影片
更多
2024-10-29
637 浏览
適逢牛大人開業5週年，我同朋友嚟左試吓新出嘅日本黑毛和牛A4+餐。套餐會跟海鮮拼盤，同牛肉味滿滿嘅澳洲M9和牛牛丸，海鮮拼盤一啲都唔吝嗇，有扇貝聖子鮑魚同生蠔。今次我哋仲試吓嘗鮮，試一試佢期間限定嘅魚白湯三文魚豆腐鍋湯底，會奉送一份底料，係好豐富嘅蛋白質呀😆。今次嘅主角係日本黑毛A4和牛，一碟已經好大盤，油花均勻而且每一片都大大片，4個人食都係嗌左2碟就飽哂🤤🤤。另一款伊比利亞黑毛豬梅肉都好有驚喜，豬肉味好濃，肉質淋身，同和牛比較都完全冇失色😇。要值回票價當然要試埋佢任食嘅鮑魚，有鮮甜鮑魚（要加熱食）、古法醉鮑魚、炭燒鹽蔥鮑魚同埋柚子燒汁鮑魚，每一款都好有特色，個人同朋友都推薦炭燒鹽蔥呢一款，有小小炸嘅口感，配埋同佢可以叫嘅少爺PILSNER啤酒🍻真係好chill咁打邊爐。我哋仲叫左每次必叫嘅真豬小香腸、脆肉鯇魚片、鮮甜海蝦、私房鴨血等等，最特別係魚片拼呢一個三文魚湯，會有好濃郁嘅三文魚味，每一樣都令我好滿足😌。最後埋單之前店員仲同我哋講由 10 月 1 日至 10 月 31 日，消費最高嘅五位會得到香港往來台北嘅機票，包埋行李，鐘意去台灣嘅我哋都諗住食多幾轉🤣🤣睇吓有冇機會可以順便走
套餐會跟海鮮拼盤，同牛肉味滿滿嘅澳洲M9和牛牛丸，海鮮拼盤一啲都唔吝嗇，有扇貝聖子鮑魚同生蠔。
今次我哋仲試吓嘗鮮，試一試佢期間限定嘅魚白湯三文魚豆腐鍋湯底，會奉送一份底料，係好豐富嘅蛋白質呀😆。
今次嘅主角係日本黑毛A4和牛，一碟已經好大盤，油花均勻而且每一片都大大片，4個人食都係嗌左2碟就飽哂🤤🤤。
另一款伊比利亞黑毛豬梅肉都好有驚喜，豬肉味好濃，肉質淋身，同和牛比較都完全冇失色😇。
要值回票價當然要試埋佢任食嘅鮑魚，有鮮甜鮑魚（要加熱食）、古法醉鮑魚、炭燒鹽蔥鮑魚同埋柚子燒汁鮑魚，每一款都好有特色，個人同朋友都推薦炭燒鹽蔥呢一款，有小小炸嘅口感，配埋同佢可以叫嘅少爺PILSNER啤酒🍻真係好chill咁打邊爐。
我哋仲叫左每次必叫嘅真豬小香腸、脆肉鯇魚片、鮮甜海蝦、私房鴨血等等，最特別係魚片拼呢一個三文魚湯，會有好濃郁嘅三文魚味，每一樣都令我好滿足😌。
最後埋單之前店員仲同我哋講由 10 月 1 日至 10 月 31 日，消費最高嘅五位會得到香港往來台北嘅機票，包埋行李，鐘意去台灣嘅我哋都諗住食多幾轉🤣🤣睇吓有冇機會可以順便走一轉台灣。
张贴
