牛大人台灣火鍋吃到飽 (荷李活商業中心)

营业中

休息中

今日double date👫👫，4點55黎到諗住拎飛食牛大人點知已經無哂7點籌😑，即場入去食就有位，討論完一輪之後就入去！4個人決定叫個鴛鴦湯底台灣鳳梨雞鍋 & 牛大人紅燒牛骨鍋第一次試台灣鳳梨雞鍋，入面有苦瓜、鳳梨、雞腿。雖然有苦瓜，但食落又唔係好覺，味道略淡，唔會遮蓋食物本身既味道，而格離既牛骨鍋就岩哂重口味既男朋友😝。揀左最貴既set，每人有2粒澳洲M9和牛牛丸，超正！咬落去爆汁！勁濃牛味！十碟十碟咁叫，用pizza盤上😆之前無見過呢款小食 - 糖醋甜不辣，酸酸甜甜幾好食！限定既movenpick味，唔錯，唔伏！最期待打卡送既黑糖珍珠轉左做金鑽愛玉冰，除左菠蘿🍍之外入面仲加左檸檬，味道幾清新！開心又滿足既一晚！

一向認為打邊爐同食燒肉都偏向揀啲食材高質既，因為食材好壞真係食一啖就知由於三款價格都差唔多都係二百頭同二百尾之間，梗係有大食大，點最貴既澳洲極上和牛呢個套餐仲有附送和牛牛丸咸香十足好彈牙湯底方面，梗係試下啲特色湯底，第一眼望到個台灣鳳梨雞鍋就覺得一定要試下，拎台灣鳳梨打邊爐真係第一次聽，飲啖湯有些許鳳梨既酸酸甜甜，幾好味，值得一試食材款式黎講，澳洲極上和牛餐就多左多咗封門柳、和牛M5牛肩卷同牛小排，油脂分布一睇就知油脂豐腴牛肩卷同牛小排食落去牛味香濃，肉質柔嫩封門柳就肉味清甜，口感腍滑食封門柳淥一淥就夠，最好帶點點紅色，咁就最好食可以醮啲特有既洋蔥牛肉醬，同啲牛肉好夾除左牛，仲點咗好多特色野，例如豬血糕、甜不辣、鴨血、瓜仔雞小餃同埋章魚珍珠漿等等，全部都好惹味，但最最最值得一提既係麻辣鴨血麻辣鴨血雖然唔係真係好麻辣，但鴨血本身非常滑嫩，咬落去相當juicy煙韌，值得無限encore!另外，間餐廳有唔同既汽水、自製烏龍茶、洛神花茶，同埋like fb送既金鑽愛玉冰！甜品仲有雪糕同台灣仙草凍，於是一人點一款一齊share，仙草凍入面有花生、紅豆同埋珍珠等等卡位又夠大，坐得舒服，值得一試！

難得今日同老公一齊放閒日，好耐冇試過兩個人拍拖。晚上撇下個仔，可以去打邊爐。因為早入座原故，價錢都平啲，呢間分店都好大好多位。飲品好多款，食物都有好多選擇。出面拎嘅，用手機點嘅都會有些不同。茶系列用上膠樽包裝，雖不環保，但真係好衛生。今次叫咗個麻辣湯底，出面有熱茶、滷肉飯，好多調味品，其他火鍋配料用晒又改膠盒入住。首先試咗個滷肉飯，真係好有台式味道，鹹甜適中，又夠杰身，送飯一流。火鍋湯底十分足料。入面有好多辣椒配料，所以對我來說，味道係偏辣的，不過還可以入口。凍豆腐：冰涼滑漏，前菜一流。其他用手機落order的食材：蛋餃、魚片、牛筋等、炸午餐肉、台灣腸、油炸鬼都好好食😋牛肉類: 賣相不俗, 第二個價錢的質素, 明顯好好多, 最平既牛片相對較多根同靭.其後因為掛住食嘅關係，已沒影相記錄。不過呢間台式火鍋店真係誠意推介。因為無論環境、服務、refill、衞生，我都好滿意。而且價錢合理，喜歡食辣的一定要來試試。

一直跟朋友吃了很多次牛大人 每次都很滿足 而今次決定帶媽媽來吃 讓她感受一下任吃任飲吃到超級飽的滋味🤣-🔻🔻🔻🔻🔻✨極上和牛吃到飽 ($258)選了最貴的套餐 選擇最多 可以有和牛吃 還會送2顆和牛牛丸 十分彈牙😝 除了肉類 配料區亦任君選擇 蔬菜 丸類 面類多達20款 最喜歡莫過於飲品區 一枝枝預先準備好的冷泡茶和多款台式飲品 超有台灣風味! -✨湯底：台灣鳳梨雞鍋湯底有杞子 鳳梨 苦瓜 還有一些魚乾仔 味道清新好喝 能喝到鳳梨的清香 而且雞肉軟嫰 啖啖肉☺️ -✨澳洲和牛M5牛肩卷肉質軟嫩 脂肪紋理均勻漂亮 吃到有很香濃的牛味👍-✨安格斯一口牛肉粒厚切牛肉粒 肉質軟腍 口感十足 咬得去吸入湯底 令肉味昇華～-✨豬雪花肉片切得較為厚身 口感爽口軟彈 肉味亦夠香濃～-✨澎湖花枝漿口感好彈牙 吃得出有粒粒花枝在裡面🤣-✨糖酥甜不辣微酥香的甜不辣 配上酸甜醬汁 香Q彈牙 完全是台灣風味 推介👍-✨梅甘酥脆薯熱辣辣香脆薯粒 加上甘梅粉 誰能抵抗🥰🥰🥺-✨新鮮沙白每顆沙白都超大的 鮮甜美味 脹卜卜很多肉 配上鳳梨雞湯底 更顯鮮味-✨冬瓜茶除了自助櫃的茶飲外 還可以選即時調製的茶飲 清涼解暑 可以

午市90mins發覺完全係一個好趕既狀態。餐廳好多人book，全部人排隊入去就座後，去到拿配料位置又排隊，拿醬料又要排隊，兩個人得一個兜裝，基本上裝兩款菜加少少南瓜都無位置，要食左再排隊拿其他。排第二次隊拿配料，翻到個位職員就話last order基本上我地淨係叫左一次肉。D肉上黎一格得四塊，熟食都係少得可憐。我地仲要加錢升級海鮮，全程淨係加左一次，D蝦仲要唔新鮮，肉係「霉」既。Last order比漏比錯，埋單每人220左右食物質素一般，牛又唔係特別有牛味，配料選擇唔算多，唔明白人氣點解咁高

公眾假日前夕，當然要食餐豐富晚餐。餐廳一早爆滿，幸好提早預約。我們選擇了阿嬤養生濃湯鍋，鍋底有白菜、紅棗、蟲草花，味道比較淡。有不少自家製飲品，例如洛神花茶、桂花烏龍，還有仙草蜜、麥香紅茶、芬達、檸檬茶、可樂、麥仔茶、韓國汽水等。⭐️18+冬瓜茶有冬瓜味，也有酒味，容易入口。火鍋配料可以自取，有蟹柳、海帶、魚腐、冬菇、黑木耳、芋絲、蕃茄、雞髀菇、特級花枝丸、麻辣丸子、芝士腸、香腸雞肉丸、鱈魚丸、皇帝菜、油麥菜、唐生菜、竹炭海鮮丸等。我們集中吃澳洲和牛M5牛肩卷和安格斯牛小排，澳洲和牛M5牛肩卷肉味香濃，安格斯牛小排脂肪比例平均一些，更美味。另外還有手切封門柳、安格斯一口牛肉粒、豬雪花肉片。這裏的漿類選擇很多，質素也很好，例如台灣海鮮漿、澎湖花枝漿、真味牛肉漿、爽滑豬肉漿、章魚珍珠漿。也有不少即食小吃，例如餃子、鬼馬老油條、即炸午餐肉、爽脆炸魚皮等，頗有新鮮感。鮮甜海蝦和真台灣鯛魚片等海鮮也不錯。甜品是仙草凍，口感豐富，一流！

聽咁耐牛大人個名，我終於有機會試下喇！六點半入場都已經坐滿半場以上，揀咗中價位$248極上黃牛120分鐘任食試試。即場download app就埋單減$50-咁多隻湯底，我就對白玉酸菜湯、養生濃湯、台灣鳳梨雞湯就最有興趣！但最後結果係揀咗台中蒜頭雞湯。講返個湯底裡面有好多蒜頭半隻雞，但個湯底嘅味道係好清，清到我食唔到有嗰種獨特湯底嘅味！唔好講笑！調味料、食物同飲品真係太多。除咗基本汽水及好多款冷泡茶之外，仲有台灣出品蘋果西打、冬瓜茶、烏龍茶咁嘅。如果你唔想飲凍嘅都唔使怕，呢度都仲有紅棗茶等兩款熱飲俾你揀嘅！俾著我樣樣都想試，但係又唔想浪費，於是就揀咗兩支茶試下先。最滿意都係洛神花茶，白桃烏龍我就真係頂唔順，好似飲緊香精咁。由於係台灣店，所以都有好多台灣食材，好似燕餃蛋餃鴨血水蓮。而且仲有啲熱食，例如有肉燥飯/鹽酥雞/甜不辣/台灣香腸。但係呢滷牛肉飯真係麻麻哋，有浸味咁嘅，試咗一啖就放棄咗。呢個係炸甜不辣，真係同平時食開嘅口感完全唔同。鍾意食甜不辣嘅人呢千祈唔好點，兩樣嘢嚟㗎！呢舊嘢完全冇煙銀感。。。另外呢到有排骨酥打邊爐，新屎坑，唔錯噃，煙煙銀銀幾好食呀

今晚約了老友飯局，大家一致同意食牛大人打邊爐。晚上7點到，餐廳位於地庫，門外已經好多客人等侯。餐廳座位很多，全場滿座，而且無論店員或者顧客，大部分都是後生仔。我們叫了極上和牛吃到飽$308/位，任叫任何肉和所有火鍋配料。▶️澳洲和牛牛丸勁有牛肉味，好正。▶️18+冬瓜茶$38威士忌加冬瓜茶，入口甜甜除了罐裝飲品和紙包飲品，還有無糖紅茶、養生桂圓紅棗茶等選擇。調味料有辣椒醬、沙茶醬、特調豬肉醬、蔥花、芫荽、蒜蓉、手切辣椒洋蔥、牛肉醬、炸蒜和蔥花等。眼見的已經咁多選擇，手機下單的熟食和肉類也很多。▶️澳洲和牛M5牛肩卷我最喜歡澳洲和牛M5牛肩卷，一盤得幾片，脂肪不多，夠薄，肉味濃郁，吃了好多盤。▶️章魚珍珠漿另外章魚珍珠漿也很出色，入口有章魚粒。▶️第二市場真滷牛肉飯牛肉飯是碎牛肉，啖啖牛肉配白飯，滿足！最還還有甜品，性價比很高！

終於食到牛大人，一直都好多人話好好食，今日提早去攞位食到，見到佢有三個級數牛肉，對牛肉有要求當然食最好個個澳洲極上和牛，仲送和牛牛丸兩粒，湯底方面選擇的好多，今次我試左阿嫲養生濃湯，湯底飲落去不錯！配菜區好多不同丸類同蔬菜類！～牛方面我自己比較喜歡澳洲和牛N5 牛肩卷同手切封門柳，食落去牛味好濃，口感一流！～豬方面喜歡豬雪花肉片，食落去有口感，好滑、～飲品方面選擇好多，有汽水，樽裝茶，仲有啲特式飲品，自己喜歡飲金桔椰果，酸酸甜甜，好開胃！～整體來講牛大人食物好新鮮，選擇都比較多，環境好舒服，好有台灣感覺，值得推介🥰～

今晚又同左朋友去左牛大人打邊爐🙈, 好彩一早book左枱🤭, 出面人龍多到差d行唔到入去🤣 之前食親都係美國SRF極黑牛, 今次出左糧食好d, 於是我地就揀左最貴嘅澳洲極上和牛套餐😆! 🌟台灣鳳梨雞鍋湯底由雞, 鳳梨, 苦瓜, 黃豆, 魚仔製成, 味道清清地帶微微鳳梨香🌟威士忌冬瓜茶估唔到E個配搭係幾夾, 入口先係威士忌嘅酒香之後冬瓜茶嘅甜味會慢慢滲出嚟, 味道唔錯! 雖然係酒但整體係無苦澀味的!🌟澳洲M5和牛🐂肉質軟腍柔嫩, 牛味濃烈, 油脂豐腴!!!🌟澳洲M9和牛牛丸牛丸質感彈牙, 肉味香濃富層次感 🌟蟹籽墨汁漿E個每次嚟都必食, 除左爽口彈牙, 入面仲有粒粒墨魚, 口感豐富🌟真鯛魚柳鯛魚質感厚實, 味道鮮甜啖啖肉🌟鮮蝦/沙白蝦肉結實鮮甜爽彈, 沙白鮮味無沙!🌟鱈魚丸鱈魚丸魚味濃, 口感唔粉, 食到鱈魚嘅質感🌟蔬菜菜類亦有多款選擇, 而小妹覺得水蓮同西洋菜都係十分正, 新鮮爽脆無沙超吸湯

終於食到好難book 位既牛大人，日日都等佢開放booking 真係好似搶演唱會飛咁，但食過真係值得喎。難得食到都唔想就住，叫左澳洲極上和牛果個餐，湯底就揀左平時好少見既台灣鳳梨雞鍋。同朋友分頭行事，佢出去夾啲輕食同菜，我就用QR code 叫牛。仲見到like 社交平台 送金鑽愛玉冰，即刻叫埋試下。我同朋友一致覺得杯野好正好有驚喜，可能因為係用台灣鳳梨，好鮮甜，加埋愛玉好清新好襯打邊爐。湯底好快到左，見到有大半隻雞，有啲蜆同鳳梨，非常足料。肉類我地主要叫左澳洲和牛M5 牛肩卷同安格斯牛小排。M5 既牛肉味好香濃，脂肪分佈平均，肉質比較有彈性但一啲都唔軔。牛小排亦好岩我同朋友口味，直頭入口即溶，之後encore 左幾碟。另外仲有章魚珍珠漿，有好多章魚肉，feel 到好有誠意。仲有叫左高麗菜水餃都好滿意。本身對丸類無乜喜好，但牛丸真係好高質，入面係超多肉汁勁香既牛肉味，並非一般打邊爐會食到既質素，超推介。值得一提牛大人offer好多台式小食，糖醋甜不辣，真豬小香腸，皮蛋豆腐，鹽酥雞，幾乎試曬咁多樣，每樣都正常水準唔馬虎，尤其係甜不辣，脆脆地加埋糖醋汁好惹味。食到尾段落左幾款菜同有個類似蜂

有無人到而家都未食過牛大人？有就快d去試下😆🥘推介牛大人紅燒牛骨鍋 鍾意濃味嘅人呢個湯底啱哂 烚完d牛連醬油都唔洗點 就咁連埋小小湯都好正😋🥩澳洲和牛M5牛肩卷 為咗食呢個要叫最貴嗰個餐 每塊都好薄 油脂分布平均 牛味重 食左好多碟🦐晚市先有嘅海鮮 海蝦 沙白 真鯛 都值得一試🍺18+冬瓜茶 原來係whisky+冬瓜茶 飲落有淡淡嘅酒味 唔好話好太濃 但同冬瓜茶又幾夾wo 🍦最後食埋杯雪糕就好滿足啦 如果任食就更開心 飽到行唔郁😂

打邊爐點可以無肥牛！咁啱出左旺角同朋友食晚飯講起想食火鍋～然後就搵到位於旺角荷里活商業中心既牛大人位置便利～分店又多，夠哂方便👍🏿一係唔食一食一定要試最高級既澳洲極上和牛plan!果然無揀錯，牛大人啲牛真的牛！有唔同部位既牛肉選擇，絕對唔單調，鍾意食牛既我極度推薦m5牛肩卷，好食😋貨真價實！今次食既係牛骨湯底，味道清甜不失牛味，淥牛肉食非常夾～如果覺得淨係食牛太寡，佢地仲有自助區，非常多火鍋食物選擇，實有野岩食！有樣野必須提一提！佢哋既牛肉飯同埋章魚珍珠漿一定要食！係一定要食！首先牛肉飯同一般出面食既平價牛肉飯完全唔同！肉嫩多汁！配上白飯，一流！章魚珍珠漿，裡面有章魚粒，口感豐富！爽滑彈牙！鮮味十足！呢兩樣野個人認為十分驚艷到我！

今日同朋友嚟到旺角，搵呢間openrice火熱火鍋店。環境非常闊落，裝修又夠新淨，我哋被安排咗卡位。火鍋配料就可以掃QR CODE自助點選～好高科技。入座後睇餐牌發覺原來極上和牛吃到飽餐包好多靚牛，包括安格斯牛小排澳洲同埋和牛M5牛肩卷，難得出到黎，一於食貴D啦！自選套餐湯底全部以台式主題，有10種湯底可選擇，有辣有唔辣，養生鍋都幾特別，不過我地中意牛味重D，所以叫左牛大人紅燒牛骨鍋，湯底真心甜！出面D食物任拎，夠哂衛生，全部有蓋。蔬菜類、菇類、丸類、麵類基本什麼都有。樽裝飲品都放哂係凍櫃，最特別是自家製冷泡茶，例如洛神花茶、桂花烏龍、菊花普洱等等，感覺「有心做」。LIKE FB送野飲~~!正安格斯牛小排大大片，肉味濃郁，肉質更加軟腍，非常適合火鍋，澳洲和牛M5牛肩卷係必食。入口即溶呀好誇張，食幾多塊都唔覺得油膩，難以置信係任食呀。手切封門柳油花較少，有口感，質感唔錯。呢個餐包每人兩粒澳洲M9和牛牛丸，好正，勁好食！食完牛，呢度仲有唔少台式小食，例如鹽酥雞、烤香腸、水蓮。。等等私房鴨血（辣）好厚底，口感幾滑口，相信很新鮮的。水蓮係我係香港好少食到嘅菜，淥一淥就已經可以食，口感爽脆鮮甜，

牛大人難bk就街知巷聞，加上疫情，佢地只係維持50%入座率，想食嘅朋友記得早啲黎拎飛，撞下手神或者會食到😆.上次食過極黑牛肉，今次決定升級，食澳洲極上和牛🤩都只係$298/位！！試過就知呢個價好抵😋.用qr code落單，呢間舖信號收得麻麻，好彩佢有wifi🤪唔好講咁多，整碟「澳洲和牛M5牛肩卷」先！！呢碟牛牛味超濃，肉質較厚實，岩哂食肉獸🐮😈.呢個餐仲有「澳洲M9和牛牛丸」，每人有兩粒。呢粒野唔講得笑，外貌似一粒普通既牛丸，但食落係超多汁😣好正的！！！.除左牛肩卷，「安格斯牛小排」都非常美味！呢款牛肉質薄同滑，牛味一樣咁濃呀😛！.由於我地係需要殿粉質既人類，啲牛又幾岩拎黎送飯送麵🍚🥢所以就去自助區拎左碗「第二市場真滷牛肉飯」🤤自己裝，鐘意食幾多就裝幾多～唔好以為放自助區就冇好野，牛大人高質在除左牛好味之外，其他小食副菜都好味，係一間高質既邊爐🥰.係menu見到期間限定「章魚珍珠漿」，鐘意食章魚既我地唔可以錯過>v<當然冇令我地失望，一枝漿可以分到4舊，粒粒都有章魚，好有咬口🤩.依家like 社交平台就有金鑽愛玉冰，原價要$25/杯，咁當然都要試下😚有鳳梨同檸檬，飲落好