牛気 (雅蘭中心)

营业中

休息中

今日星期日但午市時間人少 完全唔使等位，立即入座90分鐘放題仲要做緊每位減$40👍🏻之前試過昆布湯同豬骨濃湯，昆布湯非常清，豬骨濃湯就有少少似出前一丁豬骨味今次試吓蕃茄湯底有試過第二間嘅蕃茄湯底非常濃食完之後勁口渴但呢間個湯一啲都唔味精，我哋再自己額外加咗蕃茄食落啱啱好👍🏻我哋揀咗最平嘅牛肩肉套餐，連埋+1每人埋單$168左右啲肉都新鮮，放題建議揀返基本肉類就可以，我哋之前試過叫貴啲肉既餐，食落反而冇咩大分別🤑配菜雖然都係啲要塞飽你嘅嘢但以款式來講比起其他餐廳都多，我哋覺得以呢個價錢來講幾滿意佢哋仲有壽司，冷盤頭盤咖喱飯同湯甜品有蛋糕啫喱雪糕機雪糕窩夫仲有部棉花糖機可以自己整棉花糖大人細路都有野啱食總括來講，以$168嘅價錢來講真係非常抵食肚餓嘅時候一定會再嚟幫襯😁😁😁

當日非常之肚餓見到呢間餐廳要排隊之後諗住去睇吓附近仲有冇其他選擇 最後見等位都有櫈坐就決定一試入座之前Staff問想食邊個set本身我諗住食最平嗰個180幾 不過見咁肚餓就試吓佢建議嘅優惠價320幾嗰個餐一入到去已經好開心 因為我一個人去食 佢俾咗個好好嘅自閉位我 唔使擔心同其他人坐得太近會好尷尬 我幾乎全程都背對着所有人 講返食物 其實一路以來我食其他放題都冇試過真係食和牛 第一次食呢個嚴選澳洲和牛加海鮮放題 真係有驚喜 啲牛肉就咁放喺度個樣已經好靚仔 切得一啲都唔薄 仲要好大碟 相比之下一開頭比嘅豬肉同埋雞肉質素就麻麻 後尾我再添牛肉嘅時候 點知原來都係咁大碟 我仲以為好似平時咁第一轉之後就變樣 搞到我差啲食唔晒另一個重點係挪威三文魚刺身 超級肥美 係三文魚腩 因為我好少幫襯又有火鍋又有放題嘅餐廳 所以本身都唔知到底刺身係得一客定係可以refill 店員哥哥仔好好咁話冇問題 上大份啲比我 (最後我食咗4份 其實刺身都幾飽肚)其他要煮熟嘅海鮮 一開始都會每樣比一份試吓 海蝦唔錯 青口一般 帶子一般 石斑我煮咗好耐都係超級腥其他項目例如飲品同蔬菜 都屬於正常水平 種類唔算好多 不過份量

我喜歡一個人打邊爐，一般火鍋店，很難招呼一個人。其他火鍋店只是湯底都$100，肥牛又$200，好難預錢。牛氣，有一個人餐，正合一個人之意。平時夜晚，90分鐘放題，最平餐$178，美國牛肩肉、美國豚腩肉、巴西雞腿肉，份量足一個人吃不完。丸的選擇不多但足夠，魚蛋、魚餅、貢丸、麻吉燒、沙拉丸、香菇燒；菜，有四五款；除了有麵、烏冬，還有粥粉麵飯、粟米羹；飲品、甜品、雪糕任食。晚上營業至02：00，工作至深夜，一個人打邊爐，我會來牛氣。

旺角這家已經來過幾次，肉的質素好似大不如前！今次同朋友點咗個$348，有牛、豬、雞、海鮮，牛看似很鮮紅，但吃下口感並無肉感，不帶小小牛味！大概應該是肉太薄，吃不出什麼感覺來，其他配料選擇依然多，瓜菜都很新鮮海鮮有 青口 帶子 魚柳 海蝦兩大隻...感覺都不錯，比肉鮮這價位真的寧願吃散點的，質素還要好！再吃點中價也差不多

牛陣牛角牛氣通通都未食過只不過今日一行人選擇困難又唔想食太頹嘅快餐於是走尼朗豪坊對面嘅牛氣6:15已經入座無乜人上菜好快，追加幾次牛同豬肉，轉個頭就到肉類都比較薄，入口軟身菜亦算新鮮，大路款式熟食無乜試過，不外乎春卷之類，興趣不大反而沙律以及冷盤類唔錯無話吹乾哂或者一陣拎出尼嘅雪氣味算係熱食以外另一bonus,不至於打邊爐太寡

假期去旺角食飯，好多人....係門口揀左餐同湯底先入座鴛鴦湯要每人加十蚊......食物選擇ok多，有d熟食牛好食過豬，豬比較鞋第二次refill 嘅牛就好肥share相有免費movenpick，同行4人得一個想食，所以只係show一個ac呢個人就態度囂張咁質疑我地，話得一杯無錯啊我地淨係想要一杯🤷🏽‍♀️洗唔洗咁串其他職員就幾好，雖然個場忙，但收碟執野都快本身都無乜野，但比一個人打破左美好心情

老闆為了慶祝萬物會圓滿結束，於是請我哋一班嘅職員去食飯，本身我覺得打邊爐冇咩特別開心拒絕了，但係響老闆嘅邀請之下還是繼續。牛氣嘅環境比較擠迫，價錢唔係特別大眾化，平均每位都要$250 ，產品嘅選擇多樣化,其中我最鍾意嘅就有響鈴。打邊爐嘅側邊，亦都有各種各樣嘅甜品以供選擇，我最鍾意嘅就係細杯嘅雪糕仔。呢度嘅打邊爐係自助食，所以你鍾意食啲咩就可以揀到啲咩。能夠同一大班同事一齊去囉，係值得開心嘅，所以我都覺得好開心。

早上出左去做野，早做完，難得有2個半鍾lunch time，就去吃，好少機會可以係lunch time吃到既涮涮鍋。平時吃開牛涮鍋，對比依間牛氣，牛涮鍋會更似正宗涮涮鍋，近日式d。相對牛氣既食物種類多d。近中國人口味d，竟然有抄飯🤷🏻‍♀️2間各有特式啦。

旺角火鍋店居多，透過openrice我搵左好多間火鍋店，最終我選擇了牛氣涮涮鍋，店內環境不錯，燈光柔和，設計上帶有 點日本風格，店員於櫃面協助我們點餐介紹，而我們選擇的套餐為牛小排套餐（$248），肉類包括極上美國牛小排（必食），美國牛肩肉（肉味濃而有點帶有油脂），雞腿肉，豚肉，外面火鍋配菜都很多選擇，有我喜歡的芝士丸，大大件鱈場蟹柳，嚮鈴，較特別的冰菜（不是每次都能看到），還有不小風味的餃子類，除了火鍋跑外還有沙律吧，餐廳出手亦非常不簡單，連巴拿馬火腿都可以除意進食，讚！另外，餐廳亦有小量壽司選擇，和牛壽司，黑松露三文魚壽司，芥末三文魚壽司，可算是大路種類，藉得一提，店舖設有雪糕機供人自助式拿取，聽店員說雪糕出自日本夕張哈密瓜味，本人試過，奶味及果味超濃厚，90分鐘過後，我們都抱著肚，滿足地離開。

味道和食物質素都非常一般的自助火鍋，海鮮都無，咁就人均$283，選擇又少。最主要系服務態度欠佳，一入黎就系咁推薦你食貴嘅套餐，本黎想揀$188，竟然話呢個肉質比較粗，無咁好食（咁講即係擺到明無得揀姐……）最衰系佢無得俾你坐低再考慮，一定要你系門口揀左先入得，惗返都覺得蠢左，不過同friend一齊，費事要人等，就算了。雖說限時90分鐘，但畢竟系用餐，又唔係考試，就算人多都只需好意提醒，更何況全場有好多吉位，我地差唔多夠鐘時個waitress黑黑面咁過黎收碟成副趕客樣咁。早知咁嘅質素我不如食返對面嘅台式邊爐，起碼貨真價實性價比高

同朋友比賽完慶祝,行過旺角見到有間好似幾好味既邊爐。依間邊爐有唔同plan揀,最平既$150-200已經可以埋單。而且入面選擇很多,例如壽司,日式小食,甜品,火鍋。火鍋更有各種不同湯底選擇,食過昆布,地獄和番茄。其中番茄香味濃郁,齒頰留香。老少皆宜,當中更有乳酪雪糕提供,多吃兩杯已值回票價。

本人推薦牛氣涮涮鍋創意鍋之選綿花糖「壽喜燒」以和牛油脂燒鍋，用蔥段迫出香味，加上綿花糖的糖加以調味，醬油、糖與味醂等煮成湯汁放入鍋內，再將牛肉與蔬菜放入煮熟，然後佐以生雞蛋、醬油和糖做成的蘸料食用。與一般火鍋不同的是湯極少且鹹，純為將食物燉煮入味之用，故不飲用。套餐當中我選擇了極上澳洲和牛配上長腳蟹海鮮放題，店內之澳洲和牛分為嚴選及極上，其分別為M4級及M6級，當中我兩者都有試，極上和牛油脂較前者平均乎合性價比要求，油香及肉味偕為濃厚味十足，當中套餐內含美國之牛小排肉更令我喜出望外，肉質嫩滑，配上醬油顯露無遺.海鮮本人沒有特別嘗試，只對日本廣島蠔稍為有點興趣，蠔身肥美，尚可接受。日本火鍋興起雪糕為最後落幕，餐廳採用日本直送雪糕，奶味濃厚，直得一試。

昨天跟男朋友第一次上牛氣涮涮鍋，位於周_福隔離，樓下姐姐有禮貌地介紹餐牌內容，推薦我們已推廣價嘗試澳洲和牛的滋味，選擇和牛套餐可免費升級送上「花膠美人鍋」，我地做膽操操走入去試下，門口需要先選餐，姐姐說我們可享有90分鐘時間，入助先選餐，對雙方都有利，姐姐安排我們係卡位，服務沒有openrice說的不是，食物質素穩定，花膠鍋特別推薦！味道非常濃郁，配上澳洲和牛帶出濃烈嘅鮮味，餐廳上菜速度快，火鍋吧檯既款式有韓式年糕、炸芋頭、菠菜，白魚蛋，日式餃子、響鈴、稻庭烏冬、魚翅、和牛炒飯、窩夫、壽司、軟雪糕、甜品等等，但我們主攻和牛為主，90分鐘放題有充裕既時間，店員還提示我們讚好Facebook有movepick雪糕送，我們豪不猶豫地為餐廳讚好， 除此之外，店員還為我們整了一個草莓味草莓既棉花糖！會有下次幫襯

話說前日同朋友諗住去油麻地食個自助餐，但朋友加班搞到8點幾先放工.. 果度930 完場，無理由甘傻仔去蝕架嘛..（事關我都幾大食.. 太短時間實食5飽）甘好啦，我地就沿路搵野食.. 行過一間燒肉既本身想試，點知要等位.. 甘5想等就繼續搵.. 創興又5想食，就繼續行，最後就見到呢間牛氣。門面睇落都5算差，門口條友見我地望，都識招呼我地，同講出重點，甘岩有位呀！我地一行三人上到去，因為計時入座開始，所以門口要揀定食啲咩。門口果位靚女都有介紹我地，佢推薦中間價位既，都算公道，但今日難得朋友見面，我地決定食好啲！ 叫左最貴果個388plan，其實都仲平過牛陣牛摩果啲..最重要388有廣島蠔食，我鍾意！哈哈先講下佢既海鮮，有蝦，應該就草蝦黎～新鮮呢，就無架啦，但肉質5會霉，蝦肉都實淨既。有帶子！呢個真係要開新段寫，佢粒帶大超大粒，而且滾完食完全無起絲，真係彈牙架！我地全晚叫左超過20粒順帶一提，呢間野黎野都好快手，追加野好快就來，都幾抵讚！松葉蟹腳。老實講我麻麻地，個人比較鍾意自助餐既凍食蟹腳。佢呢度啲蟹腳水平一般，無咩味。青口，普通貨仔，同百佳惠康雪櫃買既差不多。未至於5好食，但5特別。最後

牛気，日牛，牛涮鍋，牛一大比拼牛気，性價比高，價錢四間較貴一點，但肉質四間之首，環境服務上亦較優性，食物款式較多日牛，價錢中等，環境較迫，食物種類多源化，但沒有服務可言牛涮鍋，價錢平，環境清潔衛生，食物配料較小，整體一般牛一，價錢較貴，食物較另外三間為弱，環境寬敞四間入面，我最喜歡牛気，因為個人認為食物種類質素，環境同服務都比較穩定每次選餐，我通常選擇牛小排餐，因為牛小排肉質嫩滑，油脂比例亦非常平均，其次是澳洲和牛餐，和牛肉咪濃郁，兩者我都試過，至於每一碟質素是否一樣，四間火鍋店入面我比較喜歡牛気，我明白到牛不會每一碟都一樣，但牛気樂意幫客人跟進牛肉之要求，可以選擇肥一點或瘦一點，本人喜歡肥一點，因為會較香口，嫩滑.今日既分享暫時咁多，喜歡我的食評可以給我追蹤。