影片
更多
2024-12-10
287 浏览
本身我已經係牛大人嘅超級Fans, 今日約埋幾位好朋友黎到觀塘鱷魚恤中心分店打邊爐。位置係正觀塘中心地帶，地鐵行過去都只需幾分鐘。一出電梯，精緻嘅裝修映入眼簾，地方闊落，是日係星期五，即使我地接近8點半先到，都仲需要排隊等位，幸好排隊安排都好好同夠唔會好逼~作為牛大人~~~ 嘅侍從嘅我，今次當然係衝住佢新出嘅套餐 120分鐘日本黑毛和牛A4+ 吃到飽 而黎，今次真係不飽無歸！湯底：我地分別選擇左牛夫人秘方麻辣鍋 同 台灣鳳梨雞鍋，麻辣鍋香味濃郁，辣度恰到好處，鐘意食香辣野不能錯過； 台灣鳳梨雞鍋則非常清甜，朋友鐘意食唔太濃烈嘅野，但呢個湯底清甜得黎味道好足，兩個都大讚！叫左套餐首先贈送澳洲M9和牛牛丸，口感彈牙，肉味香濃，大讚！附送海鮮拼盤有鮑魚、帶子、蟶子、生蠔，每一樣都鮮味大足！然後當然到主角日本黑毛A4+和牛，擺滿圓盤滿滿嘅和牛，雪花多而均稱，薄身切片好快就淥熟，入口即溶，牛味非常出色，大家瘋狂叫左好多盤！仲唔少得唔食牛嘅朋友最鐘意嘅豬肉片，使用伊比利亞黑毛豬梅肉，肉味香濃，肥瘦適中，都係呢個套餐獨有架！另外鮑魚主題都係呢個套餐先獨有嘅特色菜，既有即叫即食嘅3款鮑魚，個人最喜愛古
一出電梯，精緻嘅裝修映入眼簾，地方闊落，是日係星期五，即使我地接近8點半先到，都仲需要排隊等位，幸好排隊安排都好好同夠唔會好逼~
作為牛大人~~~ 嘅侍從嘅我，今次當然係衝住佢新出嘅套餐 120分鐘日本黑毛和牛A4+ 吃到飽 而黎，今次真係不飽無歸！
湯底：我地分別選擇左牛夫人秘方麻辣鍋 同 台灣鳳梨雞鍋，麻辣鍋香味濃郁，辣度恰到好處，鐘意食香辣野不能錯過； 台灣鳳梨雞鍋則非常清甜，朋友鐘意食唔太濃烈嘅野，但呢個湯底清甜得黎味道好足，兩個都大讚！
叫左套餐首先贈送澳洲M9和牛牛丸，口感彈牙，肉味香濃，大讚！
附送海鮮拼盤有鮑魚、帶子、蟶子、生蠔，每一樣都鮮味大足！
然後當然到主角日本黑毛A4+和牛，擺滿圓盤滿滿嘅和牛，雪花多而均稱，薄身切片好快就淥熟，入口即溶，牛味非常出色，大家瘋狂叫左好多盤！
仲唔少得唔食牛嘅朋友最鐘意嘅豬肉片，使用伊比利亞黑毛豬梅肉，肉味香濃，肥瘦適中，都係呢個套餐獨有架！
另外鮑魚主題都係呢個套餐先獨有嘅特色菜，既有即叫即食嘅3款鮑魚，個人最喜愛古法醉鮑魚！亦都有用於火鍋嘅鮮美鮑魚~ 大滿足！
飲品方面叫左知名本地手工啤- 少爺啤嘅Lager，清爽嘅酒體岩曬用黎配火鍋！
食到飽當然輪到第2個胃出動，牛大人 新推出左Haagen-Dazs 雪糕任食慶典，行到出去雪糕櫃，作為雪糕愛好者，當然每款味都好想拎黎試，但為左身形著想，最後揀左兩款喜愛口味，雲尼拿藍莓馬卡龍同士多啤梨綠茶，為呢餐畫試完美句號呢！
———————————————————————————
张贴
