牛品台式火鍋

营业中

休息中

最近啲天氣大急降凍左勁多🥶 去打邊爐就岩哂可以暖下身暖下胃🍲😌 最近尖沙咀有一間新開既台式火鍋🇹🇼 聽講大部份既食材都系台灣直送✈ 由於已經因為疫情既關係好耐無去過旅行 即刻黎呢到尋找台灣的味道😋 呢間火鍋店位於尖沙咀樂道 位置非常方便 轉入樂道直行就見到🙂 上樓後店員會先叫你揀左自己中意既湯底先 佢地有成十款湯底供應 俾其他火鍋店更多選擇👍🏻 最後我地揀左 牛品一品鍋🐮🍲  店員介紹湯底系由廚師自己研製 入面配合左我地港式既牛三寶: 牛筋 牛肚 牛內臟🙈 夠哂獨特😏 而我地當時食個陣仲未禁晚市堂食架🙈 所以我地揀左晚市120分鐘牛極品吃到飽套餐😆 牛肉包括左 澳洲M5和牛肩胛肉 同埋安格斯牛板腱🍖 另外仲有啲豬🐖羊🐑雞🐤 無限甘提供😍 雖然每次黎既份量吾算多 但質素吾會令你失望🤗 肉味濃 油脂分怖又平均👍🏻 另外佢地仲有好多台灣小食 例如鹽酥雞 甜不辣 鴨血等等 個麻辣鴨血我超推薦呢🥳 除左小食 火鍋配料都非常多 大部份都系台灣直送夠哂正宗✈ 仲有 可以系佢地火鍋店飲到由台灣藝人黑人陳建州主理的春陽茶事🧋 雖然而家無晚市堂食 但吾緊要😆 因為佢地有午市火鍋套餐🍲 真系岩哂思鄉又想打邊

經過尖沙咀見到呢間新開嘅台式火鍋幾抵食 午市都有得揀60/90min套餐 價錢仲實惠過上手間火鍋店🥴入到去裝潢都幾光鮮幾grand 沙發卡位坐落又舒服 打邊爐最忌搞到成身味 但呢間冷氣開得幾大🤣好彩個鍋夠暖 食完都覺自己無乜味kekee 最重要係啲服務員都幾nice 即使係年三十晚仲要我地係尾班車咁食 佢地都無好趕急咁收碟 仲主動問我地洗唔洗加湯 呢點令人幾舒服🥰題外話: 廁所行到最入隱蔽得黎靚到似示範單位🤪仲要幾日系的用木趟門 好彩有去無走寶🤭。。。🦔👉60分鐘午餐吃到飽套餐 $78起· 湯底多達10款可以揀🤩除咗招牌一品鍋 黑蒜、沙茶、養生、昆布、酸菜白肉 呢啲少見但得人歡心嘅湯底都有！朋友唔食得辣所以揀咗蕃茄湯🍅質素幾得 鮮蕃茄都有幾嚿 味道又出👍· 二人一鍋 想要鴛鴦加多50蚊！· 最抵有肉食嘅套餐88蚊就有😆價位同外面嘅一人火鍋有得fight! 仲要呢度嘅火鍋配料都幾出色 唔食火鍋的話 都可另點便當、牛肉麵 特別啲嘅飲品 冬瓜茶、珍奶等就另加10蚊。。。🦔👉美國牛胸膜、西班牙粟飼豬五花、花雕酒雞件 $88🐂薄切牛質感唔錯😚微帶油脂邊反而食落口感更好 🐖其實豬五花薄切得黎真係幾

#尖沙咀 @beefbang_hk🥶終於天氣又轉涼了, 早幾日的中午實在有點熱, 趁著天氣涼涼的, 打邊壚去! 👭朋友話尖沙咀新開台式火鍋, 午市 “食到飽” 好抵食, 大部份食材都台灣直送, 基於大家都太掛念台灣, 衝衝衝! 😘環境相當不錯, 乾淨企理, 座位寬闊, 裝潢型格, 大部份自取菜式均大大隻字寫上台灣直送! 入座前先選湯底, 店員推介 “元氣養生鍋🍲”, 越煮越濃, 有著淡淡的人蔘味, 感覺很滋補, 喜愛人蔘的不可錯過! 🥩肉類方面有精選美國牛胸腹肉、花雕酒雞件、西班牙栗飼豬五花等, 肉質唔會雪到死實, 無羶味! 雞肉嫩滑, 滲透淡淡酒香! 🍢其他丸類、蔬菜、飲品、麵食、醬料等均是自取! 部份丸類及蔬菜也是台灣直送, 仲有大甲芋頭, 超級讚! 飲品返面有白桃及桂花烏龍、台灣直送紅茶等! 🍜有新竹米粉, 王子麵第一次見! 醬料超多選項, 麻油超級香!🤤又是飲飽食醉的一天! 

早幾日早咗收工，所以去尖沙咀行吓街，見到$88@60分鐘火鍋放題，再加10% 服務費，咁當然要試吓啦😊一入到去，職員已經叫你選擇湯底，其實都好多款揀，小編最終揀咗沙茶海鮮鍋，湯底都有大蝦、蜆同埋青口，有三款肉類（美國牛胸腹/西班牙豬/花雕酒雞件）可以無限叫，另外出面都有好多唔同嘅火鍋配料+蔬菜+飲品+調味醬俾大家選擇，如果唔夠飽嘅朋友仔，仲有即食麵，炸魚皮，滷肉飯雖然60分鐘唔係話好多時間，但係每人$100有找價錢來講，相對都會係性價比高，而且大家如果放飯嘅朋友仔都可以考慮比依度食，當日小編4:00去，可以當一個early dinner 食，食飽左先再行街👍🏻，而且當日都見有唔少枱都係一個人嚟食，所以一個人嚟打邊爐都唔會好尷尬😄，喺尖沙咀返工嘅朋友仔都可以試吓用一個鐘頭時間來一個午市火鍋放題😝

想嚟食lunch 好耐，終於可以試吓，叫了牛品牛三絕麵連埋珍珠奶茶🧋正喎，麵好夠熱⋯⋯牛肚筋牛展超入味、配埋飲品好抵食👍🏾但份量太多😂下次再嚟試吓其他餐😋😋😋

尖沙咀新開左間台式火鍋，性價比好高，特色湯底同火鍋配料全部都由係台灣直送，仲有十款湯底任君選擇，快啲去試下啦！60分鐘火鍋套餐 $88雖然60分鐘食火鍋的確係有啲短，不過就啱晒放lunch想過吓火鍋癮嘅你，依個價錢加上高質嘅湯底同食材真係冇得輸，十分抵食。湯底揀左元氣養生鍋，入面好足料有人蔘，紅棗，蟲草，杞子等藥材，天氣咁凍飲成個人即刻暖返晒☺️肉類方面，有三款係可以任食，包括精選美國牛胸腹，西班牙豬栗飼五花同埋花雕醉雞。飲品同火鍋配料爲自助形式，種類豐富，貢丸、牛丸、花枝丸、海膽包等應有盡有，全部都台灣直送，好有誠意。套餐仲包埋甜品雪糕，餐廳別具心思揀咗兩款別具台灣風味嘅奶茶同埋土鳳梨味，聽店長話雖然係一個香港牌子，但所有原材料都係來自台灣，個鳳梨雪糕真係食到鳳梨粒，絕對真材實料👍🏻

路過見到牛品台式火鍋做緊每人88蚊午市60分鐘火鍋吃到飽, 第一次見咁平嘅火鍋吃到飽, 等大食妹同大家睇一睇有啲乜嘢食先火鍋吃到飽要2人起計, 無限供應嘅肉類分別係精選美國牛胸腹、西班牙豬粟飼五花同花雕酒雞件, 種類有啲少, 但60分鐘都食唔到幾多精選美國牛胸腹同西班牙豬粟飼五花烚熟之後非常爽身, 點火鍋醬料都唔錯花雕酒雞件酒味唔算太濃, 肉質都幾嫩湯底有10款可以選擇, 如果要鴛鴦鍋要加50蚊, 略嫌有啲貴, 所以只嗌左一隻湯底酸菜白肉鍋味道酸酸鹹鹹, 比較清淡鍾意重口味嘅朋友可以揀麻辣鍋或者沙茶鍋大食妹覺得牛品88蚊午市60分鐘火鍋吃到飽最大嘅特色係丸類同菜類選擇極多, 特別係丸類, 有好多台灣直送喺外面食唔到嘅款式飽肚嘅主食類質素都唔錯, 試過佢個滷肉飯, 幾正宗飲品都算多, 有三個大雪櫃, 汽水同茶應有盡有

呢間嘢完全係抄襲牛大人，食物質素卻不及牛大人..食物質素極差。自助放題嘅牛肉極度難食，成世人第一次食到啲咁難食嘅牛肉..食物質素係零。同時店員嘅服務態度都極差，未加完湯，問都唔問就收走咗我壺湯，極度冇禮貌。夠鐘嗰陣仲特登過嚟撈我啲食物，用極度鄙視嘅眼神望住我，好似前世爭咗佢咁。著藍色衫嗰個店員真係不知所謂，完全冇教養同埋最基本嘅禮貌😡建議各位千萬唔好去食呢間A貨餐廳。👎🏻👎🏻👎🏻👎🏻👎🏻

最近實在太掛念台灣 同 台灣菜😋所以決定要去搵間台灣餐廳食先！係尖沙咀行下行下就見到呢間「牛品台式火鍋」！雖然呢間餐廳主打係食我最愛嘅火鍋，但望望自己嘅身軀日漸龐大，加上太太話「又打邊爐，你唔悶我都悶啦」！係咁嘅情況下，只能作出讓步，就照食呢間餐廳，但唔打邊爐食台灣嘢啦😂😂鹽酥雞扒便當 + 珍珠鮮奶茶$78鹽酥雞扒好香脆，熱辣辣卜卜脆！加埋個肉燥撈飯簡直絕配！😋珍珠奶茶啲珍珠好煙韌，好有口感，奶茶亦好有茶味😂牛品三絕刀削麵 + 檸檬蜜烏龍$95呢碗刀削麵嘅面質好粗又好煙韌，加上有牛三寶做配料！非常正！牛筋好爽，牛展好淋！湯底充滿牛味十分好味😋杯檸檬蜜烏龍非常清新！令人好想一飲再飲！🤤

見到有新開優惠所以訂左位去試～小食推薦麻辣牛展同埋滷三牛寶～麻辣牛展個汁好惹味 辣得來好過癮會再想叫黎食😛滷水牛三寶醃得入味牛筋好淋～因為有新開優惠所以我哋揀咗鴛鴦鍋，一邊麻辣一邊牛品湯 個人覺得牛品湯唔算太特別 入邊係牛湯再加啲藥材咁 麻辣湯就正常發揮超級推薦食墨魚滑！用麻辣湯煮熟咗勁好食我哋嗌左幾次🤣 牛肉質素正常最後甜品揀咗仙草但係覺得唔好食..仙草比較硬身唔係好軟滑果隻然後奶系死甜味 啲護院仲要有啲入面係硬嘅有一啲係煙靭有一啲係硬嘅😥其實佢係好似牛大人但係如果要比較任食台式火鍋的話 牛大人會出色好多 不論係牛嘅質素定係最後甜品質素職員嘅服務係加咗分 可能唔算太忙 職員都有keep住留意到我哋嘅需要同埋會自動幫手收起啲碟 整體分數：6

一班朋友來試間樂道新開嘅台灣火鍋店，我向來都鍾意台灣火鍋，所以都算有經驗可以評價分享下。一到你連咗Wi-Fi，點咗個M9和牛餐，自助落單之後來左D小食食住先，小食已經好好味😋品種又多，鹽酥雞，香腸，麻辣鴨血…..入肚太快，居然應唔到相🤣🤣🤣混左醬，見到有豬手同肉躁飯，各樣執咗少少試吓，都幾好，特別係肉躁，一D都唔肥。和牛來到，口感有驚喜，夠肥夠軟夠入味，正👍👍👍豬都好好食😋😋😋M9牛肉丸👍👍👍M9和牛打邊爐$400埋到單，完全可以接受👍

📍牛品台式火鍋真係越開越多，今次嚟到尖沙咀，發現到一間新既火鍋店🔍雖然晚市堂食冇左，不過呢度都有午市火鍋～打邊爐最緊要係咩？最緊要就係個湯底！呢度總共有10款台式湯底揀，今次揀咗一個鴛鴦鍋（元氣養生+酸菜白肉），另一個係養生素鍋。先講吓元氣養生鍋，有成堆蔘，紅棗同埋杞子，但係唔會有苦味，所以唔使驚係藥材鍋。然後酸菜白肉鍋，鍋入面有酸菜一路煲住，都夠酸味。最後養生素鍋就啱哂素食人士，鍋入面有海帶同埋冬菇，淡淡地幾清～肉類方面，除咗牛，今次推介大家可以試吓花雕酒雞件，有驚喜😳花雕酒入味，雞件亦都好滑😳另外大家可以出去自助區自己拎醬料同埋其他配料，醬料好多選擇。餐廳仲有一啲台灣直送嘅丸類，大家可以試吓香芋包心貢丸，我食左勁多粒🤪🤣

見到新開張，價錢又唔貴，材料都台灣直送，所以就去試咗！佢同牛大人好類似，以後多個選擇當日只叫咗中間價位$269 set，包括有澳洲M5和牛肩胛肉、安格斯牛板腱、西班牙豬梅肉、紐西蘭羊肉卷、花雕酒雞件、西班牙豬五花、牛舌片、美國牛胸腹、香辣青口、蝦卷etc…點咗個鴛鴦鍋要加$50，係牛品一品鍋+元氣養生鍋，湯底配料都好充足，牛品一品鍋入邊有好多牛筋、牛雜嘅材料，而元氣養生鍋入邊有人蔘、杞子、紅棗、蟲草等等出面醬料區、飲品區、配料區，都係自助取！飲品都有好多選擇，不過呢度全部都有糖，餐廳都有一個榨係無糖烏龍茶，拎杯去自助斟配料區都有好多選擇，好多都係台灣直送，例如蜂巢豆腐、百葉豆腐、玉米貢丸、黑椒牛丸我最鍾意食香芋包心貢丸、甜不辣條、炙燒芋泥堡，呢三樣丸好罕有！有好多蔬菜類可以選擇，尤其是有羽衣甘藍而且仲有台灣最出名嘅王子麵提供，點都要試返一包！重點就係澳洲M5和牛，係靚係大塊嘅，牛脂比例剛好，所以我點得最多都係佢！其他牛、豬都係一般般另外熟食都係重點，例如有鹽酥雞、鴨血、皮蛋豆腐、甜不辣、台灣香腸！我最喜歡係地瓜球，都係出邊好少食到嘅！香辣青口都幾好味幾香，但個蒜泥白肉有點咸，鴨血無咩味

嗰日去試咗兩個午市套餐:➀ //🍲午市火鍋定食(兩位起)//黑蒜黃金鍋 | 澳洲M5肩胛肉+西班牙粟飼豬梅肉 $198包括：自選湯底 + 定量肉類150g + (自助區) 火鍋配料及飲品首先要讚一讚火鍋湯底好出色👏🏻今次揀嘅湯底係黑蒜黃金鍋🧄✨ 有大量蒜頭、黑蒜，仲有好多蜆肉，成個湯味道清甜，忍唔住飲咗好多😆 平時好少食黑蒜，今次一試即刻愛上左🥰 等我特別講一下黑蒜嘅好處🖤🧄黑蒜經過發酵之後冇一般蒜頭辛辣嘅味道，反而味道甘甜☺️原來亦都對身體好多益處：例如抗衰老、降血壓、增強免疫力，預防感冒、預防腦退化症等等😳💪🏻💁🏻‍♀️繼續講返個火鍋： 🥩兩款肉類質素正常自助區嘅火鍋配料選擇算唔少，蔬菜幾新鮮🥦🥬， 醬料亦有十多款選擇；飲品除咗普通汽水之外，亦有提供自家製冷泡茶，例如白桃烏龍茶、洛神花茶🍵🍑🌺另外都有提供兩款台灣熱食，包括台式肉燥飯同南乳豬手。➁ // 🍜台灣紅燒牛肉麵 $118//麵係刀削麵🔪 口感彈牙，份量慷慨 ； 紅燒牛肉亦好軟腍入味，推介👍🏻整體覺得環境企理，店員都友善，會主動幫我哋加湯底聽店員講餐廳嚟緊好似會改menu，會推出【全日優惠套餐】同埋【下午茶套餐】，大家可以留意吓

天氣咁凍，最啱就係打邊爐，而台式火鍋一直都係我覺得最好味嘅火鍋，今次同朋友揀咗呢間喺尖沙咀新開嘅台式火鍋店，地方大坐得舒服，仲有好多特色台灣小食，而且服務態度好好👍🏻，亦都無漏單！用餐過程好愉快呢😊我地嗌左牛極品吃到飽套餐，揀左鴛鴦湯底：牛品秘製麻辣鍋：湯底辣得好爽！仲有啲鴨血食，好正！另一個就叫黑蒜黃金鍋：呢個係員工推薦，話可以帶出牛嘅鮮味！果然無介紹錯，湯底好鮮甜，仲有蜆肉食添😊出面飲品任攞，最得意係有一包叫麥仔茶啲紙包飲品，好似好淡嘅維他奶咁，又幾好味喎？而且出面仲有好多特色嘅丸類係台灣直送，確係幾特別！肉類其實選擇唔多但都好齊全，豬牛羊都有😙我哋叫咗澳洲M5肩胛肉，安格斯牛板腱，西班牙栗飼豬梅肉，西班牙栗餇豬五花，精選美國牛胸腹！最推介當然係澳洲M5啦，肉質鮮嫩又濃味😋台式小食好多都好好味值得推介，我哋叫咗鹽酥雞，台式甜不辣，原味番香腸 蒜泥白肉，椒鹽蝦同醉雞卷！咪講笑，每款都要叫，因為勁有台灣味道，而且係任食任叫，食得好鬼爽😎呢間台式火鍋係我近期至愛，下次再約朋友食過先😜