牛扒先生 (德福廣場2期)

营业中

休息中

Mr. Steak 一向給人的感覺是吃牛扒的 🥩 前幾日經過MegaBox見到一間MR. STEAK SEAFOOD・STEAK steak n seafood 呢個組合簡直無敵。我哋試咗個半自助晚餐 冷盤前菜 + oyster + lobster + steak 生蠔夠晒fresh, lobster 啖啖肉， steak 煮到我最鍾意嘅 medium rare 效果估唔到成個餐都係 $298 。。。

愛食自助餐既你，可以留意下Mr.Steak既半自助晚餐喎😆主菜由$178起，除左佢地一般既半自助晚餐menu外，最近仲出左龍蝦·生蠔主題既主菜同埋聖凱倫Premium西冷扒，仲會配搭餐酒，主菜選擇都幾多。黎Mr.Steak真係好鐘意佢地個沙律吧，種類好多😎，好似甜酸醬木瓜沙律(呢個超Juicy)、草醬烤南瓜、麻醬豆腐、螺絲粉沙律、鴨胸青紅蘋果沙律、水牛芝士蕃茄仔等等，仲有凍肉拼盤同芝士😆～主菜揀左法式芝士焗龍蝦配SRF牧場牛扒，呢款主菜會配搭凍盤鮮生蠔、翡翠螺、海蝦同青口，龍蝦上面係滿滿既熱熔芝士；牛扒口感軟腍；另一款主菜就揀左美國黑安格斯肉眼，塊牛扒超大塊😍，上面放左巴黎香草牛油，配菜仲有酸忌廉焗新薯、烤雜菜，整份主菜都好豐富😝大家千其唔好唔記得個甜品吧，一入去已經比佢吸引左視線😍，有勁香既即焗蘋果金寶、布朗尼、美式芝士餅、抹茶撻、迷你杯子蛋糕、豆腐花、蕃薯糖水等等😜，甜品迷唔好錯過吖～

食物垃圾，頭盤好差，跟本係沒有什麼選擇，主菜要298蚊加一 食埋d仲衰過茶餐廳50蚊的扒，件牛扒仲衰過茶餐廳50 蚊果d .又有根又薄到張紙咁，， 不如叫紙薄牛扒啦， 個招牌名都衰過人。同銅鑼灣分店比完全係兩件事。 好心唔想做生意就唔好做啦。 星期六第一轉order 都可以落漏單， 仲要連續前後錯兩次，真心建議唔好來，服務態度好差，漏晒d單，叫兩杯熱檸茶都可來一杯。 完全無心做野。食完未夠鐘又催人走，又唔知你地又漏單又慢！正一垃圾餐廳

慶祝媽咪生日，近近地黎呢度食餐Semi-buffet….Buffet種類選擇好少，媽咪以前來食過，話以前冇咁少選擇的而Main course同Buffet一樣，味道口感平庸，最難忘係羊排跟餐嘅意大利飯，好似普通白飯加茄汁咁，唔睇返MENU都唔知佢係意大利飯LOL 呢度有買4送1生日優惠，5個人埋單$1100左右，呢個價錢雖然唔貴，但個人認為去食差唔多價位嘅放題會滿足D🤣🤣P.S 呢度會送一件生日蛋糕，但我見到佢係拎salad bar入面其中一款住食蛋糕，跟住加返粒士多啤梨上去😂😂

黎得早 六點零 唔洗等位叫左個$298既半自助晚餐咁啱個晚個生蠔唔係我鍾意既品種 陰公有個海鮮冷盤 配個主食 我叫左牛排牛排好香 份量剛好夠我一個女仔食 唔錯試埋屋企人叫既另一個套餐既西冷牛扒 都一樣正自助bar既野食同甜品都好豐富已經近似酒店自助餐依個價錢真係好抵食

擒日公司考完試，同事話想食餐好的，所以就提議我到這間食個半自助餐，這裡的半自助餐是每人可選一個主菜後，餐廳自設沙律吧和甜品吧可以任食。這裡的沙律吧種類很多，亦很新鮮，餐湯有南瓜湯任飲，提子鬆餅甜而鬆，好食到不得了，我都食了兩個，哈哈！！朋友說cold cut好好味，火腿種類都很多，肉質鮮美，見她不停咁食就知道有幾好食了。有個雜菌都很好食，大大粒的菇菌，我都食了很多。朋友叫了的主菜是半乾茄醬鮮蝦意大利飯，意大利飯充滿蕃茄味，面頭有一隻大蝦，意大利飯質地有少少硬，但又不會過硬，味道帶有少少蕃茄酸味，鮮蝦爽甜，面頭還有兩塊芝士片，外型吸引，味道突出，朋友食過都讚。而我就選了個純牛肉漢堡.爽脆生菜蕃茄芝士及薯條，純牛肉肉味香濃，食落很多汁，入面配有新鮮生菜，蕃茄芝士，增加漢堡的口感，再配上薯條，真的很有美國風味。食完主菜又食甜品，甜品款式都很多，有泡夫，桂花糕，布甸，生果，蛋糕，還有西米露和豆腐花，雖不是很滑，但都不失為不錯甜品。椰子糕都很出色，好香椰子味，不會太甜。值得推介！食完後當然叫個檸檬茶飲下可以幫助消化，呢個都係半自助餐包埋，雖然百幾蚊在午餐來說比較奢侈，但咁多野食先需要百幾蚊，都算

去左九龍灣間Mr Steak食下午茶有驚喜。開頭都係打算試下啦，無所謂啦，就呢間啦～試過之後比想像中好食😋兩個人叫左tea set,有3層小食，每款兩個咁。都係果啲鬆餅呀，蝦多士呀，和牛肉醬酥皮呀，煙三文魚多士呀，泡芙呀，芝士蛋糕呀等等。通常我和朋友都好唔鐘意食個鬆餅，但呢個鬆餅唔太乾，唔太甜，所以成功食哂佢。其他都係正正常常咁。唔好睇落樣樣野每人食得一件，食哂都好飽。仲有杯飲品，我加錢叫左杯朱古力。杯朱古力幾好飲，偏濃味，奶味唔重，比較綿滑，好飲～

有時侯，食半自助餐 (Semi-Buffet) 係會比起食自助餐更加滿足。Mr. Steak 大家都應該唔會陌生，睇下件燒到網紋出哂嚟嘅澳洲 150 日穀飼肉眼，5成熟真係啱啱好，鎖住肉汁又唔會嚡身😍 呢個 set 再加上一份半融嘅香煎鴨肝，脂味好香濃😛 當呢個配搭送到你面前，吸引力一定比自助餐自已夾嘅更加吸引眼球，而且用料就梗係好啲！唔鍾意鴨肝嘅少少羶味？呢度仲有十幾款唔同主菜嘅選擇，一定有款啱你！又或者試吓佢呢個 ◎龍蝦生蠔 - 半自助晚餐，有生蠔海鮮小拼盤，附上白/紅酒四款以大龍蝦為主角嘅 Main Course，龍蝦肉彈牙爽口就一定架啦，我就揀左配SRF牧場牛扒，肉質都幾嫰同好多汁😉！講明半自助餐，就係前菜、Side Dish、甜品無限量供應😍仲有懷舊啫哩，其他甜品質素全部都唔差！係幾滿意嘅一餐！

Happy Friday Lunch + Mid-Autumn Festival，所以Lunch 去左德福間Mr. Steak 試下Semi-buffet，雖然係半自助餐既形式，但佢地既菜式同沙律吧、甜品吧都絕不馬虎。主菜有十款選擇，仲可以有得淨係享用沙律吧同甜品吧，我地4個人叫左香茅春雞、豬肋排、西冷牛扒同魚柳share 食，沙律吧好多選擇，有南瓜沙律、多種新鮮沙律菜、蕃茄仔……等等，湯就係龍蝦湯，水果有西瓜、甜品有豆腐花、泡芙、桂花糕、啫喱糖等等，真係有好多唔同選擇，味道仲不錯添。值得一提既係佢地成間餐廳既服務態度係非常之好，Waiter會係沙律吧附近睇下客人有無野要幫忙，例如無碗碟都會主動遞上，並提醒碗碟都比較熱，要小心燙手。我地要求魚柳走醬，真係做得到，整體服務態度都非常之好。下次都會再黎呢間Mr. Steak 食Lunch / Dinner，食物味道好味，服務態度又好，值得推介!

而家今時今日係香港食過晚餐3百零蚊有咁多嘢食差不多㗎啦，講嘅係Mr. STEAK 佢嘅海陸空晚餐海鮮頭盤有生蠔，雖然唔太大隻，但總算夠凍，因為啲冰仲未溶哂，當食思樂冰生蠔，哈哈。除此之外仲有凍蝦，當然唔太新鮮啦，正所謂一分錢一分貨嘛，仲有青口同蜆仔，呢個只係頭盤咋。呢個餐仲有紅白酒果汁一杯，臨尾仲有餐飲跟，值得一讚。主菜當然揀龍蝦配牛扒啦，芝士焗龍蝦半隻估唔到咁大隻，嚿肉難得扯出嚟都好大隻，但不知是否overcook或是雪得太耐，少少嚡口的，但芝士焗得香脆好惹味攞返分。呢個半自助西餐沙律，凍火腿，甜品生果蛋糕任食，仲有豆腐花添。值得一提係個龍蝦湯好好飲，其他都合格，所以3百幾蚊連加一係抵食嘅。

Had tea at mr steak’s today, the scrambled eggs were unpleasant, scones were not fluffy, fries were not fresh, burger was dry. Despite the food, their services & environment were worse. Waiters were like zombies, doesn’t pay attention to your order, disposing huge amount of gabbage right next to you and there were flies around the seating area. This is my first experience with the restaurant, but it is definite that i won’t visit any of their stores again.

當晚八九點去到，可直接入座但都仲有唔少人食緊。主餐牌已經無龍蝦、肉眼、羊架供應，唯有食第二D。三文魚扇貝意大利飯，扇貝睇都知較細同乾身，三文魚尚可，松露飯都夠香夠味海鮮雜菌意大利飯，海鮮同個飯都尚可。賣相同肉質味道都算尚可。自助沙律吧有沙律菜同醃漬物等等，亦有甜品同豆腐花，當晚九點幾沙律醃物還有供應，但甜品那邊已經唔太充足，豆腐花已剩返豆腐渣、泡芙得返醜醜怪怪一兩粒、係蛋糕同水果仲有少量供應，其實我夜少少啫，都係比正價同埋比咗加一服務費你架麻，仲要未夠鐘催你埋單收你嘢，大家要去食就早D嘞！

好耐之前跟朋友嚟食過一次，記得之前食完感覺好差，食物質素同服務態度都好差，所以三年黎都冇再食過！今次朋友話想試吓，所以決定比多次機會佢😆首先佢嘅半自助餐都有好多選擇，隨意食咗幾款沙律、鬆餅、火腿、甜品、水果，感覺味道都唔錯。沙律都幾好食，啲菜同水果都好新鮮！鬆餅覺得好有牛油香！甜品食咗個綠茶芝士餅，好重綠茶味，唔算太甜！主菜我哋叫咗個龍蝦天使麵、漢堡包、肉眼扒、羊架配西冷扒。龍蝦天使麵無咩味，咁多款主菜嚟講佢算係最差。漢堡包都唔錯，漢堡扒都好有肉汁。羊架同牛扒都幾好食，煮得啱啱好，肉質鮮嫩、有肉汁！今次對呢間鋪頭嘅食評都唔錯，令我對佢改觀，下次有機會會再食

今次家人生日，來到了 Mr. Steak 吃半自助餐慶祝，事先預約七點用餐。餐廳環境舒適，侍應亦很友善。自助餐就吃得多，少取食多樣的形式，有時候還真忘記了吃過什麼。而在半自助餐可以點一個主餐，亦可以享受餐廳中央設置的自助bar，主要有前菜(各式各樣的沙律、湯和麵包)和甜品。前菜種類很多，十分吸引開胃，一定有款沙律適合，甜品就一般。三人同行，主餐方面叫了兩個SRF美國極黑牛($248)，是當日special menu 上的餐。 牛肉肉質嫩滑，烹調和份量剛好。另外亦叫了迷迭香燒雞配煙燻醬烤豬肋排($225)，但稍為遜色，有點失望。分量過多，雞肉肉質較粗和乾，豬肋骨烹調時間亦過長。難道來Mr. Steak應只吃牛? 不過尚未嘗試其他主餐，不敢下此定論，但要是吃扒類，牛肉應該較穩妥。

滑浪前要食飽飽，話說呢間餐廳係個fd約我地黎呢度食lunch，話cp值好高。係門口等位既時候，睇餐牌最平個burger都要98$，心諗對我呢d窮J，食個lunch覺得好貴下...排隊等左10分鐘左右，可以入去食啦，我其他朋友亦都到達，入場計限時個半鐘～睇緊餐牌個陣，我朋友話揀最平個餐得架啦～佢個沙律吧都已經夠哂食～行出去睇佢個沙律吧，wa!真係好多野食，有甜品，各式沙律菜、冷麵、意份，d野食唔係求求其其，係有幾個師傅不停fill番落去，所以d食材好新鮮，我剩係食佢個沙侓吧都食左2大碟，到我個main黎既時候，我已經食唔落～剩係食左burger入面塊肉～而佢個burger亦都唔係m記個隻，係d塊肉好juice既美式漢堡黎～所以98$既lunch係比得抵既！