牛大人台灣火鍋吃到飽 (鱷魚恤中心)

营业中

休息中

早幾日放工同朋友喺牛大人打邊爐，佢哋分別有三個唔同價位搞，我哋今次叫咗最貴嘅😌，另外選擇左佢哋出名嘅牛大人紅燒牛骨鍋，個鍋一嚟到，好大浸紅燒牛肉味，當中包咗個澳洲和牛M5牛肩卷，肉質同一般嘅打邊爐嘅牛肉，真係爭好遠，好肥美，好嫩滑！另外，北海道十勝豚肉都係值得推介😚，唔會太肥，有口感，小編同朋友都叫左好多碟😛除咗可以喺電話落單之外，出面仲有啲配料同埋其他打邊爐嘅嘢食可以比大家夾😉最後，食到飽晒，仲有甜品俾我哋選擇，我哋就揀咗MÖVENPICK士多啤梨雪糕同埋芋圓糖水，成餐飯都好滿足😛

鍾意嚟呢度打邊爐因為啲牛好好食😋而且任食一定夠飽！出去其他火鍋餐廳，打邊爐鍋底、一碟牛肉都已經$600以上，所以嚟呢度食繁忙時間都係$328/位，已經食到最貴極極上和牛吃到飽！真係食到飽飽，又抵！每次坐低叫完個火鍋湯底就即刻出去攞醬油、飲品。飲品鍾意飲呢度嘅茶，蜜桃烏龍、桂花烏龍都係我最鍾意飲嘅，出邊仲有滷肉飯同埋多款火鍋配料菜類等等。落單狂點牛肉最鍾意食安格斯牛肉，牛味好香又好食！今次火鍋湯底揀咗鳳梨雞鍋，真係好大隻雞！鴨血、鴨舌都係我好鍾意食！晚市每人有兩粒和牛牛丸非常juicy! 除咗牛肉，豬肉都好食！而家新出左北海道十勝豚，豬味香濃肉質又好食！最後嘆埋杯雪糕真係飽飽！

食極都唔厭嘅牛大人☺️今次同食得辣嘅朋友去食，可以叫麻辣湯底，正呀😍第一次去觀塘店，估唔到環境咁大咁闊落，仲安排我哋坐窗口位，坐得好舒服。今次依然揀最貴嘅套餐，今次我主打食澳洲M5和牛同埋安格斯牛小排，兩樣都好味，又唔會太過肥，好滿意。另外仲試咗豬、雞、羊，都好唔錯。每人兩粒嘅和牛丸依然好味😋朋友第一次食牛大人，食完和牛丸忍唔住去雪櫃攞咗勁多其他丸，佢話出面啲丸都好好味，比平時食放題嘅好味好多，佢勁開心🤣因為今次食麻辣湯底，一定要試鴨血，好好味，凍豆腐都好正，仲有淮山、芋頭、油炸鬼，都同湯底好夾。最後當然唔少得甜品，今次除咗movenpick 同埋芋圓凉粉之外，仲有haagen dazs，好滿足☺️

牛大人一定要網上預約既,琴日心血來潮想食,即刻BOOK,可能疫情原因,即刻BOOK到,太開心了。因為之前成日都BOOK 唔到,有得食真好。來到牛大人,人不是太多,3個人坐得好舒服,一來就俾佢既牛吸引左,其實真係最好食,我地選了90分鐘午餐吃到飽,選了特級安格斯,安格斯牛板健真係正既,都有選餃子個D食,都不錯的。我地3個人差不多食了20盤牛,不過佢一盤得2-3塊。飲品其實都真係要選下,白桃烏龍係好香既,不過打邊爐就想飲D有氣飲品,所以最後都飲左3款唔同既飲品。我推介石榴汁,好有台灣風味架!!!最後大家一定要食玄米雪糕,好夠味 !!!!!

牛大人就聽得多，都出晒名知道佢多人排隊，好多客，但真正食今次真係第一次，撞正有朋友生日，今日就一行四人嚟試一試佢嘅水準呀。今日我哋揀咗觀塘呢間牛大人，依家牛大人鋪面都算多座位，好寬躺，唔會覺得迫夾夾。既然第一次試，一嚟梗係要試過最勁套餐，呢個餐係$318每位，其中牛嘅部份更加比其他套餐選擇多好多，試呢個餐啱晒。首先介紹左個湯底先，呢款名叫牛骨湯底，睇得出材料一啲都唔馬虎，入邊有好多藥膳，牛骨都有好多舊，煲到出嚟個湯非常濃郁，可以話係完全唔使點醬油都可以食到好濃嘅牛味，對於牛魔王來講呢個湯底簡直係一流。佢仲有好多其他嘅選擇，例如蕃茄湯，菌湯，麻辣燙之類嘅，應該一定有一款滿足到大眾。牛大人，小食方面當然有台灣人街邊最鍾意食嘅烤台灣香腸，小食方面都有好幾款俾大家選擇，可以話唔係淨係打邊爐咁簡單。入正題要介紹吓啲牛肉啦，呢款最貴嘅套餐其中一樣分別就係多咗幾款獨有嘅牛肉選擇，好似呢款澳洲M5和牛卷咁，明顯見到牛肉切到好薄身，脂肪同牛嘅肌肉文理分明，由於切得薄身嘅關係，放落湯底根本唔需要錄好耐就即刻熟，入口牛味濃郁，因為有好深肌肉紋理嘅關係，明顯口感非常爽口，唔似得廉價牛肉卷一樣入口就會散開。 另

最近終於放寬堂食限制，一於同朋友仔一齊訂枱食打邊爐！ 嚟到牛大人，我就覺得一係就食最貴果餐一係就食最平嗰餐，我哋都想食靚牛，所以就係揀咗最多款式嗰個餐。一開始先送四粒和牛牛丸，味道香濃爽彈～ 配搭我哋揀咗嘅牛骨鍋湯底，特別入味！澳洲和牛M5牛肩卷+安格斯牛小排都係超正，牛小排就比較脂肪多少少比較滑啲，而牛肩卷重牛味，都唔錯！蟹籽墨汁漿口感爽彈，又唔會搞到個口黑孖孖，加上有蟹籽，更加有質感。福建燕餃+瓜仔雞水餃 + 花蓮扁食 ( 手工小雲吞 ) + 韭菜水餃鍾意食水餃嘅我就一次過叫晒唔同款式，福建燕餃個感覺比較似魚皮餃；瓜仔雞水餃爽口之餘裏面有肉有菜；花蓮扁食係豬肉雲吞，口味鹹香。韭菜水餃裏面滿載韭菜，香氣逼人！即食嘅小食我就推介台灣小香腸+魚香皮蛋豆腐小香腸鹹香十足，好似去咗台灣夜市咁，而且熱辣辣；魚香皮蛋豆腐，豆腐好滑之餘上面有好多肉鬆同木魚，鹹香鹹香。水蓮+鴨血都係必食之選，平時好難食水蓮呢款菜，口感爽口又充滿纖維，朔埋個湯底就Perfect！（Encore左起碼三次）；鴨血就彈牙具質感，加上帶少少胡椒香辣，特別惹味。免費冰荷青桔梳打只需要讚好社交平台就可以有一人一杯，少甜咗比較清

唔知幾時開始，一想打邊爐既時候第一諗起一定係牛大人！味道好又多湯底選擇，配料選擇都好多，價錢又唔貴😽真係心目中火鍋既no1⃣️牛大人火鍋一共有三個價位食到飽套餐選擇，個人覺得最貴果個澳洲極上和牛餐性價比都好高，$318價錢都唔算貴，但可以選擇既配菜同質素真係比得返你😜每次黎湯底都一定要揀紅燒牛肉湯底，夠濃味得黎又唔會辣🐮如果雙拼就要加$50，今次揀左第一次試既蒜頭雞，清淡得黎又有蒜頭帶返少少刺激既感覺，都幾好食！安格斯牛小排同和牛肩肉牛味濃郁，入口鮮嫩😃質素比平常的任食火鍋高🤪最鍾意係佢送既和牛丸，真係好juicy多汁又彈牙！牛大人有好多特色台灣配菜，芋頭貢丸、油條、鴨血、風琴豆腐、豬大腸、酥排骨都好推薦🥳另外d台式小食例如鴨舌、炸蕃薯、甜不辣都好好食🤩飲品方面有好多特色台灣罐裝飲品，AL代言既OoOHA無糖汽水，蘋果西打、番石榴汁同多款冷泡茶🍵最後食埋movenpick雪糕就滿足曬！

返咗新工大概兩個月 為咗好好獎勵自己 同埋多謝一直支持我嘅屋企人 就請埋屋企人食牛大人午餐放題💁🏻‍♀️我哋今次揀咗90分鐘極上和牛吃到飽套餐 而湯底揀左蒜頭雞鍋🐓湯頭係好清甜 重雞湯味 可能因為入面有成半隻雞嘅關係🤗呢個套餐嘅重點係澳洲和牛 牛肉每碟都好靚 油脂分布平均 而且大大塊好有牛肉香味 忍唔住都要食多幾塊☺️☺️估唔到火鍋放題店都有好多款台式小食任揀💓梅甘酥脆薯同士林鹽酥雞整得同係台灣夜市食既一樣 好有身在台灣嘅感覺牛大人嘅飲品好多選擇 我最鍾意飲佢哋嘅冷泡茶 今日試曬四款味道✌🏻：桂花烏龍、白桃烏龍、菊花普洱、洛神花茶 全部都好好味 我真係飲晒㗎!

牛大人一直都係我bookmark餐廳裡面未食到既其中之一，因為都真係有啲難約！最近終於都比我約到晚市時段，難得約到所以我哋都揀咗個最貴嘅澳洲極上和牛套餐$318/位。因為屋企人食唔到辣，所以叫咗店員介紹一下火鍋湯底，佢推介牛骨鍋味道會比較濃郁，但如果喜歡口味清淡啲可以揀鳳梨雞鍋或者薑母鴨鍋！ 最後決定咗叫牛骨鍋，但我自己其實好中意食台式麻辣鍋，因為食落甜甜地有藥膳味，唔似四川麻辣嗰種食完就會feel到第二日一定會去廁所咁火辣辣。所以下次同朋友再食嘅話一定會試麻辣鍋！枱上有兩個兜兜，係配菜區拎啲火鍋配料，拎左勁多支竹同皇帝菜，另外都可以用Apps叫套餐包括嘅食物，除咗火鍋配料仲有啲熱食小食同炸物，款式真係好多。另外呢個套餐每人會有兩粒澳洲m9和牛牛丸，如果再要係可以加錢叫，本身佢上鍋擺左一碟牛丸上檯都冇為意，但媽咪一直對個牛丸讚不絕口，到我發現嘅時候原來已經係最後一粒，牛丸好Juice，咬開就會爆出好鮮甜既牛香！另外唔少得嘅就係要點評一下澳洲M5和牛肩卷，比起一般任食火鍋同燒肉店，牛肉嘅解凍程度真係理想好多，牛嘅肉質入口都係好嫩滑同重牛味。唯一比較可惜嘅係點一碟只得兩片牛肉，不過叫多幾轉

👍🏻 極上和牛吃到飽套餐🐄牛大人呢款套餐我每次嚟都會揀🤗因為對於牛肉狂魔嘅我 必須要把握每個食到和牛嘅機會 以下呢幾樣都係我最推介嘅 （肉類🥩）澳洲和牛M5牛肩卷、安格斯特選牛板腱、西班牙豬梅肉片（海鮮類）蟹籽墨汁漿（內臟類）豬大腸、鴨血另外出面自助區任取嘅丸類同埋台灣直送嘅蔬菜🥬都好高質新鮮除了打邊爐 即食小食也不錯😌配埋係自助區拎嘅冷泡茶🫖簡直猶如身在台灣😎😎必食小吃有💁🏻‍♀️✅皮蛋肉鬆豆腐✅梅甘酥脆薯✅士林鹽酥雞✅玄米茶雪糕（自助區自取）最後💁🏻‍♀️湯底 🥣揀咗蒜頭雞鍋 既唔會太油膩 又有蒜頭嘅香味 用呢個湯底打邊爐真係一流🍲注意事項⚠️- 餐廳長期都大受歡迎 想食既朋友可以提早於網上訂座 或者記得早啲去攞位喇🥰🥰- 大部份火鍋食材可以用QR code落單 想付費額外加材料的話都可以喺嗰度睇

好耐無打過邊爐，趁要強制打第三針之前約友人去牛大人食返餐先。湯底今次嗌咗麻辣鍋，真材實料香料味濃厚，小辣嘅辣味啱啱好。落完湯底後好快侍應就送上一碟和牛牛丸，咬落爽口彈牙牛味好重。喺等緊湯底煮滾前嗌咗一碟鹽酥雞食住先，炸粉夠簿啖啖肉好正。和牛牛肩卷好鮮嫩牛味好濃。手切封門柳厚切有口感，咬落煙煙韌韌好有嚼口。海蝦爽口彈牙味道好鮮甜。沙白海水味重，好肥美多汁，食落又無沙唔錯。脆肉鯇魚片新鮮爽口但有少少骨。必食嘅鴨血好滑溜，藥材味濃好好食！晚市仲有少見嘅水蓮，口感比較爽脆好特別。飲品茶味濃好清爽，又清熱氣同打邊爐好夾。最後仲有每人一個雪糕，食完好滿足！

平時係牛大人堂食火鍋就食過好多次，深深比佢地個湯底吸引左，今次見佢有湯底賣，更係買返屋企慢慢嘆啦⋯⋯🤗 牛大人紅燒牛骨鍋🐂一包一次非常之方便，一開就聞到濃濃嘅牛骨味，只要加3000ml雞湯/水，因為我冇雞湯，所以加左水🤫不過湯底都夠味，因為真係真材實料👍🏻咁當然自己再買d🐮🐔🐷🥬，正到不得之了，最最最正湯底夠濃，差唔多尾升加麵或者烏冬吸晒d湯，冇得頂👍🏻👍🏻👍🏻湯包只要係牛大人各門市或者ieat online就買到😍

星期五8點半食無論你地忙，定係你地肉不夠供應？但無理由要食客受罪啲肉薄到呢。。。。。。。。。。。。。。。。。。。。。。。。。。。。。。。。。。

之前堂食，叫了招牌紅燒牛骨鍋湯底。湯底味道濃郁 ，仲有成條牛骨係到，不愧係招牌湯底👍。時常想和家人分享，但家人因為疫情都不太想外出。最近得知推出咗兩款招牌湯包-「牛大人紅燒牛骨鍋湯包」和「牛夫人秘方麻辣鍋湯包」，二話不說選了紅燒牛骨湯底。一打開濃稠的湯包，牛味已經香氣撲鼻。再加入3000ML開水並煲滾，濃郁的牛骨味不知不覺充斥整間房。嗅一嗅到流曬口水 ！！！湯頭濃而不鹹，還有少少甜味。期間加了三次水，湯底依舊濃郁，味道不變。不論放菜或放肉入湯底，都不用蘸任何醬料，非常入味。雖然湯底沒有原件牛骨，但味道和堂食一樣好味，而且非常方便。 價錢 和份量：$ 68一包（4-10人）購買地點：牛大人門市 和 ieat online 網上平台..

一早係OpenRice book左午飯時段 食到尾都未full晒個場 限時90分鐘 有set 餐任食 仲有自助吧添 2人埋單都係$370 性價比高 佢個玄米茶雪糕仲好有驚喜添 😍🤤👍🏻👍🏻👍🏻