爵士拉麵

营业中

休息中

呢間位於聯和墟嘅拉麵小店，係我由細食到大嘅一間都幾喜歡嘅店。記得以前細個食呢間門口係要排長龍，亦都非常樂意去排。近年少左去食，唔知原來由太子女接手。今日同一位由外國返嚟，自少住聯和墟嘅朋友重遊舊地，見到呢間拉麵店即刻決定食呢間。我哋揀左雜錦拉麵，有一塊肉仔、半隻蛋、紫菜、蟹柳同粟米。湯底我就揀味噌，朋友就揀醬油。我哋不約而同覺得湯底係死鹹，麵質似太硬。朋友更話食似食緊碗出前一丁，質素比以前差了很多。相信佢真係好失望，童年回憶破滅。😂叫中size係正常份量，如果想試嘅話就唔好叫細size啦。味噌雜錦拉麵(中)$52醬油雜錦拉麵(中)$50

聽聞之前係由日本人打理的北海道拉麵，這幾年巳由太子女接手，約二年前食過一次，普普通通，冇乜印象；前日經過，特別幫襯，叫了佢的招牌爵士拉麵及餃子…食完，只可以講一定冇下次，相信以佢價錢、服務、質素及環境，絕對可以攞到全港最伏拉麵店；價錢：爵士拉麵，加錢轉味噌湯底，接近$100服務：粗聲粗氣，你當去咗港式茶餐廳質素：麵係鹼性港式麵，打邊爐cheap肥牛，淋的四洲柴菜，又硬又乾的雪味义燒，士多店的cheap蟹柳，冇乜味的湯底（雖然巳經加了錢），似京式煎餃子的日式餃子環境：舊及迫，不過不失總結：綜合以上各點，只值$40的cheap cheap茶餐廳拉麵，佢賣接近$100；味千拉麵，甚至自己去超市買包日式拉麵包煮都可以好食過佢多多聲，絕對伏中之伏，建議大家可以無視佢的存在。…

好耐以前仲係兩夫婦經營時開始幫襯，欣賞佢哋用心經營嘅食品質素同服務態度。相隔多年後再幫襯，面目全非，但因為自己無謂嘅幫襯黃店堅持，都繼續幫襯多4次。最核心嘅拉麵，不論湯底/麵/配料都變為求其嘅港式拉麵，只有價錢唔港式。餃子不倫不類，分唔到係京式煎餃定係日式。不過炸年糕係唔錯嘅。服務態度。。。就令我非常驚訝。聽聞間鋪傳咗比太子女，經常黑面粗聲粗氣嘅太子女領導下，其他員工嘅態度都極為一致。重新幫襯嘅4次總會見到鬧送貨或粗聲粗氣對待顧客，好經常聽到話顧客阻住條路，點菜時會同個客講：講啦！送菜時見個客睇緊電話無留意到，會大聲呼喝。。。無一次見到員工係開心嘅，每次都係做到唔想做，覺得有客入去係阻住地球轉。與其傳比下一代接手會落得如此下場，寧願當時兩夫婦決定退落嚟時直接關門大吉，起碼留返個美好回憶比顧客。真係唔會再有下次嘅領教喇。ByeBye屬於回憶嘅爵士拉麵。

我都真係好耐冇喺OpenRice寫食評今次專登寫，都係為咗警告世人唔好再中伏！我就住粉嶺嘅，聽過有啲人講話聯和墟有間爵士拉麵唔錯，又話係日本人主理今日就終於嚟試吓佢到底咩料一入去坐低，格局幾有日本feel望到餐牌，定價都係非常進取，講緊一碗拉麵要差唔多一百蚊，轉其他湯底仲要加錢😨咁好啦，一場嚟到就試吓佢個爵士拉麵，加2蚊轉埋佢個味噌湯啦落完單就要即刻俾咗錢先，兩碗中爵士拉麵轉味噌湯，茶水加$1，Total $202咁等拉麵都等咗差唔多三、四個字中間越等就越對佢有期待，見佢又有自家釀製梅酒，好似好正宗咁😳點知碗嘢一嚟到，我內心真係有啲崩潰因為碗嘢勁似我中學附近食嗰啲港式日本餐廳嘅拉麵咁如果你唔明我講緊咩嘅話，你就當係好似味千拉麵咁嘅款為咗方便大家睇，以下我會列點式咁樣寫出佢嘅伏位1️⃣湯底極淡本身講緊味噌湯底已經要加兩蚊，又寫明係濃，自然對佢有期待。點知飲第一啖已經覺得好淡，仲衰過出前一丁味噌味嗰隻湯底，喊出嚟。2️⃣啲麵係鹼水麵！呢個真係X出聲，按照道理收緊$101一碗，你無理由係俾出面嗰啲「港式拉麵」我㗎吓嘛？😨講緊台風都係$78 㗎咋，但人地個麵食得出係手打，唔係鹼水麵。你俾鹼水麵我你就唔

一心諗住艱難既疫情 食返d好野哄自己開心諗住呢個價錢應該質素都唔錯 叫了外賣在門口等了20分鐘 滿心歡喜 馬上回家食回家打開後 已經睇到好失望 首先中華冷面醬汁冇味普通醬油 拉麵一d都唔彈牙 回想起以前去日本便利店買既中華冷麵真係好食好多 仲再賣咁既價錢 真係可一不可再 以後都唔會再食

爵士拉麵 (粉嶺) 聯和墟必食 屹立左係粉嶺聯和墟好耐好耐 一直喺北區長大嘅我 今次都係第一次試😋好有日式住家嘅感覺 味道亦很好 值得一試🥰▫️肥牛拉麵 配醬油湯底 HKD70 小size醬油湯底好清 亦十分有鮮味 拉麵麵質亦十分彈牙❤️肥牛係sukiyaki牛肉鍋味製作而成 配料嘅粟米都好好食❤️ 另外加咗 $12 糖心蛋 亦十分入味👍🏻小size 都已經好夠食▫️叉燒拉麵 配辛味增 小辛 HKD75 中size辣都可以選擇 分量十足！▫️炸雞 HKD38 3件炸雞都好好食 好大件 非常香口！仲有好多其他小食 亦都十分吸引！⚠️茶水$1/位 不日休息 建議可以打去問開放時間❤️☎️5178 9788📍 爵士拉麵 (粉嶺)粉嶺聯和墟聯昌街2號A錦福大廈地下6號舖

山長水遠來到粉嶺，雖然知道聯和墟有好多出名的食店，今次來到爵士拉麵，聽講係日本人打理，而且唔係日日開店，想試佢的拉麵就要碰碰運氣！今天店舖有開店，但不見日本人老闆😌有多款拉麵，我地叫了叉燒拉麵，有細碗同中碗的分別，食量唔大叫細碗已好足夠。我就加了個流心蛋，$12少少貴，但真係好好食，蛋黃流心，勁香濃蛋味！拉麵麵質爽口彈牙，浸在小辛辣的湯底，非常配搭。湯底小辣，無味精味，成碗湯差唔多飲晒！來到粉嶺值得一試！最後要提一提，原來每位要加茶點一蚊。我見有幾個客都唔知，以為收多左錢😓

每次幾過都見到好多人，難得今日無乜人，一於衝入去試下去叉燒醬油拉麵叉燒拉麵配醬油湯底，湯頭濃郁夠味！雖則係醬油，但佢用豬骨湯底做膽，食落去唔會有死咸既感覺，清清地唔會太過油膩叉燒味增拉麵同醬油相比，味道較濃郁，食拉麵嘅時候，麵條掛湯煙韌，即使唔飲湯，都食到湯底既精華，湯底配上厚切叉燒，惹味十足玉子燒睇價錢無諗過咁大份！所以仲嗌多份芝士玉子燒，味道唔錯唔會燒到過老，食落仲好軟熟，相比之下，個人較喜歡加芝士，除左有芝士咸香，仲有少少流心既感覺溏心蛋 強烈推介溏心蛋，整顆蛋的熟度掌握得非常好，蛋白熟但蛋黃依然半熟，好味😋

第一次聽到爵士拉麵這名字, 還以為它的老闆是一個爵士樂手, 之前也就是第一次來已經是很多年前, 那時老闆小村先生的粵語雖然夾雜着濃厚的日本口音, 但他的熱情和與食客打成一片的舉動令我印象蠻深刻的. 多年沒來, 今次再訪已經是由小村先生的女兒接手, 比我年輕得多的小妮子卻能從處理拉麵到清潔再到計帳, 將拉麵店打理得井井有條, 真的很厲害呢!這裏的拉麵很有住家感覺, 大大條蟹柳和肥牛不能說正宗, 味道也不算突出, 但加起來就能飽肚. 辣味噌豆香和辣度平衡得不錯, 鹹香和辣勁不會側重於一邊, 叉燒肉質夠腍而且脂肉層次分明, 可惜沒有太多炙香, 肉香不夠突出. 麵身口感夠爽, 吸汁能力不錯. 以麵論麵不能算是高質, 但濃厚的住家感和小妮子一手擔起半邊天的毅力, 為這麵家加添了不少獨特性.

食咗呢間廿年，上個月再去，發現人少咗好多（又可能係開既日數多咗）。其實餐牌內容同以前差唔多，價錢係現時來講仍算唔貴。坐低叫咗碗雜錦拉麵（加年糕），年糕水平其實差唔多，但湯底有啲死咸（辣面鼓），面比以前削，感覺阿女接手後水準下滑⋯其實以價錢來講未算非常差，但硬係冇咗以前嗰種感覺，你話行開嗰頭入去食無話唔得，但山長水遠入聯和墟食又好似唔值得。

住喺新界嘅朋友應該食再食拉麵由細食到大嫁啦，今日帶咗個九龍區嘅朋友嚟一齊食！我就叫咗一個雞翼拉麵，要味增湯底嘅，果然keep到個水準雞翼啱啱炸起個皮仲係脆嘅，拉麵嘅湯底依然保持到濃郁，好啱我口味👍🏼👍🏼👍🏼👍🏼👍🏼

聯和墟係一個有好多唔同種類既食市既好地方，若干年前小弟曾經係呢度食過一碗好好食既拉面，湯底濃郁，拉面彈下彈下，入口一流。今日再度光顧，地方不變，店面不變，但老闆變了，味道也變了。變了變了，為何我覺得一碗近百個大洋的拉麵是用方便面做出來的？食完碗面🍜回到家都飲咗好多杯水解口渴，天啊！是晚，與友人點了爵士拉面，炸雞翼拉麵同叉燒拉麵，炸豆腐同炸年糕。嗱，唔好話一味彈，都仲有好食既，就係炸物啦，年糕真係煙韌既，如果鐘意𡁻既真係唔錯既，炸豆腐都不過不失啦，不過豆腐就無咩豆腐香。拉面面底就有啲失望啦，湯底都唔駛再描述啦。講到底，好唔好，要自己試下先真，不過呢，拉麵啲配菜用料上較cheap, 呢個價錢絕對可以更好。少少建議，如果拉面可以叫分開上菜會比較理想，炸野浸落碗湯上，唔理想。

Ｄ食物水準完全對唔住個價錢。今日叫左個招牌（我諗係掛)「爵士拉麵」黎試下，未食野竟然要先埋買，我當下以為我食緊快餐店。當個拉麵上枱時，我心知不妙，一D香味都聞唔到，而且有一種好Cheap 既感覺。叉燒：又干又硬又薄，一D肥都冇，加上食落一陣雪藏味道，我心諗係邊間凍肉鋪頭買又或者唔知整好幾耐之後一直擺左係個雪櫃度。拉麵：本身就係用D cheap 公仔麵，食落成口鹼水味一Ｄ都唔開胃。紫菜：細細塊（好似一細包四洲紫菜既份量）又勁鹹，而且碗麵一上枱，就已經成塊浸晒係Ｄ湯度，一D口感都食唔出。蟹柳：好假最Cheap果款。。其他配料用料都係好求其，完全體現唔出有咩特色。除左成碗野都係熟之外，一D好既點都揾唔到。環境又黑又細，Ｄ位又窄又逼，服務態度又唔好。總而言之成間野係聯和墟依區度算得上係下游之中既下游，而且區內仲有其他更好既野食而且仲平過佢好多。拉麵如果可以比我揀多次都係出番出面食好過。不可一不過再。

每次開車經過聯和墟都見呢間小店排長龍，晚市專誠早啲過嚟幫襯。今次除咗什錦拉麵，仲試咗幾個小食都好有特色。炸價格合理，服務態度亦唔錯。不過小店地方比較狹小，坐得唔太舒適。

一間平平無奇的拉麵店，在第一代的經營下，食物質素尚可！現在他的女兒接手，食物質素一落千丈，乾硬的义燒，令人一試難忘！除了拉麵，其他都是一些本地的冷藏食物！服務一向是差的，沒有最差，只有更差，你最好十五分鐘內把麵食完走人，否則給老闆女及員工白眼！尤其是老闆女，我在進食期間已看到她跟送貨員嘈交，店舖又細，她安排完我坐她說的所謂三人枱，之後又說我阻住條路，說：（吾好阻住條路得唔得呀！）因當時有幾個客在門口等，佢態度好差，想叫我快啲走，讓座俾客人！價錢是銅鑼灣的價錢，配合垃圾質素的食物，黑面的服務態度，再加超......濶落座.....不會再幫襯！食物不用心做！服務態度極惡劣！價錢超級不合理！我看她遲早將老爸遺留下來的麵店敗了！