燒魂屋 (已結業)

第一次寫食評。。之前都有去開燒魂集團食野。收到風開咗呢間。又有隻巨蟹食。所以就同啲朋友黎try try^_^book咗9點半。去到都幾多人。係門口等咗15分鐘度就入座啦。時間以食日本野黎計。我覺得都算快。。食物方面。炸蝦天婦羅真係一絕。炸得好脆之餘。隻蝦真係好鬼大隻。大家不妨一試。yummy。刺身黎講。本人只偏好於3文魚。呢間好新鮮吖我食唔停xd。另外甜蝦同希靈魚都好唔錯呢。。正！串燒我地只係試咗日本番薯同波羅。燒得好好。波羅一啲都唔乾仲好juicy😍😍黎到重點推介既主角。無敵18吋松葉蟹。果然同雜誌介紹一樣禁大隻。仲好full肉。啲海水味好正也。。。同我地平時去食buffet果啲蟹完全無得比。。總結食物質數依然好得。只係2百零蚊收費。但可以食到多過呢個價錢既品質落肚。我諗呢個係我地揀食燒魂集團既主要原因😊埋咗單之後竟然仲有雪糕食。真係喜上加喜吖😍😍😍😍一定會再黎囉。。

我第一次寫評...尋日去左燒魂屋, 見到D PHOTO 以為幾好啦，九點半去到, 任食２小時九點半到十點半都ＯＫ，點野黎左一半，但係由十點半開始, 去到尾, 個幾鐘一樣野都無黎過, 寫完一張又一張，一共入左三次單，每次都係入三至四張, 鬧都鬧左三次, 一樣野都無出過，好心你收工收左爐既，就唔好開個燒夜任食啦，仲要我唔係買團購，我俾正價嫁。我仲要係同我ＧＦ去，好好一個ＰＬＡＮ無左

朋友生日圑購左呢間放題！唸住佢有crab送！所以黎試一試！點知原來除左隻crab外，冇一樣合乎標準魚生--吾新鮮，帶子賣晒，又無甜蝦壽司-d 飯好硬好難食，帆立貝食落好粉，超巿壽司仲好食沙津--都算ok, 推介刺身沙津炸物--蝦天掃羅同炸蠔超細隻！完全食吾到有蠔! 最奇怪係連天掃羅汁都冇比串燒--魷魚同一口牛串燒燒到又亁又硬湯餃子--超spicy,完全入吾到口飲料--果汁味道好假, 好彩都有部咖啡機D野食試過一口已經吾想再食落去其他食物無機會試等左d野食好耐都冇黎問左幾次先知賣晒服務態度一個字講晒----差環境--我吔五個人坐得好迫！完全冇活動空間！今次係我食過甘多次放題感覺最差的一次！

完全對呢間嘢失望！D野食勁難食！壽司魚生一d都唔新鮮！除了燒牛粒外，其餘冇一樣ok 選擇吾算多！而且好多野都係無晒貸！D熱食全部涷冰冰！想喝d熱茶都冇,野飲永遠冇人refill!! 叫左d野食永遠都唔黎！要三吹四請先上得一兩碟！我同d朋友都話下次一定吾會再黎

Recently bought Groupon from a website as I heard comments from friends that other branches of Guts soul is quite good and they have reasonable ratings in here. I went there last night with some expectations, but it was unexpectedly awful. It was nice that they served the crab and sashimi platter straight away. The crab was average, but the sashimi was not fresh at all, especially the prawns and the abalone. Sashimi and Crab: They have a separate area for self served drinks, which include mango

依間野完全唔係路，我以後唔會再黎，連有關既分店都信唔過﹕刺身﹕三文魚又薄又唔新鮮，帶子無味同埋好乾，其他無謂講，好少選擇壽司﹕係勁難食，果D火灸可以燒到舊三文魚無晒汁同埋乾晒，其他都係一樣情況野飲﹕完全揀唔落手.....得普通汽水，仲有其他永遠無人補充既飲品所謂出名既燒烤﹕1.出名既一口牛完全係乾同無味2.燒豆腐好普通3.海虾得個大字，好鬼乾4,其他基本上同街邊食無分別5.唯一覺得好味既係菠羅同日本蕃薯仔，不過其實食兩樣野想燒得難食都幾難其他野食已經無咩心機試唯一讚﹕1.員工態度幾好，會主動幫我地調走果個迫到呀媽都唔認得既位。

本人第一次寫評...今日真係唔寫對唔住自己...事緣今次見到燒魂做團購, 剩係個品牌都信得過, 一行十個人就去呢間新店試下.我地八點半黎到, 寫明任食3小時主打既蟹, 咁既價錢叫做OK, 其他食物質素普通, 算, 團購平左, 我忍野飲要加錢, 基本上得汽水, 日本茶都無杯, 的特飲好似藥水咁, 算, 團購平左, 我忍我叫刺身黎壽司, 叫壽司黎沙津, 叫個樣黎第二樣, 算, 團購平左, 我忍但係由九點半開始, 到十點九左右, 個幾鐘一樣野都無黎過, 寫完一張又一張, 寫完一張又一張, 講完一次又一次, 最討厭係食物係咁出無一樣係自己, 最後真係唔鬧都對唔住自己, 幾台團購齊齊鬧, 唔俾野人食, 算咩意思? 做得團購就做好的, 做生意你都已經收哂我地錢, 我地信得過你先買你張野, 以後我唔會食燒魂囉鬧完一次俾一次, 當團購客係乞兒, 出左的手卷問我地要唔要住先, 大佬, 我點刺身, 你的手卷的飯多到見唔到的料, 咁我不如食10蚊3件壽司啦.最後仲要收我地加一服務費, 服務可在? 管理層知唔知做生意品牌價值幾咁重要, 咁大間公司, 一晚就整臭哂自己個品牌

因為外父外母都唔係太傳統既人,所以係老公既推介既下我地黎左呢間野食左2012既團年飯等位時間就真係幾長,而且好多人,未入去已經覺得好焗好不容易坐低,梗係試下呢度既燒物啦,雖然生野都有叫,但冇乜特別,所以係呢度唔會著重講一坐低就立即叫左個燒茄子黎開胃,一咬落去好juicy,而且有埋蔥同蒜蓉親托下,真係甜酸辣乜都有之後叫左個三文魚頭試下,我好鍾意佢呢度唔會斬件上,而係一整個上,感覺上都良好,而且燒得好好,肉質唔會鞋,而且好卜卜脆,配埋佢比既汁點下,酸酸地,叫多幾個都唔係問題!我地仲叫左其它肉類好似豬呀羊架個D,全部都幾OK,但自己都係鍾意燒海產同菜類多D,因為佢地手勢好,D菜仲係好juicy!佢呢度仲有其它熟食既,我就幾鍾意佢既鍋物,最啱依家咁凍既天氣食!

一日辛勞之後,同左女朋友黎左呢間新開既放題店,其實呢間野我同女友之前已經食過!但唔係新店,係係之前既紅磡店,不過唔係呢個名一坐低侍應已經自動送上刺身,而且種類幾多,唔知係咪心理作用,覺得呢度侍應服務態度比舊店好!幾客氣除左刺身之外,女友仲order左一款沙律,佢食左一啖之後竟然仲order左3款沙律,其實個醬汁都幾好味,有少少芝麻味,另外蟹籽沙律都幾醒胃,但沙律醬可以少D!串燒其實真係幾好食,牛肉燒到半生熟,唔會好老,好易入口order左呢個好似薯餅咁既野,入面係雜菜同薯仔蓉,好似仲有少少芝士tim!入口附近見到有呢塊日本水墨詩,覺得幾有霸氣同意境,所以順便影埋總括黎講都係好過紅磡店,而且落單同上菜中間既時間好短,所以不停地order,唔錯!

話說小弟最鍾意就係用平價去食香港一D比較優質(姐係抵食夾大件)既餐廳,而小弟女友就係日本菜既愛好者最近見到雜誌同whatsapp呢間野都賣到好恆廣告,我地2個見閒日價錢都唔係好貴,就決定試佢一試!先講頭盤,我地叫左個咩日本豆腐沙律,原本以為係一大舊個D,但原來係一粒粒咁得意喎!但估唔到豆腐撈埋酸酸甜甜既沙律汁同冷冷既豆腐都幾醒胃,攪到我同女友都未食完已經開始order壽司同刺身再講刺身,每件雖然講不上係好厚,但平均,我最鍾意既帶子同吞拿魚都唔會話切到好薄,食到我同女友都好滿足,最攪笑係一次過order所有野佢真係一次過上曬,攪到都唔知由咩開始食起好之後就係到壽司啦!我地分別都係叫左帶子,甜蝦,花之戀同埋有一個唔知咩青瓜芝士等等,估佢唔到既係,帶子壽司個塊帶子仲大粒個刺身喎!哈哈咁我應唔應該就咁叫帶子壽司呢?至於甜蝦壽司同花之戀都不過不失啦!不過飯可以少D,咁就冇咁飽肚,可以留胃食野最後要講就係熟食啦!我自己就覺得比壽司出色啦!蝦大大條,最欣賞都係個個燒蠔,夾住少少既燒酒味,而且細細粒但蠔味都好夠,唔知係咪日本蠔呢?總括我自己就覺得幾抵食,而且新開環境幾企理,可以再黎!最正係有Dreye

一向都有食開放題的習慣，有朋友介紹尖沙咀有間新場開左「叫燒魂屋」所有今晚就Call齊兄弟落去試下睇睇咩環境。訂左8：15枱，去到等左大約兩分鐘到就入場，入到去坐定環境都唔錯，日本Feeling夠好有自己的空間。坐定第一件就有個刺身上枱Good!甜蝦夠鮮，無雪味天婦羅脆口唔錯燒物幾香口，原條燒茄子雪糕任食串燒環境唔講啦睇相飲野自己取有機會再去

話說11/1號係老公既朋友同佢補祝生日既日子,我地一行7人去左尖沙咀間燒魂屋食放題~最初聽到有房仲滿心期待,一入去果時已經出奇地少人,入到房先知中伏,蚊型房間,連出入都有困難,D位又窄,想出去拿野飲都冇位出心諗可能間房唔得遮,D野食應該OK掛,由於太肚餓所以點左好多唔同既食物試下,部份人去拿飲品,老公知我唔鐘意飲汽水,好乖咁拿左檸檬茶俾我,一飲簡直想死,完全係一杯...糖水最後唯有改飲汽水好啦等左陣上左第一碟煎茄子,好開心終於有得食啦,一望碟野個樣就心知不妙,油到呢食落去仲要唔熱既跟住D食物陸陸續續咁黎,咁我就每樣試D啦~大蝦 -又乾又硬完全唔知食緊咩牛肉蓄茄串燒-OK芝士丸-又黑又硬又冇味三文魚 - 表面瘀瘀地色,唔止唔新鮮,懷疑變變地甜蝦-唔新鮮,見到都冇胃口北寄貝- 感覺似食緊擦膠呑拿魚 -又細又唔新鮮天婦羅蝦-正常油甘魚 - 正常帶子- 薄到呢,仲要有"益"味壽司-冇件好食炒雜菌-咸到阿媽都唔認得飲品 - 除咗氣水機有保證外，其他都同一種味(甜)雪糕- 感覺似食緊隔夜雪糕,溶完再雪返硬,連最一向保險既朱古力味都勁難食,綠茶雪糕只係一杯有綠茶色既怪味雪糕部份平價食物如一口腸及菠蘿

我本身係一個鐘意娥埋幾個朋友食放題既人，貪佢任飲任食。今次就黎到燒魂屋試一試，一入去就覺得環境唔錯，地方好大而且好多卡位，可惜座位就比較窄張枱亦比較細。一開始侍應就俸上一個刺身拼盤，賣相好嚫，而且有冰底，令到刺身可以keep住一段時間新鮮度，油甘，吞拿，都包得好光亮，非常鮮甜。至於個冷豆腐沙律都唔錯，將豆腐切粒加上胡麻醬，有種好特別嘅效果。熟食方面，燒三文魚頭原個上，雖然燒得好香，如果切件上會更好。牛肉火鍋個湯底唔錯，放多d牛肉會更好，一口牛咬落去很鬆軟，燒得岩岩好。燒海蝦夠大隻，夠新鮮，可惜燒得較乾身。燒菠蘿如果唔用燒汁燒會好啲。鴨胸烏－－冬最意想不到的食品，雖然烏冬麻麻，但係個湯係立魚湯，很夠味，鴨胸亦煮得好香，完全唔靭。總結黎講，食品、服務都做得唔錯，一定會再去。

有生以來食過最難食既放題~是日朋友生日同成班fd行到樓下~就有個好Hard Sale 既員工極力推介好食~又話有房坐~咁就諗住試下啦~~~我地一行七人上到~間房迫到跟本就唔夠坐~迫到d袋呀衫呀都無地方放~都算啦~到叫野食~坐左入房有個鐘俾客人按制叫仕應~~~我差d鐘都就黎打爆都無人黎~要起身出去叫人~(佢今日出面唔爆,咁都無人應)~到野食黎啦~一黎就上晒d炸野先~d炸野又燶~又唔好食之後到黎d所謂乜鬼汁燒一口安格斯牛同汁燒牛脷,燒到黑過非洲返黎~仲要又硬~又乾~又咸~之後就上埋d麵呀,飯呀~無樣野好食~叫左既壽司,刺身就叫極都唔到~好啦到刺身壽司到啦~真係火都黎一張枱已經勁細~都放唔到幾多碟野食而佢d碟又大個~見我地食完果d又唔識主動收~二來d刺身真係質素其差~又唔新鮮~北寄貝就好似食緊擦膠咁,~三文魚有怪味~d牡丹蝦刺身d色澤直頭係見到都唔想食~三來到壽司真係極難食~我諗深水埗西九龍廣場入面某間壽司店都好食過佢~~~唔好食都算啦~又係咁漏單~叫左點左d比較貴既(如刺身)既野就叫極,吹極都唔黎~d飽肚野平野~就黎重覆~燒菠蘿都黎左3次~所謂任飲~真係無汽既汽水~~~人造色素極恐怖既所謂

與屋企人（4人）晚飯，看雜誌介紹，於是一試！時間：閒日 1800-2000 環境：唔錯，因為眼見只有6-7枱客，有卡位，裝修亦唔錯！食物：放題食物本不抱太大期望，但估唔到咁差；三文魚 - 淡而無味北寄貝 - 還可呑拿魚 - 未見過刺身切得細細粒上油甘魚 - 薄切亦無味道可言帶子 - 細薄得差啲睇唔見甜蛋白 - 不吃也吧壽司 - 完全食得出有幾乎“唔”燒新鮮大蝦 - 淡而無味，完全唔知自己食緊蝦，仲要係凍既無味蝦燒牛舌 - 意為自己食緊紙皮一口牛 - 一口肥油，騷到不得了，亦係凍既炸蠔 - 應該話係炸蠔士吧，小得可憐任飲飲品 - 除咗氣水機有保證外，其他嘢飲真係淡到飲水咁雪糕 - （自助）我已用盡9牛2虎之力，但亦無法從雪櫃裏面“不”到少少嚟食，硬到你唔信，亦眼見其他人都用盡辦法，但都失望而回，叫侍應幫忙，只係一句我地都幫你唔到服務 - 一個字........差上面已講過雪糕事件，另外，叫食品係要填飛仔既，要寫數量，第一次叫，我地填咗幾樣10件刺身，心諗4人當然食得晒，但侍應後來拎出一碟每樣4件拼盤，都算啦，諗住可以再叫，無所謂啦，到我再叫時咪就咁tick囉，反正寫幾多都係得每人一件（我