牛大人台灣火鍋吃到飽 (加拿芬廣場)

营业中

休息中

一早book左食牛大人～去到唔洗等位就有得食～120分鐘任飲任食放題做新會員可以免費有鴛鴦鍋～叫咗紅燒牛骨鍋及白玉酸菜鍋～套餐叫左美國特級安格斯～蟹子墨汁漿、鴨血、蛋餃都係必食推介😋😋牛大人應該係咁多間任食火鍋之中～我的首選，而家仲有埋教主做廣告的汽水，0糖0卡可以飲，真係一流

牛大人打邊爐有好多湯底可以選擇，好似有10款揀，我地食左一個台灣濃香番茄湯同一牛夫人秘方麻辣湯，一個辣一個唔辣~辣湯好好食，食肉用呢個湯底特別開胃入味！值得推薦！肉類肉質鮮嫩，口感好吃

lunch time 90分鐘嘅火鍋放題，已經好過癮！😙中午同朋友一齊食，勁開心~我哋更加配咗一杯台灣手工啤$68 400ml🍺酉鬼啤酒清涼冰爽，真係好解渴！🥰我飲嘅係撥雲霧見蓬萊仙島，帶有果香💐仲曾經係《2022 AIBA 澳洲國際啤酒大賽》獲獎，打邊爐食到興，配一杯真係好正🧊最貴嘅和澳洲和牛，當然係必點！新鮮，濃郁牛肉味，輕輕點上少少醬料，已經夠過癮。自助區嘅多款蔬菜，仲要試埋百頁豆腐🥰吸收湯汁之後，超入味❤

又來到食極都唔厭嘅牛大人，佢有好多間分店但係我都係喜歡去尖沙咀加拿分廣場嗰間，貪佢夠大又多卡位坐得好舒服，由於之前嚟過好多次，今次都係叫美國特級安格斯餐，另外喺社交平台打卡仲會送一杯柑桔梳打，呢杯梳打好清新酸酸地非常之好味，另外我哋主打食牛頸脊同埋牛里肌，今次啲牛肉都係好有肉味，另外亦都有必食嘅鴨紅同埋沙白，食足120分鐘晚間甜品仲有噴兩版嘅西瓜士多啤梨味Häagen-Dazs為這一餐畫上完美句號。

幸好可以用open rice 這網站留座。實在太多人光顧， 食物質素唔錯， 出餐快， 員工有禮貌。可再次光顧。選擇最高級的肉， 每次下單也是差不多級數的肉類。 和牛牛丸只可叫一次， 有點可惜。

終於都食到久仰大名嘅台式火鍋《牛大人》,好彩我哋有訂位,因為出邊Walk in嘅客人都人山人海，果然聞名不如見面！就試吓係咪真係咁正先…😝😝😝我哋點咗澳洲極上和牛餐，因為入邊可點選食物選擇特別多，仲要有成10款湯底可以揀，我哋揀咗台中蒜頭雞鍋湯底！呢度係用上QR code點餐的，除咗有不同嘅牛肉選擇，仲有海鮮、不同火鍋配料、台式小食及特飲可以選擇！還有出邊嘅自助蔬菜吧及飲品吧提供源源不絕嘅食物及飲品！呢度嘅食物及飲品選擇比其他嘅火鍋店種類多，而且牛肉又真係特別好食過其他放題火鍋店，難怪座無虛席！我仲見到一杯叫撥雲霧見蓬萊仙島嘅啤酒，見個名咁得意所以點嚟試吓，麥味濃帶果香都幾易入口的，非常之啱女仔飲！🥰❤️任食兩個鐘真係會食到返艇的，我哋淨係牛類都食超過10盤，因為呢度嘅牛真係好出色，其他食物都唔錯，埋單時仲有雪糕食添！大滿足！呢度地方夠大又乾淨又坐得舒服，絕對係性價比極高嘅放題火鍋店！✌🏻😬✌🏻@masterbeef.hk

每隔一兩個月就會同bobo去食牛大人🐮平時我地通常嗌紅燒牛骨鍋 今次唔咁重口味嗌咗台灣鳳梨雞鍋 湯底以鳳梨配搭苦瓜🍍除咗雞肉 亦加上小量海鮮 味道清甜回甘🤩岩晒驚太heavy嘅小仙女😌🤣-一如以往嗌咗極上和牛吃到飽套餐($318)🥢最近佢地加咗期間限定嘅北海道十勝豚🐷第一次喺牛大人食豚 超級好味呢!!!粉嫩嘅十勝豚肉質軟熟 但食落又有少少爽口!強烈建議將佢納入常規menu!!!😎-除咗豚肉 今次都第一次試咗台灣鱸魚片🐟鱸魚嫩滑重魚味 值得推介!!👍🏻如果鍾意爽口啲就可以嗌脆肉鯇魚腩 都唔錯~-最後雪糕環節揀咗期間限定嘅西瓜士多啤梨味🍦抱住試伏嘅心態嗌 點知兩隻味勁夾🍉🍓夏天食真係超清新 爽☀️😆

一起開心邊爐吧！澳洲M9和牛牛丸爽口彈牙，而且牛肉味都好香濃，咬起身更加會爆汁😍.上腹牛五花，肉味香濃，🥢輕輕燙熟，更加可以保持牛肉噴香質感。對食肉獸來說，實在難以抗拒。.平時即使少食🐷豬雪花肉片，但口感都超好味，雪花肉又被稱為松板肉，來自豬隻頭嘅頸間部位，呢個部位嘅肉質會比其它的部位鮮嫩好多，而且肥瘦相間，🥩食落肥肉不膩，瘦肉都唔會柴，更加嫩中帶脆，我覺得佢係所有豬肉部位中，口感最好的。

眾所週知，香港人的牛肉消耗量很高。根據政府統計處的數字顯示：本港在2020年入口超過36.6萬噸牛肉，較2019年的28.1萬噸升約三成，可見牛肉在本港的受歡迎程度👏🏻👏🏻芸芸火鍋店之中，牛大人的大名享譽全城：不少人吃過後都讚譽它的M5和牛牛肩肉、封門柳等牛肉部位，其肉質及味道令人再三回味🫠對本身就是牛魔王的我來說，簡直就是天堂😜😜環境🌴🔸餐廳位處尖沙咀加拿芬廣場2樓，面積寬敞，非常通風；加上柔和的燈光及木系座位設施，令客人進餐時更舒適💡食物🥩我們選了價錢最高的澳洲極上和牛套餐（$318），可品嘗到餐廳提供的所有牛肉；另外，蔬菜🥬、麵食🍜、各式飲品等均以自助形式取用，非常方便💁🏻‍♀️火鍋配料 🍲配料大多很新鮮和高質素，以下是幾款重點推介🤓🔸湯底：牛大人紅燒牛骨鍋🥘使用大條牛骨熬製而成，牛味滿佈湯底🙌🏼🔸安格斯牛小排🥩口感煙韌，油花分布平均，牛香十足🔸澳洲M5和牛牛肩卷🐮牛味十足，油脂分布平均🔸沙白🐚沙白蜆大大粒，大舊肉，最重要是無沙，非常乾淨😍🔸鬼馬老油條把油條落火鍋2-3秒撈起吃，會有特別的口感。如果在油條上加海鮮滑或墨魚滑，感覺會更佳👍🏼台式小食🍢款式非常地道，個別菜式在香港較少見

🌸尖沙咀人氣火鍋🌸牛大人🐮想品嚐豐盛滋味火鍋同時又享用台式滋味小食？今天特意相約友人到了尖沙咀一間超人氣台式火鍋放題店-「牛大人」享用一頓豐富的台式火鍋放題作是日晚餐❗餐廳裝修精美，呈台式復古風，座位寬敞舒適。採用二維碼自助點菜，方便快捷而且上菜速度快❗店員亦非常殷勤有禮，會時替客人收拾碗碟。🍽我們惠顧了以下晚市放題：👉🏻120分鐘極上和牛吃到飽 $298@而放題套餐包括：👉🏻自選湯底🍲四目養生素食鍋湯底味道鮮甜，以養生素食材熬製而成，味道清新香甜，非常養生滋潤。🤩此套餐還包含每人免費澳州和牛牛丸2粒🐂火鍋肉類有多款嚴選上盛肉類作火鍋配料，包括安格斯特選牛板腱、手切封門柳、澳洲和牛M5牛肩卷、安格斯一口牛肉粒、西斑牙豬梅肉片、西班牙酷五花片、紐西蘭羊卷、花雕酒雞件及特選豚肉，每款肉類配料優質，肉質鮮嫩惹味，和牛牛肉油脂分均分佈，雞肉香嫩，豚肉質感鬆化滋味。🐟火鍋海鮮配料有多款時令新鮮海鮮火鍋配料，包括手打蟹籽墨汁漿、干貝鮮魚漿、章魚珍珠漿、台灣鯛魚片及生猛鮮味海蝦等，海鮮配料非常新鮮，漿肉彈牙，非常惹味。🥟火鍋配料及自助吧還有多款滋味嚴選上盛台灣直送火鍋必食配料如響鈴、彈牙花枝丸、蜂巢

🚩牛大人台灣火鍋吃到飽牛大人進駐左香港都幾耐，我都淨係食過一次咁多，因為實在太多人啦～隨着分店越來越多，佢哋嘅等位時間又好似唔會太長喎，今日就帶媽咪過嚟食吓（一年前佢已經話想食😆）〰️〰️〰️〰️〰️〰️〰️〰️〰️〰️〰️〰️〰️〰️〰️🌈澳洲極上和牛吃到飽 $268難得嚟到梗係食最貴嗰個套餐，呢個套餐主打嘅就係澳洲和牛M5牛肩卷，大家都睇到佢嘅油脂分布好平均，雖然唔會話入口即溶，但都十分之嫩口!仲有好多款嘅滑，豬牛海鮮咩都有！平時街市細細一包都$30-40🥲依到比你食到飽！我最鍾意嘅就係佢哋嘅花枝滑，爽口彈牙！佢哋嘅小食都好出色，有我最鍾意嘅台灣腸🤪牛大人除左野食好食之外，佢嘅飲品都好出名！我最鍾意嘅就係佢個冷泡茶，食埋咁多熱辣辣嘅嘢，飲返杯冰涼嘅冷泡茶真係清爽解膩～佢地嘅雪糕就得一款，不過就係我最中意嘅茶味，濃而不澀，食左3杯🤤

好朋友生日，大家當然要食返餐好嘅。於是就訂咗牛大人打邊爐。話說我以為尖沙咀呢間牛大人應該會幾寬敞，誰不知都有些少迫，可能當晚食客太full。今晚我哋7點10分入座，選擇咗「120分鐘澳洲極上和牛食到飽」（$318/位）選擇咗兩款湯底：牛骨&酸菜。其實味道一般，無太大驚喜。牛丸方面，朋友覺得好好食，不過我覺得韌咗少少🤏牛肉就比較新鮮，切得唔會太厚，好味😋牛大人嘅食物，有一部分需要自行出去拎，包括丸類及蔬菜類….因為座位較狹窄難出入+人山人海，所以好唔方便。如果無咁多食物需要自行拎會好啲。飲品方面，呢度款式真係好多，而且都係台灣飲品。醬料也很多選擇

又黎到我最愛的火鍋放題餐廳牛大人了，今次就來到尖沙咀分店！餐廳以卡位比較多，但亦有圓枱供一班人一齊玩！這次的湯底終於沒有再點鳳梨雞鍋湯底，而點了牛骨鍋和期間限定的醍醐蕃茄酸辣湯！蕃茄酸辣湯味道有點像西式羅宋湯，內裡有椰菜、蕃茄等，但有微辣，酸辣程度剛剛好，十分醒胃！牛骨湯的湯底非常濃郁，感覺很補身!澳洲極上和牛套餐，這個套餐除了可以食到安格斯特選牛板腱、安格斯牛小排等牛肉外，當然還有澳洲和牛M5牛肩卷和手切封門柳！M5牛肩卷牛肉肉質鬆軟，手切封門柳口感較煙韌，但牛肉味道非常濃郁，而且好juicy！除了牛，亦有豬、羊、雞可以選擇！餃類和漿類都好多選擇，亦有海鮮可以揀！自助區有多款丸類、蔬菜類可以揀選，而飲品亦有多款選擇，我就最喜歡飲他們的自家冷泡茶白桃烏龍！而且現在還有OOHA無糖有味汽水飲呢！最後還吃了甜品雪糕和仙草，超滿足呢!

Long story short: 三個人係要坐二人枱，唔係二人卡位，係四人枱中間加塊板，隔離再坐多兩個人，total 5位成人，辛苦同我地share張枱唔識嘅果兩位食客。除咗好逼我諗唔到餐飯有咩其他experience. .其實都知3個人去食飯，俾張4人枱你餐廳又覺得蝕，2人枱我理解，但唔俾我哋坐卡位，搞到三個女人膊頭貼膊頭(仲要有一個係唔識嘅)咁食120分鐘好咩？我坐中間，全程等朋友夾野俾我食，因為我真係郁唔到！.勁驚整冧啲野，因為張枱冇位就唯有向高空發展，碟牛去到eye level，只要你手踭一離開張枱，侍應就會9秒9 zip啲碟野入黎，一日未清晒啲碟唔好諗住對手可以放返係張枱.有同侍應遮遮反映過，佢話「坐到！8個人都坐到添呀！」遮遮咁樂觀，大家唔使帶口罩嘅日子指日可待。

牛大人台灣火鍋吃到飽 (加拿芬廣場) (尖沙咀)今日同個食牛愛好者朋友，一齊去食「牛大人」台灣火鍋🥘🥘回憶一下鄉下嘅味道🥰🥰好在我哋有訂枱❤️❤️門外人龍由我開始食到食完都無少過人☺️☺️120分鐘澳洲極上和牛吃到飽」$318@🍲湯底就揀咗「牛大人紅燒牛骨鍋」🥘去到火鍋嘅重頭戲就緊係牛啦！「120分鐘澳洲極上和牛吃到飽」入面嘅幾款靚肉，包括北海道十勝豚、澳洲和牛M5牛肩卷、安格斯牛小排同手切封門柳🥩🥩肉味香濃又唔會韌😝😝好好食❤️❤️最令我有驚喜係「澳洲和牛M5牛肩卷」，油脂分布均勻😉😉三百幾蚊可以無限次添食呢款肉，真係物超所值👍👍出面仲有三個大雪櫃放各種新鮮食材⭐️⭐️其中一個更加係「台灣直送」。至於醬料區有好多款揀，可以自己調校喜歡嘅醬料😗😗大量飲品任揀🍹🍸有好多款罐裝飲品☺️☺️仲有四款自加製飲品😋😋根據我嘅目測最受歡迎嘅飲品非「白桃烏龍」莫屬😘😘除咗飲品櫃之外，仲可以透過QR code 叫幾款人氣台灣飲品，當中就有我最愛嘅冬瓜茶😍😍去到火鍋嘅尾聲，仲有一個甜品🍦🍨打邊爐食得太飽，食唔落仙草凍，最後揀咗期間限定西瓜士多啤梨味雪糕🍦🍨🍧西瓜味雪糕配上士多啤梨果醬，好味😉😉整體評分：5/5味道：5/5環