牛扒先生 (德福廣場2期)

营业中

休息中

九龍灣mr steak 多米龍蝦牛扒餐買一送一 上次食過幾好味再encore 可惜第二次食冇咁好食囉 有卡位坐舒服 498加一兩位用又有酒係幾低食既 服務幾好 不過好似已冇做啦

又食生日飯，行過見到mr。steak 個套餐好似幾抵食！就衝左入去喇！$498加1 有兩個set dinner。座位闊落，沙發舒適。餐飲可以揀白酒，紅酒，橙汁或蘋果汁頭盤有海螺，青口和生蠔。但因為我地唔食生蠔，著侍應幫我地轉其他，然後佢好似轉左多一隻青口，不過唔同品種，食落口感唔一樣，一款偏白色既軟身d，另一款深色既就爽口d，但一樣新鮮好味。不過menu寫有蝦架喎，説好的蝦呢？蘇格蘭煙三文魚凱撒沙律，菜新鮮，但太細份喇！千邑龍蝦湯，有d腥，蝦得半邊細細隻終於到主菜，我地一人叫一款，就可以試晒兩款喇。淨係睇個賣相，都已經流晒口水喇。龍蝦配小牛扒，牛扒自己揀幾成熟，我揀左七成，煎得好香，好juicy，個汁調得好好味，加左d醋好開胃，以薯泥墊底。龍蝦帶子天使麵我好似第一次食天使麵，個樣好似意粉，本人唔係幾好意粉，所以無太大期望。但原來天使麵同意粉係完全兩回事，麵質好爽口彈牙，頭先個牛既汁係咸既，呢個個蕃茄汁就係甜既。至於龍蝦，可能煮耐左少少，肉質差左少少，唔夠幼嫩，不過都係爽口好味。但如果有得揀，我會揀食牛扒多過龍蝦，果然mr.steak，都係d steak好食d。甜品本來想加錢食心太軟品同

朋友仔就快生日,諗起Mr Steak既set dinner唔錯, 就book左即晚檯, 用餐時間1.5小時 . 咁我講埋dessert寫埋'happy birthday, xxx' 我地準時到達, 到門口店員問哪位訂檯,我示意係我, 然後同我對生日朋友既名.入座安排我地坐卡位,夠哂闊落~ Set dinner包括有starter,main course,dessert, coffee or tea . 每個item都幾多選擇. 最後starter揀左法式焗田螺配薯蓉, 海鮮酥盒, main course 揀左芝士焗紅酒牛肉意大利麵, 雜扒拼盆 . 另外加左半打生蠔 . 海鮮酥盒一般,汁多~ 芝士焗紅酒牛肉意大利麵, 大碟, 牛肉唔會焗得乾硬都唔錯雜扒拼盆 有安格斯牛扒,羊扒, 燒雞, 腸. 食完主菜揀甜品啦 , 我地揀左creme brulee 同埋 chef's daily dessert,問過係blueberry green tea cake ~ 甜品到啦~ 先上生日朋友果份, 店員叫佢個名然後happy birthday , 佢都嚇一嚇呆左兩秒呀, 哈哈~ 雖然話限時個半鐘,但無

Mr steak 給予感覺是吃牛排的地方，沒想到其他食品都可以有些分店是有semi buffet 的，換句話說有salad bar，小小的頭盆可供選擇。不過今次去了德福廣場的分店，就不見有這樣安排，真掃興啊晚餐都算是多選擇，豬、牛、羊、心知生蠔都有，這也是出人意料之外的好味肉夠厚而且頗新鮮，又夠凍，叫了一打都不夠啊另一推介就是羊扒，連不吃羊的朋友都話好味，不是太重羊味，她都連吃兩件不得不提就是香草扁意粉，醬汁味濃厚，意粉口感適中，不太硬亦不會林，最適合我鍾意食意粉的人不過服務人員態度就一般了

一直都留意到德幅有Mr. Steak但之前唔知道午餐係半自助形式所以一直怕唔夠飽既我都無光顧今日行過留意到餐牌, 特意問店員原來沙津吧係任拎咁就入去試一試我同女伴都揀左特選肉眼排, 牛排由點餐到上枱差唔多要半小時其實真係幾耐, 但中間時間慢慢係沙津吧食下野就好快過牛排燒得非常靚而沙律吧款式都幾多, 當中我最鍾意食薯仔沙津、腸仔、各種火腿、 cold cut meet、鴨胸同埋沙津意粉等，整體味道都合格!我作為大食男士, 有任食沙津吧係好重要, 因為只食牛排會唔飽但甜品款式略少, 面包布丁好食! 但好快就無晒, 觀察到應該無再fill過, 想食就要早D拎定番位了!每人連加一都不用200蚊, 我覺得非常抵食! 會再去光顧!

大家都被買一送一龍蝦餐吸引左入去試下，點知完全中伏，龍蝦只有少少咸味，帶子天使麵個帶子係好大粒，但真係完全完全無味，海鮮盤都係無海鮮味，牛扒尚可以，但以牛扒為主的餐廳，呢個牛扒就非常一般了，開心豬排好"鞋", 龍蝦湯算係最有味道的一味。最後，甜品，藍莓綠茶蛋糕可以完全無以上兩種味道的，咖啡布丁就算係幾好，凍檸茶仲正，茶架半片檸檬，之後要自己加檸檬酸，加糖水。。。以前一直好鍾意呢間餐廳，好可惜今晚我地幾個都好失望，希望好好改善下。。。

8點左右同朋友去食晚飯本身打算食慢煮雞卷蘑菇飯但賣曬就轉咗個意粉朋友就叫咗個7成熟牛扒叫咗個套餐惡夢嘅開始前菜勁伏前菜個麵包凍嘅同石頭無咩分別個味同個田螺薯蓉一樣田螺薯蓉暖嘅🌚啲蕃茄味蓋過曬啲田螺同薯蓉最嬲係 八點幾落單九點三個意粉都未黎🤷🏻‍♀️（我朋友連個牛扒都食曬）追單追三次唔到我係到寫食評都唔幫我追不過牛扒同甜品係好食嘅個牛愈食愈咸但對比前菜 已經係最好意粉就👋🏻啲忌廉味太重 重到蓋過曬個煙肉同蘑菇味未試過食到咁嬲真心無下次

叫了兩份火焰西冷牛扒，一份要7成熟，一份要5成熟。兩份同時來到，侍應放下就走。問另一高級的侍應，那一份才是7成及5成。回答是，火焰西冷的煮法是5至7成熟，無需要分。即時無語！ 如是這樣，下單時為何不說清楚！當切開兩份西冷，一份真的是7成熟(一面熟了大半，另一面只得表皮熟)，另一份真的是5成熟(兩面都是表皮熟)。是我不懂食牛扒，還是他們鐘意說是多小成熟便多小成熟呢!?2佰多元一份牛扒，雖然不可要求太多，但都不要當我儍仔吧！下次，他們可能說他們的牛扒，煮法是2至10成熟，無敵煮法！

老品牌餐廳不斷創新，味道質素保持水準，就算長期爆滿都值得再去我無去食已經好耐，因為九龍灣的餐廳出晒名爆場，你唔早２個禮拜前訂枱就根本無得去。今次有朋友訂症就重略舊地啦~

終於捱到星期五，放工約埋老細去鬆一鬆，路過德福就落車揾食，大耐無嚟唔知食乜，最好都係行去二期。望住個水牌，本來老細話要食中菜（其實已經日日食），點知老細一見到Mr. Steak就話要食牛扒，所以突然轉軚去做西人。七點上下都唔多人，直入闊落卡位，服務員親切有禮，餐牌選擇亦多，本來點完菜想叫埋甜品，好彩老細英明，如果唔係實爆肚收場。🙈😁😂餐牌上選多選擇，不過頭盤係包括埋湯同沙律。總結：食物質素高，非常滿意，翻兜指數100%

話說今日母親節，媽媽想食扒。因為德福和淘大得返這間餐廳有扒食，所以迫於無奈來了，否則一定去Ruby Tuesday (搬去mega box了)，咁就唔使食到一肚氣。呢度星期六日是食半自助餐的。自助沙律吧+甜品吧再加一款主食。其實沙律吧選擇至少有10款，食幾多拎幾多，味道同品質唔錯，至少算新鮮。但唔好以為有cold cut 肉類，我見到只有牛餐肉同低級熟火腿。我和媽媽都無食過，只是吃了沙律。主菜媽媽揀了西冷牛扒$188西冷牛好大塊，揀了7成熟，牛扒無牛味，肉質過'鞋'，五成熟比較好。可惜媽媽食左3份1已經唔想食，佢話無味好難食。薯蓉同伴菜都差到爆，西蘭花黃色，煮到過哂時。我揀了龍蝦拼安格斯牛$208安格斯牛揀左3成熟，但比想像中熟左少少，肉質比較多脂肪，食落口還可以，但一樣沒有牛味。伴碟的汁唔夠味，要另外加鹽。龍蝦大隻但唔新鮮，肉是'梅'的，失敗。我寧願你換隻大蝦俾我仲好啦！甜品有幾款，只有雞蛋布丁好食，其他一般。埋單同服務員講想打包個西冷牛扒走，但服務員就拒絕。其實我係唔想浪費食物啫，我地又唔係要拎走沙律同甜品吧的食物。我都有俾錢食個主菜（最貴的2款），我覺得這個要求唔過份，好想問俾左

無意中發現呢間餐廳，平日冇咩人，一到去第一個感覺招呼真係唔錯，食了買一送一餐。食物水準都OK嘅比預期中好，食完一餐感覺覺得成個過程都舒服，最後覺得好飽。兩個人咁嘅價好抵，會再去！

德福其實都算多野食，第一次食Mr. Steak, 睇佢門面，食物應該吾會好差，午餐叫左一個豬扒餐，一個肉眼餐，以為佢打正期號叫Mr.Steak ，難食極有限，點知真的難食，豬扒又乾又冇味！牛扒⋯⋯睇個樣就知，吾洗多講，好彩個自助沙律多選擇，唯有食沙律填飽肚，甜品都有啲求其，真係寧願你比杯啫喱我就算！仲有個香草蕃咖餐包，放喺枱比客任攞，但就比冷氣抽到乾晒，你不如比番個牛油餐包，叮一叮，吾會阻你好多時間啫，豬扒收138，個牛扒餐收$168，真係冇下次！

當一部戲紅起上黎, 真係擋都擋唔住!!! 全地熱話beauty & the beast 終於上晝, 男人幾經辛苦終於買到係九龍灣買到飛~ 睇完戲之後發現原來德福搞緊d商場活動~keep返張戲飛去指定既餐廳食野可以有special offer~簡下簡下男人話想食牛~所以就去左mr steak~ 去到再知道原來九龍灣mr steak仲為左依個活動出左一個limited既menu~ 咁就真係要試下~首先上既係沙律~ 平時見到d菜通常都係得個一兩隻色, 今次就因為有花既關係, 另到個菜變得好colorful~ 佢配左紅菜頭黑醋醬係個底, 令到個沙律一d都唔dry~ 唔錯~之後就到個湯~鮮百合蟹肉忌廉湯umum....老實說....飲落係真係有一舊舊仔蟹肉的~ 但味道方面真係有d淡....... 落左小小黑椒叫做好小小.......之後再等左大概5-8分鐘< 主菜終於上喇可能近排真係食得太多牛, 見到佢menu有鴨胸就簡左佢喇~ 佢個名叫"桂花糖慢煮法國鴨胸伴鮮無花果"係桂花糖方面, 其實唔係好食到~但佢既鴨胸真係幾好味, 佢個皮係有小小煎到小小脆, 同時係表面同肉中間有小小肥膏, 因為

之前食過mr.steak的buffet覺得很不錯，同朋友係商場shopping 完搵飯吃，見到呢間同集團的牛扒先生，就決定試一試佢的西餐喇。Set menu dinner, 有好幾個choice都好似幾岩食咁，我同朋友決定叫左Caesar salad 同芒果海蝦沙拉（掛住食唔記得影相），Caesar salad 正常味道，但芒果海蝦沙拉好嘛嘛，蝦細隻又不新鮮，好少芒果粒再加上冇乜味的芒果醬，我個人不喜歡這個salad。Main course 我地分別嗌左磯燒鮑魚帶子燴野菌意大利飯和蜜糖芥末子烤美國黑豚扒。磯燒鮑魚帶子燴野菌意大利飯 - 鮑魚和帶子味道不錯，但意大利飯沒什麼味道，只有很重的忌廉味，失望蜜糖芥末子烤美國黑豚扒 - 黑豚扒非常厚切，肉質乜算「林」，但上面的蜜糖芥末子又厚又甜，同個豬扒好唔夾，我食既時候要不斷撥走佢地最後甜品叫左朱古力曲奇芝士餅和cream brûlée, 也是沒有驚喜。我地仲加多左兩杯house wine, 埋單要差不多500蚊，以呢個質素，下次都係食返佢個buffet 好d。