牛扒先生 (新都會廣場) (已結業)

so so happy for the last year had dinner here before my son bond. Now bring my son and wife again having nice dinner.The service is good as they give us 4 ppls table and let my baby car put next with us.Food are good as well. Keep good standard.Stake and pasta also good. So happy having dinner here.

專提供半自助餐🤗裝修都幾有風格，綿羊特別鍾意葵芳呢間🙈----------半自助晚餐用餐時間為90分鐘，餐包、餐湯、沙律、甜品任飲任食，主菜由$165到$298都有🙂另外包一杯指定飲品，想額外再嗌就要加錢啦🙋清水係可以免費提供既😉美國堪薩斯醬烤豬肋排 $198份量都幾多嫁，有10條骨👐不過肉就薄左啲，有唔少肥膏🐷味道方面，主要就係覺得鹹味唔係好夠，不論肉定薯菜都可以再加多啲鹽😂精選雜扒拼盤 $268拼盤有安格斯牛扒、羊鞍扒、香草燒雞、昆布蘭腸💁燒雞略嫌唔夠滑，其他都表現平穩，調味同香草可以落多啲😅任食吧檯最推介係木瓜沙律(超甜😍)、薯仔沙律同埋泡芙👍----------午餐仲抵食，$200樓下就有得食semi-buffet😃*設加一服務費

一行十人訂了晚上八點，等了大約十分鐘就有位今次全部人都係食龍蝦牛扒餐！每次黎都最鍾意食任食頭盤，餐湯好飲！餐包都唔錯！沙律多選擇，但今晚無紅菜頭！有少少失望，唔知係咪今日星期五比較多人又夜咗少少呢？不過佢其實嘅沙律都好好味！但係千島醬好快就已經俾人拎晒，有朋友食第二輪的時候已經無得加了！依個餐包海鮮拼盤，每人每款兩隻！以上係二人份！生蠔新鮮好食青口同蜆都算大隻蝦又大又鮮甜主菜係龍蝦牛扒我果碟塊牛扒唔靚又斷開兩舊！但有朋友的是完整一大塊！好明顯質素不平均！甜品沒有影相，個Apple crumble好好食！又熱又脆！ 就算勁飽都要食！

話說甘岩係葵芳，一班人又吾知食咩好，見到間餐廳幾有feel喎，就行入去啦！入到去先知係Mr. steak..入到去先知原來係自助餐每個餐本身都有個main course既，叫完就可以出去拎沙律同甜品啦！黎到Mr.Steak梗係叫牛扒啦！都幾Juicy呀！沙律方面都比想像中多款呀！由於係閒日，比較少人！感覺很享受呢！有MainCourse又可以住食沙律同甜品，價錢很合理呀！會再來吃的！

今晚想据扒，朋友推薦牛扒先生，於是去試試。原來唔止牛扒，仲係半自助餐形式可以食唔同既野，又幾好喎。自助區係沙律吧，拎左啲薯蓉，蔬菜。留返個肚食主角，牛扒叫左西冷牛扒5成熟，上面個汁有啲蘑菇，幾fresh size 都算大塊，差啲食唔哂。可惜牛扒整得太乾，有啲難咬，唔夠肉汁，有少牛味。不過就失望左少少

身為自僱人仕，最好的好處莫過於可以自由決定午飯時間，避開人多的時段，在忙碌的工作中也不忘好好享用一頓豐富午餐！選擇了葵芳新都會廣場的牛扒先生，之前朋友介紹過，說這裡的半自助午餐非常超值，今天就來試一下。到達時還未開始，門外大約有十幾人在排隊，午餐時段12:00開始，職員立即安排入座，只等待了大約5分鐘左右。半自助午餐餐牌，選擇不算多，打算點個魚柳，可惜職員說今天魚柳及海蝦薄餅都沒有，唯有點了尖通粉及牛扒。自助沙律吧有大約十款沙律，冷盤，餐湯，麵包，醬料等，而甜品吧就在沙律吧旁邊。冷盤也有幾款不同的火腿，擺設整齊得體。選擇了幾款沙律及火腿，當中必定推介南瓜沙律，不知加了甚麼調味料，除了南瓜本身的清甜，入口更傳出淡淡的清香。其他沙律也很新鮮，味道沒太大的驚喜，但仍屬於中上的質素。主菜︰紐西蘭青口龍蝦忌廉汁尖通粉，龍蝦汁味道濃郁，醬汁不會太少，長通粉略嫌有點硬身，整體來說不錯。主菜︰美國薄西冷牛扒．芥茉籽紅酒汁，牛扒配紅酒汁，算是西餐料理中的經典做法吧，味道也是經典的味道。午餐牛扒沒有提供生熟程度的選擇，一律是大約七成熟左右，牛扒不太生，也不太靭，恰到好處。最後當然是甜品了，甜品吧有十多款甜

今日放假約咗我的最愛行街、睇戲同食飯。睇完戲又係揾嘢食的時候，位於新都會廣場四樓牛扒先生有半自助餐，等左一輪終於有位。餐牌有：蟹肉法包、帶子香草通粉、烤雞、西冷牛扒、烤豬柳、炸魚拼薯條及澳洲肉眼扒，價錢由$88-$178。最後揀咗帶子香草通粉同英國烤豬柳配黑醋烤蜜桃。點完餐要出動，外出放著有南瓜湯👍🏻同麵包以及不同種類的沙律：有水牛芝士蕃茄青蘋果火腿沙律南瓜沙律超好味青瓜蟹柳沙律、香草燒雜菜沙律、粟米沙律、咖哩薯仔沙律、燒野菌沙律，還有擺得好靚的雜肉拼盤淨係食沙律都已經飽。至於主菜帶子香草通粉都煑得好好味，但帶子得兩粒真係太少另一份烤豬柳肉質好淋，淋上黑醋酸酸地都好飯後甜品有豆腐花、細細粒的蛋糕及芝士餅。價錢都算抵食，下次可以再試

開頭無咩人一到LUNCH時間就非常熱鬧沙律吧好豐富包羅萬有而且非常新鮮我地選擇靠落地玻璃所以環境幾好而且服務態度不錯甜品+水果甜品算可以味道不錯而且都有幾款選擇水果就唔係好多款不過份量少左職員會即刻REFILL冷盤肉都好新鮮而且份量好多老公覺得D淹物好好食番兜幾轉我點左煙三文魚包 其實食完沙律同甜品都已經半成飽肚再上埋主菜可以搭埋杯咖啡慢慢嘆呢個扒係最貴的味道不錯而且還有肉味又夠JUICE老公飲左幾轉🎃湯好好味連啊仔都係咁飲唔停口超級CREAM呢個值得一試

經朋友推薦，今日一行6位同事去食牛扒先生，由於提早訂位，在門口等左五分鐘度就安排入坐。人多可以share到吾同既主菜，加上本身晚餐半自助任食包沙律甜品吧，特色飲品。餐牌內最平係150至300既價錢，我地點左依6款主菜：帆立貝龍蝦汁意大利扁麵  hkd178普羅旺斯香草燒雞 hkd 195美國堪薩斯醬烤豬肋排 hkd 198香煎是日精選魚柳配黑松露意大利飯 hkd 205烤英國豬柳扒配焦糖蒜籽汁 hkd21810安士特級安格斯西冷扒，法式野菌忌廉汁 hkd 278 (我地轉左要紅酒汁）依6款主菜，我覺得意大利麵同烤雞比較遜色。魚柳意大利飯幾有驚喜，啲汁好入味，魚柳好滑。沙律吧既款式都算選擇多，啲野食都放得幾有條理。當日星期五人雖多，但係客人也排隊拎野食，店員也會不停添地食物。食過主菜後，甜品吧也有不少選擇，apple crumble，綠茶芝士餅好值得一推。整體來說，平均每人200多可以食到半自助buffet算吾錯。但要留意用餐時間限制，但慶幸我地book8點30，過左鐘都沒人趕我地埋單。

Enjoy the semi lunch buffet of mr. Steak. There are a lot of choices of salad and dessert. I particularly like the pumpkin salad. The sauce is creamy Desserts are okay but not many of them are really delicious.At this price, I am happy with the taste and choices.

葵芳牛扒先生嘅裝修得好靚，而且座得好舒服下。餐廳係半自助形式，沙律、甜品、餐湯都係任食，選擇都算多。6安士美國安格斯薄西冷牛扒配乾蔥紅酒汁個名水蛇春咁長😂睇落唔錯，食落唔掂，牛扒好靭香煎是日精選魚柳配黑松露意大利飯魚柳似蒸熟一樣，唔覺得有煎過，而且魚肉有啲腥，魚肉仲好嚡，好彩個飯仲食得下美國堪薩斯醬烤豬肋排豬肋排肉好腍但無味，一定要點跟餐嘅醬汁先得主菜價錢唔算貴，不過主菜無樣好食，要食甜品和沙律先夠飽，如果係咁就一啲都唔掋食有靚環境都要有好食嘅食物先做得長久，希望貴公司改善下食物味道。

今晚想食半自助餐因為book唔到銅鑼灣既sky Bar 所以就搵左呢間牛扒先生開頭都唔明佢點解要我哋六點半一定要到達 去到就知道喇，因為原來每set時間食個半鐘即 18:30 - 20:00，食半自助餐來說真的有點趕所以印像已經大打折扣主菜我揀咗燒春雞，老婆揀咗豬手之後就睇佢自助餐的位置 今日嘅餐湯係洋蔥湯 洋蔥湯做得很 一般 ，湯味有少少似日本甜豉油嘅味道，太甜。 但那個餐包非常好食，是香草餐包而冷盤沙律方面沙律菜好食， 南瓜好食， 豆角有啲老 番茄普普通通 ，青瓜普普通通 粟米非常之柴皮， Cold cut 非常普通 薯仔沙律好食 普遍沙律感覺有點粗製濫造感覺最有趣嘅係喺凍肉盤上面俾我發現到一粒仔parma ham嘅屍骸 即係佢之前係擺過parma ham出嚟但係冇曬之後就從來冇refill但必須讚讚他的主菜燒雞做得非常之嫩滑只係醬汁不夠 吃到雞胸部份有點乾 而配菜 做得非常好， 薯蓉也非常好食老婆的豬手也非常好吃煙煙韌韌甜品來說也略有一點驚喜綠茶撻做得不錯，apple crumble做得不錯 連最基本的芒果布甸也做得非常好 有一個咖啡蛋糕也好吃 其他則普普通通埋單 500蚊 上次

想食呢間　semi buffet 好耐了，但次次都好多人排隊，今個星期撞岩老闆旅行，可以早少少蛇出去。見到呢個餐牌最吸引當然牛啦！雖然牛有點貴，但都阻擋吾到我對牛既熱情！見到個沙律吧經已好興𡚒，好多選擇，又排得靚，除左菜，餐湯，面包，日式螺肉，芝麻醬豆腐﹠火腿。我本身好喜歡蘑菇湯，無論　creamy 定呢種好杰既都喜歡。呢隻就係好濃蘑菇那種，味道剛剛好！主菜到，個蟹肉芝士焗法包，我就吃不到蟹肉，係有Ｄ白汁既焗包　only!魚柳好細塊，薯條好像早已炸定，好林了牛扒雖然叫薄切，但都很厚，大舊，只可惜他們只做7成，略嫌過熟！甜品既朱古力蛋糕很好吃，好濃朱古力味！但不常　refill, 有兩次都只見吉盤

之前成日聽人講，話mr steak lunch buffet 好底食🤔， 今日，我終於約朋友去一試。好彩我有訂位，原來都幾咁多人，門口全部都係人。。。由於我地已經訂位，所以一到就有職員安排入坐👏🏻👏🏻👏🏻一坐底，我地就出去攞沙律，今日有洋葱湯，正呀，好多洋蔥，滿滿的，好開心呀！😆不過，麵包就有d凍同硬，如果可以熱返d就更好味了！😋😋😋由於我地都係減肥一族，所以就咁用$88買一個自助沙律吧，已經好夠飽了😁！沙律有好多選擇，我最中意木瓜沙律，真係好甜，好多汁呀！甜品有幾款cheesecake, 又有豆腐花今日lunch真係好滿足😍😍😍

當天慶祝其中一位朋友生日，由於我們大小合共12人，當中有1位bb及2位3-4歲小朋友，職員很細安排卡位給我們坐，職員又替我們安排bb車於門口位置收納好。限時90分鐘半自助晚餐，食物包括自助沙律吧、餐飽、餐湯、主菜、水果、火腿、甜品及一杯蜜桃茶等等，如蜜桃茶不合口味，餐廳方面亦推出可以優惠價錢，額外加$8享用其他飲品。主菜方面，我試了美國安格斯優級肉眼扒$298。而朋友們則按自己喜好各自選擇自己喜歡的主菜。甜品方面，有啫喱、蛋糕及木桶豆腐等等，小朋友們都食得好津津有味。