有多款糕點選擇，更有我最愛的雪糕！它的雪糕真的與坊間不同，個人認為雪糕十分香滑，非常值得一試！總括而言，牛涮鍋的午市非常抵食，食物選擇多，價錢又合理，我跟同事都感到十分滿足，相信呢間餐廳很快會成為我們常到的飯堂呢

原來晏就打邊爐好抵嫁，60幾70蚊就可以食到半放題邊爐!! 入去前要決定好揀咩餐先，我地有五個人，每人叫一樣，咁就可以咩都試啲!! 午市嘅牛豬雞都係得一碟，無得無限食的，不過每碟嘅分量比想像中多。而我哋叫左番茄湯底同埋醬油湯底。限時90mins，所以動作要快，一入到去就即刻拎野飲同野食，野飲除左有汽水之外，仲有果汁。另外，自助區嘅野食選揀都算多。三樣主菜肥牛豚肉同雞都唔錯，打完邊爐仲有甜品可以食，有蛋糕仔，大福，仲有得自製雪糕。雪糕好滑，不過甜品就麻麻地，大福啲皮好厚。不過整體黎講都唔錯。

今日放工突然想打邊爐，之前一年前黎過幾次牛涮鍋覺得質素服務都不錯，所以今日諗都無諗其他就去直接去食，我地去到20:30左右閒日黎唔洗等位，入去前揀左美國上級進口牛肉放題同骨膠豬骨湯底，價錢每位$188。入到去即時上左一碟豬同一碟仔雞件及一碟牛比我地，依三樣野都可以不限量再叫嘅，另外有一隻大碟比你出去出面拎蔬菜類，丸，麵之類，食物質素就ok嘅，因我無咩要求。每個檯都有一部機用黎追加加湯同埋單之類嘅，但我地用部機除左追加出餐快外，其他服務都好慢，我地不斷㩒，例如加湯幾次都無人應機......差d連湯都到底咁濟😂，就連埋單都.....無人應，開頭都以為太忙無人得閒，咁我地咪耐心等候，等下見唔對路，我地唯有唔用部機直接叫服務員兩三次先有反應，因我唔太清楚平時運作，部機可以比我有得咁樣㩒，我當然就會通過部機叫服務員，如果唔係......要部機黎做咩？🤷🏻‍♀️除左服務無之前咁好之外，其他都ok嘅，個人推介粟米丸（我唔係好記得正確名稱）一咬開𥚃面好似粟米湯咁，好好味（不過小心熱呀）

食過兩次 價錢好抵食 遲去會有好多人等位 等待時候有啲長 不過入到去食番夠咩都抵哂 有得一人一個煱 又有幾個人一個煱兩種湯 張枱有位可以充電 好貼心不過要記得帶充電線去 點餐好方便快捷 好鍾意咁樣點餐唔洗不停舉手叫人黎 有部pod可以選擇追加肉類 一食哂就可以再點加肉 食到咁上下唔夠湯 仲可以禁個制就有人黎加湯 超級方便 唔洗一邊食一邊等住叫人黎加野咁麻煩 而且都幾多選擇 有芝心丸同唔同既丸類 仲有其他野選擇 有得自己整雪糕加唔同既配料