爺爺雞煲皇 (美景街) (已結業)

天氣凍凍哋又係食雞煲打邊爐嘅好時候喇!估唔到都幾旺場 好彩我哋事先已經訂好位先來一碟餐前小食 涼拌木耳 加入黑醋， 辣椒，蒜頭 微凍嘅口感爽脆嘅木耳是一道清新開胃嘅前菜進補米酒雞煲$218 一隻 四個人份量啱啱好 未食已經聞到好香嘅米酒味道 窩中有大量紅棗，杞子，木耳 相當有養顏功效 飲一啖個湯即刻成個人暖笠笠先調配醬料 然後開動大吃一餐不能錯過的手切肥牛 雪花分佈相當平均 厚薄度適中 肉味非常濃郁 質素相當上乘手打鮮滑釀冬菇 呢個係餐廳嘅招牌菜鮮滑打至起膠 入口彈牙鮮甜 配上鮮冬菇 原來係咁夾嘅 呢個組合我都係第一次試 相當有驚喜鮮魚雲 新鮮大魚頭 喜歡吃魚的我表示非常滿意 新鮮又唔腥 魚雲滑捋捋瞬間滑到喉嚨去了鮮豬潤爽脆口感 入口唔會鞋拾拾 一定下了不少功夫 而且沒有騷味黑豚肉 半肥瘦切得薄又通透 肉質嫩滑而且多汁 質素相當高冰豆腐吸收曬湯底嘅精華 必食之選 因為米酒雞嘅湯底實在太惹味 及湯之選整體全部食物都好新鮮 選擇又夠多價錢又唔貴 無論係海鮮類 肉類 或者係蔬菜類 都可以用高質素來形容 而且店員服務親切有禮又熱情 誠心推介給大家 適合大夥兒聚餐的好地方

踏入冬日，最受歡迎的飯聚除了打邊爐應該就是熱辣辣的雞煲，相信無人會異議吧？！如果可以一次過可以滿足兩個貪心的願望，你話幾好呢？今次介紹的就是位於土瓜灣新開的＂爺爺雞煲皇＂火鍋，咁岩今次係紅磡探完朋友新居，四條女就直奔餐廳去！黎到已經接近夜晚9:00 大家都餓到快受不了！聽店員介紹就先order 招牌菜＂米酒雞＂爺爺進補米酒雞煲雞肉份量甚多，雞肉嫩滑，而且米酒煲煮後酒味不會太重，配上木耳絲，薑絲紅棗等配料，女人食完感覺好滋補養生！食完米酒雞後，可以叫店員加湯打邊爐！在等火鍋配料之際先點左個脆口小食雞軟骨解饞一下！火鍋配料點少得手切肥牛呢！一睇肥牛的雪花及網紋分佈，就知貨源是上等貨，只需輕勺10多秒，就可以馬上放入口感受肥牛的濃郁的油脂及嫩滑香味！必點！手打丸，分別有牛肉，豬肉和鯪魚肉丸手打丸食落就知超級彈牙爽口，絕對是真材實料！新鮮的肥鵝腸都值得一試，用黎打邊爐口感極棒而且唔覺肥膩！仲有我的最愛蜂巢豆腐，索曬湯底的精華！呢度大魚雲口感夠嫩，食落又唔腥！呢度仲有宵夜時段開到凌晨1:00 岩曬一班friend 黎食雞煲兼打邊爐喇！

今日去土瓜灣探住在老人院的伯父,伯父知道有院友在爺爺雞煲皇食過，讚口不絕！好想去試下，甘岩我今晚有空，而且店舖就在美景街，在伯父的老人院附近，我就帶來伯父去食返餐！天氣冷，食火鍋最好，伯父吾食得辣，侍應推薦食米酒雞煲，雞煲上檯時已經煑好，開火熱住就食得，加左米酒的湯滾起後，立即香味四溢，湯帶甜味。雞肉鮮嫩。飲完湯食完雞就可以加湯食火鍋！肥牛用冰底墊住上枱，保持新鮮。肥牛雪花均勻，厚薄適中，肉質鮮美嫩滑。手打墨魚丸和手打蝦丸，用料新鮮，打出來的丸鮮味有口感。海中蝦新鮮，用竹枝串好，方便進食，味道鮮甜彈牙。即炸響鈴，上枱時還熱的，伯父立即食，卜卜脆食不停口。另外還可以放湯灼一灼，又有另一種口感和味道。稻庭烏冬，是急凍的貴價貨，口感特別滑溜。難得同伯父聚餐，又有美食當前，當然要同伯父飲返杯！

住在土瓜灣美景街的同事說爺爺雞煲皇在他樓下開左分店，今晚約埋一班同事前往試試，當然少不了我！多款爺爺雞煲和新鮮火鍋料選擇，又有小食。火鍋混醬小食椒鹽魷魚鬚：即叫即炸，香脆可口，魷魚有口感但不會，硬。爺爺進補米酒雞煲：材料有紅棗、杞子、大量的木耳絲和薑絲等，再加入米酒令湯汁又香又鮮甜，雞肉嫩滑，尤其是冬天滋補養生最好，飲左湯全身暖笠笠！之後加湯食火鍋。特選黑豚肉：高質的黑豚肉厚度適中，肉質鮮嫩，肉味夠濃。珊瑚蚌：份量不少，新鮮爽囗，只需灼一灼就得，千萬不要灼太耐，否則會韌。海蝦：新鮮的海蝦鮮甜又彈牙。白鱔片：大大片白鱔已去骨，啖啖肉，肉質好爽脆。