爆汗串串 (已結業)

未食既真系吾好食十分普通！ 食物類選擇不多 味道不好吃 沒有什麼特別可以讚。態度一般 環境一般 地方淺窄。呢間系我食過最差既放題！你地可以去試下再寫多啲負評！建議吾好去。一個字差！完。

幾個月前嚟過一次一直都想返嚟再食難得今日經開就拉咗男朋友入去今次同上次感覺好唔同因為佢地轉咗做放題客人係多咗好多我地早到所以仲有位不過之後嚟嘅客人訂咗枱都要等over半個鐘冇訂枱就直情冇位我地算好彩呢個係我之前好鍾意嘅棒棒雞今次味道有啲唔同咗鹹味重過之前之後嚟係組合咁樣叫食過味道好好今次嚟味道都好好冇之前咁辣可能為咗遷就返香港人口味仲記得之前嚟辣到要加香油碟今次恨不得想加辣😂唯一冇變保持水準嘅係冰粉♥️轉咗任食之後多咗好多客人基本上好多時都爆場🤣生意好好

而家香港開始流行大陸一串串既食法，每串細細串，好處就係咩都細串，可以食到更多唔同既野，唔駛單一食咁單調，壞處就係散叫係非常不化算，如果要飽肚就真係唔知食幾串。所以當知道旺角開左間串串係放題任食，點都要試一下，去到間鋪裝修得幾令，仲好貼心地下有啲藍比你放袋。食物選擇都非常多，串串既食物有牛肉，千層肚，黃喉，雞軟骨，肥腸，豬皮，五花肉，餐肉，煙肉金菇，鴨舌，游魚，雞柳，雞珍，雞似腸，花枝丸，魚片頭，炸魚蛋，貢丸，海帶，付皮，魚皮鮫，西蘭花，娃娃菜及其他菜類等等。。。每串都一口一啖，第一次可以樣樣點一串，知道自己想食咩之余亦唔會浪費食物，一個價錢就食到咁多唔同既野，真係冇得頂。如果串串滿足唔到你唔味亦有其他選擇，仲有5款麵類同白飯，一定夠飽肚喇。

之前喺大陸都食過呢款串燒放題，估唔到香港咁快都開左呢類嘅餐廳。連有埋圍裙提供都開始變成常態。串燒嘅種類都算幾足夠，有唔同嘅肉類、丸類、餃子、蔬菜等等。 每一串嘅份量都唔算多，不妨可以嗌多啲種類食。第一轉嗌咗煙肉金菇、五花肉、花枝丸、炸魚蛋、雞軟骨、鴨舌等等。 串燒給吸曬麻辣湯底嘅精華，非常入味。番茄牛肉麵 （豬骨湯底）可能都係唔太食得辣嘅緣故，食到中途嗌咗碗豬骨湯底嘅麵食。 又估唔到串燒之外，其實麵食都唔錯，尤其係個麵質，軟硬適中，值得一試。可能真係個湯底麻辣嘅原故，食到中途真係開始爆汗。就正如餐廳內嘅海報所講咁。除咗串燒同麵食，餐廳仲有小食揀，呢轉分別嗌咗棒棒雞同埋麻辣千層肚。 麻辣千層肚個醬汁同麻辣湯底有少少唔同，食落酸少少，感覺更開胃。 可能因為食咗辣嘢嘅緣故，棒棒雞上面嘅芝麻醬好似特別濃味，食落更滋味。成都豬腸麵（豬骨湯底）另一轉就試咗雞腎、魚皮餃、土豆、海帶、魷魚、鴨舌、肥腸、豬皮、魚片頭、西蘭花等等。最後仲有甜品，就係成都老冰粉。冰粉上加上咗青提子乾、山楂同埋米麴，食落清甜得嚟又酸酸地。

爆汗串串出左個任食放題，食物任食，我上次夜晚7點幾去，價錢$168/位，其餘時間就$128/位。另加$8有香油碟，可以解辣。成都老冰粉可以任叫，食左幾次好解辣！棒棒雞，唔辣的，有麻香。同埋只有黃金時段至包，其餘時段要補錢至有任食呢！呢度主打食物係麻辣串串，每次叫完就會浸落麻辣汁內。特別鍾意煙肉金菇、魷魚、魚片頭、炸魚蛋呢幾樣食物。但如果論索辣味，就必定要點黑木耳、厚百頁、蓮藕、腐皮，索汁一流！越辣越過癮！

之前和朋友吃過爆汗串串的成都串串香一吃難忘，我想再吃好一會了，不過朋友前一陣子拔牙，仍未痊癒故不能吃辣。早幾天和朋友逛旺角的時候，看見不少地方貼著爆汗串串的宣傳紙，任食成都串串香放題2小時只是128元，若想任食小食的話則加20元，任飲啤酒汽水則加30元。任食成都串串香正好滿足朋友的心靈，這兩星期她都是吃白粥，被她的同事恥笑她的人生沒意義，天天吃白粥多可憐。現在她的牙齒已復原，還不吃香喝辣，解放她封閉了兩星期的食慾。朋友不客氣先點了麻辣海帶，麻辣千層肚和鐘水餃，海帶和千層肚拌入成都秘制辣椒油，入口香氣四溢，吃完後齒頰盡是麻辣的香氣，多刺激的涼拌小食，而且海帶軟滑，千層肚彈牙入味，朋友一口接一口吃過不停。鐘水餃絕對在麻辣小食佔一席位，水餃皮厚薄剛好，肉餡也不馬虎，蠻有彈性嚼勁，紅油增其辣滋味。一口一個鐘水餃，我們不自覺吃上一整碗。全餐重點當然是成都串串香，成都串串香足足有三十七款配料可選，素的， 葷的任君選擇，我們一口氣挑了廿多款配菜，大家肚餓嘛。雞柳和五花肉川燙前已經使用香料醃漬過，再加上麻辣紅油的浸泡，雞柳與五花肉辣味及香味更上一層樓。成都小香腸我們均是第一次吃，它有點像迷你版的臘腸，

呢輪天氣又熱又濕，個人都好似攰懶懶咁，友人提議以辣驅濕，仲帶我去呢間食麻辣串串係門口見到呢個宣傳牌，七點半至九點半係黃金時段，每位$168，任食兩小時，未食過又可以試下喎入座後店員送上點餐紙，串串食材都算多種類加$30可以任飲，食2小時麻辣嘢喎，起碼都飲幾罐啦，呢$30當然要加啦!係黃金時段仲可以專享小食任食，其他時段要收$20，五款入面叫左四款 : 蒜泥青瓜，麻辣海帶，麻辣千層肚及鐘水餃鐘水餃細細隻，味道同口感似食緊紅油炒手，好快被KO一碟成都串串出場啦，一串串浸於紅色麻辣湯底裏，麻辣香味傳入鼻中，忍唔住要開動啦小試牛肉，牛根丸，豬皮，魷魚，雞腎，魚片頭，海帶，腐皮，椰菜花，娃娃菜，黑木耳每串係一舊食材，食過喜歡嘅就可以再叫，唔駛嘥嘢之餘仲可以有位置試多幾款食物每當食到索汁食物例如豬皮，椰菜花，娃娃菜等，辣汁直射口腔，又幾過癮辣度都唔可以睇少，開初食都可以，但愈食就開始感冒汗，好在佢呢度嘅冷氣夠勁，仲有不停供應嘅凍飲睇下個竹支筒就知自己嘅食力有幾多解辣點可以少左佢擔心就咁食串串唔夠飽?!  咁就放心都得啦，呢度有麵/飯類供應叫左呢碗酸菜豬肚麵，湯底可選豬骨/麻辣，唔太大碗一人食都好夠

呢日中午時分有成30度，真係完全感受到夏天經已來臨！！！！但辣妹朋友同我行完街仲要帶我黎食辣野，呢晚真係有如店名，想唔“爆汗”都唔得啦原來辣妹朋友之前黎過，知道依家晚市有得放題食串串，所以想帶我黎辣返晚，要訓練一下我食辣嘅功力我地大概七點半入坐，每位HKd$168，因為係黃金時段，所以唔洗加錢都可以食埋佢地既小食，而要任飲店家既飲品就另加每位30蚊有5款小食可以任食，喺未食麻辣串串之前，我地先要左兩款小食：棒棒雞同鐘水餃棒棒雞係以麻醬調味，雞肉唔嚡，加上有青瓜絲墊底，撈埋一齊食都幾清新架！岩辣喺食辣之前打個底兼開下胃而鐘水餃就每粒都細細粒，食落既感覺就有d似平日食到既紅油抄手咁，但水餃個皮就比平日所食到既煙韌，自己都幾中意跟住我地既串串都到啦，我地第一輪order左十幾款，菜類肉類都有叫啲黎試下啲串串係配冷鍋食既，每串餸料都係一串一粒，方便食之餘仲可以因返分量，唔怕浪費冷鍋可以揀辣度，辣妹朋友就我揀左小辣，食落都幾香，開頭食唔算太辣，但後勁十足，會愈食愈覺得辣架好彩呢度有我食麻辣個陣最中意要既冰粉，涼浸浸又滑嘟嘟既冰粉加上糖漿一齊食，解辣一流怕淨係食串串會唔夠飽既話，仲可以叫粉麵食，我

同事喜歡吃辣，我就陪下佢食下啦。我哋食嘅時段係$168嘅黃金時段，所以成張紙上面嘅食物都可以叫。有少少貼心嘅係佢會俾埋一次性圍裙我哋，等我哋唔洗驚整污糟啲衫。叫既野好快就黎到，係咪黎齊我唔知，因為我地叫好多，多到自己都唔知叫左咩。😂😂Overall個辣度香港人都頂得順嘅，但係叫菜既話就有啲辣，因為會索油。野飲雖然要加30蚊先可以任叫，但其實都好易就回到本，因為我一個人都已經飲咗四枝竹蔗茅根。小食方面我最中意係麻辣千層肚同棒棒雞。棒棒雞唔辣，可以梅花間竹咁食。飲啖竹蔗茅根，唞一唞再食過。$168可以食一個半鐘，基本上食到捧住個肚走唯一唔好嘅係有班中學生喺隔離，嘈到我地自己都聽唔到自己講咩。

當晚和朋友們想食重口味一點點的，咁啱見到呢間新開的四川麻辣串串，好想食😍😍😍呢排口淡淡想食啲重口味嘅嘢，好期待！哈哈！佢嘅鋪面唔大，不過都坐到六七張枱，不過我哋三個人，佢比得張二人枱我哋有少少逼，都唔緊要叫勉強坐得落。我哋主要想試吓佢嘅麻辣串串，所以就點咗$128/30串先，如果好食我哋再加點。上菜都幾快，30串入面我哋揀咗一啲我哋自己食嘅好似薯仔，花枝丸，豆腐乾，腐皮，魷魚，餐肉等等我嘅至愛，仲見到一啲比較特別嘅好似有煙肉金菇，小香腸，千層肚同雞軟骨等，一共可以揀10款每款有三串啱啱好我哋一人一串唔洗爭🤗 30串一齊嘅感覺好澎湃😝我哋揀咗小辣，佢係比一兜辣汁在中間，然之後將所有嘅煮熟的串串放落去，辣汁真係幾夠麻辣，唔係一味得個死辣，係加咗好多花椒同埋其他嘅香料，一邊食嘴巴就開始麻了真係好過癮！😝 另外我哋仲點咗肥腸面($38)同牛肉麵($42)兩個我哋都揀晒麻辣湯底, 試一啖湯真係幾正，唔會覺得好味精，好似我返大陸食嗰隻麻辣味，不過就冇串串嗰隻咁濃咁油，小小辣幾正，肥腸都算乾淨唔會有異味，牛腩都算炆得幾腍身和入味。但我覺得最正係佢嘅面底，感覺好似嗰啲淮山麵夠爽同埋彈牙，最怕食到啲好腍

冇book位，walk in 之後個呀姐話10分鐘之後有位，之後叫我地附近行下，就之後行開左一陣打電話黎話有位，行翻翻去，結果個呀姐又俾左其他人入，話叫我地等等好快有人岀，結果等左成45分鐘，後尾覺得根本冇可能好快有人岀！佢都知係食放題，點會未夠鐘會有人岀！算照入去食，啲位好逼，由落單到上菜又等左半個鐘🌚由於本身係大陸食過覺得好好食，先翻黎香港再食，味道只可以講唔正宗我地8點半入到去，落單紙已經冇左4樣野可選，第二次落單，連黃金時間既仼食小食都冇左千層肚同餃😰得翻棒棒雞，但雞皮多過雞肉，青瓜又多過雞。。。我男朋友唔食菜，結果黎左好多唔屬於我地既菜，結果我就係咁食菜，我男朋友要食面充飢😑成程已經聽到周圍啲人話伏，又每次落單每人限每款點2串，又要勁多肉類冇曬，加30蚊仼飲，原來係佢斟既野飲，全場得兩個侍應，叫話斟野每次都話好，等等，等等等等到佢做曬手頭啲野。第二次上菜，原來就係淥熟啲野，放翻落你兜辣油到。。。。😨😨😨😨😨😨😨😨😨😨😨😨😨😨😨😨😨最令我感覺唔良好既係，9點20分有對情侶入黎話等10分鐘，食128蚊個場，個呀姐竟然話等陣就冇位架啦，黃金時間內可以仼食小食，結果對情侶就話咁又係，

Book左9點半，早左10分鐘諗住係門口等下，一直等，門口既人又愈黎愈多，個員工淨係同我地講左一句等陣，又唔mark低到左既人，d人食完走左又唔執枱，執左枱又唔比人入，最後我地竟然10點先有得入，我覺得我book咗要等都唔係問題，最起碼都俾d指示人丫。坐低叫野食，落左4次單，叫果d又無黎，無叫果d係咁黎，叫10樣就黎6樣咁，如果無哂既話同我地講聲都好丫，點知同你地講我地最想食既蓮藕由第一次叫到第四次都冇黎過，唔緊要，隔離兩枱都大把蓮藕，你最後一塊都無黎過就同我地講無哂，仲要語氣又唔好，喂有無咁過份呀？放題都唔係咁做生意吧。加30蚊任飲，飲左兩枝竹遮茅根就話無哂，最後仲要收加一，全程都唔覺得自己得到過正常既服務囉，174一人話貴唔貴話貴唔貴，但呢餐咁樣真係74蚊都嫌貴囉，比錢唔係問題，但要比得值囉。最基本既服務態度無，放題都唔係咁無心做吧，真係貼錢買難受🤬

喺旺角行行吓街，望到有間鋪頭啲食客枱面好多竹籤，好奇八卦一下，原來係食辣野，老公即刻話橫掂都到食晚飯時間，不如入去試吓啦！睇了一輪餐牌我哋就決定叫一set 30串有10款嘅成都串串香，揀咗小辣估唔到又真係個辣汁幾好味，雖然是小辣，但我食到第三串，已覺得辣到飛起，但又好好味，終於忍唔住叫了碗棵粉解辣，凍凍地細細一啖已經解除左我辣的感覺連我食得辣的先生佢都要叫凍飲舒緩下也叫了碗梅菜腩肉麵都不錯喎今餐我哋兩公婆食得好開心，必定有下次

久唔久我都食麻辣燙刺激味蕾。今日就揀咗呢間《爆汗串串》試吓先。正值中午時分，我同朋友叫咗午市套餐。《川味口水雞飯 $58》 雞肉肉質嫩滑。麻辣味道又香又辣。感覺正宗。足以刺激味蕾滿足食慾。用來送返白飯很不錯。跟餐有優惠小食 +$16 棒棒雞。是手撕雞配上胡麻醬。份量不少，味道不錯吃。底下的青瓜絲亦很爽口。清新好味道。餐飲叫了餐飲凍豆漿。不太甜。正合我心意。《成都串串香 $58, 轉火鍋粉+$6》麻辣串可以選六款一共有12簽。我們揀了魷魚，午餐肉，五花肉，花枝丸，牛筋丸，鴨舌。每簽都索滿醬汁好入味。我最喜歡的是五花肉。啖啖肉又夠辣。食完呢個真係成身爆汗。跟餐優惠小食叫了鍾水餃+$16。水餃皮很薄。包住實實的豬肉。十分有口感。而且份量亦不少。食完好飽好滿足。餐飲叫了竹庶茅根，味道清甜，亦可以清熱氣。

中意食辣嘅朋友仔有福了🤡今次呢間放題串串，仼食2個中💦食到爆哂汗咁真系好過癮🤘🏻大拿拿有成三十幾款串串選擇而且細心咁有圍裙比大家，女士們就吾怕整污糟件靚衫啦串串放落個大盤度，浸過啲麻辣汁再食超有辣勁🔥食到個嘴唇都痺痺地呀😂特別推薦有成都小香腸，好似mini臘腸咁！魔芋煙軔爽口，土豆🥔(薯仔)，魷魚🦑，秀珍菇，腐皮，吸味一流！另外一班人仲加左$28叫左個口水雞🐥雞肉都幾嫩，略嫌吾夠入味，不過食串串之前開個胃都吾錯🤡食左n串之後仲怕吾夠飽嘅仲可以點飯，豬腸麵，牛肉麵，蕃茄牛肉麵，火鍋粉等等！都真系幾抵食😋食到飽一飽，快啲燒身邊一班食得辣嘅朋友黎食啦😈🔥蕃茄牛肉麵，麵質軟硬度剛好，而家份量亦適中！不錯