牛極 (大河道) (已結業)

今日去左係呢間唔驚食唔飽既餐廳白飯湯沙律任裝 講緊既係荃灣牛極 🐂 隔左一段時間無食石燒牛😋今次叫左牛柳同牛肩排一切開見到係保持係大約2成熟之後你想幾熟食就自己決定啦😋😎我中意食唔咁熟既牛所以佢6成咁上下我就食啦😌牛柳係比較軟熟而牛肩排係比較有咬口 我中意有咬口所以比較喜歡牛肩排🐂🐂❤️_雖然係屬於自助形式但係店既姐姐都好有禮貌見你有野唔明都好主動幫手而且價錢唔太貴$80都可以有個餐食到你飽一飽👍🏻平日午餐想食好小小之選❤️

朋友喜歡吃肉, 我喜歡吃菜, 來到牛極就對了, 有肉又有菜, 而且白飯、湯、沙律菜都任吃, 半自助形式, 食量大的朋友, 都不怕吃不飽。我們先在門口購票, 再給店員, 不用加一服務費, 更實惠。我們選了最便宜抵食的兩個餐, 牛肩排和牛柳, 最少的份量, 都夠食了。這裡是取白飯和麵豉湯醬料、餐具和水也是自取的牛扒很快就來到, 用廚紙包著阻隔彈出的油。切開發覺裡面大約五至七成熟, 利用熱力將牛扒煮到喜歡的熟度, 它滿有牛香的, 肉也嫩, 多汁, 石板可留下來, 將煮好的牛保溫, 吃到尾也不怕變凍。飯是珍珠米飯, 配上紫菜粉, 沙律菜是椰菜絲加柚子醋麻醬, 麵豉湯味道較濃, 滿有日本快餐風味。

好耐無出過荃灣，今次中午路過，見到好耐都無食過的牛極，就二話不說咁樣入去食啦。雖然現在係非常時期，但入到去都唔算無人，睇來同我一樣，大家都係來捧一捧牛極場。買完飛落完單，就搵個靚位坐底先，因為之後就去斟返碗好味嘅牛肉湯飲下。佢呢度嘅牛肉湯，味道唔算淡，味道適中，用來開胃一流。跟住就梗係裝定飯，等主菜牛柳來啦。呢度啲飯有得加紫菜碎，令到個口感更加充實。主菜到啦，牛柳肉質唔錯，因為佢係煎到一成熟，之後就放落鐵板上面由食客自行決定熟度，呢樣野十分貼心，因為個個口味不一，而且當中又有做廚師發辦的樂趣，的確係唔錯。當我加熱到咁上下，再落埋佢提供埋嘅岩鹽同黑胡椒，味道岩岩好！

石板牛近年好有人氣，近近地同舊同事去荃灣据扒🥩店舖整潔，柔和色調，坐落舒服👌牛扒有六款，首先去自助販賣機落單，揀咗比較少吃嘅牛肩排同牛柳🥩， 因脂肪含量比較少🤣🤣店員說自助區有🥢🍴同即棄圍巾，醬汁配料，湯、沙律、水，白飯任裝👍正~日式牛肉湯材料豐富，味道濃郁， 索曬汁嘅紅、白蘿蔔，牛肉係用碎腩，驚喜😚牛扒滋滋聲上枱😚全部一成熟，可因自己喜好烹調👍牛肩排肉質富有彈性，有咬口，食落好有實在感👍係全場至抵食嘅餐(180g$80.00)牛柳厚切，肉質軟腍，肉汁亦豐富，食落啖啖肉(200g$110.00)兩個🥩脂肪較少，on diet 至啱食🙈🙈

日系格局， 坐低前喺門口有點菜機， 款式唔算多， 但每款都可以選擇重量，400gram 最重， 不過真係好飽， 我地兩個人叫左兩個400 gram既牛牛， 因為冇乜其他小食， 食到一半覺得好悶餐枱上寫明只會烹調一成熟， 切開裏面超級生， 茹毛飲血咁， 食生野既人應該超級鍾意，不過我就鍾意7成熟， 如果熱石唔夠熱既話，仲可以叫店員幫你更換個人喜好， 肉眼既牛味濃郁，口感軟腍，正 自助式， 餐具同圍裙可以喺出面攞，白飯，湯同菜更可以無限添加， 可能食得太多牛牛， 覺得佢個菜特別好食

👆牛肩排 Top Blade Muscle 180g（推薦指數：★★★☆☆）厚實有口感，，有豐富肉質，肉味濃郁，切開後肉汁滲出，幾多成熟自己決定2人餐單參考（飽足程度：★★★★★）：牛肩排 Top Blade Muscle 180g x1牛柳 Tenderloin 200g x1👆牛柳 Tenderloin 200g（推薦指數：★★★★☆）香口彈牙，多汁，可以自行加上各種醬汁、海鹽、黑椒粉作調味👆餐廳環境門口有售票機，自己買完飛再交比服務員，都幾有日本feel，牛極有四間分店，荃灣、旺角、深水埗及佐敦👆餐廳環境店內所有湯、飯、沙律都係自取任食

行經荃灣大河道77-89號寶成樓地下9號舖 ，見餐廳坐滿八成食石燒牛的食客，正是午飯時段有點餓，廳門口有部售票機，環境很和風，天花吊有七彩繽紛的日本紙傘，真美觀。我們點左牛肩排180g$80和牛柳200g$110， 服務員很快送上熱烘烘石板牛扒，牛柳肉味香濃、軟滑、夠腍。超美味牛肩排，肉質嫩滑和很腍，牛肉味香濃，真不錯👍並有白飯、蘿宋湯、蔬菜🥬沙律菜、檸檬水🍋自助任取。我們兩人這餐只百多元，就吃到高質素牛扒，食到飽飽，真是大滿足。

平時很少去食扒，但「牛扒快餐店」就有少少噱頭，而且仲可以有自助Mini Bar。-牛極在荃灣的大河道，鄰近巴士站。這裏可以以自助形式進行，俾錢買一份牛扒，然後白飯、湯、沙律，全部都是自助。牛扒是用石版燒的，店員一開始會送上全生的牛扒，然後牛扒便在石板上高溫慢慢煮熟。在這段時間可以先喝湯，湯是日式洋蔥牛肉湯，頗甜的。這一個是牛肩肉眼，牛肉非常厚身。在石板上燒過後，外層是熟，而內層是生，食落口感不錯。這裏的店員比較少，所以一切東西，其實都需要自助。正切合快餐店的特質。特別一提的是，在這裏如果要買汽水，其實需要自己到店內的自助售賣機買的。但由於自助售賣機只收$5同$10 硬幣，所以當我不自覺地放左一蚊落去，自動販賣機就會食左我啲錢，即使求助於店員，也沒有方法解決。所以這一點大家要注意喔！

今日收早，可以多啲時間食lunch，行咗一陣之後朋友話要食牛扒，就諗起之前經過依間餐廳專門食熱石燒牛扒🐃佢同日本拉麵餐廳有啲相似，喺門口有部自助售賣機，選購左自己要嘅食物，之後再等店員安排入座每項食物已包括左沙律🥗日式湯🥣白飯🍚另外餐廳好貼心，有圍裙提供，咁就唔會彈到成件衫污糟曬✔️ #牛肩排 180G $80性價比高，切開之後色澤粉嫩，肉汁豐盈！多到瀉Tim鍾意食油花嘅人就啱晒啦，肉質不韌而且有肉味。✔️ #牛柳 200G $110相對上牛肉脂肪冇咁多，牛肉味濃郁，肉質嫩滑，充滿牛味，但不宜太熟。枱上更有岩鹽及黑椒調味，可供個人喜好加上，味道更有層次。

難得平日放假，約咗哥哥去荃灣睇戲，開場前佢帶咗我嚟呢間平民版石燒牛專門店。一入門口就係自動售賣機，有種喺日本點餐嘅感覺，幾有新鮮感，牛扒選擇都幾多，大概有六至七款，一點完餐將收據交俾店員就搞掂。餐枱上面有三種調味料，分別係粉紅色嘅喜馬拉雅鹽、黑胡椒同牛扒專用嘅香草。上菜嘅速度非常快，牛扒喺石板上傳嚟激烈嘅「唧唧」聲，牛扒上面蓋住一張廚房紙，防止油花四濺，相當細心，等到聲音開始收細，就可以拎開紙巾，享用我哋嘅午餐。我揀嘅牛柳相當巨型，四面已經煎封好，上面有小量炸蒜調味。另外用嘅石材都好特別，之前食過嘅石板牛一般都採用表面較為平滑嘅石材，而呢度用嘅係佈滿凹洞嘅火山石，煎嘅時候油份會流入凹洞之中，減少油膩感。牛柳上枱時太概只有一成熟，可以俾食客自己決定生熟程度，石板熱力散去之後亦可以要求店員更換，非常貼心。牛柳色澤嫩紅，入口肉質軟嫩多汁，而且份量頗大，性價比高。哥哥揀嘅牛肩排雖然尺寸較細，而且比較薄身，但勝在口感彈牙，而且牛味較鮮濃，我哋一致認為比牛柳更優質。除咗石板牛之外，沙律、白飯、牛肉湯、檸檬水都可以喺自助區自取，難怪哥哥咁推薦，因為一定唔怕食唔飽。牛肉湯質素亦唔錯，帶少少蕃茄嘅酸甜味

今日食既呢間位於荃灣既日式牛扒店一入門口就已經見到係好日式既裝修超有和室風既味道呢度既餐係先用自動販賣機買餐然後就乖乖等餐送到嚕我標題講既任食就係任食前菜, 湯同白飯!!唔好睇少呢D呀 係外面食分分鐘要加錢但呢度係完全自助MODE, 可以食到不要不要的牛扒係放係鐵板上面, 店員提醒我地如果鐵板唔夠熱可以換架以自助燒既方法黎食都幾特別我鐘意係7成熟既牛扒超好味, 外層燒到脆脆的, 入面好JUICY加埋飯食真係幾碗都食得落湯都唔錯 仲可以任飲!!! 一流

近年自助型式既鐵板牛扒大行其道，今日就去左荃灣食呢間牛極。自助型式既鐵板牛扒賣點就係食客可以自己控制牛扒既生熟程度，食客只需要喺自助點餐機落單之後，就等店員上菜。廚師會將只係一成熟既牛扒放上熱辣辣既鐵板，食客就自己再控制煮熟牛扒。今日就試左牛肩排同牛柳兩款價錢比較相宜既牛扒。牛肩排Top Blade Muscle(180g)($80)牛肩排相比牛扒既肉質無咁淋，比較有咬勁，但肉味相對濃郁。牛柳Tenderloin(200g)($110) 牛柳肉味雖然唔濃，但口感超軟熟。另外餐廳提供不同既調味料，食客可根據個人喜好添加。另外亦有飯、湯、沙律提供，全部都係任食，包你食到飽。我自己就最鍾意呢款自家製燒肉汁，有勁多芝麻，同牛肉好夾！

近年開了很多日式石板燒食肆，今次去這間"牛極", 是自助形式，先在門口購票，選擇自己要的牛扒，然後待店員安排入座便可。這裏有自助沙律吧，也有白飯、蕃茄牛肉湯任裝，餐具都是自助形式自取。要大讚番茄牛肉湯味道非常好，裏面材料豐富，有什菜之餘，還有牛肉粒粒，真材實料，味道超香濃，有蕃茄味微酸味，飲完很開胃。上菜速度超快，牛肩肉180g, 牛柳200g, 在熱石上見到油脂慢慢煎出來， 記得灑上調味料，有岩鹽、黑椒、烤牛肉香料三款已很足夠。根據自己喜歡的熟度在熱石上燒，我喜歡五成熟，不消一會已可以食。加了調味料後，岩鹽吊起牛肉鮮味，牛肉香料令到牛肉更加香，更加惹味。我喜歡吃牛柳，非常柔軟香滑的質感，而且五成熟，令肉汁更加多，又唔會覺得腥。牛肩肉超香牛肉味！肉質瘦一點和結實一點，喜歡吃有口感的人可選牛肩肉。總結是這裏食得很自在舒適，最抵食是可以任添白飯和非常美味的番茄牛肉湯！不過其實吃完也很夠飽，沙律已吃不下了。

Lunch去佐食牛呢間餐廳系全自助式，由點餐開始，有部自助售買機自己落單，自己搵位，啲位有啲逼。餐廳仲有飯，湯，沙律等免費任飲任食。叫佐兩份牛，牛肩排同牛柳。牛肩排-鮮嫩多汁，肉質厚實，點埋醬汁，不錯不錯。牛柳-嫩滑不韌，落啲黑椒簡直絶配。

冷風食石燒牛牛係其一牛選擇！牛肩排180g牛肩扒係最愛嘅牛肉部位，好厚得嚟嫩口，慢慢燒肉汁出嚟。鐵板上邊均勻受熱，唔會熟死一面。唔夠熱可以換返新，但我未試過要換。台面上有粉紅色喜馬拉雅山鹽、黑椒同少見bbq串用既孜然！牛柳 200g牛柳比牛肩排多軟，食落有林d。牙力少d，唔怕燒耐d！慢慢燒熟軟軟。醬料有蒜蓉、芝麻醬、自家燒汁同有辛辣汁。蒜蓉、芝麻醬係頭選，燒汁就似外面食烤肉咁。依間近街，特別通風。好多唔同嘅配料，沙律同白飯任食。日式蕃茄牛肉湯前菜。食完肉食柚子汁沙律，去膩去油。