爆汗串串 (已結業)

當晚和朋友們想食重口味一點點的，咁啱見到呢間新開的四川麻辣串串，好想食😍😍😍呢排口淡淡想食啲重口味嘅嘢，好期待！哈哈！佢嘅鋪面唔大，不過都坐到六七張枱，不過我哋三個人，佢比得張二人枱我哋有少少逼，都唔緊要叫勉強坐得落。我哋主要想試吓佢嘅麻辣串串，所以就點咗$128/30串先，如果好食我哋再加點。上菜都幾快，30串入面我哋揀咗一啲我哋自己食嘅好似薯仔，花枝丸，豆腐乾，腐皮，魷魚，餐肉等等我嘅至愛，仲見到一啲比較特別嘅好似有煙肉金菇，小香腸，千層肚同雞軟骨等，一共可以揀10款每款有三串啱啱好我哋一人一串唔洗爭🤗 30串一齊嘅感覺好澎湃😝我哋揀咗小辣，佢係比一兜辣汁在中間，然之後將所有嘅煮熟的串串放落去，辣汁真係幾夠麻辣，唔係一味得個死辣，係加咗好多花椒同埋其他嘅香料，一邊食嘴巴就開始麻了真係好過癮！😝 另外我哋仲點咗肥腸面($38)同牛肉麵($42)兩個我哋都揀晒麻辣湯底, 試一啖湯真係幾正，唔會覺得好味精，好似我返大陸食嗰隻麻辣味，不過就冇串串嗰隻咁濃咁油，小小辣幾正，肥腸都算乾淨唔會有異味，牛腩都算炆得幾腍身和入味。但我覺得最正係佢嘅面底，感覺好似嗰啲淮山麵夠爽同埋彈牙，最怕食到啲好腍