燒魂屋 (已結業)

前兩天喺雜誌見到燒魂有新店開張,又有facebook優惠讚好送曰本蠔刺身,加上之前去過其它分店都幾好,而我男朋友係一個大食之人,放題最啱佢,所以就打電話book位,又真係估唔到接電話個男仔講野語氣又幾好喎,佢已經當左我係佢啲friend咁,好有親切感,而家真係好少人做到,講番當晚用膳,唔算太多人,個場地好大,好多位,而且差唔多全部都係卡位,坐得好舒服,一坐低,個經理話已經幫我地預備左刺身拼盤,再加埋個蠔刺身,已經興奮到極點,個刺身出左黎賣相好靚,吞拿魚,三文魚,帶子都好新鮮,而個甜蝦更值得一讚,非常肥美,相反個生蠔就見人見致,因為好重蠔味,令到我食唔慣跟住就講下壽司,芝士鰻魚,燒帆立貝燒得好香,估唔到係有海胆食,好鮮甜,正!不過個蟹籽就比較差,無囗感至於熟食方面,天婦羅蝦,蟹棒食落去熱辣辣,好香囗,不過炸餃子就差啲,炸過濃,個皮好硬串燒方面,一口牛真係值得一讚,有一種入口即溶感覺,至於一口腸同番薯仔就無乜特別不過最好味就真係要推介牛油炒野菌,牛油味超香,連隔離枱都聞到話香,粗魯啲講句真係無得輸最後環節係食雪糕,個經理話係出名牌子嘅雪糕,個曲奇雪糕又真係好好味總括黎講,服務,食品都做得幾

睇雜誌見到六位訂枱有蛋糕送,膽粗粗就打咗電話留枱同個FD搞生日.一行六人唔識路,打咗三次電話問地址,聽電話個男仔都無唔耐煩,呢樣我覺得抵讚.終於上到去,入到去就發現成間野嘅環境都相當有有日本風味.由其係卡位上面吊住既黃燈,認真棧鬼.問路問到口水乾,第一時間先衝去飲品吧,先飲美綠,味道偏淡但都算夠味.堪完野飲,就落order,先黎左個刺身拼盤,估唔到擺得非常精緻,原本以為放題d刺身應該好差,點知出奇地新鮮.一路食食下第一轉野食都差唔多黎晒,上菜速度真係值得一讚。熱食不能不提燒蝦串，這個做得比較出色，很有蝦的鮮甜味。其他食物不過不失，唯獨唔夠熱，只有小許微溫。食飽飽，靜雞雞叫侍應上埋個蛋糕.以為只係遞上黎吹下蠟躅甘，點不知忽然全場熄晒燈，生日歌隨即奏起，一個著晒火既蛋糕出左黎，個朋友開心到出唔到聲..有趣的系，原來今晚仲有好多人生曰，最後一個全場大合唱，非常盡興.侍應哥哥話依度仲有V1P房，下次派對一定反黎！

睇雜誌有新開放題，6個有蛋糕送，就book左31號8點，我地一坐低，侍應都有禮貌同我地講解收費同有個刺身拼盤，最得意嘅係果度有個自由斟吧，嘩正，巨蜂提子汁/mouca咖啡／汽水全部任斟，斟完野飮番埋位刺身拼盤就到喇，超大個，甜蝦，帶子，三文魚好新鮮，跟住我地喪點其他野，刺身，壽司超多款芝士鰻魚／草莓蠔／咲香魚／海膽蝦／油甘魚。正串燒蝦，D蝦超大隻爽甜，牛舌ok蕃薯仔正，牛柳粒OK，天婦羅一般啦，芝士年糕正，燒長茄子必食，好好味，牛油野菌又係好野，嘩真係好鬼多野食，仲有D字頭雪糕任我地畢。備註：去厠所記得認路，因為果度真係好鬼大^^

之前睇過食評講到幾好幾好，一心同老婆去試試，點知覺得被老點，環境唔錯大多數為卡位，侍應即時送上魚生刺身，但凍到冰咁，之後再點串燒、炸物、壽司......等。串燒炸物只是微暖好明顯一早整定，一口牛同牛舌相信要用鉸剪先可以剪得開，芝士年糕同炸雜菜餅又係翻炸再翻炸個皮硬到無倫，Order到二輪只點咗一兩樣已經唔想再點，本身為雪糕迷，一心想食雪糕補數，點知一見到個幾兜雪糕已經唔開胃面目全非乜野味又無寫，於是埋單，兩人埋單伍佰三十幾蚊，唔計枝清酒$78都要四佰幾，絕對不值我用一仟元埋單，轉頭話無紙錢問我地有無散紙，我話幾佰蚊都無點做生意呀！你一係話一仟蚊唔收我無咁嬲，總結無下次

昨天一行五人去左呢間不知所謂的放題去食野，我地上去前喺樓下問過間公司嘅職員，如果有whatsapp嗰個信息係咪會有八五折，然後他說是，我們便給他看那個信息，看完後他又說可以用，之後我地上到去門口嗰位職員都幾有禮貌，他知道我們有那個信息便叫我們給他看一次，這是他們第二次看，兩個看完都話可以用，之後我地入座佢好詳盡咁講完所有野，到這我地都好滿意...但食物卻是難食...首先刺身咬落去重係結冰嘅，凍到根本都食唔到係冰定係刺身，燒脆肉瓜苦的，一口牛好騷騷到根本嘔知係牛肉定係羊肉，點豬頸肉就變左牛舌，最離譜係個芝士年糕食落去根本就係芝士丸，難食到想吐，最食得落口嘅應該係個豆腐沙律其他都...之後我地埋單，睇單時見到無左85折便問個打藍色呔嘅部長，跟住佢幫我地問完再反來要我地再出示個信息佢睇完後話呢個信息唔成立，之後我地同佢講你有兩個職員都話可以用，佢就話今次當係俾你地用啦！原本都無事，但當我地俾完錢佢就話呢個優惠一定要用信用咭俾，如果唔用信用咭就唔得，之後我地話你個信息都無指明不定要用信用咭付費，你地啲同事喺我地出示信息時亦無講明要用咭，之後佢就黑曬面咁收厲錢，喺個收銀枱前面好大聲咁話我地賴皮唔

最近有朋友比左張coupon我話尖沙咀有間新開放題叫燒魂屋,但因為佢少食生冷野所以就益左我同班frd上openrice check check原來係其它地區都已經有分店,心諗唔慌好食連鎖店實在中過太多次伏,但本住有50% discount之下就贍粗粗約班frd去試下去到既時候已經勁多人,可能係週末呱,所以等位時間都幾長入到去覺得裝修真係幾好,間隔唔錯,有一定既私人空間,唔洗好迫比人聽到曬講乜,而且好有日本feel!不過隔音同冷氣可以改善野食方面其實都好多種類,串燒魚生燒物乜都有,最好食要算刺身了,order幾多比幾多,而且好精緻,估佢唔到!熟食方面都算幾大碟,而且有度好係上菜快,可以唔洗拖單情況下食到好多野炒野菜幾好食,而且食到應該有落牛油,好香!碟燒豪真係冇得輸,好juicy,而且size適中,不斷encore下應該可以回本,推介!朋友比既coupon如果想有新鮮feel,人多坐得鬆動D,呢度其實真係唔錯,而且各樣野食都幾好,可以再去!