燒肉酒場 (已結業)

已經好耐無BBQ, 聖誕+新年假期基本上所有室外燒烤場都FULL. 為左滿足BBQ+食肉既 wishes, 就黎左呢度快食啦.地方OK, 又就腳, 食物質素都幾好. 先來個 Sake加個菜絲沙律, 甜甜的開始!羊架及蒙古卷羊肉, 都係我至愛, 有著微微的so味. 大愛牛橫隔肌, 不能燒得過熟, 半成就OK剛剛好. 西京豬頸肉, 呢個燒耐少少就夠晒香口, 又唔太肥!羊肉烏冬, 出面好少有得食, 就叫黎試下. 又唔錯喎. 烏冬夠煙-un. 羊肉既so味化左落D湯度, 我飲晒囉, 肥死啦. HAHA

天氣咁凍，最適宜燒肉或火鍋，今日同朋友去食燒肉酒場，喜歡他的成吉思汗羊肉，先吃椰菜絲沙律 ，可以清熱，又開胃，飲品叫了野紀州梅酒$58，好大杯，中間有兩粒梅子；朋友叫了sake（酒宴結緣）盒裝$48，十分新奇，店員親自響你面前倒滿shooter杯，繼而滿至sake杯，Sake味道都好醇，又甜。呢度最出名係羊肉，當然要叫蒙古羊卷肉 $78，薄片燒後，又嫩又滑，唔羶，沾上燒汁食。再叫了蒙古羊架$98，肉質好腍，燒至外脆夠香。另外叫了羊湯烏冬$68，個湯底出奇鮮甜，肉味香濃，仲有羊片，烏冬好彈牙。除了羊肉，烤肉點少得牛肉，呢度有款好靚的橫隔肌$98，切了薄片，脂肪牛肉比例均勻，燒至半生熟，牛味香濃。西京豬頸肉 $78 ，肉質好彈牙。柚子雞脾肉 $78，當然肉質超嫩滑，用柚子調味醃製過，味道微微柚子清香。還可加上配料黑椒洋蔥粒更香。小食叫了海鮮燒餅$88，韓式風味，沾上韓式辣醬，外皮香脆，好飽肚。

叫左4款牛、2款羊、1款雞。4款牛全部都好高質😍😍😍由於本人唔鐘意食肥膏，所以橫膈肌最岩心水，零肥膏，塊塊都好入味，8成熟口感岩岩好！鍾意到自己食晒一碟都得😋其次最鍾意係牛肋條！雖然略帶肥膏，但醃得非常入味，好食到再追加多一份😋😋牛板腱同牛小排都係d邊位略帶肥膏，我自己口殘，其實唔覺兩者口感有太大分別，都係8成熟近乎入口即溶！👍👍😍😍但價錢就有分別，牛板腱只係$78，但牛小排成$128，仲要兩者份量相若，結論係牛板腱抵食好多！羊肉方面最鍾意食紐西蘭羊西冷（無肥膏）😋灑上孜然粉點都好食！羊肉卷試一次就夠，好多肥膏唔啱口味😅本身都好期待柚子味雞腿肉，但最後發現冇咩柚子味…😅雞泡魚干分量來講令人相當失望，$88就得咁少….結論係值得為左牛肉再來食😍😍😍同埋餐廳既服務都好好👍

銅鑼灣雖然有好多唔同嘅日式燒肉居酒屋， 但登龍街呢一間"燒肉酒場"絕對唔會令你失望。首先點了蒙古羊架， 呢份羊架嘅性價比非常之高。 一碟有兩件而且份量十足， 肉質鮮嫩肥美， 羊肉騷味適中😋第二碟係羊卷肉，食材非常高水準。 羊肉脂肪比例非常均勻， 燒後油香同羊肉味都好濃郁。橫膈肌牛肉又係一絕， 肉質色澤光鮮， 已經有少少黑椒調味， 再加上脂肪和肉質比例非常均勻，燒出嚟唔會只係油膩感仲有濃濃的牛香。最後係日本吉列炸蠔，大大隻既蠔份量十足，蠔味非常濃郁，唔會炸得過熟，令到好嘅肉質柴皮影響口感， 必嗌之選！野飲叫左梅干威士忌梳打， 威士忌份量十足之餘不會蓋過梅子味道。簡單總結: 高質日式燒肉舖，有酒飲，絕對能滿足食肉獸🤩

今日同食肉獸朋友晚餐食燒肉，之前試過星期五/六book 都爆哂，今次星期四黎book 到最後一張二人枱。呢度氣氛真係冇得輸！蒙古羊架-好有份量非常厚切-羊味好濃, 肥瘦適中，就算咁厚都唔會韌蒙古羊卷肉-好似食緊肥牛咁好肥美入口即溶，羊肉味好出，重點係唔會好羶伊比利亞梅頭-非常有驚喜的一碟。其實見佢個樣啲雪花已經知唔會好差，一食，冇得頂！-肥美得黎豬肉味好濃，$88大大塊，CP值好高！柚子雞腿肉-柚子味唔算好突出但真係令舊雞好食左-我哋錯手燒耐左但仲非常juicy非常滑羊湯茶漬飯-第一次食羊的茶漬飯，朋友堅持想試。估唔到又幾得意。姐對羊只是一般但呢個湯淡淡的羊味不會太過over, 品嘗到羊的鮮甜，讚！吉列炸蠔-下次必定會encore！每一粒都好大粒，炸粉唔厚，蠔肉好飽滿-一咬落去仲有蠔汁流出嚟，非常juicy. -$56可以話CP值爆分

天氣凍凍地，好掛住北海道成吉思汗燒肉，上網search原來香港都有一間，仲要有某廚師YouTube channel推介，諗住可以食返餐好嘢解一解思鄉病，點知惡夢就開始🤦🏻‍♂️入到去環境係幾有日本燒肉feel，不過d位好頂腳，高大ga男仔一定坐得唔舒服，講返正題，叫左紐西蘭羊西冷，蒙古羊卷肉，牛橫隔肌，牛板腱，柚子雞腿肉，一上枱就知懶懶地野😓😓😓除咗個雞腿肉之外，全部肉都好似係街市個冰櫃直接拎出黎咁，硬到一個點🤦🏻‍♂️🤦🏻‍♂️份量少就唔駛講，味道仲普通過出面d燒肉放題ga質素🤬🤬同我想像中ga成吉思汗燒肉有好大差別老闆真正做到掛羊頭賣狗肉ga境界☺️☺️餐廳唯一一樣似成吉思汗燒肉就係個爐😂😂收我六百幾蚊真係唔知食左d乜🙄食d又韌又唔好食ga肉，真係破壞晒放聖誕假嘅心情，都唔明點解會有咁多好評，網絡嘅嘢真係唔可以盡信…….臨走仲有隻曱甴仔係我件外套度🤦🏻‍♂️

食正餐之前，先嚟視覺享受。鋪頭裝修好特別，係牆身有一幅牛嘅塗鴉，有別於一般餐廳淨係寫價目表嘅感覺。大大個頭盤係椰菜絲沙律，食落有種菜嘅清香味，鹽份控制得啱啱好，食落仲好醒胃，令人停唔住口。第一個燒肉係蝦夷蔥羊卷肉，肉店職員耐心地同我地講應該點燒，令卷肉無咁易散開，燒熟後蔥嘅鮮味出晒嚟，羊肉燒完後無任何騷味，蔥嘅味道帶走晒油膩感，令烤羊肉的味覺提升。第二個係蒙古羊架。羊架採用上乘嘅食材，長時間燒住都唔會好韌，肉質鮮嫩，一啖咬落去，高温鎖住嘅肉汁來回係舌尖流動，食落好有口感。羊肉燒完後都唔會痴住啲骨，好值得推薦俾鐘意食肉嘅朋友。第三個係西京豬頸肉。同出面嘅豬頸肉好唔同，未燒嘅時候已經發現豬頸肉脂肪分佈得好均勻，成塊肉紋理清晰可見，燒嘅時候豬頸肉慢慢收縮，食落入口即溶，肉汁從尖舌慢慢咁流到喉嚨，豬頸肉拎出嚟嘅時候一啲雪氣都無，已經即刻可以燒。仲有一個雞軟骨都十分出色，炸得恰到好處，一咬落去，爽脆可口嘅外表，配上有營養嘅軟骨，係烹調過程師傅令軟骨啱啱好炸熟，唔會變碳焦，非常值得推介。

銅鑼灣永光中心樓上一向多餐廳，上星期聽同事講上面有間食日式燒肉既餐廳好划算今日就一於同老友去試下位於10樓既燒肉酒場🍻一開lift門，餐廳既佈置已經充滿日本既味道當晚平日7點幾上到去，餐廳都坐了8成人~~餐廳坐位不多，想食記得要book位甫坐下，店員便把贈送的蔬菜擺滿在燒烤爐的旁邊燒洋蔥既香氣完全引起食慾椰菜絲沙律 $20配上沙律汁的椰菜絲爽甜又惹味，作為前菜真心一流檸檬燒灼 $58燒肉一定要配酒精！今日就唔飲啤酒，試下個檸檬燒灼酒味唔算好濃，幾易入口唐揚雞軟骨 $58雞軟骨炸得金黃鬆脆，咬入口卜卜脆！伊比利亞梅頭 $88梅頭肉質鮮嫩，烤完後完全唔同平時食開既豬扒！壺漬牛肋條 $98壺漬牛肋條充滿住醬油嘅香味~~烤完唔洗點鼓油都夠晒味道啊柚子雞腿肉 $78烤後的雞腿肉帶有輕輕的柚子味估唔到呢個組合又幾夾梅頭剪細塊少少，烤到肉邊脆口就最prefect燒紅豆鯛魚燒 $28甜品可以試下燒紅豆鯛魚燒，細細條既魚仔好得意份量少少岩曬女仔

蝦夷蒽羊卷肉，一上枱羊肉味鮮香四溢，餐廳喺羊上攞走脂肪含量較高嘅部位，再包住蝦夷蒽，放係邊邊燒，無咁易散開。燒烤後食落外脆內軟，中間夾住蔬菜口感非常有層次。羊肉除咗羊卷肉外，仲有得叫罕見嘅蒙古羊架！喺蒙古進口嘅羊肉味道鮮甜，羊蘇味唔算好重，燒烤後反而盡顯羊肉精華，滿滿嘅油脂令口感軟嫩！西京豬頸肉，煙韌又惹味，外層燒得焦香入味。柚子雞腿肉，最佳燒烤方法喺慢火燒，令柚子味唔會減少，與雞肉一齊同吃，口感一流，充滿柚子香。温泉蛋肉燥飯嘅肥肉足足佔咗大半，對於燒肉店嚟講真喺超曬班！魯肉汁顏色誘人，食落口油質的化口度和魯汁的鹹香相輔相乘，再搭配蛋黃同食，更加滿足。唐揚雞軟骨炸得酥脆，雞軟骨為口感加添咬勁！想清清味蕾，三得利黑啤梅同干威士忌梳打真喺不過不失，叫個椰菜絲沙律仲有refresh嘅感覺添！

陪朋友黎試北海道烤肉，雖然呢度出名羊，但我實試到羊以外都有好多好嘢食。牛板腱有用醬汁輕輕醃過，但仲係好清楚食到肉嘅原味，第一啖已經好驚豔，始終中價燒肉店都唔預期會有咩靚肉，但真係幾新鮮。香蔥薄燒牛舌雖然真係好薄，但夠煙韌彈牙。 諗返轉頭好似係要連埋啲蔥一齊燒，但就咁包生蔥都好夾。全晚最愛橫隔肌，呢種厚度嘅肉啱晒食肉獸，雖然價位唔高，但真係蔗渣價錢食到燒鵝嘅味道，牛味超濃。日式炸餃子脆卜卜起晒pop，雖然都係日式餃子嘅味道，但食得出係新鮮炸起，醬汁都有誠意。溫泉蛋肉燥飯抵食到爆，肉燥真係有肉味有咬口，撈埋溫泉蛋蛋汁真係冇得輸，仲配埋紫菜碎好香口。

好內無吃燒肉啦！今日同老公就黎食午餐🥣成吉思汗烤肉🍖充滿和風特式，令人有種置身於日本居酒屋🏮呈圓烘形爐邊放滿洋蔥片,呢度呢度燒肉比較多滿足肉食朋友👫🥗椰菜絲沙律，表面鋪滿辣粉食落好清爽🥩安格斯牛小扒牛味香濃，口感爽彈，沾上燒肉醬汁，令牛肉鮮味更香濃。🥓蒙古羊卷肉，肉質嫩滑，沒有騷味，再加七味粉, 香口惹味梅頭肉排一整塊梅頭燒至外脆肉嫩，口感彈牙爽口，油香十足！炸雞軟骨粒非常香脆岩晒送酒🍗柚子雞腿肉雞腿肉外皮烤到香脆，肉質嫩滑，豐潤多汁，加上柚子清香，👅十分好味。🌼桂花烏龍水果茶冰🧊震烏龍茶清香，清爽解渴，加上桂花香好清爽每一啖

燒肉酒場以成吉思汗烤肉作為主打 提供新鮮羊肉唔同嘅部位🐑之前喺渣甸坊店食過一次已經好鐘意 今次去登龍街新店 仍然無失望啊💯講到成吉思汗相信大家第一時間都會諗起蒙古 但係原來成吉思汗羊肉燒烤係原自日本架🇯🇵平時燒烤真係比較少食到羊肉 而家天氣涼涼地 絕對啱晒◾紐西蘭羊西冷◽蒙古羊卷肉我哋叫咗兩款最熱門嘅羊肉🐏羊西冷有啲厚度 食落比較有口感 肉質軟稔 咬落有肉汁💦而羊卷肉就係薄片 兩邊輕輕一燒就食得 味道香濃 兩款同樣都有啱啱好嘅羊羶味 真係超好味◾壺漬牛肋條牛肋條以醬油同洋蔥醃過🐂有兩大條 肉質較鬆軟 中間帶薄薄嘅肋膜 牛味濃郁又juicy🤤◽柚子雞腿肉份量都幾多 大概有10件雞件🐔平時燒烤好少食雞 因為怕乾 但係呢度絕對無事❤️雞肉好嫩 連埋雞皮燒更香口◾西京豬頸肉西京燒係好日式嘅做法🥢以醬油/味噌等等醬料醃好 所以唔洗再點其他醬汁已經好夠味 亦有啲意料之外 連豬都好juicy啊喂❣️◽炸魷魚圈純粹為滿足自己嘅炸物癮 所以叫咗個小食🦑魷魚厚肉好煙韌 薄薄嘅炸粉都好鬆脆 仲有我至愛嘅美乃滋😌◽羊湯茶漬飯食完肉都飽飽哋 但係見到呢個茶漬飯又好想試下喎🤣入面有兩大片羊卷肉 茶湯味道幾香濃但唔會死

天氣涼左 想食下燒肉暖下身  朋友拉左我食呢間叫燒肉酒場既燒肉店 去之前 我以為錯佢係放題(怕單點好貴) 點知食到飽飽埋單價錢都OK , 2個人飲埋野都係7百鬆D 一座小山甘高既<椰菜絲沙律> 都只係廿蚊雞😂一路食燒肉一路咬下菜 感覺冇甘滯 甘平必點啦桂花水果茶 清香桂花同茶香 💕加上酸甜水果香氣 解渴 味道清新紐西蘭羊西冷 羊西冷係第一次食 一D都唔"蘇"怕羊太肥太"蘇"既人 我會介紹佢食呢個蒙古羊架 燒完D肉都好林WOR JUICY呢個羊味比羊西冷重 多D油香 我自己就比較鍾意呢個羊架 肉質滑D 羊味香D炸雞軟骨好脆好脆 雞軟骨炸到通透 呢d小食點停到口壺漬牛肋條甘多樣 呢個最YUMMM! 牛肋條醃到入晒味牛油好香 份量都唔少架柚子雞腿肉食燒肉怕膩怕漏既 可以試下呢個本身雞腿肉唔膩 再加上淡淡既柚子清香多食幾件都冇問題燒紅豆鯛魚燒🐟好得意 第一次去食燒肉既地方 自己燒鯛魚燒做甜品外皮燒到DD乾身 轉少少金黃色 有外脆內軟既效果紅豆夾心唔會太甜 唔錯YEAH! HAPPY FRIDAY! 聽朝唔駛甘早起身! 

今日去左銅鑼灣做完嘢之後，同同事一齊去燒肉酒場食咗各式各樣嘅燒肉🤤 每一樣燒肉都好特別，仲有其他小食附上。椰菜絲沙律用咗佢哋特有嘅醬汁同炸起咗嘅蒜片，酸酸地好開胃👍呢個羊湯茶漬飯啲羊肉真係好香，高湯都好濃 好暖胃！同沙律加埋一齊簡直係完美嘅前菜😻第一款燒肉係壺漬牛肋條 ，一放落去煎即刻香味四散🤤 將佢燒到五成熟，入口即化 。另一款係伊比利亞梅頭，脂肪嘅紋路好靚，咬落好有勁度，有脂肪但係食落又唔會油膩。仲有一款紐西蘭羊西冷，用咗特別嘅醬汁醃製 令到羊肉本身嘅味道有所提升🤩但係又唔會搶咗羊肉嘅香味。唐楊雞軟骨炸得好鬆脆，熱辣辣，食唔停口🥰一杯雜果燒酌同埋西柚燒酌，酒味唔算太重，果香一流，食燒肉送酒最好味😊

如果你好似我咁，曾經食過一餐完全冇肉味、唔知食緊咩嘅韓燒，應該會對燒肉留下陰影。 但生命滿希望，尋尋覓覓終於搵到我心目中正嘅燒肉店。美國牛板腱 ($78) 大大塊薄切，平時喺韓燒見唔少，但未試過真係稱得上好食嘅。 估唔到佢好有牛味，唔知係咪塊板弧型嘅設計，受力比較平均，雖然薄身但都keep到肉汁，剪開兩份分都好有肉感好滿足，尤其襯夾埋洋蔥一齊食。橫隔肌 ($98)厚身但口感軟腍，係簡簡單單點鹽已經好好味嘅質素，同平時一田買到嘅有得揮。柚子雞腿肉 ($78) 有驚喜，首先唔係求其用類似柚子茶求其撈一撈，真係食到入味嘅天然柚子味，仲要同雞肉好夾。 平時食牛角之流，幾俾心機燒都好，雞肉總會有啲乾柴，但呢度燒熟之後依然好有肉汁，係我食過燒肉界最好食嘅雞肉。伊比利亞梅頭 ($88) 勁厚切，剪開好似五花肉咁勁肥美。 好食嘅豬扒唔易搵到，呢塊梅頭比起我阿媽買嘅靚新鮮豬肉更加有鮮味，完全冇筋，成塊都好軟腍，呢個價位勁超值。