牛気 (The ONE)

营业中

休息中

平安夜晚餐西餐加價加得太勁，所以揀左食日式火鍋，雖然都比平時貴左少少，但都可以接受。我地揀左極上美國牛小排放題，算係較低階既級別，但本身都係想食牛為主，冇特別想再加錢要海鮮。牛小排出黎賣相幾好色澤鮮亮，肥瘦油脂分布剛好，所以前後食左三碟，雞同豬都係預設既但相對冇咁吸引，所以就淨係食完一碟就冇再加單。湯底揀左博多辛口湯，開始仲以為係地獄湯會唔會好辣，誰不知有啲淡冇乜味，可以再濃啲辣啲就好了，變相淥野都係靠本身食材既味。配菜係半自助式選擇，基本野都有，包括好幾種丸類，幾款菜類，日式d既就有豆腐，烏冬嗰啲，另外仲有少少熱食，我地試左個紫米露，都唔錯！飲品方面，汽水果汁類係包埋既，我地加左十八蚊要左梅酒，可以一位加一位唔加，呢個安排簡直係良心！仲見到有雪糕同壽司卷物，不過就已經飽到食唔落。我地仲like左Facebook 換左個三文魚刺身，不過等得有啲耐，想換既朋友記住一坐低就換～

The beef is really good. But they served lower level beet than my order after around 1hour.I don't know why they serve different level maybe there is condition about that in the menu I didn't check. It was Christmas eve so I didn't complain about that. The shabushabu was good overall.

一碟平凡豬肉大多數係雞件門口男生拚命叫我们一定要280$一味的牛肩肉套餐仲大大勉励我們只宜食280$的因為平一级的水平太差！？见大節假日一時粗心便中了伏最平常的昆布湯底很多菜沙拉～酱料什至雪糕不過到一个小时左右侍者一再提示我們只有一个半小时吃的到了2点26分女侍不是提示我们够钟而直接示意我们要離開看看四周生意不好沒人等位2人每人花274$根本吃不多少不抵印象最深刻匆忙得连相也趕不到拍自己都好奇怪！

此位朋友與我最喜歡的溝通方式就是「恰下恰下」食火鍋，不論是冬天夏天四季如是。尖沙咀 牛気，坐落於尖沙咀The ONE 4 樓，地點非常方便好容易找到。店面門口上面掛滿日式燈籠充滿著日本風情，裝修以啡色和黑色做主色，啡色餐枱和椅子，黑色的餐具🍴和擺設。90分鐘的放題，除了限定美國牛肉、雞肉及海鮮外另設有多款任飲任食食材：例如時菜，冬菇、牛丸，墨魚丸、魚蛋、魚滑、獅子丸、腸仔、烏冬、沙律、蕃茄、豆腐、冬瓜、白飯、炒飯、湯水、甜品、軟雪糕、糖水、棉花糖、汽水及啤酒，咁嘅價錢來說算是十分豐盛抵食，就是呢個原因吸引我回頭食。海鮮拼盤（限量）

one day with client, and didn't expect much and walk around in the one.going in and try eat this shop.look good décor and all food here.they do have lunch offer and little bit cheaper. so maybe good for night time hour.since with the moment with client and this is good to drink a little and chat.牛気  尖沙咀彌敦道100號The ONE 4樓L404-405號舖

今晚黎打邊爐，坐得有d逼，同另外2人 share 4人枱，中間連條gap都無。不過有枱比我地調位，都算係咁。食食下有隻小強行過，好嘔心，叫職員即刻清理，然後經理有提議調位，不過調黎調去咪又係咁。希望餐廳可以做好少少清潔。

每日要諗 Lunch 食咩係一件好難既事, 好彩有人總有好提議! 近日天氣涼涼哋, 好明顯又到左打邊爐同 BBQ 既好時候! 午餐每位減 $40, 我哋一致選牛肩肉, 豬骨湯底! 牛肩肉都唔錯, 雖然一碟比一碟失色, 但係都唔太差, 唔會好肥仲有牛肉味! 除牛肩肉仲有雞腿肉同豚腩肉, 不過呢2碟食左就無再追加喇 (你懂的!)。自助區基本菜, 瓜, 菇, 丸, 腸, 豆腐, 麵都有, 不過菜得2款仲要麻麻哋新鮮, 最好味係墨魚滑, 讚! 飲品都有好多選擇, 連純茶都有! 甜品都有好幾款選擇, 奈何當日雪糕機壞左, 無得食! 

THEONE 牛氣邊爐同男朋友，收工左行右行，最後都係決定打邊爐。叫左普通嚴選美國牛肩肉，每人＄188，豬肉，雞肉都可任點。我地揀左黑蒜豬骨湯，好似丁面果蒜味湯底。嚴選美國牛肩肉真心普通，比肥牛仲一般。。。好韌，吾算太有牛味。豬肉，雞肉都係正常野。自助區都係基本打邊勞料，腸仔，粟米，豆腐，丸類，菜類。比普通日式邊勞多小小既係有沙律自助區，有我喜歡的日本小紫薯。打完邊勞，店主提我地LIKE一LIKE佢地PAGE有雪糕送，雪糕係MOVENPICK，我地揀左士多啤梨味同咖啡味。可能我地揀最普通既牛肉餐，咁質量當然一般，不過值得一提既係，店員態度好，有禮貌，上肉都好快，呢個真心讚。

繼上次系銅鑼灣希慎食完牛氣，今日lunch同事提議去the one食牛氣午市都系有-40既優惠最平既set就系188，已包任食牛、豬、雞我地一行9個人就有4個鍋分別就叫左麻辣鍋（最辣既，好過癮）、泡菜鍋（味道好啖，又唔辣）、博多地獄鍋（小小辣，比較清）同蕃茄鍋（冇試過，太清淡）咁一坐低d肉就上齊啦，牛都唔錯，而且質素有高有低開頭個幾碟好似特別靚，而雞既數量就比較少不過我地都系主力focus食牛咁出面都有齊d大路野主要講下個餃子幾正，不過唔可以碌太耐會甩皮搵唔番舊肉芝士魚蛋都高質食落去會爆出黎！！蘿蔔好索湯，用麻辣鍋煮味道一流除左配料都有熟食牛肉炒飯味道唔錯仲有素翅飲添跟住仲有d日式小食、玉子壽司，沙律，甜品泡芙，雪糕（今次有鳳梨雪糕，比較少見，不過好淋，但味道好正）飲品都有唔少種類，各式茶，不過最正系適合嗜酒一族，+18蚊位任飲清酒+20蚊位任飲啤酒最後埋單160蚊位 都ok既種類算多，而且肉類任食，又有齊前菜沙律甜品飲品

9月17日係我同同事相識7週年咁高興今日就黎個豪lunch! 揀左任食最平個個$188...lunch有優惠每人可以減$40我地一行9人...可以揀4個湯底麻辣啦...泡菜啦...地獄啦...蕃茄啦無辣不歡ge我當然要坐麻辣個邊🤣不過好老實...真係唔辣ge....🤭地獄湯...又係唔辣😭蕃茄湯..唔掂...無乜蕃茄味...但出面自助bar有蕃茄拎...有需要自己加料吧🤓反而泡菜有驚喜...酸酸地...好開胃呀...同娃娃菜超夾！侍應哥哥好快就拎左一大棟肉比我地了😋😋😋任食黎講...肉質真係交到貨...完全無投訴🤗滿意!第二round ge肉...都唔係hea的! 讚👍👍👍出面其實仲有自助bar...又係任食! 每人一個bowl..鐘意拎幾多就幾多🤗丸丸腸腸蔬菜前菜粉面乜都有! 飲品同甜品又係一堆任選😝今日咁高興..我地仲加左$18任飲sake 🥳🥳🥳

今日走到尖沙咀街頭，走到the one逛街，發現午市邊爐價錢只是～$100左右，最平88蚊是豬肉，之後便是108美國牛肉。兩款肉質素不俗，肉味解雪都ok，性價比不俗。另外餐廳提供少量熟食，有和牛xo醬炒飯，日式咖哩，兩款湯，前菜亦有中華沙律以及味附海螺，打邊爐配菜款式正路，選擇亦不少，大路的各式丸類，豆腐，粉麵，蔬菜，味道正常新鮮餐廳還提供不少飲料任飲，各式汽水，最特別有百福豆腐花任食，另外亦有yogurt 雪糕toping亦有數款，還可以吧！整體而言午市人數不多，吃得舒服，可惜只有60分鐘時間，略嫌較短！

今日約咗兩個好姊妹聚一聚，佢哋兩個之前嚟過哩一間牛気覺得好正，所以提議今晚再去。我哋叫咗個嚴選澳洲和牛+海鮮放題，湯底揀咗冬陰公+豬骨湯。首先講吓個湯，冬陰公唔錯，本身亦都有啲海鮮喺個湯底度，但係我最鍾意加湯嘅時候佢係可以加返冬陰公湯或者清湯，而其他湯就只可以加清湯。至於豬骨湯，當然唔似我哋食拉麵嗰啲豬骨湯底，而係似食豬骨湯即食麵嗰啲湯底🤭。嘢食方面，和牛、牛小排、牛肩丶大海蝦、日本帶子都係我哋不斷refill 嘅嘢，因為質素真係好高，特別啲蝦，有好多放提都冇咁新鮮。至於出面嘅丸類（唔回本嘅嘢食）其實都可以唔需要攞，不過我因為第一次嚟，每樣攞左少少，所以都有啲浪費。飯後甜品我就攞咗雪糕同埋蛋撻仔，雪糕唔係好重奶味，至於蛋撻仔，我係覺得十分超級非常好味🤤🤤🤤，我食完第一個之後要再出去攞多三個食，酥皮好香好鬆化🤤🤤🤤，講吓講吓又想食添🤭。另外，匯豐信用卡每位減$20，澳洲和牛+海鮮放題仲可以食多30分鐘，不過始終兩個鐘都係唔夠時間食，最後我哋都有啲嘢未食完迫住要走。

行過門口聞到超香又見到佢做緊HSBC promotion 每位-$20同免費升級做鴛鴦鍋🍲不過要食指定和牛海鮮餐🤣叫左推介既黑蒜豚骨湯同指定既冬陰功湯🤔黑蒜味唔太突出好似普通豬豚湯咁再咸少少，冬陰功湯比想像中好味不過偏辣🥵佢個鍋原本都有d海鮮係入面加埋冬陰功香料好入味😋食物方面佢原本個餐就包左和牛豚雞，海鮮有魚柳虎蝦帶子花膠等等！和牛雪花均勻唔會太肥👍🏼花膠有驚喜唔係出面打邊爐食好硬個款呢款滑dodo有d咬口推介👍🏼虎蝦大大隻全部都算新鮮蝦肉唔會梅😋 buffet吧有多款菜同丸類俾大家自己拎款式都算多❗️

我今日同屋企人去食尖沙嘴的牛氣，之前起銅鑼灣分店試過ok，所以入店，我們叫了澳洲和牛及海鮮那個套餐。先講服務態度，職員冇乜笑容，真係100%似足服務機械人。如果走廊污糟左佢地都會清理👍🏻，不過出於被動，員工的質素可再改善一下。飲品方面，主要是台灣及大陸的飲品，最多也只係香港版的可樂，飲品雖然多，但是種類不夠多元化，而且多為汽水、甜、多添加劑等的飲品，我認為依d飲品就未必適合小朋友。不過都有清水飲用、玄米茶茶包同烏龍茶茶包比顧客亨用，所以飲品亦不是太差。火鍋配料方面，我認為比較多元化，有菜、丸子、即食麵、豆腐等，清淡至濃味應有盡有，可以照顧不同顧客的口味。可惜火鍋配料不是很新鮮，菜有好多枯、爛的地方，所以職員撕走不好的地方，最後搞到啲菜好碎，大小不一，好似食緊沙律菜咁。蕃茄的刀功，亦是很有趣砌三角形，唔知咩玩法。牛肉方面，我以為澳洲和牛會好食d，第一碟和牛來是不錯的，不過之後來𠴱d牛肉一碟差過一碟，d牛肉的血色，由鮮紅漸變到啡紅，食落去冇乜口感，牛味亦不似和牛，好似普通牛肉咁，我覺得食最平𠴱隻牛肉好過！海鮮方面，職員力捧帶子同蝦，不過腥都飛起，佢仲話新鮮喎！三文魚刺身都係普普通通，同出面

今次去左牛氣打邊爐預先係電話gulu拎票先唔洗現場等太耐選左極上澳洲和牛+海鮮放題，蕃茄湯底一開始會有1份刺身其餘海鮮極上和牛自動送上 其後鍾意食咩就食海鮮新鮮度唔差 仲有花膠tim海蝦都幾大隻蠔唔算肥美 但都有鮮味 極上和牛油脂分佈幾平均 每片份量都剛好一口吃幾有牛味 嚴選和牛就有口感 牛味比極上少啲菜類自己夾 丸類就比較少油豆腐都幾好食甜品芒果紫米好食雪糕就麻麻地過程中女服務員態度誠懇有禮很樂意為食客服務整體食物質素幾好，價錢唔算大眾化