牛扒先生 (德福廣場2期)

营业中

休息中

逢星期日都要帶小朋友去德福嗰邊, 今次搵到新驚喜.原來呢間餐廳嘅自助餐小朋友收費只係78蚊一位，真係超值。 絕對係滿足小朋友 樣樣都想試但係又食得唔多 嘅願望。雖然價錢比小朋友係咁平，但係一啲都唔可以睇小佢。 甜品嘅位其實都已經可以食到好飽。當然其他沙律都係各式各樣， 乜都有。但係我真係畀佢個甜品櫃吸引咗 。 小至蛋糕再去到中式糖水甚至乎豆腐花都有大人嚟到都唔會失望呀因為order 埋main都係好抵食所以忍唔住就order 咗個真係脆卜卜豬手+ 牛扒.但係最後先至睇返原來加多少少錢,就可以有埋海鮮。

今晚諗緊去邊度食飯好，見到Mr. Steak 出咗個新套餐，黑和牛餐🤔🤔特價$188見其他嘅套餐，其實都要$200左右起跳，所以決定試吓新出嘅套餐🧐🧐其實本來對佢啲扒餐都不抱期望，因為其實真係唔太特別，而且仲有啲鞋，不過見做緊$188就即管試吓牛肉熟度冇得揀，職員會建議都係五成熟，依然都係自助沙律吧！可以出去夾啲蔬菜食🥗又有幾款甜品🍮🍰🧁🎂仲有水果添牛肉望落去好生咁🙈平時都好少食到咁生但食落啲肉質又OK喎 係啲筋多左啲 但切走咗其實都幾林 但伴碟就好單調😅😅得幾粒瓜同薯仔

係徳福想食牛扒真係冇咩選擇，除咗Outback, 就係Mr. Steak. 晚市時間都幾多人等，等咗大約20分鐘入座。 點咗兩個半自助晚餐，一個係安格斯肉眼，一個就係安格斯西冷。 野食黎之前先試佢個沙律吧，都幾多選擇，有4，5款揀，同埋都refill得幾快。 食物味道尚可。 主菜牛扒兩個賣相都好靚，至於味道方面，肉眼肉味同口感都完勝西冷。 西冷肉質好鞋，要五成但最後煮得略嫌過熟。甜品有好多種細細件既蛋糕同tart，但賣相好似擺咗好耐。 不過佢竟然有法式焦糖燉蛋同豆腐花。整體感覺 係徳福冇咩野食選擇嘅情況下，都算值得一試。不過溫提一下，筆者當日去食係週末，即使係8點，都等左幾枱先入到。

每間分店質素唔同，個人覺得九龍灣個間唔錯，Set dinner 嘅雞肉長通粉醬汁濃味，面頭嘅芝士好多，好邪惡呀！加埋任食沙律吧同甜品，唔駛$200 就可以捧住個肚走！

今日lunch time去了Mr. Steak吃午飯一行入去映入眼簾嘅係Semi buffet既沙津吧～ 估唔到有咁多選擇，沙津和甜品各有數十款選擇，還有餐湯、餐包和水果，如果把它們都一一品嚐，我們大概已有7、8份飽了 挑了數款試試，我最喜歡的甜品是泡芙，前菜則是日式豆腐食了一輪前菜，終於等到主菜上場我點的是件芝士龍蝦天使麵，第一次食到龍蝦有蟹子，真係非常驚喜 天使麵吸收晒鮮甜的龍蝦汁和濃郁的芝士醬，再配上蘑菇和香草，非常好味朋友點的是美國黑安格斯肉眼,5成熟～肉眼扒分量十足，食得出係高質嘅肉眼扒，肉質很好，廚師手勢也很好，5成熟剛剛好唔會令肉眼變鞋，保留了牛肉既鮮味。主菜還配有簡單既伴碟-薯菜和少量蔬菜，如果配菜可以加多點變化和花點心思在賣相方面，整個main dish可以更進上一層樓

入場好混亂早幾日已book左昨晚8點，但去到時個接待員話無位要等等。我問：（下？唔係留左位？）接待員：（係丫，但都要等因為有啲客人未結帳暫時未有枱）8:15pm我問：（請問幾時有位？電話book左，唔係應該留左位咩？ 如果唔係就應該話比人知，full哂唔比book 位要walkin啦。你地依家咁樣做同walkin 有咩分別？）話： （好快有位喇，電話book 位已經優先過walkin ）我念有幾優先?？另外你地又有限食到10點，但你地又會安排人地遲比入坐食，咁樣合理咩?？等到8：20pm終於入得點餐至出去自助餐區拎野食無咩問題，食物refill速度都快我餐 $278味道唔錯，但扒份量略細少，但好彩重可以去自助餐區拎野食填飽肚飲品限蘋果茶或紅茶。9：45pm 開始見啲廚師收緊野好似趕收工咁。我地去甜品區，見小蛋糕無哂 就問問下女廚師重可否refill小小？ 個女廚師睇都唔睇雪櫃或問其他同事就話無哂喇!! 最後要向看似經理職員反映下：遲比我地入黎食又咁早收野咁限咩時食，不如寫明拎哂即止重叫咩自助餐個經理先去廚房拎返啲甜品蛋糕比我地另外 生日人士會送生日蛋糕一件（但你唔問職員，係唔會有人通

明顯又加咗價....南瓜湯，都算好飲，夠濃！但個包就怪怪地，味道唔好之餘，質感又怪任食沙律款式沒有大改變，其實食多兩次都悶晚餐就多咗巴拿馬火腿，同午餐沒大分別，價錢就貴好多最好食都係啲菇沙律菜都夠新鮮薄西冷牛扒，肉質好鞋，要七成近乎全熟，個汁好辣呢份精選就$278，有羊架，牛扒，雞扒，腸，每款扒都細細件咁心形蛋糕仔，拎出嚟已切開一半，感覺好小家而且味道極差，超甜，完全無朱古力味甜品都完全唔吸引，失望呀紅豆沙唔熱凍豆腐花無味價錢貴咗，品質差咗，成間餐廳嘈過街市午餐都唔太貴，尚可接受。晚餐價錢貴就唔抵食啦！

去到門口，經理已在門口迎接主動介紹 好快就有位全間餐廳嘅侍應個個笑容滿面服務態度好好感覺度位客人都食得好開心值得推薦食物種類多，環境舒適唯一嘅缺點洗手間要出返商場希望能夠改善就最好啦

排隊入座安排超級9流，12:30到攞飛，佢不停叫大枱，三人等左大半個鐘都冇得入，眼見佢不停叫人入，由剛剛到看到全場都係吉位，等咗大半個鐘之後全場滿座，都未叫到我地，其實不斷有二人枱埋單，因為有限時間，時間相近入座會安排附近坐，同埋會差不多時間埋單，但是二人枱一走就即叫二人入座，完全吾留來枱拼4人，門口職員同我地講入邊食客未夠鐘埋單，要再等等，咁我即係要食第二輪啦？等了差不多一個鐘，咁我咁早嚟攞飛做乜嘢？要返工的朋友吾洗食啦！而家1:26仲未入到，以後大家識做啦！

原本難得放假，想食餐好，點知食到令我懷疑人生 🤣這間餐廳嘅lunch，半自助buffet我都係第一次食，叫完主菜之後，我地可以自行去拿其他食物，例如沙律，湯，麵包，甜品等等，款式不算多。我12點入到去，都係得4枱客。我地叫左一份西冷牛扒、扒春雞、芝士忌廉焗扇貝餐，芝士焗龍蝦米多配忌廉汁天使幼麵。首先講下個扒餐，牛扒我叫左5成熟，原本以為會好淋，好好食，點知用刀切左好耐先切到，塊扒好韌，個春雞嘅肉好「鞋」， 唯一好食嘅係芝士忌廉焗扇貝。然後，再講下個芝士焗龍蝦米多配忌廉汁天使幼麵，龍蝦部份比較普通，不是會食到「嘩」嘅程度，而個忌廉汁天使幼麵 竟然可以做到無味， 同白烚冇咩分別，連鹽味都冇。 隔離嗰枱嘅客人都叫咗一份芝士焗龍蝦米多配忌廉汁天使幼麵， 佢食完啲龍蝦肉，食左少少意粉之後就冇再食意粉，可能佢都覺得冇咩味。而出面嘅半自助buffet， 南瓜湯比較好飲，個麵包係凍嘅，有幾款沙律，我覺得最好食嘅係薯仔沙律， 另外有一款烤南瓜都幾好食。甜品方面， 又唔同迷你蛋糕，例如迷你 muffin,咖啡蛋糕，朱古力蛋糕等等， 另外仲有 迷你大菜糕同冷豆腐花，我覺得 大菜糕同咖啡蛋糕比較好食，而冷豆腐

除夕晚，當然要食番餐豪D! 前一天才臨急有主意食牛扒先生，都怕冇位。打過去問用餐時間只有1.5小時，平日不是太旺沒有人等位，應該可以坐耐D都唔會趕走。當日去到，6點左右，友人還未到，望一望餐牌，竟然轉了聖誕餐牌，只有8個主菜可選。一心想帶爸爸來吃德國豬手，有點失望。😦差不多用同款食材，價錢還比之前的加了。連平日少過200元的意粉、燒雞餐，都沒有可選。最後，我們一行5人，一人一個餐，共叫了4款主菜。落完order，可以出去拿食物了!當日的龍蝦湯非常好味，可能是大節日關係，才有高檔少少的湯供應，聽友人講，平時都只是蔬菜湯。(小妹上一次是飲南瓜湯)。今次還試了朋友推介的餐包，沾上湯吃很配。行了一個圈，沙律款式同以往一樣多款，還有火腿，芝士。不過環境比較窄，當日又多人，有點迫。完成了兩盤沙律，終於上主菜了!「烤英國豬柳配洋蔥汁」($228)，都幾大塊，兩件豬柳都連埋層皮下脂肪一起煎，所以煎起來不會乾巴巴，有充足的油份。健康人士建議切掉肥膏才好食。這個豬柳有驚喜，一點也不鞋，好嫩。蜜餞蘋果加上洋蔥汁好配合。之後，來了2碟「美國薄西冷牛扒」（$248）。唔係厚切，視覺和口感都有差別。2份都是叫了7

好鐘意食Mr Steak，但唔係因爲佢嘅扒或者海鮮，而係因爲佢嘅自助沙律吧。之前除夕夜晚諗唔到：食乜，就去左Mr Steak 半自助晚餐，main course 連埋自助沙律吧同野飲都只係二百蚊到，真係好抵食。沙律吧除左有自行配搭嘅沙律材料外，仲有薯仔沙律、南瓜沙律等沙律揀。除咗沙律外，仲有啲餐前小食例如係火腿拼盤、芝士拼盤、麵包、餐湯等。除此以外，自助沙律吧仲有甜品，例如有各款精緻西餅，麵包布丁等。至於main course方面，果晚揀左豬扒。豬扒嘅肉質唔錯，而且肥瘦均勻，食落非常可口。而另一份main course就揀左雞胸。 雞胸煮得有啲乾，但配埋意粉食尚算可以。

放假屋企人北上了, 又係得自己一個人。想起之前响德福廣場見到的 Mr. Steak, 不過 D 食評又好壞參半! 再諗起將軍澳 Mr. Steak 的可怕經歷, 又有 D 卻步。不過一個人真係唔知食乜好, 但放假喎, 又想食得豐富 D, 一於去試下呢間 semi buffet 啦。因為早去, 所以比左一張近門口但 corner 的位置我, 夠開揚不錯! 點了餐就出去拎 salad and dessert 了!甜品選揀頗多, 忍唔住先拎一碟埋位, 再出去影相。回來已見到我 order 的五成熟烤美國安格斯肉眼扒來了!是厚厚的一塊, 不是坊間那些薄切牛扒可比! 即時心心眼 😍😍😍, 未開始食已經加分啦!一切, 內裡是十分 juicy 的鮮嫩粉紅色牛排!啖啖肉之餘滿口牛肉的香味, 沒有筋也沒有肥膏!廚師的火喉控制得太好了。單是 $198 的main course 已令我吃得心花怒放, 心情大好! 其實自助沙律吧也不錯, refill 也快, 可以出去拎多幾次 ~ 但食完塊牛排已經很飽很滿足了。最後以一杯凍檸茶結尾, 埋單 $217.8, 個人覺得好抵食! 推薦! I will be

諗去邊度食 lunch，人多意見就更多！响呢個時候，我哋都會揀 Mr Steak 做最後方案！Mr Steak 嘅半自助午餐，有任食沙律吧、餐湯、甜品，連主菜＋餐飲都係$98-168，真係非常抵食。餐湯方面，通常每日都有一款餐湯配三款歐陸麵包＋牛油，可以無限添飲添食，基本上都飽咗三分一。沙律方面，可謂花多眼亂，非常精彩！有蔬菜沙律、水果沙律、薯仔沙律、通粉沙律。仲有冷盤 - 日式涼拌螺肉、煙鴨胸、煙火腿片 甜品方面，天天新款，日日不同。有水果（西瓜、菠蘿、哈蜜瓜）、朱古力撻、芝士蛋糕、慕絲蛋糕、Brownie 、曲奇、啫喱糖、麵包布甸、忌廉泡芙。主菜方面，當然有牛扒啦！但係如果想食平啲、清淡啲、份量少啲嘅話，亦有多款意粉選擇！我試過幾款意粉，無論係扁意粉定天使麵都煮得剛剛好，配獨門醬汁。意大利海鮮飯亦係推介之歌一，海鮮新鮮配意大利飯，份量少剛剛好！平日放假嘅話，同屋企人一齊嚟慢慢食慢慢歎，個人覺得好過去食Lunch / Tea Buffet 啦！

大時大節，周圍啲餐廳都加晒價，難得行過mr. steak 🥩 見又冇加價，都係跟返平時嘅價錢，不過每人最低消費都要一個甜品沙律吧！所以就決定左食呢間其實都係貪個沙律🥗甜品🍮吧任食！最後order左份牛扒，但唔記得左影相添不過其實佢啲扒唔好食肉質十分鞋，而且好細份，相反豬肋骨反而好淋好入味，反而價錢比較平🙈沙律吧款式唔算多，甜品件件都細細件，方便個款試一件正最特別係竟然有豆腐花桶，可以自制豆腐花⋯