牛扒先生 (新都會廣場) (已結業)

上星期六約友人去葵芳。原本想飲茶但太多人，所以改去牛扒先生。一到餐廳門口係的是日主菜餐牌（發現係半自助的）就決定去試試。一坐低。有個職員問我要唔要箱放背包。原來跌係地下。放好背包點左三個主菜。之後出去任食沙律吧。最先見到一款是日餐湯 之後有兩款麵包 但只分享給友人 及為其加上醋及欖油。之後到沙律吧取已調的南瓜沙律 雜菇沙律紅菜頭 凍肉 粟米及生菜。之後回坐位享用。主菜叫左意大利飯。煎牛扒7成熟 及另一併盤其中有雞扒 腸 牛扒及有殼帶子。意大利飯不過不失 併上的長腳蟹需然乾身。但未至於完全冇蟹肉。 牛扒是友人a 因爲太熟。所以我只試兩三口。但好乾 如果接受到生的。叫五成好了 。最後一碟分享是雜扒併，只可以形容都係好乾，雞扒係切唔到，好似油炸雞件的，腸反而最好食，其他可以接受。之後再出去自助吧取甜品及生果。最後享受餐茶就結賬離去。自助沙律甜品生果吧的生果，好似已經擺放好耐，所以其實我冇食。但見隔離枱的小朋友就好鐘意啫喱糖及泡芙。應該不錯吧！

星期五，難得約到好友一齊食飯，選擇一間較好的餐廳，喺葵芳選擇雖多，但人亦多。見到這間餐廳，做緊半自助餐，不用排隊等位，便選這間了。我們叫了三個餐，意粉味到OK但兩件牛扒比較‘鞋’身，不是太好。其他自助款式尚算OK，選擇較多，牛扒若再改善仍然可繼續幫襯

四處也有的MR.STEAK葵芳新都會也有晚餐有兩張餐牌其中一張主打龍蝦—「龍蝦生蠔半自助晚餐」鮮生蠔海鮮拼盤(鮮生蠔、海蝦、蜆、青口各二)實物沒有這裡那麼多，因為這是兩份來的海鮮很冰凍，十分衛生中間有些酸醬和檸檬沾海鮮法式芝士焗龍蝦配美國特級牛扒（五成熟）那塊牛扒跟下面—「美國薄西冷牛扒、法式胡椒風味」表面看上去近乎一模一樣大少也差不多不同的是這個套餐多了半邊龍蝦、頭盤和餐飲可選酒精龍蝦比想像中難切，很難肉報分離，可能不太新鮮的緣故而鉗的部份，必須使用手幫助吃但沒有濕紙巾提供朋友叫的美國薄西冷牛扒、法式胡椒風味（五成熟）另外，出面的沙津、甜品吧我就沒有拍照雖則出面沙津吧有十多款前菜如麻醬豆腐、菠蘿沙津等但選擇總是不甚吸引我只拿了很多次火腿之類的和沙津甜品吧方面，較為好一點有西瓜粒和蜜瓜粒都頗為清甜當中有個芒果布丁幾好吃其他甜品較為普通飲品方面，只有跟餐的紅酒一小杯若自助吧有汽水等任飲就更為佳。

星期一總是blue mood。為了調節心情，就來到牛扒先生吃個半自助午餐。半自助餐的形式是自選主菜，但沙律甜品則是自助形式。點好主菜後，筆者已急不及待取沙律了。自助沙律吧提供的種類頗多，有餐湯、凍肉盤、蔬菜沙律⋯⋯等。筆者拿了圖中的食物，整體質素不錯，略嫌啫喱糖質感較硬。不過，筆者取食物時，發現甜品位有小蒼蠅。牠們正與食物做親密接觸。希望餐廳方面可多加注意衛生。筆者對於碟子的size有點驚訝，有點過大了吧。食物舖排亦有少許隨便。鱈魚扒鮮味欠奉，似是雪藏貨色。醬汁不太吃出蟹肉味，只有濃濃的忌廉香。總體來說，因為在同場其他食肆消費也偏高，$130多元有個半自助餐午膳也頗吸引的。

難得老公今日接放工，咁就屈佢食餐好嘅之前試過沙田果間Mr. Steak，好懷念佢半自助餐嘅豬扒同埋沙律吧，所以近近地嚟葵芳呢間Mr. Steak啦，諗住都係一樣啫～ 唔知係咪每間嘅菜單都唔一樣，無咗我原本試過好好味嘅豬扒，所以今次轉咗蜜糖芥末醬嘅豬柳～ 望落好似好鞋，但原來又唔會喎，又幾好味～老公叫咗個牛柳，好厚身，唔鞋口本來係最想試沙律吧先，但因為扒先到，所以食完扒先再出去夾沙律～沙律吧有煙鴨胸沙律、薯仔沙律、紅菜頭沙律、長通粉沙律等等～ 湯係好有菇味好磨菇濃湯 其實我最鐘意食甜品，有朱古力蛋糕、抹茶蛋糕、啫喱糖，蘋果金寶呢個堅好味～香煎牛柳蜜糖芥末醬豬柳扒香濃蘑菇湯甜品蜜桃煙鴨胸沙律

It was there and I have dinner. It was semi buffet with main course. We order, chicken, steak, lobster linguini, carbonara. All food was good and quality it above the average, what was really worst and unacceptable was the service. Nobody come to take order and it was impossible order even water to drink. Buffet ok but less quality the menu alla cart. Please improve the service because the restaurant need it!

今晚入葵芳食飯，間間食店攞飛等位都耐，唯獨是這間餐廳等的時間比較短，而且眼見係半自助餐，於是就攞飛等，大約二十分鐘左右就有位。半自助晚餐係叫一個主菜，其餘的沙律，湯，生果，甜品等等就出去指定範圍取。但，注意一點係取食物地方不是好大，我覺得係預咗。首先我哋二人，點了二個主菜。第一個主菜，迷迭香檸檬燒春雞，賣相幾好，鷄肉就比較老一點。第二個主菜，煙肉野菌忌廉寛條麵，眼見幾好味，不過，真心講，乜咁細碟嘅，三啖就無喇，而且味道就……😲可能上了年紀的人會比較喜歡。自助沙律，甜點等等✨不過，如果你考慮到這間餐廳食飯，就有兩點注意：第一點，就係有啲位走廊比較窄，容易比汁或水整污糟件衫。因為，當晚眼見有一枱食客的衣服，比啲嘢整污糟。最後，眼見餐廳係買一件新衫作賠償😱😱😱。都幾特別的賠償，如果個客著件皮草，咁咪🤭🤭🤣🤣🤣第二點，自備＂水＂。你們沒有睇錯，當時要求加水，第一位服務員說＂好＂，等了十五分鐘，就聽到一位黑色恤衫的人用對講機同職員講：邊個客叫加水就話＂無水＂😳😳😳之後職員去買水😰😰😰乜間餐廳連水都無做存貨😨😨😨比較特別😓😓😓綜合以上兩點，我覺得廚房幾用心做好的食物給客，餐廳裏的服務人員是這様，真

看完戲之後，與家人經過牛扒先生，望到門口的Menu , 有個好吸引的半自助晚餐（HKD 288 +1) , 有任食沙律及甜品，有海鮮冷盤，主菜芝土龍蝦配牛扒或豬扒或海蝦意大粉，餐飲可選紅酒或白酒。冷盤有蝦 ，青口，生蠔 及蜆（蝦是爽滑鮮甜，青口有鮮味，生蠔肉質肥美嫩滑爽脆，有啖啖的海水味，蜆是鮮甜，整體來說是美味）主菜 ：我們選了 芝士焗龍蝦配牛扒 （ 芝土焗龍蝦，重芝士味 ，龍蝦不夠入味同肉質是韌，牛扒巳是七成熟，但都是好韌，肉味不夠香濃）,另一個配豬扒 （豬扒韌到，咬都咬唔開 ，唔好味）

同老公去葵涌商場買衫掃街之後，就去商場搵個餐廳搵個位坐下！咁岩見到Mr steak有半自助餐，睇相好吸引咁，一於入去試下啦有唔同既set，如果沙律巴配dinner set就158起，但就咁食沙律巴只係$118，真係已經好夠飽！沙律巴好多野食有湯，有生果，有薯仔，有甜品我覺得最好食就係凍木瓜，真係好鮮甜而甜品都有好多款色，豆腐花就最好味，好滑，好似自己磨既咁！反而我老公叫呢份牛排就有d失望以為Me steak既牛會好食d但係都係好一般味道較濃，牛排6成熟但係煮到好似7,8成咁如果比我揀，我會就咁食沙律巴，其實已經好夠飽呢個半自助餐真係好岩想減肥又想食buffet既我呢食沙律食多多都無咁大罪惡感

當天的午餐 , 落腳於 葵芳 - 新都會廣場 的 牛扒先生 Mr Steak Bar & Grill ~Lunch Menu ~我點了 半自助午餐 , 這個半自助午餐包括 : 自助沙律吧、精選餐湯、主菜、甜品吧、餐飲 ~ 自助沙律吧、甜品吧 , 是連接著 , 所以很方便 ~ 沙律有很多選擇 , 我比較喜歡吃 燒南瓜沙律、紅菜頭沙律、雜菌沙律 , 此外帶有東方色彩的木瓜沙律也十分好吃 , 這些沙律 叫人越吃越開胃 ~ 當日的餐湯是 蘭度豆湯 , 味道酸酸甜甜 , 又是很開胃的 ~ 澳洲肉眼扒 $ 178 : 外觀不錯 , 我點的熟度是 medium rare , 但切起來一看 , 竟然是有七成熟的 , 我並沒有要求換過一件 , 照單全收就是了 , 幸好肉味還不錯 , 吃起上來不是太靱 , 只是筆者認為廚師應當把煮牛扒的技巧掌握得好些 , 因為這店叫 "牛扒先生 Mr. Steak" ~ 最後以一杯 凍檸茶 (少甜) 作結尾 ~本篇完 ~

今日晏晝約咗朋友喺新都會廣場 shopping ，呢個商場重新規劃後，確實有耳目一新的感覺 ，有些新店舖亦進註呢個商場！位於4樓這間 Mr.Steak 印像中不過不失，今日除咗想食主菜外，更加想食一些餐前小食，想起這間lunch 會有半自助食物供應，包括有餐湯餐包、水果如西瓜、精緻嘅甜品、啫喱、沙律、火腿等等等等……總之開胃餐前小食通通都有齊。今天我選了一款大蝦串拼牛扒拼雞扒拼腸仔嘅set lunch 餐前除咗飲餐湯之外，仲拿了一大碟西瓜粒，講真食物水準，確比以前改善！上枱嘅時候主菜係熱辣辣的，牛扒雖然細細塊 ，但肉味及肉質都尚算不錯，這個mix 絕對適合我樣樣都想試下嘅心態， 而價錢都算係相當之合理！

本文標題已道明左一切！Mr.Steak真係好啱一啲好中意食沙律嘅朋友，晚餐時段沙律吧同甜品吧係自助的，有唔同嘅蔬菜，南瓜、蘑菇、麵包、西式湯，任君選擇。再加menu上嘅主菜，有pasta、牛排、豬、燒春雞比你揀，跟番主菜價錢，跟餐再有杯指定蜜桃茶，如果轉飲咖啡或茶就再加錢。今次揀左燒春雞，佢一開二咁上，伴碟嘅翠肉瓜十分爽脆，隻雞燒得唔錯，不過雞胸部份都係有啲乾，雞比位就十分嫩滑juicy。超中意沙律嘅我，忍唔住食左幾轉！佢嘅甜品喺buffet黎講都算係幾出色，細細件可以試晒不同口味！

朋友時有提記這餐廳，今日咁啱經過又給店內環境吸引決定一試。餐廳裝潢有格調但枱與枱之間較迫。半自助餐主菜選擇多。是日餐湯為什菜湯，幾淡味。麵包質地不錯可惜凍且硬🙄沙律款式同味道都好一般。主菜點了迷迭香檸檬燒春雞$178。賣相非常吸引好有睇頭😍。可惜..... 整隻雞包括雞肶都十分嚡口，令人失望🤦🏻‍♀️甜品及特飲。。。入座計限時90分鐘侍應即自動送上帳單，雖然唔算貴，但以此質素個人覺得回頭指數 = 零😑

今晚準時收工到達葵芳, 要知道於假日前在新都會廣場搵位食飯確非易事。 難得見到牛扒先生人龍不太長, 所以孤注一擲叫老公9秒9衝去取籌輪候, 最終等了20分鐘, 終於埋位入座喇。晚餐以半自助餐形式, 可以無限自助任食沙律前菜小食, 有熱湯有甜品。首先, 先送上一杯檸檬蜜桃茶, 但溫度偏溫, 不冷又不熱。前菜款式有10多款, 主要以沙律為主。是次小妹取了吞拿魚沙律, 螺肉, 雜菇沙律, 蕃茄, 火腿等。味道可以, 雖沒驚為天人的味道, 但食材亦算新鮮可口, 而且款式多元化, 適合不同需要的朋友。百利香香蒜烤帶骨羊鞍扒小妹一如以往叫左5成熟。賣相唔錯, 可惜略嫌over-cooked, 肉質偏硬, 幸好味道調味出色, 全無羊羶味。最後, 甜品時間到了。其中一定推介, 就是白色既明月冰卷喇。此卷只應天上有, 人間能得幾回聞。太美味了, 外皮煙韌, 再以紅荳蓉裹住黃荳蓉, 味道一絕, 如果冰卷能夠冷凍後即食, 相信味道一定能更上一層樓。飽飯一頓, 雖主菜未有驚喜表現, 但甜品亦挽回不少分數,既飽肚又滿足。惟餐廳每日供應之甜品有機會不盡相同, 如要有緣碰見冰卷小姐, 則要碰碰運氣喇。

復活節過後，辛勞工作了兩天，清明前夕，當然要與老婆吃餐好。今晚就決定去Mr. Steak食好西。Mr. Steak是半自助晚餐，前台擺放了各款餐湯、麵包、沙律、火腿、甜品，全部任食，食正餐前，先來一碟開胃沙律。頭盤沙律不必吃太多，記得留肚食主菜，主菜都有13款選擇，主要有意粉、石斑魚、牛扒、豬扒、燒雞、羊鞍等等。今晚我點了【煎焗石斑柳伴香菜芒果莎莎】，石斑肉煎得不錯，肉質尚算嫩口，配上醬汁，十分可口，伴碟的薯塊焗得金黃，加了少許鹽巴，吃起來相當香口。論賣相與味道，都得分。老婆大人則點了【百里香香蒜烤帶骨羊鞍扒】，羊鞍點了半生熟，我試了一塊，略為失望，因為不算半生，似Well Done。香蒜焗得有點燒焦，入口有苦澀，整體失分。食完主菜，最後來個甜品，都是在前台自取，款式不算太特別，主要都是啫喱、泡芙、蛋糕、布甸、冰卷、豆腐花之類。味道不過不失，最愛就是豆腐花，香滑嫩口，不過只有凍食。食完這麼豐富的晚餐，臨別前飲杯熱蜜桃茶，感覺十分舒暢。為我辛勞的一天劃上完滿的句號。