牛屋餐廳

营业中

休息中

黎到佐敦搵朋友，佢就介紹咗呢間懷舊扒房。餐廳環境懷舊風格，富有格調。➰ 招牌威靈頓牛柳 $238威靈頓牛柳外層包裹著酥脆嘅酥皮，咬落去係嫩滑多汁的牛肉，搭配特製醬汁。而配菜則揀左薯條，薯條炸到金黃香脆。另外，酥皮湯（+$18）濃郁嘅湯底配搭鬆脆嘅酥皮。➰德國咸豬手配蜜糖芥未汁 $238 超級大嘅德國咸豬手外皮香脆，肉質鮮嫩，搭配微甜的蜜糖芥未汁，既食到咸味與甜味。跟餐嘅羅宋湯材料十足，飲落酸酸甜甜。牛屋餐廳不僅提供多款食物的選擇，還營造出一種懷舊的用餐氛圍。

朋友介紹佐敦有間唔錯嘅食牛扒餐廳，今日嚟到附近，就決定一試☺️⚫️裝潢都比較懷舊同有格調🔴坐低之後職員就會比兩個甜餐包🔸美國安格斯肉眼（$276）安格斯肉眼份量唔少，肉質軟腍，juicy，滿滿嘅牛香味，加埋黑椒汁更加昇華左牛肉嘅味道😼羅宋湯味道濃郁，色澤吸引😚🔸招牌英國威靈頓牛柳（$238）另一個套餐叫咗威靈頓牛柳，七成熟，滿滿嘅誠意，肉質有咬口，唔會太腍，呢款都有配埋醬汁，價錢嚟講都幾抵食😋酥皮羅宋湯好好飲呀，飯前開胃必選🥰

人生第一次食威靈頓牛扒就喺牛屋 都好多年前嚕🍽️一直對呢度有種情意結 亦好鍾意呢度嘅懷舊氛圍點咗套餐包埋餐湯同飲品 餐湯紅白各一 紅湯即係羅宋湯 白湯係忌廉湯 特別要讚配嘅餐包好好味 上枱仲係熱嘅 已經搽咗牛油🧈而且做到外脆得嚟中間十分鬆軟 有驚喜ꕥ 美國一級安格斯西冷ꕥ 紐西蘭牛柳兩份都點咗7成熟 配蒜蓉汁(另有黑椒汁選擇) 熟度合格 西冷好大塊 肉質緊致 味道濃郁 就算唔點汁都好味 而牛柳雖然好厚 不過中間好軟嫩 果然係嫩肉皇者 而且亦較juicy💦兩者各有各特式 我哋都覺得滿意

適逢今日天雨，一入到去已經俾人喝我，叫我擺把遮喺出面先，我話我有袋袋住，企多2秒擺好先都已經俾人喝我坐低一坐低已經隊個麵包俾你，問你紅定白，一坐低要即刻嗌餐，懷孕中，個肚已好大，仲要俾佢吩咐我，攝落去兩張枱中間唔知有冇一個pat pat嘅位置嘅卡位進食時間只係20分鐘，不停聽到佢喺度呼喝其他客，人哋唔夠現金，問佢收唔收卡，佢係咁話$300先收，叫人哋出去諗吓先，之後再喺其他客面前數落佢，咁嘅服務態度，難怪個個都要北上我個羊架餐唔係好貴，連凍飲$121 ，但午餐食到咁即係背脊骨落。

情人節就快到，見到呢間西餐廳好多好評，決定試一試。餐廳使用木質枱凳配上柔和的燈光，充滿懷舊的氛圍。整體環境乾淨，侍應服務友善。招牌威靈頓牛柳絕對不容錯過，CP 值極高！牛柳軟熟，外層包裹著金黃酥脆的酥皮，切開時都幾juicy，調味適中，口感豐富。二百幾蚊食到呢個質素其實相當唔錯。薯菜有大量沙律和薯條，份量相當慷慨。除了威靈頓牛柳，餐廳的各式扒類同樣出色。我地揀左香草燒羊仔架，十分有驚喜。羊仔架肉質鮮嫩，烹調恰到好處，沒有太大的臊味，十分合我口味。配上新鮮沙律和意粉，賣相相當吸引，絕對色香味俱全。作為牛舌喜好者，更加大推招牌德國鹹牛脷。厚切牛脷煎香後鮮嫩多汁，肉質緊實，簡單調味已經好好食，一定要趁熱食！此外，餐廳的紅/白湯也十分有誠意，湯料十足，推薦加配酥皮湯，口感更加豐富。總括嚟講，餐廳的性價比幾高。五百幾蚊食到精緻西餐同威靈頓牛柳。無論是慶祝特別的日子，還是普通聚餐都合適。平日晚市都座無虛席，座位比較相近，建議要提早訂位避開人潮。

中肯地講：差評，唔算係好嬲嗰種，但係真係可以做得更加好。食左出名嘅威靈頓，另外叫左一份肉眼。埋單$600唔算平，我個人感覺唔值。介紹下佢招牌威靈頓：-個酥皮非常之薄，出完汁之後成張變咗濕立立一片、正常應該係用厚嘅，咁入邊嗰層索完汁，出邊都起碼有酥皮食；-第一次食到威靈頓入邊唔係用蘑菇醬、而係麥當勞嗰種口味嘅酸黃瓜醬。-入面嘅牛柳非常之梅口、唔係腍滑嗰種、而係梅爛既口感。成件事好似食咗一個創意料理、多過食咗威靈頓。加18蚊酥皮湯，然而個酥皮一樣好薄，明明已經加咗錢都咁孤寒，現成酥皮都要分開兩疊用、得正常一半咁厚。我哋當日冇紅湯、剩係得白湯，見識到佢嘅忌廉湯剩係得忌廉牛油同埋粟米，超市一包蜆肉都唔使$40，就可以煲一大煲、魚柳都係少幾十就一大包，但係咁樣都唔用，成個湯剩係得粟米，孤寒又有創意。成餐真係唔知食咗乜嘢咁。

睇到好多片分享平台網路紅人介紹呢間港式扒房都係見到好多好評於是慕名而去試吓去到門口要等位 前面都是內地人 不禁問一問 會唔會係社交媒體網站嘅關係？ 一入到去 環境暗淡 地下濕濕地 比較舊式印象已經唔好 叫咗兩個主菜 威靈頓牛柳及比目魚大蝦兩個餐湯 酥皮羅宋湯及周打海鮮湯兩杯餐飲 凍好立克及凍檸茶一個前菜 焗田螺 先上兩個湯 周打海鮮湯多料但味道普通6分/10 酥皮羅宋湯 唔可以用湯形容 只係可以用水去形容 酥皮羅宋水？！ 3分/10 前菜焗田螺 勝在好熱 但品質普通 你屋企有焗爐都做到 7分/10再上兩個主菜 首先係比煎目魚大蝦 賣相已經唔得 沙律唔敢食 好似好污糟 明明係煎比目魚 結果係炸比目魚 大蝦 普通質素 唔算大 好明顯係雪蝦 3分/10。再來威靈頓牛柳 賣相都似樣 以為話晒都係signature菜式 都係有沙律 唔敢食 跟意粉 意粉齋烚個 無味 冇誠意 去到牛柳方面 睇落去 以為應該唔會輸 點知食落口 啲牛肉好霉 非常失望 3分/10 最後係兩杯餐飲 一般茶餐廳會好味啲 最後埋單六百幾蚊 我覺得去大家樂大快活會比較好啲

香港經典牛扒餐廳就一定要試試這家啦，和朋友特地過來吃！6點鐘已經座無虛席了，果然是很受歡迎的店！氛圍很復古，座位不算很多但是很舒適，菜單可選擇的也很多，來到這裡肯定是吃牛扒啦～～😄芝士焗雜菌💰58牛油味和芝士味道的搭配真的好邪惡啊，但味道很好，停不下來！好吃😊招牌法式田螺（半打）💰68田螺很清甜，配上牛油的焗烤，也是很突出它的鮮！下面是有薯蓉，吸收了牛油和海鮮的味道，也是別有一番風味😋招牌英國威靈頓牛柳配羅宋湯💰238這個其實挺考驗廚師的呀，外面的麵包要夠酥軟，裡面的牛柳也不能太生或者太柴，我要的是五成熟，很滑嫩，和麵包一起吃👍美國安格斯肉眼配酥皮忌廉湯💰276肉眼扒就是要吃它的油脂味，七成熟我覺得就是剛剛好好了，切開紋理好好看～味道也不錯！酥皮忌廉湯也好好喝！這邊總的來說，還是很超出預期的！味道很好，而且份量也好多，很實惠！

今日去咗佐敦牛屋餐廳，專食牛肉嘅我真係超期待！雖然牛餐廳唔算罕見，但呢度嘅價錢同質素真係平靚正，難怪咁多人推介！ 燒牛肉沙律（$98）開場先試燒牛肉沙律，牛肉切得薄薄哋，入口鮮嫩，加埋爽口嘅菜同少少酸甜醬汁，清新又開胃，非常正！ 主菜方面，我哋點咗招牌威靈頓牛柳同美國一級安格斯肉眼扒。招牌威靈頓牛柳（$238）威靈頓牛柳包著香脆酥皮，切開見到7成熟嘅牛柳，仲夾住鴨肝，味道濃郁又香滑，絕對係必試之選！配菜有雜菜同薯條，份量夠晒飽肚。美國一級安格斯肉眼扒 10 oz（$258）至於肉眼扒，同樣7成熟，肉質嫩滑多汁，帶有輕微炭香，絕對滿足牛扒控！仲可以配意粉，吸滿肉汁，好味到停唔到口！ 湯方面有忌廉湯同羅宋湯揀，我各揀左一款，味道都好好，仲連埋餐包一齊上。飲品點咗凍檸茶，清爽解膩，為豐富嘅牛肉餐畫上完美句號！ 牛屋餐廳真係平價又高質，啱晒想食好牛肉又唔想銀包爆炸嘅朋友，下次一定再嚟！

牛屋餐廳係懷舊派港式扒房，裝修保留到90年代感覺，價錢唔貴、性價比好高～✨招牌法式焗田螺 （＄68）一共有6粒田螺，薯蓉份量都多，質感滑身，帶有牛油味，可以一試～✨焗芝士白汁雜菌（$58)白汁濃郁，芝士焗到焦香，味道正常發揮✨美國安格斯肉眼（$258)肉質好夠軟熟有肉味，牛扒既醃製調味做得岩岩好，加埋黑胡椒汁好味底下仲有意粉，食完好飽✨威靈頓牛柳（$238)招牌菜‼️酥皮幾鬆脆，切嘅時候同牛柳都無分離而牛柳叫咗五成熟，切開見到嘅顏色係粉嫩嘅，肉質都算嫩滑套餐包埋餐湯餐包，試左羅宋湯羅宋湯非常足料，味道甜甜酸酸，唔會油膩，非常開胃🤤

佐敦一日遊之食😍🍛餐湯有兩款，忌廉湯或者羅宋湯，每樣選左一款，味道都很濃鬱，忌廉份creamy，羅宋湯滿滿雜菜很健康🥗意式田園什菜沙律🥗色彩繽紛，口感清新的沙律，番茄豐富的維生素加了沙律黑甜醋，很開胃🥩法國香草燒羊仔架配意粉羊架嫩滑的肉質配上香草豐富的層次感，表皮略微烤焦，酥脆的口感，完全吾需要配醬料都很好味🥩招牌英國威靈頓牛柳英國經典的豪華菜，精緻賣相，黄色的酥皮包裹著5成熟的牛肉，外皮酥脆，牛肉軟淋多汁，吾想太飽揀左跟薯菜，如果男士可以選飯或意粉🧃利寶納兒時最喜歡的飲品，吾係好多餐廳都有提供，清甜葡萄汁好味🌟平民價高質西餐🌟佐敦老店

今日落佐敦搵野食，住喺附近嘅朋友介紹左呢間已經係呢區開左好耐嘅「牛屋餐廳」。餐廳細細地，位置唔多但裝修得幾有氣氛，正式西餐廳嘅格局。呢間必食酥皮湯，我地分別試左酥皮羅宋湯同忌廉湯。個酥皮堅係正，脆卜卜嘅酥皮，唔係出面咬落去成口粉果只，配晒足料嘅湯，真係必試！「焗法國鮮鵝肝配薯蓉」：超大塊嘅鵝肝，出面煎左下所以好香口，食落又香又唔覺肥膩。特別要提下係個焗薯睇下平平無奇但食落去好好味吓！好少會食晒啲薯蓉，今次真係食得好乾淨，估佢唔到「芝士白汁焗蠔」：生蠔大大只，$40一只好抵食，岩晒唔食生冷野嘅朋友。主食無論牛，羊，雞，豬同新鮮都各有一款，主打仲有一款岩你。食次試下「招牌威靈頓牛柳」同「香煎比目魚扒配原隻大蝦」。兩款都俾佢個份量嚇親，全部超大份，好彩叫冇叫意粉或飯，配薯條都食唔晒。牛柳個煮法特別，出面包住酥皮，好有有創意。提提嘅間最好提前定位，今日一路都有人係出面等位，佢應該幾有人氣所以walk in可能要排下隊。

牛屋 @ 佐敦之前佐敦經過幾次牛屋都有見到人排龍…等我又黎排下先。630到等左都一陣先有位…排隊既感覺非常良好餐廳話哂都老字號…環境一定有d懷舊…不過…所有店員都好後生…形成好大對比。同埋一定要讚下店員好有禮貌同效率坐廚房附近…聽到入面好busy…不停既煎野聲搞到好肚餓…我地點左ribeye同最愛既雜扒…配左一紅一白湯。加多個焗芝士白汁雜菌白湯都幾滑幾creamy…我就鍾意個羅宋湯…酸甜度啱啱好…又多蔬菜感覺好健康ribeye要左7成熟…時間煎得啱啱好…最正係外層仲煎到微焦而肉質都幾juicy。港式扒絕對收貨。配既意粉炒左幾香…係腍左少少唔完美🤫🤫至於英式雜扒，就一次過滿足晒幾種口味，有豬扒、雞扒同香腸同煎蛋。原先係跟羊…店員幫我改做雞扒👏🏻👏🏻。每種野都唔錯咁啦…最正係加隻煎蛋置頂…成碟野醒目好多焗芝士白汁雜菌…個樣唔錯…芝士焗到焦焦地幾香…好多菌🍄🍄。味道正常發揮百零二百蚊有扒鋸…份量又大…味道都唔錯…服務又好…係抵食…輕排有原因#相機先食 #cameraeatfirst #foodporn #foodlover #yum #eating #instagood #foodgram

佐敦抵食扒房🥩懷舊港式西餐廳朋友推介佐敦吳松街有一間屹立半世紀有多嘅老牌扒房小店「牛屋餐廳酒吧」，呢度既裝潢比較懷舊有情調，周六嘅晚上已坐滿客人好熱鬧🔥人均$250左右，已經有扒有意粉同小食選擇👍🏻🍴招牌焗法式田螺田螺鮮嫩彈牙，濕潤多汁，配上綿密充滿牛油香嘅薯蓉🧈直擊味蕾！特別係外層焗到有少少焦脆的口感，非常香口😋🍴美國安格斯肉眼肉眼扒有足足一隻手掌咁大，啖啖肉好滿足🖐🏻廚師功力十足，煎到外層焦香之餘，內裡肉質鮮嫩且保留到肉汁在裡面💦套餐包埋餐湯（忌廉湯或羅宋湯），今次升級試左酥皮湯，欣賞即叫即焗，酥皮香脆有層次，一定要試下😉🍴深海比目魚配原隻大蝦大份抵食推介👍🏻比目魚扒炸到外脆內軟，配上酸酸甜甜的醬汁，好開胃！大蝦原隻開邊，肉質彈牙，食完想encore多隻添🦐

佐敦有許多好吃餐廳，今次來試試舊式扒房，推開木門彷彿時光倒流回到老香港牛油餐包貼心的已經將牛油塗在裏面，麵包熱辣辣非常鬆軟酥皮羅宋湯 +$18加錢可將湯升級成酥皮，必點，酥皮香脆，牛油味香濃，配合帶酸味又足料的羅宋湯，相當合拍招牌法式焗田螺（6件） $68上菜時仍熱得冒泡，新鮮焗起，田螺肉烤得外脆內嫩，薯蓉份量很足，帶點田螺肉汁的味道，好吃法國鵝肝拼牛柳/安格斯西冷 $268我選了牛柳，牛柳比成年人的拳頭還大，切開肉汁鮮嫩，牛肉味香濃，比一般港式扒房好吃得多；鵝肝大大件入口即化，鵝油味超香可配飯/意粉/薯菜，我選了意粉，份量同樣超大美國一級安格斯肉眼（10oz） $258份量很大，選了七成熟，煎得剛好，肉質軟腍，封煎保留肉汁，這份配上新鮮炸起的薯條餐飲：凍利賓納 +$5加$5配餐飲，選了利賓納，冷熱同價食物出色，價錢不貴，性價比非常高，難怪晚上未夠七時，出面已經排長龍