燒肉801

营业中

休息中

日式燒肉店越開越多～ 點樣出奇制勝？無他嘅～ 當然憑實力取勝～ 食材優質、價格親民、裝潢搶眼、座位寬敞，日本人主理～ 相信已令不少食肉獸蠢蠢欲動呢～呢間✨燒肉801～ 正正新開係加連威老道（The One停車場🅿️入口對面）～ 餐廳內外全以火紅色作主調～ 未開始食已經感受到果種熱情歡樂氣氛🤗今日同朋友仔係度食個lunch~ 啱晒la~ 佢係燒肉好手呢😜🐮🐷🐔802楽盛り single（腹前牛小排、黑毛豚無骨小排、蔥鹽味雞腿肉）牛小排頗厚切的，油花均勻、入口軟嫩多汁~ 🤤豚小排油脂豐富，可以燒到肉邊脆脆的，非常惹味亦不帶燥味～ 雞腿肉嫩滑好味，燒至微脆再加鹽蔥一齊食～正！🐮806牛舌盛り single（鹽味牛舌、醬油牛舌）可以試晒2款口味～ 2款都係薄切，鹽味較light，醬油較juicy~ 😜我鍾意加幾滴放枱邊果支辣檸檬汁～ 食落更爽口惹味！🐮102極上厚切牛胸腹柳絕對係真厚切～ 胸腹柳部位肉味濃厚、油花細緻，肉香油香俱佳～ 先將肉2邊燒好，再慢慢剪開細片燒～ 🤗絕對推薦的單品～2款「盛」均可配麵豉湯同白飯，係Lunch hour 時仲係免費㗎呢！另外朋友order咗杯Suntory生啤

到左冬天❄️令人更加想食熱辣辣既野，所以就再黎左食燒肉🔥，呢間真係啱晒牛魔王🐮😈黎，可以揀既牛🐮種類同部位都好多，仲有其他唔同既肉類同配菜可以揀，全部都幾高質，而且價錢抵食，係個性價比幾高既選擇～ 旁邊仲有新鮮既檸檬汁🍋可以比人點，天然得黎酸酸地可以解到肉既油膩，呢個設計幾貼心～ 另外燒🔥既時候有圍裙比食客著，咁就唔怕食燒肉🔥既時候啲衫👕比油彈到，而且抽油煙既設備ok，所以食完亦唔會好大味喺身～ 裝修方面就以熱情既紅色為主，有唔少日本既燈籠🏮，氣氛有啲似東京既新式燒肉店🔥🐮，枱同枱之間夠闊落，坐得都幾舒服😌(5 😍 係滿分，🤩係半分）大判燒！黑毛和牛肩胛肉🐮 - $128 (好味指數：😍😍😍😍🤩)黑毛和牛🐮果然係唔同啲，望落紋理幾靚，入口感受到豐腴甘香既油脂，燒🔥完之後更加油香四溢，但又唔會覺得好油膩，牛味🐮濃郁，口感嫩滑細緻，入口即化，味道同口感都比起一般既牛🐮出色，另外仲可以配溫泉蛋漿♨️🥚，感覺會再滑同creamy啲，仲有蔥可以選擇～腹前牛小排🥩 - $88 (好味指數：😍😍😍😍)牛小排🥩幾抵食，切得幾厚，所以會有咬口啲，油花一樣誘人，牛味🐮夠濃，加上有醃過，所以燒起黎🔥甜甜地更加惹

尖沙咀新開嘅抵食日式燒肉店，平日6點幾去等位，都要等1個鐘先有位，真係好受歡迎裝修都好有日式餐廳風味，啲枱好大張，兩個人都可以坐卡位，仲有圍裙用，好貼心肉嘅選擇都好多，好多配搭，又可以追加，叫左三碟肉，一個冷麵，一碗白飯同啤酒汽水🥩803神盛有三款肉，特上牛胸腹肉，腹前牛小排，牛板腱肉，總共有150g🥩極上厚切牛胸腹柳🥩醬油和豚胸腹肉啲肉都係日本直送，質素好好，性價比好高，推介神盛，可以一次過試3款肉，三款都好好食

香港嘅日式燒肉店越來越多，今日去咗一間比較新嘅燒肉店－Yakiniku 801，位置非常方便，正正喺尖沙咀The One對面。餐廳有提供圍裙，非常貼心，否則我既白色恤衫返屋企凶多吉少🤣。值得一讚餐廳既抽風系統，環境唔會變得煙霧彌漫。- 801盛燒肉拼盤包括黑毛和牛肩胛肉、腹前牛小排同鹽蔥味雞腿肉。黑毛和牛肩胛肉油脂非常豐富，肉質鬆軟，沾上日本蛋漿一齊食入口更滑溜，實在太好味所以叫多一份😍。腹前牛小排脂肪均勻，醃製後更加惹味👍🏻雞腿肉肉質鮮嫩，鹽蔥係分開上，燒嘅時候鹽蔥同雞腿肉黏唔到一齊，不過都夠入味。- 冷麵套餐加$38就有一份冷麵，份量都唔小，麵條經過冷凍後口感更彈牙爽口，湯底帶少少酸甜所以好開胃。- 九州雞盛雞盛拼盤同樣有三款食物，包括蔥鹽味雞腿肉、九州雞脛柳同九州雞心。雞心幾有驚喜🤩，爽口之餘帶少少油脂感，雞脛柳味道亦唔錯。- 極上厚切牛胸腹柳牛胸腹柳好大塊非常抵食，肉味濃郁，燒得非常香口，所以普通鹽燒已經好好味🥰最後埋單都係$600左右，真係非常抵食😋

天氣凍又想食燒肉，今日午餐去左尖沙咀既燒肉801食日式燒肉。餐牌有燒肉盛盒，黑毛和牛盛，豚肉盛，雞肉盛，海鮮盛，名物菜式，牛豬雞海鮮，蔬菜，湯同麵飯，甜品，飲品等。盛合肉類有分單份同雙份做唔同價錢。仲可以加錢要米飯，冷麵或者生菜。落單掃QR code。黑毛和牛盛150g $298 另加一首先梗係揀份高級肉類餐啦！黑毛和牛盛150g包大判燒黑毛和牛肩胛肉同黑毛和牛小排。大判燒黑毛和牛肩胛肉一大片薄切，跟生蛋一隻，薄切好快就食得。點一點蛋漿先食，更加有蛋香，又滑溜。和牛肩胛肉肉汁好香，質感都算嫩。黑毛和牛小排6片厚切，上面灑上汁同鹽調味，食落肉汁豐富，燒熟少少就又嫩又易咬開。呢度嘅燒汁味道幾好，而黑毛和牛質素當然係高，呢餐燒肉大滿足。九州雞盛 $98 另加一九州雞盛包蔥鹽味雞腿肉5件，九州雞脛柳3條同九州雞心7件。蔥鹽味雞腿肉連片，蔥鹽係另上，服務員有介紹蔥鹽係跟咩。雞腿肉燒到皮脆，肉質又滑，配埋蔥鹽食真係好夾。九州雞脛柳質感爽爽哋，味道好惹味。九州雞心用鹽調味，呢度嘅雞心冇腥味，肉質唔錯。午市盛合包白飯同麵豉湯。麵豉湯超熱，有好多昆布同蔥花，冬天飲，好暖身。白飯可揀大或者細，我呢碗大都幾

捉緊2022年嘅尾巴😆行完山揾咗間長期排哂隊嘅燒肉801黎食💕d野食又幾高質喎😻🔥大判燒!黑毛和牛肩胛肉 $128🔥極上厚切牛胸腹柳 $138和牛肩胛肉真係好好食！每面燒咗8秒，入口即溶咁🥹再加上温泉蛋食😋唔捨得一啖食哂！牛胸腹柳嗌咗鹽燒牛味重，肉質都幾嫩～🔥神盛 加配冷麵 $146🔥樂盛 加配生菜 $193神盛有牛小排，牛胸腹肉同牛板腱。樂盛有雞肉，豚五花同牛胸腹肉～嗌盛盒可以一次過試唔同嘅肉✨又可以加配飯麵🤓最愛牛胸腹肉帶點肥入口嫩滑同豚肉可以包生菜食🫶燒完肉再食冷麵，酸酸甜甜開胃又解膩👍最後飲埋泡菜牛肉湯勁飽肚😆

看到這家最近都好火爆，排隊一個鐘試試，但是整體算是沒有驚喜，價格中等，兩個人500蚊，我們選的都是豬，因為我不吃牛。五花肉算是最好吃的，不過我也不覺得比燒肉like好吃太多。

日本燒肉一直港人至愛而呢間801燒肉新開業到宜家都係人龍店，主要係價錢唔貴，仲有Single、Double 分量既盛合可以點～ 兩口子點Single可以試多d ！ 🥓牛舌盛Single $136一碟有醬油、鹽味兩款牛舌薄切柔軟，汁燒惹味鹽燒突出咸香味道，相對清爽。加入葱花碎一齊食，增添香氣！🥓801盛Single$198有三拼：大判燒黑毛和牛肩胛肉、腹前牛小排、蔥鹽味雞腿肉。最吸引係一大片和牛肩胛肉油花香濃，肉質細嫩，蘸埋日本溫泉蛋汁，入口更滑溜。腹前牛小排，甜甜地有醬香感雞腿肉嫩滑juicy 。🥢808 臟盛$143辛辣味噌牛腸味噌、辣椒粉，加埋韭菜成個鐵煱煮熟口感煙韌帶嚼勁醬香辣味好平均，好有風味！ 醬油和豚胸腹肉少少油香伴隨醬燒豚肉既香烤氣味九州雞心新鮮juicy烤熟雞心不單止唔韌外脆香口裡面軟嫩配埋杯好sexy既啤酒好味到連食件！ 盛合套餐追加白飯set($25）有泡菜＋白飯＋麵豉湯，同埋生菜set ($25)~ 🥓極上厚切牛胸腹柳$138 大件厚切脂肪少烤至半熟剪開再燒一下鎖住肉汁，牛味濃厚用生菜捲住食，感覺唔腻。埋單$700幾已經好飽又試到好多款肉！

The One對面開左間叫燒肉801的日式燒肉店，是日就同朋友黎試下，下午茶唔多客，唔使等位就有得入坐。店內抽風都幾好，唔算好大陣燒肉味。枱面有紙巾、調味料等，用具各樣都乾淨喎👍店內用qr code 落單，一send完店員已送上烏龍茶，好快手呀😆其實枱上有一壺暖麥茶供應，不過朋友話一定要飲凍飲喎，哈哈。神盛🐂叫左神盛餐，仲係double嘅大size😆有特上牛胸腹肉、腹前牛小排、牛板腱肉，急不及待要燒啦～正啊正啊～好香呀🤤午市送白飯同麵豉湯，有得揀大定細嘅飯量，幾好。仲加左一份生菜，平衡返食咁多肉先。睇返啲相都流口水，口感好正，有咬口又有肉汁，牛油好正呀！整生菜包又係好好食。如果覺得膩，強烈建議點下呢支辣檸檬汁，勁醒胃。真係好好味😋除左牛肉，店內一樣有豚肉餐同雞肉餐，就算唔食牛都有好多野選擇㗎。

朋友之前食過呢間覺得好食，所以今次就帶埋我過去啦😝-102極上厚切牛胸腹柳 汁燒 $138102極上厚切牛胸腹柳 鹽燒 $138呢款必食啊！好食到我要再encore，我鐘意汁燒多啲，甜甜地😋-黑毛和牛上肩肉 走汁 $148揀款靚嘅和牛食下先，就咁原汁原味就最正啦，呢一款都係必食呀！滿滿既油脂🤤-810九州雞盛 $98呢款係朋友嘅最愛，雞肉好爽口🥰-707辣牛肉麵 $78應承我，重口味㗎你一定要試！我一路打緊食評，一路回味緊🤤湯底好濃郁，面嘅質地好特別，好煙韌，蛋又軟綿綿，牛肉好嫩滑，總之，

最近最紅既燒肉店燒肉801除左係因為人氣旺盛外其餐廳顏色主調係勁sharp既紅色配上日式燈籠 · 繪製既日文牆身充滿日本氛圍餐廳主打平價日式燒肉可以自行挑選份量 · 就算自己一個人食都無問題♡ 805黑毛和牛盛 ($298/150g)一次享用兩種唔同既部位既黑毛和牛黑毛和牛牛肩胛肉 ·黑毛和牛小排原塊上既牛肩胛肉 · 霜降花紋非常誘人炙燒後加入蛋汁 · OMG好似食緊壽喜燒咁蛋汁令牛肉更軟滑 · 油脂豐腴是入口即化的幸福感牛小排油花同樣誘人 · 相比起肩胛位肉質較有咬口 · 肉香相對濃郁♡ 102汁燒極上厚切牛胸腹柳（$138)衝住呢個厚切牛胸腹柳而黎真係超級厚身 先燒到兩面微焦香 · 用剪刀分開再輕輕燒一燒牛肉味濃而且非常juicy！！軟腍富彈性既口感油脂唔算多 ·唔會入口即膩 愈細嚼慢慢散發既肉香絕對會令你滿意♡ 汁燒黑毛和牛上肩肉（$148)牛上肩肉比較肥美 · 脂香充斥住口腔不過吃左2-3舊已經有點膩建議食用既時候加番啲辣檸檬汁 · 去一去膩感༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞༞(๑•́‧̫•̀๑)ఌ小小總結：好鍾意餐點可以選擇份量 · 可以每樣試多啲餐廳有提

尖沙咀開咗呢一間新嘅燒肉，門面富有日式風味，平日下午2點去入邊都有九成滿。相當多人。打開餐牌，有散叫、亦有套餐。午市免費送麵豉湯及白飯🍚我哋都係鍾意食牛肉，所以兩個餐都叫咗牛肉。而且我哋仲+$16升級紫菜飯。紫菜飯大大碗，有好多紫菜，特別好味。不自覺地食多咗好多飯🫣▶️801盛$198呢個盛合有三款肉：大判燒黑毛和牛肩胛肉，呢個大大塊，而且好夠肉汁，只要輕輕燒吓，薄身嘅牛肉就好快熟。而且油脂夠多，牛肉好香好好食！腹前牛小扒呢個相對地厚身。牛肉夠多汁，而且肉質腍身，都好食！蔥鹽味雞肉腿，雞肉滑，食落去啖啖肉口感。蔥鹽味輕輕調味已經不錯。▶️神盛呢個盛合亦都有三款肉，全部都係牛肉。特上牛腔腹肉及腹前牛小扒，兩款肉都好Juicy，相對地有少少咬口，肉味香濃！牛板腱肉呢個牛味重，而且薄身好食，又唔會太肥。呢個價錢食到呢個質素嘅燒肉，真係性價比高！

聽朋友講新開左間日式燒肉唔錯就係位於尖沙咀既燒肉801所以就約朋友放工去試下7點都幾多人排隊，建議可以訂定位先餐廳裝潢以紅、白色為主調睇餐牌燒肉種類唔算好多但勝在有唔同既燒肉盛合仲可以加$25-38 配飯、生菜或者冷麵首先嗌左個801盛有大判燒！黑毛和牛肩胛肉腹前牛小排同埋蔥鹽味雞腿肉一次過滿足你三個願望大推黑毛和牛肩胛肉一大塊充滿牛脂香再蘸埋温泉蛋一齊食口感更滑溜另外嗌左個牛舌盛有齊鹽味牛舌同醬油牛舌牛舌厚薄適中食落口感偏爽唔韌仲有神盛，有齊三種唔同牛既部位比較推介特上牛胸腹肉最後係黑毛豚無骨小排黑毛豚配生菜食就最夾食落油而不膩，蘸埋醬汁更惹味整體食物水準唔錯而且比起一般燒肉店價錢算實惠難怪咁多人排隊，值得推介

3條友每人$190食完一D都唔飽，事緣......此乃加$38嘅冷麵套餐，作為最重要嘅角色----負責塞飽你嘅角色，佢嘅分量只有約莫4份1包嘅公仔麵，真正嘅唔夠攝牙罅。我表示極度不滿。飯套餐係加$25，加成$38你只係比1啖麵我？邊個再同我講呢間抵食，我就罰你餐餐都只可以食呢碗麵，睇你幾時餓死。$98 牛舌，150g，毫無特別，只係一碟平平無奇嘅牛舌。編號802，150g，擺埋D雞起度佔重量，牛肉一般。招牌801，價錢1百尾，150g，又擺D雞起度佔重量，有一片好似幾高級嘅牛，比你撈蛋液食。結果係一般貨色，完全對唔住佢嘅價格。其實就"燒肉"而言，呢間野一般貨色啦，唔算抵都唔算好味，未至於差評。但係嗰個冷麵真係令我怒火中燒，你當我乞衣呀？咁鬼少，夠邊嗰食呀？加$38？你確定？PS 建議大家食 仲抵D好味DPPSS 真係有150g?可能D雞肉佔鬼晒D重量，食完一D感覺都冇

見身邊好多朋友仔都開始飛日本喇仲未有機會嘅我唯有食下日本野一解思鄉愁呢間紅卜卜嘅日式燒肉店 充滿住日本嘅氣息當自己去左旅行 餐枱之間好闊落 坐得舒服每枱都擺放好茶壺 醬汁 餐具 圍裙 非常貼心黑毛和牛盛大判燒黑毛和牛肩胛肉 & 黑毛和牛牛小排大判燒好巨型 輕輕燒一燒 然後沾上蛋汁 加倍嫩滑牛小排有6片 油脂分怖唔錯 食落肉味都幾香牛舌盛鹽味牛舌 & 醬油牛舌兩款味道各有5片 牛舌係薄片我個人重口味 鍾意惹味嘅鹽味多啲 餐廳12nn-5pm會送日本米飯同味增湯我地兩個女仔share食份量岩岩好 好滿足