牛屋餐廳

营业中

休息中

充滿復古情懷，食物質感同味道都好有驚喜湯底用番茄熬成，酸甜濃郁，帶點蔬菜嘅清甜，飲落暖胃又開胃。酥皮烤得金黃鬆脆，輕輕一敲就碎，露出下面濃郁嘅忌廉湯，奶香四溢，入口順滑又暖心。餐包烤得微脆，夾著厚厚嘅牛油，入口滿滿奶香同麵包嘅軟熟口感。單食已經好正田螺肉嫩滑彈牙，配上濃郁的薯蓉，焗得香氣撲鼻，入口滿滿蒜香同草本味威靈頓牛柳係全場MVP！牛柳煎得肉汁鎖得住，嫩到入口即化，牛肉香濃郁。外層酥皮烤得金黃脆卜卜，裹住芥末同火腿，味道層次豐富，切開一刻仲有陣陣香氣！食落好似喺高級西餐廳咁享受，絕對係必點之選！德國燒豬手好正！外皮烤得香脆，咬落喀滋喀滋，內裡豬肉軟嫩多汁，肉香十足。蜜糖芥末醬甜中帶點微辛，塗喺豬手上好提味，食落好有德國啤酒屋嘅豪邁感！份量夠大，食完超滿足

朋友約了在佐敦食西餐，牛屋餐廳係一間專食扒嘅餐廳，餐廳環境幾有氣氛，我哋都分別點左晚飯套餐開心分享。餐湯羅宋湯，足料濃郁帶點酸甜，額外再加些胡椒粉更正。酥皮粟米忌廉湯，剛焗出黎的酥皮湯熱辣辣，好耐冇飲過☺️，味道正宗好好飲。餐包香軟微暖，中間己加了牛油，拌湯食好味😋。頭盤小食，招牌德國鹹牛脷，調味剛好唔會過鹹，爽口彈牙，配埋芥末醬味道好夾。德國蜜糖芥末燒豬手，超級大隻嘅豬手，個豬皮燒得香脆可口，肉質軟腍容易切開，味道咸香有咀嚼感，伴碟仲有香脆嘅粗薯條，同埋新鮮的沙律菜。美式雜扒飯，超級多料有豬扒、牛扒🥩、羊架、好多片煙肉🥓、沙律菜同埋太陽蛋，啱晒咩都想食d嘅我哋🥂。輕鬆愉快的晚餐，令人感到難忘的用餐體驗。

與好友去佐敦《牛屋餐廳》食港式懷舊西餐，裝潢紅木桌椅真有復古感覺。我們點左招牌英國威靈頓牛柳配薯菜 $238 配忌廉粟米湯：鬆脆的酥皮包着厚厚牛柳肉味香濃又好腍，配蘑菇醬超級好食又美味，薯條香脆，值得推介👍忌廉粟米湯：香滑可口。日式原隻帆立貝拼雞扒意粉$116酥皮羅宋湯，帆立貝鮮甜，雞扒嫩滑，意粉彈牙。酥皮羅宋湯：濃香番茄湯底有椰菜、紅蘿蔔、牛肉絲，好味😋招牌焗法式田螺$68 （半打）田螺腍滑美味蒜味香濃，薯蓉軟滑。飲品：阿華田（凍）&柚子蜜。

一開始我就嗌咗聲稱招牌推介嘅鹽燒牛舌，完全食唔到佢嘅鹽喺邊度，而且仲要食少少腥味。隨後店員亦幫我落錯單，我分別嗌咗五成熟嘅威靈頓牛柳同埋七成熟嘅普通牛柳套餐，但上餐嗰陣發現兩種肉嘅熟度完全掉轉咗。諗住如果牛柳係好食嘅 上錯咗熟度都唔係一個大問題，但食落去發現真係完全唔好食！！！食物質素真係好差，首先普通牛柳口感好奇怪，好腍，而且食到好似有啲粉漿嘅味道，而跟餐嘅飯根本好似係未煮熟或仲要係唔熱嘅，街邊一個普通飯盒分分鐘仲好食過佢。而威靈頓牛柳嘅套餐，我就加錢轉咗酥皮湯，威靈頓牛柳肉感好少少，但係外層嘅酥皮同中間嘅醬汁同嚿牛柳完全唔夾，反而單獨食佢入邊嘅牛柳仲好食。而額外加錢嘅酥皮湯除咗多咗層好薄嘅酥皮之外，完全同一般跟餐嘅湯冇分別。而不論係羅宋湯定係忌廉湯都冇咩料可以食到。屋企人再叫咗一個比目魚扒餐，比目魚魚扒超薄，而且沒有任何油脂，令我哋懷疑究竟佢係咪比目魚。 整體嚟講一個字 劣。

📌佐敦平民食堂 老牌西餐篇每次食飯時間經過佐敦，總會見到有間西餐大排長龍，而西餐普遍比人印象一定吾平，價錢離地。而出於好奇，平民食堂就行埋去望下價錢，先發現佢原來系一間老牌平民西餐 一 牛屋餐廳 @santgria_kitchen🐥🍝蒜蓉雞扒意粉 $48雞皮煎得幾脆，而雞扒肉亦有一定厚度，加埋個靈魂，港式蒜蓉汁，令到成件事好平民好貼地而且$48仲包埋餐包餐湯餐飲，真系好扺食😋👍🏻📍牛屋餐廳地址：佐敦吳松街143號地舖#佐敦 #牛屋餐廳 #牛屋 #西餐 #撐小店 #小店系列 #平民食堂 #平民美食 #老牌西餐 #自費食評 #香港小店 #良心小店💛 #星星帶你食 #星星和你食 #佐敦食咩好#foodie #hkfood #hkfoodie #foodiehk

前兩日去佐敦牛屋餐廳食飯，試咗兩個套餐同招牌德國鹹牛脷。一入去餐廳，環境充滿港式情懷， 好有情調。先講招牌德國鹹牛脷，份量都幾多，咬落去，口感軟腍，鹹味調得好啱，加埋芥末醬，真係好有特色，令人一試難忘。英國威靈頓牛柳揀咗五成熟，切開個陣，中間嘅牛肉呈粉嫩色，外層酥皮好酥脆，入面牛肉好juicy，仲有啲蘑菇同鵝肝醬醬夾喺中間，味道層次好豐富👍🏻👍🏻薯菜搭配埋都好唔錯。跟餐忌廉湯都好香滑，奶味濃郁。德國蜜糖芥末燒豬手（2LB），真係大大份！外皮燒到脆卜卜，咬落去“喀吱”一聲，好過癮。豬手肉質夠淋，唔會太乾，蜜糖同芥末嘅味道融合得好好，好開胃。羅宋湯酸甜適中，配埋塗滿牛油嘅熱餐包，正😋。整體嚟講，牛屋嘅食物質素唔錯，份量夠大，套餐$238已包埋餐包餐湯同飲品，非常滿足😌！

講到港式懷舊西餐廳，大家都一定會諗起位於佐敦嘅牛屋餐廳。呢到真係好有retro feel，我超鍾意，今日就同朋友一齊來食dinner，估唔到咁多年冇嚟，啲服務態度都一樣咁好，嘢食質素當然都保持有水準啦！ 一坐低梗係先叫個招牌威靈頓牛柳，份量超足夠，啲肉好腍身，外皮超酥脆，中間更加有啲蘑菇醬，真係超級無敵好食，當然啦，要有童年回憶就梗係要叫埋酥皮湯，有忌廉蘑菇湯同埋羅宋湯，兩個選擇都好好飲。因為今日同一個食肉獸嘅朋友嚟，所以額外叫多咗份招牌德國鹹牛脷粒，佢個味道好好食，輕微鹹鹹地，一啲都唔鞋。而個德國鹹豬手配蜜糖芥末什汁都真係大份得驚人，而呢個價錢食到呢個質素真係好抵食。

一講到西餐廳，總係諗起電影入面嗰種vintage情調—紅白格仔枱布、燭光晚餐同埋香噴噴嘅牛扒！😍 佐敦嘅Santeria Kitchen真係將呢啲夢幻感覺帶到2025年！呢間餐廳旺中帶靜，離彌敦道唔遠，搵起來超方便，service又親切，岩晒我同老公想食budget fine dining嘅要求，特別係老公嗰個牛扒配紅酒嘅迷思。🥩🍷不過我真係唔想老公次次食牛扒都要配紅酒，幸好呢度嘅menu選擇夠多，夠晒吸引到佢試新嘢（同埋令我選擇困難症發作🤣）。最後老公點咗紐西蘭牛柳配薯菜，薯條份量大到我哋兩公婆share都夠食！我點咗深海比目魚配原隻大蝦，比目魚外皮脆卜卜、內裡肉質又香又軟，仲有隻超大蝦，size大到我完全唔需要同老公爭薯條。今次仲忍唔住試咗佢哋嘅招牌焗法式田螺，同老公一齊share。田螺配香蒜薯蓉，滑到爆嘅口感真係令我回想喺英國讀書同做嘢嗰陣食過嘅薯蓉，懷緬到不得了！🐌✨

收工後比老細帶咗去佐敦「牛屋」開餐，一間充滿港式情懷嘅老牌西餐廳！最驚喜係佢哋嘅**懷舊羅宋湯**——濃郁番茄底夾雜椰菜、紅蘿蔔，仲有啖啖牛肉粒，酸甜開胃到忍唔住飲晒！跟餐嘅**牛油餐包**更係邪惡，鬆軟到似食緊舊雲，師傅預先搽好牛油，熱力融化嘅香氣我破戒啃咗半個（說好的低碳水呢？）😝 主菜**威靈頓牛柳**絕對係功夫菜！酥皮焗到金黃鬆化，切開粉嫩牛柳肉汁四溢，蘑菇醬香濃唔搶戲。驚喜位在於伴碟嘅粗薯條，外脆內綿，灑少少鹽花，食到停唔到口（又係助力反低碳！😭）另一道**德國蜜糖芥末燒豬手**份量令人震撼，外皮有啲香脆，膠質部位黏糯入味，肉質意外地軟嫩唔柴，蘸埋蜜糖芥末醬，味道更昇華～ 最欣賞佢哋嘅**油醋沙律**，新鮮羅馬生菜拌巴薩米克醋，酸爽解膩。人均兩舊幾食到捧住肚走，呢種懷舊與質感兼備嘅體驗，難怪老細成日掛住嚟！

今晚跟好友去了一間懷舊西餐，風味跟格局都非常有英倫風，而且價錢都抵吃。羅宋湯味道酸甜濃郁，牛味香濃與番茄的鮮味好開胃，暖胃又暖心。酥皮忌廉湯酥皮咬落香脆，湯底奶香四溢，啖啖滿足！招牌焗法式田螺（半打）蒜香同香草醬汁滲入田螺，濃香撲鼻，薯蓉綿密滑溜，入口滋味滿分。招牌英國威靈頓牛柳貴為餐廳皇牌，牛柳嫩滑多汁，酥皮包得嚴實，切開仲有粉紅肉汁，配上香脆薯條，完美無瑕！德國蜜糖芥末燒豬手配薯條外皮焦香，肉質軟腍，蜜糖甜同芥末微辣嘅碰撞，惹味到停唔下來！總括來講，餐廳環境舒適，菜式用心，份量足，價錢親民，係享受歐式風味嘅絕佳選擇！

係一間懷舊特色扒房～餐廳環境非常有風味✨！有一種懷舊情懷感覺～尤其望住佢嘅傳統壁畫～別有一番風味！餐廳唔會太迫～而且佢嘅服務非常之好👍🏻！𝑭𝑶𝑶𝑫𝑺1〉德國蜜糖芥末燒豬手(2LB)  $238（推薦🌟）份量超多，抵食！睇圖都見到好大隻豬手！一上枱都有少少嚇親（haha）～外皮非常酥脆！肉質柔嫩多汁，雖然經過烤製，但肉同脂肪嘅比例恰到好處～口感好豐富！2〉招牌英國威靈頓牛柳拼薯菜 $256 （大推薦🌟）真係唔係道道威靈頓牛柳整得好食，但牛屋餐廳的確出色！首先賣相已經好好～切嘅時候 外皮同牛柳唔會分離，好加分！牛柳肉質方面好食～軟嫩適中，肉味香濃！J哥特別欣賞道菜中間加左少少牛肉碎令牛味更出，口感更豐富！3〉招牌焗法式田螺（半打）$68 （推薦🌟）連少食法式田螺嘅WO妹都讚不絕口！田螺好鮮，一啲都唔腥！重點薯蓉超級好味！完全吸收哂田螺嘅鮮甜香濃，每一啖薯蓉都有豐富嘅口感～食唔停口！4〉羅宋湯 跟餐$0 唔馬虎！湯入面仲有牛肉粒，落足料！味道唔係太酸，啱啱好！5〉酥皮忌廉湯 跟餐$0 （推薦🌟）酥皮忌廉湯又係唔多地方普遍有賣～所以都好高期望～一啲都冇失望！整碟湯keep住一直熱，仲要個酥皮好

今次朋友去咗一間超有港式情懷嘅傳統扒房，紅木嘅枱凳傢俬，仲有懷舊擺設，真係好似時光倒流咁！🕰️ 問一問先知原來餐廳已經超過40年歷史，呢種傳統風味真係買少見少㗎啦～ ### **🇬🇧招牌英國威靈頓牛柳** 一上枱就俾個金黃色酥皮震撼到！🥩 切開五成熟嘅粉嫩牛柳，肉汁即刻湧出嚟～酥皮脆到掉渣，中間嘅蘑菇醬香濃到爆，仲有非常之提鮮！🍄 最正係個傳統港式蒜蓉醬，同牛肉超夾～### **🇺🇸美國安格斯肉眼** 成塊扒大過我塊面！🤩 叫咗五成熟，切開粉紅色嘅橫切面靚到暈～油脂分布均勻，簡單用鹽同胡椒調味已經好夠味！薯菜份量多到嚇親人，仲有沙律車厘茄爆汁效果～🍟### **🍅羅宋湯** 港式扒房必點！湯料多到似燴菜～🥕 除咗牛肉碎，仲有椰菜、紅蘿蔔、蕃茄等，酸甜度平衡得啱啱好！飲完成個人都醒神晒～🌶️ ### **🥣酥皮忌簾湯** 一上枱就聞到牛油香！酥皮焗到脹卜卜，輕輕一篤就沉落湯入面～🧈 忌簾湯creamy得嚟唔會太膩，仲有粒粒粟米同蘑菇～最過癮係將酥皮浸軟嚟食，外脆內軟雙重口感！ #港式扒房 #懷舊滋味 #少女食評 #肉食天堂 #打卡熱點

傳統懷舊扒房 酥皮威靈頓牛柳1.酥皮湯 +$18有得揀白湯或者紅湯，我哋嗰時既白湯係粟米忌廉湯，入面有好多粟米好足料，而且都幾結身；紅湯方面係羅宋湯，入面都好多蔬菜，而且個湯味道唔會太酸，加$18就可以加酥皮，酥皮方面都好香牛油味，口感酥脆。🌟評分：7.5/102.煙肉薯蓉焗青口 $68青口睇落都每隻都算大隻，煙肉薯蓉放咗喺中間，而且底下仲有好多煙肉油，夾埋一齊食超級惹味，青口唔會焗到好乾，仲保持到水份。🌟評分：8/103.招牌英國威靈頓牛柳 ＄238呢個價錢食到威靈頓牛柳已經係好抵，喺出面食都冇可能呢個價錢，威靈頓牛柳會跟飯、意粉，或者薯菜三揀一，威靈頓牛柳份量都大，係絕對夠一個人食，表面酥皮酥脆好香牛油香，配上香嫩嘅牛柳，而且仲有肉汁，我哋叫咗嘅熟度係五成熟，所以入面仲係好粉嫩，肉質完全係好腍好嫩，仲有少少芥末香，非常之好食。🌟評分：8.5/104.德國鹹豬手配蜜糖芥末汁 $238德國鹹豬手竟然真係原隻上，豬手嘅表皮焗到金黃色，脆到好似薯片咁，但係肉質仲保持到，完全唔會話好乾好鞋，豬手都唔會話好多肥膏，肥瘦啱啱好，配上自家製嘅蜜糖芥末汁，佢嘅蜜糖芥末汁蜜糖比例係比較多，所以會比較蜜

Set Lunch 有牛油餐包，餐湯，主食，冷熱餐飲+$3。蒜蓉雞扒（$48）凍檸檬茶（+$3）餐包室溫。粟米忌廉湯夠哂'傑'身，最啱點餐包一齊食，頗多粟米粒。主食可以配白飯、意粉、薯菜、淨菜，要咗薯菜。薯條份量足，夠熱，外微脆裡面粉，再加幾片沙律菜。雞扒煎得唔錯，表面雞皮香脆，內裡肉質嫩，而且仍有肉汁。蒜蓉汁夠味。白汁牛脷焗意粉（$68）凍檸檬茶（+$3）羅宋湯係港式西餐嘅傳統味道，少甜帶酸，適量蔬菜。大約十數分鐘上枱。白汁及芝士味道可以，但略嫌唔夠，撈唔哂成碟意粉。意粉份量多，普通白烚，但勝在口感好，唔會糊身及有咬口。牛脷有三片，尚算厚切，口感偏腍，味道可以。午市時段滿座，所以坐得有些侷促。另外因為吧枱內有半開放式廚房，所以餐廳內會有油煙味。午市沒有加一服務費。

牛屋餐廳在佐敦屹立逾50年是一間充滿傳統風味的懷舊扒房店裡全程播放香港歌手的歌🎶餐包會事先切半塗牛油🧈好貼心❤️座位較少，去之前記得訂檯～🥩招牌英國威靈頓牛柳 💰256金黃酥皮包裹厚實嫩粉牛柳，切開汁水滿溢Medium熟度的牛柳真的非非非常嫩！肝醬濃郁香醇，豐富了整體的味道外酥內嫩的威靈頓牛柳，不愧為店內招牌番茄醬加了香草，很特別🐷德國蜜糖芥末燒豬手💰238皮脆到咬下去有「喀嚓」聲肉質軟嫩，蜜糖芥末醬少甜多芥末會更夾我好怕豬騷味，竟然一點都聞不到！豬手大隻到讓人直呼過癮🐌焗法式田螺💰68螺肉肉質爽嫩，薯蓉入口幼滑蒜蓉味好濃郁，整體覺得有點鹹🍅酥皮羅宋湯 +$18酥皮蓬鬆香脆，湯底酸甜濃郁蔬菜和牛肉的香氣完美融合🍵忌廉湯奶香濃郁順滑，我是白湯愛好者～🍋凍檸檬茶清新冰涼，完美平衡了主菜的濃郁飲完可以再食多幾塊肉和薯條🤣