爵士拉麵

营业中

休息中

成日聽人講呢間拉麵好出名，我個美甲師父又極力推薦，所以同家人冒名來試下。價錢吾貴，平均每碗拉麵$1xx，响餐牌點左3款拉麵外賣，番屋企路程5分鐘左右。番到屋企一打開，賣相一般，餸好少，已經聞到好大陣鹼水味，開始覺得中伏，再食第一啖，已經完全中哂伏。吾單只d麵難食，連d餸同湯底都好難食，就算當時我已經好肚餓，都只能勉強食左兩三啖醫肚就倒左。完全冇法想像，拉麵美味程度可以同預期相差咁遠，並吾係名大於實咁簡單，而係"好難食"，仲難食過某d拉麵連鎖店，簡直入吾到口🙊

放假搵好野食🤤去左粉嶺果邊，行左好耐最後決定試下依間小店啦，入到去點知見到餐牌，覺得都幾貴咁🤦🏻‍♀️無影到餐牌，我地都揀左個最平試下啦有雞翼拉麵同餃子拉麵🍜，揀左細碗同醬油味，食落都唔差啦不過就盡量避免下次😂因為貴唔太值依間價錢，但欣賞係一個女仔負責煮麵同招呼客人，麵幾厲害！

係粉嶺食lunch，好多時都出聯和墟，忽然醒起有間拉麵未試過。去到望多兩眼先見到間野，係街角比較唔起眼，入到去係一貫既拉麵店座位，可以坐到大約20個人。我叫左年糕拉麵，因為去開既拉麵鋪都冇見過，諗住試下。我以為佢冇蛋，所以加左醬油蛋，點知黎到先知有蛋，好彩我鐘意食蛋。醬油蛋我覺得一般，唔係溏心蛋，味道係ok既至於個麵，我叫左小size，普通食量既女仔都會夠食。冇乜鹼水味，麵質唔錯，但係可能因為有兩塊炸年糕，令到個湯好油。年糕好大塊好飽，冇乜特別，就係一舊炸年糕。男朋友食爵士拉麵，中size，個價錢同我果個差好遠好似係味蹭味，牛肉份量都好多，其他料不過不失。整體黎講，佢d野都唔差，但係冇乜驚喜，唔會令人有想食第2次既慾望。如果想試下唔同拉麵鋪既，可以試一次。

因著老闆慷慨捐贈豬骨俾寵物 所以想去幫襯下 支持下 以感謝老闆的善心。 聽呢間野都聽左好耐 話係日本人開既店 一直想試但都無機會。 今日終於試到 叫左個叉燒拉麵 （醬酒底） 湯底不錯 應是沒落味精 湯底以豬骨烹調以成 同出面拉麵店不一樣 感覺真材實料好多。 不過叉燒雖然份量好多 ，但可能因為佢係即日新鮮製作關係，味道好清 唔係好夠味 ，肉質相對都「鞋」點。 老公叫左個爵士拉麵 ，叫左辛噌味（中辛）但佢就略厭唔夠辣。不過值得一讚係炸物 ，即叫即炸。 我最喜歡炸紫薯栗子薯餅 超正 好重紫薯味 熱辣辣脆卜卜好正。 炸年糕就對我唔係太愛糯米既人黎講 一般 可能內加芝士會更好。 總結黎講 家庭式經營小店賣小見小，一定有進步空間 不過用心黎煮食 點都係吸引人既

爵士係我讀小學個陣開，所以都叫係由細食到大，經歷由日本人先生同佢既香港人太太開業至而家由個女打理既變遷。內部格局好有日本拉麵店既感覺先講價錢，佢拉麵係有份2個份量，價錢亦有份別，大約＄60－90拉麵湯底方面，有3個選擇，分別係味噌，醬油同辛味噌我多數食都會選擇辛味噌，因為佢辣得黎好開胃！餸方面我會推薦炸雞！因為本人真係非常鍾意食日式炸雞，佢嫩得黎都幾多汁，唔會太燶，好食！另外年糕同肥牛sukiyaki都幾正！可以散叫！爵士味道唔會比出面較出名既拉麵店差，但係價錢相對平d，係香港黎講呢間拉麵店係高質！

而家工作都並非一個固定地點，有日咁啱比人掟咗去粉嶺做嘢，無法啦又要一個人隨地解決午餐。於是行到去聯和墟，咁巧合見到呢間拉麵店，見個名叫「爵士拉麵」就一下子吸引咗入去。店鋪不是十分大，但裝潢舒適，店鋪放咗啲漫畫啊、菊嘅花樽、舊式風扇等等，呢種隨意嘅佈局，予人一種番到屋企嘅感覺。睇下菜單，除咗拉麵類，背面仲有小食類；拉麵分別有大細之分，基於我想食平啲同想試下佢地嘅醬油蛋，所以我就柯打咗細碗嘅雜錦拉麵，而湯底則揀咗味噌湯。中午時段都幾多街坊幫襯，稍微等咗一陣，拉麵先到。第一個感覺係，真係一碗好樸實嘅拉麵啊！可能因為環境影響，就連碗都相當家庭式嘅感覺。基本上，我覺得雜錦可以食到最多嘢，除咗蛋、蟹柳、粟米呢啲，意相不到竟然仲有一片叉燒呢。麵嘅份量適量，麵身唔係好幼個款，中粗度，彈牙有嚼勁。湯濃郁但唔會係超咸個種，食完無好口乾嘅感覺。雖然佢個樣係好樸素，但食完相當有飽腹感，馬上暖笠笠。總結，後尾問番住粉嶺區嘅朋友先知，原來呢間鋪已經開咗好耐，轉咗第二代之後，人手比較不足，所以唔係成日開鋪。有見及此，有興趣嘅朋友，光臨之前可以致電去店鋪電話再出發啊！

爵士拉麵🍜喺粉嶺已經好多年要食到真係好講緣份因為佢唔係日日開門門口貼咗張月曆 show咗幾時放假，幾時開門不過我都試過幾次摸門釘😣穩陣起見我都會打個電話問下有無開門先搭車入去店舖不大 所以晚市通常都要等位排隊時已經諗定食咩入到去好快就有得食😋百吃不厭的日式炸豆腐外脆內裡係滑一滑的豆腐，配埋木魚汁今次試埋個炸雞即叫即炸 好香口 炸完都仲係咁juicy 炸粉漿不會太厚加少少檸檬汁 感覺更清新炸年糕拉麵🍜平時炸年糕都係當小食咁叫今次配拉麵又幾特別年糕炸都熱辣辣 一口咬落去. 煙煙韌韌咁拉麵軟硬度適中醬油湯 不油不會太咸年糕+拉麵. 超飽呀！

爵士是我和太太的喜愛拉面店，由老店主時已開始幫襯。只談食物：什錦拉面－醬油底－湯咸味適中，胡椒不放更佳－面質保持，彈牙而少梘水味－配料很一般叉燒拉面－醬酒底－湯底／面質一樣不重覆了－叉燒味淡，比較厚，有點肥膏，唔算好腍，這方面各有喜好，我個人不太欣賞凍豆腐－這一味抵打。－豆腐選用硬豆腐是敗筆，應該用滑豆腐－醬酒過咸，因為是放在一起所以豆腐是越食越咸＊聽說老店主小村先生已去世（未証實）最近有親人離世，也希望繼續支持女兒小村小姐。

唔好誤會，依度嘅拉麵真係好似係日本食嘅拉麵點解我會寫香港味度，稍後再講！地點好易搵，係聯和墟街市附近，行幾分鐘就到內裡唔係太大! 我估有20個位掛（無特別數）但都坐得好舒服今日大約1pm到，唔使等位！都幾多選擇，本來想吃“爵士拉麵”咩都有但因為又想食小食，所以就叫左“叉燒拉麵”+“日式炸年糕”依個年糕口感好好，但就咁吃係無味所以要點個汁醬油味叉燒拉麵個人係日本食嘅時候，一般較濃味，有啲喊今次食到的較岩我個人好味，但又不失日本風味麵質亦好似係日本食咁好爽好彈牙所以絕對值得一試可惜逢星期一，二都會休息仲有不定期的休息所以如果係特登去食嘅話，就打個電話去先

是日無無聊聊，諗唔到食乜，諗起好似好耐無食過拉麵，就同老闆講想食拉麵。老闆直接就帶左我嚟呢度。佢鋪仔細細，十零個位，應該係快來快去格，老闆點左我想要的义燒拉麵，我唯有揀第二個，叫左中辣肥牛拉麵。一嚟到，嘩，點呀？你係拉麵定油面呀？啲牛肉好似打邊爐“6“老曬嘅咁。就連老闆個义燒拉麵都變左豬油拉麵。。。好慶幸我只叫左細碗，唔係都幾難捱。去嘅時候係下午一點幾，無其他食客，係店員亦匆忙趕收工，係咪令到碗面唔好食嘅原因，我唔知，不過拉麵嘅特質，喺度一啲都見唔到

自從太子女正式主理後我反而多來幫襯咗，可能以前佢日本父皇主理時令作為食客既我有壓力，老闆又被人很寸的感覺，而家阿女主理親民好多！提提非區內居民，記得他們不定休，最好先致電才去品嚐！

聯和墟對我來說，話近唔近，話遠唔遠，很少會特地來吃東西。剛好經過曾經風靡一時的爵士拉麵，才發現從未試過。擇日不如撞日，今晚就來吃個麵吧。 坐落在聯和墟舊街市旁，平時不會經過。 一貫拉麵店的簡單裝修。書架上有幾set讀書時沉迷的漫畫書，令人回味。 我們坐在吧枱，欣賞女師傅手起架落的煮麵英姿。 除了常吃的叉燒拉麵，還有幾款自家創作。肥牛、炸年糕拉麵，太有趣吧？ 不設第二次落單，食完好讓出位置給其他客人。 落單後就要俾錢，直接、免混亂。 醬油底叉燒拉麵 $70 叉燒偏瘦，有點痴牙，口感一般。拉麵帶點鹼水味，軟硬還算適中，略嫌不夠彈牙。 餐牌已事先聲明所有湯底會落胡椒粉，但没想過會咁重手。除了胡椒，完全吃不到醬油味，嚐不到味道如何較清⋯⋯ 味噌湯叉燒拉麵 $72 味噌湯底（另加$2）看似濃味一點，但同樣，胡椒味蓋過一切。愈吃愈覺得自己食緊fusion胡椒肚豬肚湯拉麵⋯⋯ 溏心蛋 $12 溏心蛋算合格。可能湯底的胡椒太濃烈吧，這棵蛋毫不入味。正確來說，接近無味。 也許店主覺得要為食客驅身保健吧？完全想不到這個胡椒湯底，同拉麵如何有效地夾⋯⋯

通常去聯和墟就係去食豬手米朋友話嗰度附近有間食拉麵幾好所以就揸車過去食但係諗起好多拉麵店都收下晝所以特登打個電話去確認有冇得食先去到見到佢真係寫會不定期休息 所以一定要打電話第一次食緊係食招牌面啦我地二人要左一碗爵士拉麵醬油湯底 小碗同一碗爵士拉麵味增湯底 中碗餸嘅份量係幾多下肥牛肥瘦適中 香牛味 唔韌 但有咬口叉燒係比較厚切的，但又硬又鞋好似煲完湯啲豬肉咁隻蛋唔算溏心 過左D火 蛋白已經幾乎熟晒蛋黃邊都熟晒雜錦係普通嘅雪藏蟹柳 同罐頭粟米塊紫菜成塊浸晒喺水裏面 面目全非 都唔認得佢係一塊紫菜 麵係少少偏硬 幾煙韌 不錯的醬油湯底係幾清嘅 唔太咸 唔油 冇味精味增湯底幾香 飲得出係淆出來嘅湯但唔油膩 飲得多都唔覺滯小碗面嘅份量真係幾少 但爵士拉麵D餸好多， 所以都好飽但如果叫其他一個餸可能小碗會唔夠食但感覺呢間野唔係好傳統日本 其實都幾港式坐吧枱可以睇到廚房裏面響日本食店唔會見到個廚房立立亂同埋個blue girl 嘅stand 再加杯暖茶(見圖)真係幾似茶餐廳如果住附近有時去食下午餐都可以但如果特登揸車去食佢 好似唔太值得

今日酷熱天氣，去到聯和虛見到爵士拉麵就好想食。我地叫左两碗麵，呢到拉麵唔算多款，但價錢好相宜。叉燒拉麵要左味噌湯加左隻糖心旦。味噌味好濃郁，拉麵偏軟，但叉燒份量好多😋叉燒偏瘦，岩哂唔鍾意肥嘅朋友。糖心蛋好好味，旦黃好香夠流心。肥牛拉麵 要左醬油湯底，醬油湯底偏清，岩哂宜家嘅天氣，牛肉用左壽喜燒汁去煮，食唔到甜醬油味但有少少偏辣，牛肉就同我地平時打邊爐嘅一樣。两個人食左160蚊左右，呢到係小店經營，只可以落一次order 。

首先講第一樣，店內提供麥茶，茶錢一蚊，重點係暖嘅! (唔係 order, 係坐低就俾你)吹噓咩正宗日本人開？搵傻仔信。。。食拉麵飲暖麥茶(相信本來係熱，放喺膠壺放到暖, 茶餐果隻膠壺)唔俾翻單果 d 營銷手法無意見，啅頭而已，今時今日越串越多人當係寶，犯賤也講返食物質素，試咗 98蚊嘅爵士拉麵中碗醬油湯底，塊紫菜細塊都算(細過包裝紫菜一格)，成塊係浸咗落湯入面墊底。。。份量方面肥牛真係幾多，不過叉燒係垃圾麵係同味千同級水準由上水特登揸車過聯和墟試傳說中食到算行運嘅爵士拉麵，失望北區食拉麵都係留返喺上水